ანგელა მერკელი – აშშ-სთან სავაჭრო ომის შემთხვევაში, ვერც ერთი მხარე ვერ მოიგებს

ჩვენი ხელისუფლების პოლიტიკა მუდმივად ემყარება მოსახლეობის კეთილდღეობის ზრდას, სამომხმარებლო პროდუქციაზე ფასების საკითხი კი განსაკუთრებულად პრობლემურია ჩვენი მოქალაქეებისთვის. სწორედ აქედან გამომდინარე დავიწყეთ ამ თემაზე ძალიან ღიად საუბარი, – ამის შესახებ ეკონომიკის მინისტრმა, მარიამ ქვრივიშვილმა ტელეკომპანია „რუსთავი 2“-ის ეთერში  პროდუქციის ფასებთან დაკავშირებით გამართული დებატების დროს განაცხადა.ეკონომიკის მინისტრის შეფასებით, ძალიან სწორი და მისასალმებელი ფორმატია აღნიშნული დებატები, რადგან, სხვადასხვა პოზიციისა და მოსაზრების მიუხედავად, ყველა მონაწილე თანხმდება იმაზე, რომ საკითხი, რასაც დებატები ეხება, ნამდვილად პრობლემაა და აწუხებს საქართველოს მოსახლეობას.„ჩვენ გავაკეთეთ ძალიან დეტალური ანალიზი, თუ რა იწვევს ფასების ზრდას და მედიაშიც ღიად ვისაუბრეთ, რომ დაახლოებით 86-პროცენტიან ფასნამატზეა საუბარი, ასე ვთქვათ, საზღვრიდან თარომდე. ძალიან კონკრეტულად გვაქვს იდენტიფიცირებული ის ცხრა პუნქტი, რომელიც პირდაპირ აისახება ფასნამატზე. ეს ცხრა პუნქტი, მათ შორის, ის საკითხებია, რომლებიც დადასტურებულია კერძო სექტორის წარმომადგენლებთან გამართულ შეხვედრებზე“, – აღნიშნა მარიამ ქვრივიშვილმა.მინისტრმა ხაზი გაუსვა აღნიშნული პროცესის გამჭვირვალობას. მისი თქმით, შეხვედრები შედგა, ფაქტობრივად, ყველა მოთამაშესთან, ვინც დაკავშირებულია და ფასწარმოქმნის ჯაჭვში მონაწილეობს.„შეგვიძლია, ვთქვათ, რომ ამ ინდუსტრიაში, განსაკუთრებით ქსელური მარკეტების სახით, წარმოდგენილია ცხრა ტიპის გადასახადი. რომ შევადაროთ, სახელმწიფოს, ჯამში, ექვსი გადასახადი აქვს, თუ ჩავთვლით ქონების გადასახადსაც“, – განაცხადა ეკონომიკის მინისტრმა.მარიამ ქვრივიშვილის მოსაზრებით, ეს ყველაფერი პირდაპირპროპორციულად ისახება ფასების ზრდაზე.„არაერთხელ აღინიშნა, რომ ქართული წარმოების პროდუქცია ნაკლებად გვხდება ქართულ ქსელურ მარკეტებში და ჩვენი ხელისუფლების მთავარი პოლიტიკა უპირველესად არის ის, რომ ძალიან სწორი ბალანსით, ღია დიალოგით, სწორი გამოსავალი მოიძებნოს იმისთვის, რომ გაიაფდეს სამომხმარებლო პროდუქცია და ამავდროულად ხელი შევუწყოთ ადგილობრივი პროდუქციის წარმოებასა და განვითარებას“, – აღნიშნა მარიამ ქვრივიშვილმა.

