სტოლტენბერგი მაკრონს – ნატო არის ძლიერი, ნატო არის მოქნილი, ნატო არის აქტიური!

საფრანგეთის პრეზიდენტი ემანუელ მაკრონი ჰუმანიტარული კრიზისის მოსაგვარებლად ლიბანის ხელისუფლების მცდელობებს მხარდაჭერას უცხადებს.მისი თქმით, საფრანგეთი ლიბანისთვის ჰუმანიტარული დახმარების გაგზავნას განაგრძობს.„თქვენ იცით, რომ ჩვენ თქვენს გვერდით ვდგავართ, ძვირფასო პრემიერ-მინისტრო, ნავაფ სალამ. საფრანგეთი მხარს უჭერს ლიბანს ჰუმანიტარული კრიზისის მოსაგვარებლად და იძულებით გადაადგილებული მოსახლეობის საჭიროებების დაკმაყოფილების მცდელობებში. ჩვენ ლიბანს უკვე მივაწოდეთ 60 ტონა ჰუმანიტარული დახმარება. უახლოეს დღეებში, „ევროპა-არაბული ხიდის“ მეშვეობით დამატებით თითქმის ათ ტონა ტვირთს (აღჭურვილობას) მივაწვდით“, – განაცხადა მაკრონმა.მისივე განცხადებით, სტრატეგიული შეცდომაა, რომ დაჯგუფება „ჰეზბოლამ“ ლიბანი ომში ჩაითრია.ამასთან, მაკრონი აცხადებს, რომ ლიბანმა და ისრაელმა შეთანხმებას უნდა მიაღწიონ, ისრაელმა კი ლიბანს ტერიტორია უნდა დატოვოს. საფრანგეთის ლიდერმა აღნიშნა, რომ საჭიროა დაჯგუფება „ჰეზბოლას“ განიარაღება.„ჩვენთვის პრიორიტეტულია, ერთად ვიმუშაოთ ცეცხლის შეწყვეტის შესახებ შეთანხმების გასამყარებლად, რომელიც კვლავ მყიფეა. ლიბანისა და რეგიონის მდგრადი სტაბილურობა მხოლოდ ისრაელსა და ლიბანს შორის პოლიტიკური შეთანხმების გზით იქნება მიღწეული, რომელიც უზრუნველყოფს ორივე ქვეყნის უსაფრთხოებას, პატივს სცემს ლიბანის ტერიტორიის ერთიანობას და საფუძველს ჩაუყრის მათ შორის ურთიერთობების ნორმალიზებას. ეს მოითხოვს, რომ „ჰეზბოლამ“, რომელმაც დაუშვა მძიმე სტრატეგიული შეცდომა ლიბანის მისთვის არჩეულ ომში ჩათრევით, შეწყვიტოს ისრაელის დაბომბვა და პრეტენზია, რომ ის თავისი უფლებამოსილების განხორციელებაში სახელმწიფოს შემცვლელად გვევლინება. ასევე, საჭიროა ისრაელის გასვლას ლიბანის ტერიტორიიდან, ლიბანელების მიერ „ჰეზბოლას“ განიარაღებას საერთაშორისო საზოგადოების მხარდაჭერით და ქვეყნის რეკონსტრუქცია ისე, რომ შესაძლებელი იყოს იძულებით გადაადგილებული მოსახლეობის დაბრუნება. საფრანგეთი ყოველთვის ლიბანის გვერდით იდგა მისი ისტორიის კრიტიკულ მომენტებში და კვლავაც მის გვერდით იქნება“, – წერს მაკრონი. 

