შალვა პაპუაშვილი: პარლამენტში შესვლით გადაწყდება „ნაცმოძრაობა“ საბოლოოდ დარჩება რადიკალურ პარტიად, თუ დაიტოვებს შანსს, რომ დემოკრატიულ პროცესში მიიღოს მონაწილეობა

გავრცელდა ცნობები ძაღლზე, რომელმაც ზამთრის ოლიმპიურ თამაშებზე მოთხილამურეებთან ერთად გადაკვეთა ფინიშის ხაზი.გამოცემა NPR-ის ინფორმაციით, ძაღლი სახელად ნაზგული (როგორც ჩანს, სახელი „ბეჭდების მბრძანებლის“ პერსონაჟების პატივსაცემად დაარქვეს) 2 წლის ჩეხოსლოვაკიური მგლის ძაღლია. ის თამაშების ერთ-ერთი ორგანიზატორის ნათესავებს ეკუთვნის, რომლებიც შეჯიბრების ჩატარების ადგილთან ახლოს ცხოვრობენ.„ამ დილით ის ჩვეულებრივზე მეტად ტიროდა, რადგან დაინახა, როგორ მივდიოდით. ვფიქრობ, უბრალოდ ჩვენთან ერთად წამოსვლა უნდოდა. ის ყოველთვის ხალხისკენ ისწრაფვის“, - განუცხადა გამოცემას ნაზგულის პატრონმა.NPR აღნიშნავს, რომ ტრასაზე ძაღლის გამოჩენას შეჯიბრების მსვლელობაზე გავლენა არ ჰქონია. „გავიფიქრე: მეჩვენება-მეთქი?“ - თქვა ხორვატმა მოთხილამურემ, ტენა ჰაჯიჩმა, რომელიც ნაზგულს ფინიშთან შეხვდა.

გადაწყვეტილება, რომელიც 6 წელზე მეტი ასაკის ავტომობილების აკრძალვას ეხება, ყოველგვარ ლოგიკას მოკლებულია და უნდა გადაიხედოს,- ამის შესახებ „ხალხის ძალის“ დეპუტატი, დიმიტრი ხუნდაძე სოციალურ ქსელში წერს, რითაც ეხმაურება დადგენილებას, რომლის თანახმად საქართველოში 1-ელი აპრილიდან იკრძალება 6 წელზე მეტი ასაკის M1 კატეგორიის ავტომობილების იმპორტი, პირველადი და დროებითი რეგისტრაცია.როგორც ხუნდაძე წერს, ეს ვერც ავტოპარკის განახლებას უზრუნველყოფს და ვერც ეკოლოგიურ მდგომარეობას გააუმჯობესებს.„გადაწყვეტილება, რომელიც 6 წელზე მეტი ასაკის ავტომობილების აკრძალვას ეხება, ყოველგვარ ლოგიკას მოკლებულია და უნდა გადაიხედოს.ეს ვერც ავტოპარკის განახლებას უზრუნველყოფს და ვერც ეკოლოგიურ მდგომარეობას გააუმჯობესებს. პირიქით, არსებული ძველი მანქანები კიდევ უფრო დიდხანს დარჩება მიმოქცევაში და მეტი ცვეთის და სიძველის გამო, კიდევ უფრო მეტად დააბინძურებს გარემოს. თანაც რეგულაცია არ ეხება დიდი ზომის სატვირთო და სპეციალური დანიშნულების ავტოტრანსპორტს, რომელსაც უფრო მაღალი ცვეთის რეჟიმი აქვს და უფრო მეტად შეუძლია გარემოს დაბინძურება.რეგულაცია განსაკუთრებულ პრობლემებს რეგიონებში შექმნის, სადაც არ არსებობს არც შიდა მუნიციპალური და არც საქალაქთაშორისო საზოგადოებრივი ტრანსპორტი.ასეთი ვითარება განსაკუთრებით დააწვება ტვირთად საშუალო და დაბალი შემოსავლის მქონე მოქალაქეებს. აღარაფერს ვამბობ იმპორტიორებზე, რომელთა საქმიანობა, გარდა შემოსავლისა, ბევრი ოჯახისთვის ქმნის სამუშაო ადგილებს.სანამ რეგულაციას ნეგატიური შედეგი არ მოუტანია, ის უნდა გადაიხედოს. პოლიტიკური ჯგუფი, „ხალხის ძალა", მზად არის ჩაერთოს კონსულტაციებში“,-წერს ხუნდაძე.

