აშშ-მა რუსი პოლიტიკოსების ე.წ. შავი სია გამოაქვეყნა

საქართველოსთვის ზრუნვა არის მთავარი პრიორიტეტი და მგონია, რომ პატრიარქი მარტო არ იქნება ამ საქმეში, წმინდა სინოდი, ყველა თავისი გამოცდილებით შეეხიდება მას მსახურებაში, - ამის შესახებ ნიქოზისა და ცხინვალის მიტროპოლიტმა, მეუფე ისაიამ საქართველოს კათოლიკოს-პატრიარქის არჩევის შემდეგ ჟურნალისტებთან განაცხადა.მან საზოგადოებას კათოლიკოს-პატრიარქის არჩევა მიულოცა.„გილოცავთ დღევანდელ დღეს! არჩევნები იყო და გამოარჩია წმინდა სინოდმა - ახალი პატრიარქი არის მისი მაღალყოვლადუსამღვდელოესობა მეუფე შიო. საქართველოსთვის ზრუნვა არის მთავარი პრიორიტეტი და მგონია, რომ პატრიარქი მარტო არ იქნება ამ საქმეში, წმინდა სინოდი, ყველა თავისი გამოცდილებით შეეხიდება მას მსახურებაში,“ - განაცხადა მეუფე ისაიამ.საქართველოს ეკლესიამ ახალი კათოლიკოს- პატრიარქი აირჩია. ქვეყნის 142-ე კათოლიკოს - პატრიარქი საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) გახდა. მეუფე შიომ 22 ხმა მიიღო.რაც შეეხება პატრიარქობის სხვა კანდიდატებს, ურბნისისა და რუისის ეპარქიის მიტროპოლიტმა იობმა 9 ხმა მიიღო, ფოთისა და ხობის მიტროპოლიტმა გრიგოლმა კი 7 ხმა. გაუქმდა ერთი ხმა.საქართველოს კათოლიკოს- პატრიარქი გაფართოებულ საეკლესიო კრებაზე აირჩიეს.გაფართოებული საეკლესიო კრების განმარტებით, ახალარჩეულ პატრიარქს შიო III ეწოდა.

დიდმა ბრიტანეთმა უკრაინელი ბავშვების უკანონო დეპორტაციისა და სომხეთის მომავალ საპარლამენტო არჩევნებში ჩარევის გამო რუსეთს სანქციები დაუწესა, – ამის შესახებ განცხადებას დიდი ბრიტანეთის მთავრობა ავრცელებს.განცხადებაში ნათქვამია, რომ სანქციების ეს პაკეტი ერთ-ერთი ყველაზე მკაცრი ზომაა, რომელიც დიდმა ბრიტანეთმა რუსეთის მტრული ქმედებების წინააღმდეგ საბრძოლველად მიიღო.კერძოდ, დიდმა ბრიტანეთმა სანქციები დაუწესა 85 ფიზიკურ და იურიდიულ პირს, რომლებიც უკრაინელი ბავშვების იძულებით დეპორტაციაში მონაწილეობდნენ.განცხადების თანახმად, დიდმა ბრიტანეთმა სანქციები დაუწესა Social Design Agency-ში (SDA) მომუშავე 49 ადამიანს, კერძოდ, „ავტორებს, მთარგმნელებსა და რეჟისორებს, რომლებიც პასუხისმგებელი არიან კრემლის პროპაგანდაზე“.„კრემლის დავალებით, SDA-მ სომხეთში პრორუსული ორგანიზაციების შექმნისა და პრორუსული პირების სასარგებლოდ ხელისუფლების ცვლილებაზე გავლენის მოხდენის მიზნით კამპანიები დაგეგმა“, – აღნიშნულია დიდი ბრიტანეთის მთავრობის განცხადებაში.ამასთან, დიდმა ბრიტანეთმა სანქციები დაუწესა რუსეთის „ახალგაზრდობის სამხედრო-სპორტული განათლებისა და პატრიოტული აღზრდის ცენტრს“ „უკრაინელი ბავშვების რუსიფიკაციის საშინელ პოლიტიკაში“ თავისი როლის გამო.დიდი ბრიტანეთის საგარეო საქმეთა მინისტრის, ივეტ კუპერის განცხადებით, უკრაინის მიმართ დიდი ბრიტანეთის მხარდაჭერა ურყევი რჩება.„პუტინი საზღვარგარეთ ტყუილისა და კრემლის მხარდამჭერი ნარატივების დათესვას როდესაც ცდილობს, დიდი ბრიტანეთი უმოქმედოდ არ დარჩება. უკრაინის მიმართ ჩვენი მხარდაჭერა ურყევი რჩება. გავაგრძელებთ მოკავშირეებთან ერთად მუშაობას, რათა მხარი დავუჭიროთ ყველა ძალისხმევას იმ ბავშვების იდენტიფიცირებასა და პოვნაში, რომლებიც სასტიკად წაართვეს თავიანთ ოჯახებს“, – განაცხადა კუპერმა.