ენით აღუწერელ უსამართლობაზე მინდა გითხრათ ორიოდ სიტყვა: „ნაცების“ ალიანსში, მიშას ხმის ამოღებას უკრძალავენ - ამაზე დიდი უსამართლობა რამე წარმოგიდგენიათ? „ნაცების“ ალიანსმა, რომელსაც „ჩერგო" და გვარამია დაეპატრონენ, გამოაცხადა, რომ მიშა ხმას ნუ იღებსო, - აცხადებს პარტია „გირჩის" ერთ-ერთი ლიდერი, იაგო ხვიჩია.ხვიჩიას მიაჩნია, რომ უსამართლობაა, რომ მთავარ ლიდერს „ძველი გიენები", რომლებიც სწორედ სააკაშვილმა გამოზარდა და ფეხზე დააყენა, დაესივნენ და ხმის ამოღებას უკრძალავენ. მისი თქმით, წარმოუდგენელია, რომ ადამიანს თავი მიაჩნდეს "ნაცური" ფრთის წარმომადგენლად და ამავდროულად, მხარს უჭერდეს ოპოზიციის ალიანსს, სადაც მიხეილ სააკაშვილის მხარდასაჭერ აზრებს ჩერგოლეიშვილი ბლოკავს.„ამაზე დიდი უსამართლობა რა შეიძლება იყოს, მე არ მესმის, სადაც მთავარ ლიდერს დაესივნენ ძველი გიენები და იმის გამო, რომ ის ციხეშია, ხმის ამოღების უფლებას ართმევენ, თან ვინ? - ხალხი, რომელიც მიშამ გამოზარდა, ფეხზე დააყენა, კაცად აქცია, ახლა იძახიან, რომ ჩვენს დაპატიმრებულ ლიდერს, უფლებამოსილება არ აქვს, ჩვენი სახელით ილაპარაკოსო. ძალიან გაკვირვებული ვარ ამ ყველაფრით და მიმაჩნია, რომ ყველა პატიოსანი „ნაცი“, რომელსაც „ნაცური“ პრინციპების ერთგულება ესმის, თუ ასეთი ვინმე ჯერ კიდევ დარჩენილია, სასტიკად უნდა ემიჯნებოდეს ასეთი ტიპის გაერთიანებას და დღესვე უნდა ითხოვდეს მის დაშლას, სანამ უფრო უარეს უტიფრობამდე არ მისულა ეს საქმე და მიშას უფლებების კიდევ უფრო უარეს შეზღუდვამდე, იმიტომ, რომ ჩემთვის წარმოუდგენელია, ადამიანი ლაპარაკობდეს რომ მე ვარ „ნაცური“ ფრთის წარმომადგენელი და ამავდროულად, მხარს უჭერდეს იმას, რომ ამ გაერთიანების ერთადერთ ნამდვილ ლიდერს, მიხეილ სააკაშვილს, არ ეძლეოდეს სიტყვის თქმის უფლება.გასაგებია, რომ ბევრი იწიკვინებს ამასთან დაკავშირებით, ბევრი ხმაური იქნება, მაგრამ, ჩემი აზრით, ძალიან დიდი უტიფრობაა, რომ „ნაცურ“ გაერთიანებაში, „ჩერგო“ ბლოკავდეს მიშას მხარდასაჭერ აზრებს, პოსტებს თუ კომენტარებს. ამიტომ, მოგიწოდებთ "ნაცებს", რომ ნუ დანებდებით და ნუ მისცემთ „ქოცების“ ინტერესების გამომხატველ ალიანსს საშუალებას, თავზე გადააბიჯოს ალიანსის ერთადერთ ლიდერს - მიხეილ სააკაშვილს. იცით, რომ მე არ ვარ კეთილგანწყობილი მიხეილ სააკაშვილის მიმართ, მაგრამ, ასეთი უსამართლობა დაპატიმრებული ლიდერის მიმართ, რომ მას გუშინდელი მისი ლილიპუტები აუჯანყდნენ და მის მხარდამჭერებს ბლოკავდნენ მიშას დამცველი ტექსტის დაწერისთვის, არის ისეთი ტიპის უსამართლობა, რომელზეც „ქოცები“ სულ იოცნებებდნნენ. მე კიდევ არ მინდა, რომ ასეთი უსამართლობა ხდებოდეს და მინდა, რომ „ნაცური“ ალიანსის თუ კოალიციის ლიდერი იყოს ის, ვინც ნამდვილი ლიდერია და არა ის ე.წ. ლიდერები, რომლებმაც ლიდერობა გადაწყვიტეს იმის გამო, რომ რეალური და ჭეშმარიტი ლიდერი „ნაცების“, არის ციხეში," - აცხადებს იაგო ხვიჩია.

აშშ-ის ვიცე-პრეზიდენტის, ჯეი დი ვენსის პაკისტანში ვიზიტი გაუქმდა. ინფორმაციას თეთრი სახლი ადასტურებს.ვენსის ვიზიტი ისლამაბადში 22 აპრილს იყო დაგეგმილი ირანის მხარესთან შეთანხმების მიღწევის მიზნით.„პირადი შეხვედრების შესახებ ნებისმიერ შემდგომ განახლებას თეთრი სახლი გამოაცხადებს“, – აღნიშნა თეთრი სახლის წარმომადგენელმა „ბიბისისთან“.აღნიშნული ინფორმაცია მას შემდეგ გავრცელდა, რაც აშშ-ის პრეზიდენტმა, დონალდ ტრამპმა ირანთან ცეცხლის შეწყვეტის რეჟიმის გახანგრძლივების გადაწყვეტილება მიიღო.