გერმანიის კანცლერი „პრაქტიკულად გამორიცხავს“ რუსეთის პრეზიდენტთან, ვლადიმირ პუტინთან ურთიერთობების ნორმალიზაციის შესაძლებლობას. ამის შესახებ ფრიდრიხ მერცმა გერმანულ მედიასთან ინტერვიუში განაცხადა.„როდესაც მე ვუყურებ ამ რეჟიმს და ამ ბრმა ტერორს, მე ნაკლებად მაქვს იმედი. რუსეთის მმართველები ახლო მომავალში ომის გარეშე ვერ გაძლებენ. მათ აუცილებლად უნდა შეინარჩუნონ სამხედრო მანქანა, რადგანაც არ აქვთ გეგმა, რა უნდა მოუხერხო ფრონტიდან დაბრუნებულ ასობით ათასს, მათ შორის მძიმედ ტრავმირებულ, სამხედროს“, – განაცხადა გერმანიის მთავრობის მეთაურმა.მისივე შეფასებით, უკრაინაში მიმდინარე ომის მოლაპარაკებების გზით დასრულების შანსები, პრაქტიკულად არ არსებობს.„ჩემი შეფასებით, ეს ომი მაშინ დასრულდება, როდესაც ერთ-ერთი მხარე იქნება გამოფიტული, ან სამხედრო, ან ეკონომიკური თვალსაზრისით“, – თქვა მერცმა.„გონივრული და ჰუმანიტარული არგუმენტები პუტინს ვერ დაარწმუნებს. ეს მწარე სიმართლეა“, – აცხადებს გერმანიის კანცლერი.მისივე თქმით, სწორედ ამიტომ, ევროპული ძალისხმევა მდგომარეობაში იმაში, რომ რუსეთის სახელმწიფომ ვერ შეძლოს ომის გაგრძელება საომარი საშუალებებით და ვერ შეძლოს მისი დაფინანსების გაგრძელება ეკონომიკურად“, – თქვა გერმანიის მთავრობის მეთაურმა.რუსეთზე საუბრისას მერცმა თქვა: „დღეს ჩვენ ვადევნებთ თვალს, რომ ეს ქვეყანა იმყოფება ღრმა ბარბაროსობაში. უახლოეს მომავალში ეს არ შეიცვლება და ამას უნდა შევეგუოთ“.

აშშ-ის სახელმწიფო მდივანი მარკო რუბიო 28 თებერვალს ისრაელს ეწვევა და პრემიერ-მინისტრ ბენიამინ ნეთანიაჰუს შეხვდება.როგორც „სიენენი“ სახელმწიფო დეპარტამენტის წარმომადგენელზე დაყრდნობით წერს, შეხვედრისას მხარეები ირანთან მოლაპარაკებებს განიხილავენ.შეერთებულ შტატებში აცხადებენ, რომ ჟენევაში გამართული მოლაპარაკებების შემდეგ ირანისგან მომდევნო დღეების განმავლობაში დამატებით დეტალებს ელოდებიან.თეთრი სახლის პრესსპიკერის თქმით, ირანთან მოლაპარაკებებში პროგრესი მიღწეულია, თუმცა მხარეები ზოგიერთ საკითხზე კვლავ ვერ თანხმდებიან.

