არჩილ თალაკვაძე – ჩვენი მიზანია, პენსია უახლოესი ორი წლის განმავლობაში გაიზარდოს

ისრაელის თავდაცვის ძალებში აცხადებენ, რომ ირანის წინააღმდეგ „ოპერაციის შემდეგ ფაზაზე გადადიან“.IDF-ის შტაბის უფროსის, გენერალ-ლეიტენანტ ეიალ ზამირის თქმით, ეს „რეჟიმს და მის სამხედრო შესაძლებლობებს კიდევ უფრო დაანგრევს“, რადგან აშშ და ისრაელი ერთობლივი ოპერაციით ირანზე ზეწოლის გაზრდასა და მის კიდევ უფრო დასუსტებას ცდილობენ.ზამირის თქმით, ისრაელი ირანს ექვსი დღის განმავლობაში „შეუჩერებლად“ ურტყამს და ოპერაცია გეგმის მიხედვით მიმდინარეობს.„მოულოდნელი დარტყმის ფაზის დასრულების შემდეგ, რომლის დროსაც ჩვენ დავამყარეთ საჰაერო უპირატესობა და ჩავახშეთ ბალისტიკური რაკეტების მასივი, ახლა ოპერაციის შემდეგ ფაზაზე გადავდივართ. ამ ფაზაში ჩვენ კიდევ უფრო დავანგრევთ რეჟიმს და მის სამხედრო შესაძლებლობებს. წინ კიდევ ბევრი სიურპრიზი გველის, რომელთა გამხელას არ ვაპირებ“,- განაცხადა ზამირმა.

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, რთული მეტეოროლოგიური პირობების (შეზღუდული ხილვადობა და ქარბუქი) გამო, შიდასახელმწიფოებრივი მნიშვნელობის კოდა–ფარცხისი–მანგლისი–წალკა-ნინოწმინდის საავტომობილო გზის კმ94-კმ110 (ფარავნის უღელტეხილი) მონაკვეთზე, დროებით აკრძალულია ყველა სახის ავტოტრანსპორტის მოძრაობა. ამავე საავტომობილო გზის კმ110-კმ146 მონაკვეთზე, აკრძალულია მისაბმელიანი და ნახევრად მისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.საავტომობილო გზის კმ1-კმ94 (კოდა-აიაზმა) მონაკვეთზე ავტოტრანსპორტის მოძრაობა თავისუფალია.

პარტიები, რომლებიც ხან შედიან პარლამენტში და ხან არა, არიან მოღალატეები, - ამის შესახებ საქართველოს მეხუთე პრეზიდენტმა სალომე ზურაბიშვილმა Facebook ლაივში განაცხადა, სადაც ის ხალხის კითხვებს პასუხობს."ბოტების გარდა მე "ოცნების" მხარდამჭერი არ ვიცი. "ოცნება" შეეხო ყველას - დიასპორას, მშობელს, სტუდენტებს, არავინ არ გადარჩება. "ოცნება" შეეხო ბიზნესსაც. ყველაფერი აკრძალულია ქვეყანაში და ვინ უნდა იყოს ამ პირობებში "ოცნების" მხარდამჭერი. ეს არ არის სახელმწიფო და ეს ვინმეს უნდა მოსწონდეს, თუ "ოცნებასთან" მიჯაჭვული არ ხარ?მე ვარ იმედიანად, ჩვენ მოვიგეთ ბოლო არჩევნები და ჩვენ მოვიგებთ ახალ არჩევნებს კიდე უფრო ძლიერად, თუ არ დავიწყებთ ერთმანეთის ჩაძირვას და ერთმანეთის მოტყუებას. ასეთები არიან ის პარტიები, რომლებიც ხან შედიან პარლამენტში და ხან არა და ესენი, არიან მოღალატეები და ამათთან ერთად ძალიან რთულია ეს ერთობა, მაგრამ მაინც მივაღწევთ", - განაცხადა სალომე ზურაბიშვილმა.

ისრაელის თავდაცვის ძალები სამხრეთ ბეირუთის მოსახლეობას ევაკუაციისკენ მოუწოდებს.„სიცოცხლე გადაირჩინეთ და სახლები დაუყოვნებლივ დატოვეთ. გაცნობებთ, როდესაც სახლებში უსაფრთხოდ დაბრუნებას შეძლებთ“, - აცხადებს ისრაელის თავდაცვის ძალები.განცხადებაში აღნიშნულია, რომ ისრაელის თავდაცვის ძალები ლიბანის დედაქალაქის სამხრეთში მდებარე „ჰეზბოლას“ მიერ კონტროლირებად რაიონებზე დარტყმებს გეგმავს.

პრეზიდენტ ზელენსკის მუქარები ჩეზე არ არის, ის უნგრეთს ემუქრება, - განაცხადა უნგრეთის პრემიერ-მინისტრმა, ვიქტორ ორბანმა."მისდა სამწუხაროდ, მას არ შეუძლია ხელი შემიშალოს უნგრული ოჯახების დაცვაში," - აღნიშნა ორბანმა.მანამდე, განცხადება გააკეთა ზელენსკიმ: "თუ ევროკავშირში ერთი პირი 90 მილიარდ ევროს დაბლოკავს, ჩვენ მის მისამართს უკრაინის შეიარაღებულ ძალებს გადავცემთ"უკრაინული მედიის თანახმად, ვოლოდიმირ ზელენსკიმ უნგრეთის პრემიერ-მინისტრ ვიქტორ ორბანზე მიანიშნა.