ტაილანდის მეფე თვითიზოლაციისთვის ბავარიის სასტუმროში 20 ქალთან ერთად შეიკეტა

ტაილანდის მეფე თვითიზოლაციის პერიოდს ბავარიის კურორტ გარმიშ-პარტენკირხენში ატარებს. ის ძვირფას სასტუმროში თანხმლებ პირებთან ერთად განთავსდა.

67 წლის მეფე მაჰა ვაჯირალონგკორნს, რომელსაც რამა X-ს უწოდებენ, თან 20 ქალისგან შემდგარი ჰარამხანა და რამდენიმე ათეული მსახური ახლავს. ამის შესახებ გერმანული გამოცემა Bild წერს. უცნობია, ამ 20 ადამიანში არის თუ არა მისი ოთხი ცოლი.

ვაჯირალონგკორნის ბავარიაში გაფრენის ამბავს ათიათასობით ტაილანდელი ბრაზით შეხვდა. მეფის კრიტიკა სოციალურ ქსელებში 15 წლამდე პატიმრობით ისჯება, თუმცა, მიუხედავად ამისა, ტაილანდური ჰეშტეგი #რაშიგვჭირდებამეფე ტვიტერზე 24 საათში 1,2 მილიონჯერ გამოჩნდა.

ტაილანდის მეფეს საჯარო გამოსვლა თებერვლის შემდეგ აღარ ჰქონია. ამასობაში კი ტაილანდში კორონავირუსით ინფიცირების შემთხვევები ყოველდღიურად იმატებს. ამჟამად ქვეყანაში 1 388 შემთხვევაა დაფიქსირებული.

Comments

კომენტარები