იტალიის პრემიერ-მინისტრი ჯორჯია მელონი აცხადებს, რომ აშშ-ის პრეზიდენტის, დონალდ ტრამპის განცხადებებით იმედგაცრუებული არ ყოფილა და ამას ელოდა.ჯორჯია მელონის ეს განცხადება სავარაუდოდ ეხება ტრამპის კოემნტარს იტალიურ გამოცემასთან, რომელმაც აღნიშნა, რომ მელონის სიმამაცე აკლია და შოკირებულია იმ ფაქტით, რომ მელონის არ ადარდებს, ექნება თუ არა ირანს ბირთვული იარაღი.მელონიმ აღნიშნა, რომ ის ადამიანია, რომელიც ამბობს იმას, რასაც ფიქრობს.„მჯერა, რომ გამბედაობა ნიშნავს, თქვა ის, რასაც ფიქრობ, თუნდაც არ ეთანხმებოდე და მეგობრობა ნიშნავს, თქვა ის, რასაც ფიქრობ, თუნდაც არ ეთანხმებოდე. ეს არ ცვლის ჩემს მტკიცე მხარდაჭერას დასავლეთის ერთიანობისადმი, ისევე როგორც არ ცვლის იტალიასა და შეერთებულ შტატებს შორის ურთიერთობებს. ამასთანავე, მე ადამიანი ვარ, რომელიც მიჩვეულია, თქვას ის, რასაც ფიქრობს“, – განაცხადა იტალიის პრემიერ-მინისტრმა.მელონიმ ასევე აღნიშნა, რომ ბოლო დროს აშშ-ის პრეზიდენტთან არ უსაუბრია.შეგახსენებთ, რომ აშშ-სა და იტალიის ლიდერებს შორის უთანხმოება დონალდ ტრამპის მიერ რომის პაპზე გაკეთებულ კომენტარს მოჰყვა. ტრამპმა განაცხადა, რომ რომის პაპი დანაშაულის წინააღმდეგ სუსტი, საგარეო პოლიტიკაში კი საშინელია. მისი თქმით, არ სურს პაპი, რომელიც აშშ-ის პრეზიდენტს აკრიტიკებს. მელონიმ კი აღნიშნა, რომ ტრამპის კრიტიკა პონტიფიკოსის მიმართ მიუღებელია.

ხელისუფლებას ოპოზიციის სახით ჰყავს ხმების საჭრელი მანქანა. ოპოზიციური პოლიტიკური პარტიის გამოჩენა, რომელიც რაღაც რეალურზე ილაპარაკებს, ხელისუფლებაზე მეტად საფრთხეს უქმნის ე.წ. ოპოზიციურ ბრბოს. მათი ინტერესები ემთხვეოდა და სწორედ ასე კოორდინირებულად მოქმედებდნენ კიდეც, – ამის შესახებ „ქართული დასის“ თავმჯდომარემ, ჯონდი ბაღათურიამ საქართველოს პირველი არხის გადაცემაში „დისკუსია აქტუალურ თემაზე“ განაცხადა.ბაღათურიას თქმით, ოპოზიცია მიხვდა, რომ ხელისუფლების დამხობას ვერ შეძლებს და ადგილი აქვს ხელისუფლებასთან კოაბიტაციის განახლებას.„რამ განაპირობა ასეთი მეტამორფოზა ოპოზიციის და რამ გაუხსნათ ტვინი – სადმე კვამლს როცა ხედავ, უნდა იცოდე, რომ სადღაც ცეცხლის კერაა. ნათქვამია, კვამლი უცეცხლოდ არ არსებობსო. შევხედოთ, როგორი ჭრელი და უღირსი კონგლომერატია ე.წ. ოპოზიცია, ეს ბრბო, რომელიც ქუჩა-ქუჩა დადის. გახსოვთ გვარამიას განცხადება ღვინოსთან დაკავშირებით. რამდენად რელევანტურია, იფიქრო, რომ იმის შემდეგ რომელიმე ადამიანმა ხმა მისცეს საქართველოში. პოლიტიკური პარტიები გამოდიოდნენ და ამბობდნენ, ამას საჭმელში ჩაუფურთხე და ისე მიუტანე საჭმელიო. აქ არ არის მარტო ლაპარაკი იმაზე, რომ ვიღაცას უღირსი ტერმინოლოგია აქვს და უწმაწური სიტყვებით ლაპარაკობს. ინტელექტის ფსკერს ქვემოთ ჩავიდა და ვერაფერს საზოგადოებას ვერ სთავაზობს, გარდა იმისა, რომ იცის რა, საზოგადოების რაღაც ნაწილი არის გაღიზიანებული  ხელისუფლებაზე, ცდილობს, რაღაცნაირად ხელისუფლებას შეურაცხყოფა მიაყენოს და, თავისი მოკლე ჭკუით, ამით მიიმხროს საზოგადოების ხელისუფლებაზე განაწყენებული ნაწილი.