აშშ-ის სახელმწიფო დეპარტამენტის ყოფილმა მაღალჩინოსანმა, მაიკ ბენცმა ბრიტანეთის ყოფილ პრემიერ-მინისტრ ლიზ ტრასთან ინტერვიუში განაცხადა, რომ აშშ-მა და ევროკავშირმა საქართველოსა და უნგრეთს „რუსული კანონის” ბრალდება წაუყენეს მხოლოდ იმიტომ, რომ ამ ქვეყნებმა დაფინანსების გამჭვირვალობის კანონი მიიღეს.მაიკ ბენცმა ევროპაში სიტყვის თავისუფლების საკითხზე ისაუბრა და აღნიშნა, რომ აშშ-ის სახელმწიფო დეპარტამენტი ახლა ევროპაში თავისუფალი სიტყვის ინიციატივას უჭერს მხარს.მისი თქმით, სიტყვის თავისუფლება ევროპაში მთელი საუკუნის განმავლობაში უდავო ღირებულება იყო, მაგრამ ბოლო ათ წელიწადში დაფინანსება არა სიტყვის თავისუფლებას, არამედ ცენზურას ემსახურებოდა.„ევროპული მედია ამაზე განრისხებულია და ამბობს, რომ ეს რუსული გავლენის ოპერაციაა. ისინი ამტკიცებენ, რომ აშშ-ის მთავრობა აფინანსებს ჯგუფებს, რომლებიც თავისუფალ სიტყვას უჭერენ მხარს, რადგან მემარჯვენე პოპულისტურ პარტიებს ევროპაში თავისუფალი სიტყვა სურთ საკუთარი პროპაგანდის გასავრცელებლად. რუსებს კი სურთ მათი გამარჯვება იმის გამო, რომ სკეპტიკურად უყურებენ ბევრ საკითხს ნატო-სა და ევროკავშირზე. ამიტომ ახლა ამტკიცებენ, რომ ევროპაში გამჭვირვალობის კანონია საჭირო – რომ აშშ-ის ყველა გრანტი საჯაროდ გახდეს ცნობილი. მე სრულიად მხარს ვუჭერ ამას, თუმცა ირონია ისაა, რომ სწორედ 15 თვის წინ ევროკავშირის ბიუროკრატებისა და ფინანსური წრეების იმავე ჯგუფი უნგრეთს, საქართველოსა და სამ სხვა ევროპულ ქვეყანას სანქციებით ემუქრებოდა, როდესაც მათ სწორედ ამ გამჭვირვალობის კანონის მიღება სურდათ. მათ ეს „რუსულ კანონად“ მოიხსენიეს, რადგან რუსეთმაც მსგავსი რამ 2012 წელს მიიღო“, – აღნიშნა ბენცმა.აშშ-ის სახელმწიფო დეპარტამენტის ყოფილმა მაღალჩინოსანმა  განმარტა, რომ რუსეთს არანაირი პრობლემა არ ჰქონდა გამჭვირვალობის კანონებთან – პრობლემა სწორედ აშშ-სა და ევროკავშირს ჰქონდათ. მისი თქმით, ევროკავშირი უნგრეთს პირდაპირ დაემუქრა: თუ პარლამენტი მიიღებს კანონს, რომელიც მოითხოვდა, რომ ყველა არასამთავრობო ორგანიზაციას, რომელიც 23 000 დოლარზე მეტ სამთავრობო დაფინანსებას იღებს, ეს საჯაროდ გამოეცხადებინა, ევროკავშირი გაყინავდა უნგრეთისთვის გამოყოფილ მილიარდობით დოლარს.„რატომ ჰქონდა ბაიდენის ადმინისტრაციას და ევროკავშირს პრობლემა ამ გამჭვირვალობის კანონთან? რადგან ისინი უნგრეთის მთელ მედიას, არასამთავრობო ორგანიზაციებს, აკადემიურ და სამოქალაქო საზოგადოების ორგანიზაციებს ამერიკული და ევროკავშირის სახსრებით ავსებდნენ, რათა ხელოვნური პოლიტიკური მოძრაობა შეექმნათ ორბანის დასამხობად, უკრაინა ევროკავშირში შეეყვანათ და ერთადერთი ვეტოს ხმა მოეშორებინათ“, – განაცხადა მაიკ ბენცმა.