Ქუთაისის ერთ-ერთ სტომატოლოგიურ პოლიკლინიკაში, სტომატოლოგთან ვიზიტზე მისული, მივადექი კაბინეტს, რომელსაც აწერია: მედიცინის დოქტორი, პროფესორი ირმა ხუჯაძე. Შესვლას ვაპირებდი, რომ გამაოცა არაჩვეულებრივმა მომსახურეობამ და პანდემიის პირობებში დაცულმა წესებმა. Შემმოსეს ბახილებით, ერთჯერადი გამოყენების ხალათით და ქუდით. Აი ასე შემიშვეს სტომატოლოგიურ კაბინეტში და მომათავსეს სავარძელზე. Მანამ, სანამ ქალბატონი ირმა პროცედურას დაიწყებდა, ჩემი ყურადღება მიიპყრო მის მაგიდაზე მოთავსებულმა ხელნაკეთმა ნივთმა. Მითხრა, რომ მისი ნამუშევარია და ასეთი ნამუშევრები მრავლადაა მის სახლში. Ჩემი დიდი ინტერესიდან გამომდინარე, სახლში დაპატიჟებაც მივიღე და ვესტუმრე ერთ მშვენიერ დღეს. Ვეზიარე მის შემოქმედებას და აღფრთოვანებული დავრჩი. Ისიც აღმოვაჩინე, რომ თურმე მას მუსიკალური ნიჭიც აქვს და მშვენივრად უკრავს ფორტეპიანოზე, გიტარაზე და მღერის. Აი , ასე ჩვეულებრივად ახერხებს არაჩვეულებრივი ქალბატონი შეასრულოს თავისი საქმე სამსახურში პაციენტებთან, უნივერსიტეტში სტუდენტებთან, მეგობრებთან, ოჯახში – მეუღლესთან, შვილებთან და შვილიშვილებთან. Მარტოდ ყოფნის დროს კი ხელოვნებასთან.
ავტორი: ნათია მიქელაძე