რამ გამოიწვია ასეთი მეტამორფოზა ოპოზიციის – არჩეული პარლამენტი, პარლამენტში არ შევიდნენ, მანამდე ამას წინ უძღოდა კოაბიტაცია. კოაბიტაცია იყო ხელისუფლების და ე.წ. ამ ბრბოს შეთანხმება, რომ არ დაეშვათ პოლიტიკურ ასპარეზზე რამე ალტერნატიული ძალის გაჩენა. ხელი ხელს ბანს და ორთავე ერთად ბინძურ პირს, ამას ემსახურებოდა. ოპოზიციური პოლიტიკური პარტიის გამოჩენა, რომელიც რაღაც რეალურზე ილაპარაკებს, ხელისუფლებაზე უფრო მეტად საფრთხეს უქმნის ე.წ. ოპოზიციურ ბრბოს. მათი ეს ინტერესები ემთხვეოდა და სწორედ ასე კოორდინირებულად  მოქმედებდნენ კიდეც. ფულის საჭრელი მანქანა რომ გქონდეთ, გადააგდებთ ნაგავში? ასეთი ფულის საჭრელი მანქანა ჰყავს ხელისუფლებას ოპოზიციის სახით, ოღონდ ელექტორალური თვალსაზრისით. ანუ, ხმების საჭრელი მანქანა ჰყავს. ასეთ ზიზღის მომგვრელ ადამიანებს, როგორებიც არიან გვარამია, ხოშტარია, შექმნილი აქვთ ჭაობი, არამარტო მორალური ჭაობი, ისეთი ჭაობი, სადაც ახალიც ვერ დაიბადა.507 დღეა, დგანან. ახალი ლიდერიც ვერ იშვა, ვინც გაეკარა, ყველა აღმოჩნდა ამ ჭაობის ბინადარი და ისეთივე ერთუჯრედიანი ამების სახე მიიღო, როგორიც თვითონ ეს ჭაობია. სხვა რამე ვერ იშვება ასეთ ჭაობში, რომელსაც ესენი ქუჩაში ქმნიან. შესაბამისად, მივიდნენ დასკვნამდე, რომ დასავლეთიც ჩაეხსნა. დასავლეთი ფულს იხდის, მაგრამ ევროპელს და ამერიკელს ერთ კაპიკს ვერ გააგდებინებ, თუ ის შედეგზე არ არის ორიენტირებული. და ყველა მიხვდა, მათაც გაეხსნათ ტვინი, რომ ესენი ხელისუფლების დამმხობი აღარ არიან, ამიტომ ფინანსები გაქრა. შესაბამისად, ხელისუფლება ვერ შეელია ოპოზიციის სახით ამ ფულის საჭრელ მანქანას და ადგილი აქვს კოაბიტაციის განახლებას. ისევ აღორძინების ფაზაშია კოაბიტაცია, ეს ძალიან მალე გამოჩნდება.პაპუაშვილი ერთ-ერთი სერიოზული ფიგურაა არა მხოლოდ თანამდებობით, არამედ ინტელექტუალია. აკეთებს განცხადებას, გამოგვაქვს საკონსტიტუციო სარჩელიო, რომლითაც უნდა გაუქმებულიყო პარტიები, ანუ ფულის საჭრელი მანქანა უნდა გადაეგდოთ სანაგვეზე. იმიტომ კი არაო, რომ უარი ვთქვითო, არამედ დაემატა ერთი პარტია -„ფედერალისტებიო“, ჩერგოლეიშვილი – ვითომ დიდ საფრთხეს წარმოადგენს – და შემდეგ ხელახლა შევიტანთო. ანუ, გადაავადეს, სავსებით შესაძლებელი იყო, ის სარჩელი ყოფილიყო. ხელისუფლება ვერ ელევა ამ ბრბოს, რადგან ეს ბრბო ქმნის პოლიტიკურ ჭაობს, სადაც ვერანაირი ოპონენტი ვერ იშვება. ეს ბრბო რომ არ იყოს ქუჩაში, დღეს ჩვენ გვექნებოდა საუბარი, მაგალითად, კარტელებზე, როგორ დაამარცხეს კარტელებმა პრემიერ-მინისტრი და როგორც კი პრემიერ-მინისტრმა გააკეთა განცხადება ფასებზე, ამის შემდეგ ფასები მოუმატეს, რადგან მათ თქვეს, რომ ამ ქვეყანას ჩვენ ვმართავთ, ეს კრიმინალური ბანდები, ჩვენ ვძარცვავთ და არა ვიღაც პრემიერ-მინისტრები. ვიცნობ, ძალიან პატივისცემით ვარ განწყობილი და იმედი მაქვს, ბრძოლას გააგრძელებს, მაგრამ ჯერ ეს რეალობაა.ოპოზიციას რაღაც პერიოდი უნდოდა, ხელისუფლება დაემხო, წავიდნენ რადიკალურ ზომებზე, ნახეს, არაფერი გამოდის და ახლა ისევ ძველ, ნაცად თვალთმაქცობას დაუბრუნდნენ, ეს არის კოაბიტაცია. ხელისუფლებამ, როგორც ჩანს, აღუდგინა ზოგიერთ ამ პარტიას დაფინანსება. ამათ ხელისუფლება რომ აფინანსებდა, მე კი ვიცოდი, მაგრამ ამის შესახებ განცხადება გააკეთა პრემიერ-მინისტრმა და გამოაქვეყნა უწყისები, ხაბეიშვილს, რომელიც აღნიშნული იყო, როგორც „ანიტა“, როგორ უხდიდნენ ხელფასს. ამ ხალხს, ვინც 14 წელია, ქვეყანა სტაგნაციაში ჰყავს, განვითარების საშუალებას არ აძლევს, თურმე  ხელისუფლების რაღაც შტო უხდიდა ხელფასს, იმისთვის, რომ ხალხისთვის ნერვები მოეშალა და მეორე თუ მეათე წრეზე წავედით.რატომ აქვს მიხეილ სააკაშვილს წვდომა ინტერნეტზე, მედიაზე? მიშას ფუნქცია არის, როგორც საფრთხობელა ხალხისთვის. რაც შეეხება რევოლუციურ გზას, არიან ადამიანები, რომლებსაც აშენება არ შეუძლიათ, შეუძლიათ ნგრევა, შინაგანი ფსიქოლოგიური მდგომარეობა აქვთ ისეთი, რომ ნგრევაზე არიან ორიენტირებული. მიშას აგურის აგურზე დადება არ შეუძლია, მიშას ინტელექტი ნგრევას ვერ გასცდება, არ შეუძლია, რაღაც პოზიტივი შესთავაზოს. 14 წელია, ერთსა და იმავე სისულელეებს ლაპარაკობს, არ მოგყვება ხალხი და მაინც იმავეს ლაპარაკობს. რამდენად აქვს პერსპექტივა რევოლუციას – რევოლუციას არ ჰყოფნის მარტო ფული, რაც მიშას ძალიან ბევრი აქვს ნაქურდალი, რევოლუციას სჭირდება ინტელექტი და რეპუტაცია, რომელიც ამათ არ აქვთ, გაკოტრებული არიან, 50 კაცზე მეტს რომ ვერ აგროვებ, 50 კაცი დაბადების დღეზე დადის. იზრდება ხელისუფლების მიმართ ნეგატიური განწყობა, არის პრეტენზიები სოციალური, პენსიების კუთხით, მაგრამ ეს ხელისუფლება მიშას ხელისუფლება არ არის, ამ ხელისუფლების მიმართ არ არის რევოლუციური განწყობა, რომ გამოვიდეს ხალხი და დაამხოს. მიშას სხვა რამე არ შეუძლია და თავისი განცხადებით ოპოზიციას ებრძვის, იმავე ოპოზიციას, რომლის შემადგენლობაშიც თვითონ არის, აკრიტიკებს, ნუ ხართ წამოწოლილი დივნებზეო“, – განაცხადა ჯონდი ბაღათურიამ.