"ფასების ზრდის მთავარი მიზეზი არის ის, რომ ეროვნული ბანკი მილიარდობით ლარს ბეჭდავს ყოველწლიურად" - ამის შესახებ, "რუსთავი 2-ის" ეთერში, გადაცემაში "დებატები" პარტია ”გირჩის” სათათბიროს წევრმა ალექსანდრე რაქვიაშვილმა ისაუბრა."ფასების ზრდის მთავარი მიზეზი არის ის, რომ ეროვნული ბანკი მილიარდობით ლარს ბეჭდავს ყოველწლიურად. მარტივად რომ ავხსნა - 95 წელს რომ ლარი შემოიღეს, სულ ბრუნვაში იყო 112 მილიონი ლარი, ახლა არის 34 მილიარდი ლარი, ანუ, 300-ჯერ მეტი ფულია ბრუნვაში. ოღონდ, ეკონომიკა ამ დროს გაიზარდა სულ 5-6-ჯერ. მერე ლარი უფასურდება, ეს კი გამოიხატება იმაში, რომ ძვირდება ზეთი, პური და ა.შ.34 მილიარდიდან, "ქართული ოცნების" მმართველობის დროს 30 მილიარდი დაიბეჭდა. სწორედ ეს არის მთავარი მიზეზი და სანამ ამას არ შეეხება მთავრობა და ყურადღებას არ მიაქცევს მოსახლეობა, არაფერი არ ეშველება ფასებს.კომისია, რომელიც ბატონმა ირაკლი დააარსა, თავისი შინაარსით, ფარსია, რადგან იმ ნაწილსაც კი არ ეხება, რომელიც მთავრობის მხარეს არის. მაგალითად, ავიღოთ გადასახადები. მთავრობამ რომ დაწიოს ის გადასახადები, რომელიც ყველაზე ღარიბ ხალხს ეხება - აქციზი სიგარეტზე, ბენზინზე, - ეს ფასებზე შეიძლება დიდად არ აისახოს, მაგრამ მეტი ფული დარჩება ღარიბ ადამიანს ჯიბეში და უფრო მარტივად გაუმკლავდება გაზრდილ ფასებს. თუ მთავრობა არც რეგულაციებს არ აუქმებს, არც გადასახადებს ამცირებს, ეროვნული ბანკი ფულის ბეჭდვას აგრძელებს - მაშინ ფასებს არაფერი ეშველება და მაქსიმუმ, რასაც მთავრობამ შეიძლება მიაღწიოს, მორჩილ ბიზნესმენებს რამდენიმე პროდუქტზე ფასი დემონსტრაციულად შეამცირებინოს," - აცხადებს რაქვიაშვილი.პოლიტიკური დებატები, თემაზე - მაღალი ფასნამატი: კარტელური გარიგება თუ ობიექტური რეალობა? - გაიმართა.

ერთია, რომ მოგებაზეა მაქსიმალურად ორიენტირებული ბიზნესი, მაგრამ, ვფიქრობ, თუ სოციალური პასუხისმგებლობით იმოქმედებს ბიზნესი – დისტრიბუციაც და ქსელური მაღაზიებიც, შესაძლებელი იქნება ფასების შემცირება, – ამის შესახებ საქართველოს პრემიერ-მინისტრმა, ირაკლი კობახიძემ ტელეკომპანია „რუსთავი 2“-ის გადაცემა „დებატებში“ განაცხადა.როგორც მთავრობის მეთაურმა აღნიშნა, 2012 წლის შემდეგ 4,7-ჯერ გაიზარდა ადამიანების მიერ ბიუჯეტში საშემოსავლო გადასახადების სახით გადახდილი თანხა და ეს მონაცემები მანიპულაციას არ ექვემდებარება.„ადამიანები იღებენ ხუთჯერ მეტ შემოსავალს და 20 პროცენტს იხდიან საშემოსავლო გადასახადის სახით. ასეთ პირობებში რეალურად ხარჯებში სურსათზე ხარჯების წილი უნდა შემცირებულიყო, მაგრამ არ შემცირდა, ამიტომ გამოგვაქვს ჩვენ დასკვნა, რომ ფასების შემცირების რესურსი არსებობს. რაც შეეხება ქსელის გაფართოებას, რატომ არის ეს პრობლემა? რა თქმა უნდა, ერთი და ორი მაღაზია გვერდიგვერდ ცალკე აღებული შეიძლება არ იყოს პრობლემა, მაგრამ როდესაც ფართოვდება ქსელი ჭარბად, ეს ზრდის დისტრიბუციის ხარჯებს. ჩვენ ინფორმაციაც მოგვაწოდეს შეხვედრებზე, რომ გახსნილი მაღაზიების დაახლოებით ნახევარიც კი ხშირ შემთხვევაში წაგებაზე მუშაობს. ქსელს აქვს ექსპანსიის ინტერესი იმისთვის, რომ ბაზარი რაც შეიძლება მეტად მოიცვას და ჩაანაცვლოს სხვა მაღაზიები. ფართოვდებიან, მათ შორის რის ხარჯზე – ფასებს ზრდიან, იღებენ დამატებით თანხებს ჩვენი მოქალაქეების ჯიბეებიდან, აფართოებენ ქსელს და საბოლოო ჯამში იზრდება ფასები. თავის დროზე ქეშბექი ბევრად ნაკლებით დაიწყო, 4% იყო და ზოგ შემთხვევაში 50%-მდე გაიზარდა. ბიზნესი უნდა იყოს, რა თქმა უნდა, თავისუფალი და ეს არის ჩვენი ამოსავალი წერტილი და ამით ვამაყობთ, 2012 წლიდან ეს ვითარება შეიცვალა, მაგრამ აქ არის სოციალური პასუხისმგებლობა. ერთია, რომ მოგებაზეა მაქსიმალურად ორიენტირებული ბიზნესი, მაგრამ ვფიქრობ, რომ თუ სოციალური პასუხისმგებლობით იმოქმედებს ბიზნესი – დისტრიბუციაც და ქსელური მაღაზიებიც, შესაძლებელი იქნება ფასების შემცირება“, – განაცხადა ირაკლი კობახიძემ.

პრემიერმა მიიღო ის გადაწყვეტილება, რაც უნდა მიეღო და რაც უკეთესია ჩვენი ქვეყნისთვის, – ამის შესახებ საქართველოს ტექნიკური უნივერსიტეტის კანცლერმა, კარლო კოპალიანმა საქართველოს პრემიერ-მინისტრთან, ირაკლი კობახიძესთან შეხვედრის შემდეგ განაცხადა.როგორც მან აღნიშნა, დიალოგი იყო ძალიან პროდუქტიული.„იქნება საინჟინრო პროფილის უნივერსიტეტი, ხოლო ჰუმანიტარულები გადავა შესაბამის უნივერსიტეტში“, – აღნიშნა კარლო კოპალიანმა.

იწყება სამოცდამეცამეტე ეტაპი სრულიად საქართველოს კათოლიკოს-პატრიარქ ილია II-ს მიერ ახალდაბადებული მესამე და შემდგომი ბავშვის მონათვლისა,- ამის შესახებ ინფორმაციას საქართველოს საპატრიარქო ავრცელებს.„ნათლობის მსურველთა რეგისტრაცია იწარმოებს საქართველოს საპატრიარქოში ა.წ. 16 თებერვლიდან 20 თებერვლის ჩათვლით 12 საათიდან 16 საათამდე.რეგისტრაციის მსურველებმა თან უნდა იქონიონ:მშობლების პირადობის მოწმობების ასლები;მშობლების ჯვრისწერისა და ქორწინების მოწმობების ასლები;შვილების დაბადებისა და ნათლობის მოწმობების ასლები.საკონტაქტო ტელეფონები:593 90 08 10558 65 11 59593 46 45 71“,- ნათქვამია გავრცელებულ განცხადებაში.