მოსკოვისა და სრულიად რუსეთის პატრიარქმა, უწმინდესმა კირილემ, სენაკისა და ჩხოროწყუს მიტროპოლიტ შიოს საქართველოს მართლმადიდებელი ეკლესიის წინამძღვრად არჩევა მიულოცა, - ამის შესახებ აღნიშნულია ინფორმაციაში, რომელსაც რუსეთის საპატრიარქო ავრცელებს.„გულწრფელად ვულოცავ თქვენს უწმინდესობას საქართველოს მართლმადიდებელი ეკლესიის წინამძღვრად არჩევას“, - აღნიშნულია რუსეთის პატრიარქის წერილში.მისი მტკიცებით, საქართველოსა და რუსეთის ეკლესიები ერთმანეთთან დაკავშირებული არიან საერთო ისტორიის განმავლობაში და მტკიცედ იცავენ რწმენას.„საქართველოში მრავალჯერ ვიზიტის და იბერიის მიწიდან ძვირფასი სტუმრების მიღების შემდეგ, ყოველთვის ვგრძნობდი ჩვენი ერთმორწმუნე ხალხების ღრმა სულიერ სიახლოვეს“, - აღნიშნულია წერილში.პატრიარქი კირილე იმედს გამოთქვამს, რომ შიო მესამე გააგრძელებს „ძმური ურთიერთობების“ ტრადიციას.„ვლოცულობ, რათა ღვთის შეწევნით, თქვენს მსახურებაში ღირსეულად გაგრძელდეს ძმური ურთიერთობის ის ტრადიციები, რომლებიც ჩამოყალიბდა თქვენი ღირსეული წინამორბედების დროს, განსაკუთრებით - მთელ მართლმადიდებელ სამყაროში პატივცემული, მარადსახსენებელი უწმინდესისა და უნეტარესის, სრულიად საქართველოს კათოლიკოს-პატრიარქ ილია II-ის პატრიარქობის პერიოდში. მთელი გულით გისურვებთ ჯანმრთელობასა და ულევ შეწევნას მრავალ წელს მშვიდობიანი და კურთხეული პატრიარქობისათვის“, - აღნიშნულია წერილში.საქართველოს ეკლესიამ ახალი კათოლიკოს-პატრიარქი აირჩია. ქვეყნის 142-ე კათოლიკოს-პატრიარქი საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) გახდა. მეუფე შიომ 22 ხმა მიიღო.რაც შეეხება პატრიარქობის სხვა კანდიდატებს, ურბნისისა და რუისის ეპარქიის მიტროპოლიტმა იობმა 9 ხმა მიიღო, ფოთისა და ხობის მიტროპოლიტმა გრიგოლმა კი 7 ხმა. გაუქმდა ერთი ხმა.საქართველოს კათოლიკოს-პატრიარქი გაფართოებულ საეკლესიო კრებაზე აირჩიეს.გაფართოებული საეკლესიო კრების განმარტებით, ახალარჩეულ პატრიარქს შიო III ეწოდა.

,,დღეს საღამოს, საქართველოში ირანის ისლამური რესპუბლიკის საელჩოს ფასადი დამშვენებული იყო ოფიციალური გზავნილით, რომელიც ეხებოდა უწმინდესისა და უნეტარესის, სრულიად საქართველოს კათოლიკოს-პატრიარქის, შიო მესამის არჩევასა და ქართველი ხალხისადმი მილოცვას, — ხალხისადმი, რომელმაც ჩვიდმეტი საუკუნის განმავლობაში რწმენა, სულიერი ტრადიციები და ეკლესია საკუთარი ისტორიული და კულტურული იდენტობის განუყოფელ ნაწილად შეინარჩუნა. ქართული ერი მსოფლიოს ისტორიულ მეხსიერებაში ცნობილია, როგორც ერთ-ერთი ყველაზე ერთგული ერი რწმენის, ზნეობის, ტრადიციებისა და სულიერი ღირებულებების მიმართ — ერი, რომელმაც ყველაზე მძიმე ეპოქებშიც კი საკუთარი სარწმუნოება დაიცვა და მის მიმართ ერთგულება შეინარჩუნა. ჩვენი თვალსაზრისით, ქრისტიანული რწმენისადმი ასეთი ღრმა ერთგულება პატივისცემისა და დაფასების ღირსია. წმინდა ყურანში მრავალჯერაა მოხსენიებული უდიდესი პატივისცემით იესო ქრისტე და ყოვლადწმინდა მარიამი. ეს კი ნათლად მიუთითებს, რომ მუსლიმთა შორის ჭეშმარიტი რწმენა, სულიერება და ღვთიური ზნეობა უაღრესად პატივსაცემია. ირანელ და ქართველ ხალხებს მხოლოდ მეზობლობა როდი აკავშირებს; მათი კავშირი ურთიერთპატივისცემას ეფუძნება — ისტორიის, კულტურის, სულიერებისა და ადამიანური ღირებულებების მიმართ. ირანი დიდ პატივს მიაგებს ქართველი ხალხის ღრმა რწმენას და ეკლესიის წმინდა ადგილს ქართულ საზოგადოებაში და მეგობარ ქართველ ხალხს უსურვებს მშვიდობასა და ღვთის კურთხევას''-წერს ირანის ელჩი ალი მოჯანი.

ისტორია გრძელდება, ხარობს საქართველოს 2000 წლოვანი ეკლესია,- წერს საქართველოს პარლამენტის თავმჯდომარე შალვა პაპუაშვილი უწმინდესი და უნეტარესი შიო მესამის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის არჩევის შესახებ.როგორც პარლამენტის თავმჯდომარე აღნიშნავს, ღვთის წყალობა და მადლი არ მოკლებოდეს მას.„დღეს, 2026 წლის 11 მაისს, უფლის ნებით, მის ორიათასწლოვან ეკლესიაში, ანდრია პირველწოდებულის კათედრაზე, საქართველოში ქრისტიანობის გამოცხადების 1700 წლისთავზე გამოირჩა ახალი პატრიარქი, ღირსეული მღვდელმთავარი ღირსეულთა შორის. უწმინდესი და უნეტარესი შიო III, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი – ინებოს უფალმა, რათა მრავალი წლის მანძილზე სწორედ ამგვარად მოვიხსენიოთ საქართველოს ეკლესიის საჭეთმპყრობელი. ღვთის წყალობა და მადლი არ მოკლებოდეს მას.მძიმეა პატრიარქის ჯვარი და მისი ზიდვა განსაკუთრებულ შემწეობას საჭიროებს. ყველას გილოცავთ ამ უდიდეს, ისტორიულ დღეს! ისტორია გრძელდება, ხარობს საქართველოს 2000-წლოვანი ეკლესია,”- წერს პაპუაშვილი.საქართველოს ახალ, 142-ე კათოლიკოს-პატრიარქად მეუფე შიო საქართველოს მართლმადიდებელი ეკლესიის გაფართოებულ კრებაზე დღეს აირჩიეს.