როგორ უნდა მოიქცე, რომ ფოტოზე ლამაზად გამოიყურებოდე. ინსტრუქცია

ვულოცავ ერთიანი ეროვნული გამოცდების წარმატებით ჩაბარებას ყველა სტუდენტს, – ამის შესახებ საქართველოს პრეზიდენტი მიხეილ ყაველაშვილი სოციალურ ქსელში წერს.მისივე თქმით, ახალგაზრდული ენერგია და ხმა, მათგან წამოსული ახალი იდეები და ინიციატივები სწრაფად ცვალებად მსოფლიოში განსაკუთრებულ მნიშვნელობას იძენს.„თქვენს ცხოვრებაში ახალი და მნიშვნელოვანი ეტაპი იწყება – ცოდნის გაღრმავების, პროფესიული განვითარების, საკუთარი პოტენციალის რეალიზებისა და ჰორიზონტზე ახალი შესაძლებლობების აღმოჩენის.განათლებული, თავისუფლად მოაზროვნე და პასუხისმგებლიანი ახალგაზრდობა ძლიერი სახელმწიფოს საფუძველია. მჯერა, მიღებული ცოდნითა და გაწეული შრომით თითოეული თქვენგანი საკუთარ წვლილს შეიტანს ჩვენი ქვეყნის განვითარებასა და წარმატებაში.ახალგაზრდული ენერგია და ხმა, თქვენგან წამოსული ახალი იდეები და ინიციატივები სწრაფად ცვალებად მსოფლიოში განსაკუთრებულ მნიშვნელობას იძენს.გისურვებთ საინტერესო სტუდენტურ წლებს, დასახული მიზნების მიღწევასა და ნათელ მომავალს“, – წერს მიხეილ ყაველაშვილი.

ვფიქრობ, ახლა დადგა გარდამტეხი მომენტი, რომელიც განსაზღვრავს ჩვენს მომავალ ტრაექტორიას, მაგრამ, როგორც ჩანს, ჩვენ თანდათან, ნელ-ნელა ვმარცხდებით, – ამის შესახებ უკრაინის თავდაცვის ყოფილმა მინისტრმა, მიხაილო ფედოროვმა „როიტერთან“ ინტერვიუში განაცხადა.მისივე თქმით, კიევს რამდენიმე თვე დარჩა, რათა მიიღოს საკვანძო გადაწყვეტილებები, რაც მოვლენების მის სასარგებლოდ შეცვლას შეძლებს.„ჯერ კიდევ გვაქვს რუსეთის დამარცხების ყველა შესაძლებლობა. დამარცხებაში ომში გამარჯვებას ვგულისხმობ. ჯერ კიდევ რჩება რამდენიმეთვიანი შესაძლებლობების ფანჯარა ლოგისტიკური ბლოკადის დასასრულებლად, საშუალო რადიუსის დარტყმების საშუალებით ყირიმის იზოლაციის მოსახდენად და ზოგადად, ტექნოლოგიური განვითარების შემდეგი ეტაპისთვის მოსამზადებლად“, – განაცხადა მიხაილო ფედოროვმა.როგორც უკრაინის თავდაცვის ყოფილმა მინისტრმა აღნიშნა, უკრაინას კვლავ აქვს გამარჯვების „ყველანაირი შანსი“, თუმცა სასწრაფოდ სჭირდება ომის დასრულების გეგმა.„ვიცი, როგორ მუშაობს ეს სისტემა და ვიცი, რომ ჩვენ გაცილებით მეტის გაკეთება შეგვიძლია. იმის გათვალისწინებით, რომ ომის ტექნოლოგიებთან დაკავშირებული პოლიტიკის უმეტესი ნაწილი პრეზიდენტს სწორედ ჩვენმა გუნდმა შესთავაზა, რომ ჩვენ ნულიდან შევქმენით დრონების არმია და ბევრი სხვა რამ, შემიძლია, დარწმუნებით ვთქვა, რომ ახლა მხოლოდ ჩემი სინდისი მიბიძგებს წინ“, – აღნიშნა უკრაინის თავდაცვის ყოფილმა მინისტრმა.მიხაილო ფედოროვის განცხადებით, უკრაინას არ აქვს მკაფიო, საერთო ხედვა, როგორ უნდა გაიმარჯვოს ომში, ხოლო ქვეყნის შესაძლებლობებს ინოვაციების ნაკლებობა ზღუდავს.ამასთან, მისივე თქმით, ქვეყანას ასევე აფერხებს ფესვგადგმული კორუფცია და გავლენიანი ჯგუფების პატრონაჟზე დაფუძნებული ქსელები, ისევე, როგორც სახელმწიფო ინსტიტუტების პოლიტიკური დამოუკიდებლობის ნაკლებობა.რაც შეეხება პოლიტიკაში მის დაბრუნებას, როგორც ფედოროვმა განაცხადა, ამის შესახებ გადაწყვეტილება ჯერ არ მიუღია.„ვფიქრობ, ნებისმიერი პოლიტიკა და ჩემი შესაძლო მონაწილეობა პოლიტიკაში მხოლოდ მას შემდეგ უნდა განვიხილოთ, რაც დემოკრატიული ციკლი აღდგება და ყველა კანდიდატისთვის იქნება თანაბარი თამაშის წესები, იქნება ეს პარლამენტის, ადგილობრივი საბჭოების თუ პრეზიდენტის არჩევნებში მონაწილეობა. მხოლოდ ამის შემდეგ მივიღებ გადაწყვეტილებას“, – განაცხადა ფედოროვმა.მიხაილო ფედოროვის განცხადებების საპასუხოდ უკრაინის პრეზიდენტის ოფისში აღნიშნეს, რომ თავდაცვის სამინისტროში ყოფნისას ფედოროვი ომის მიმდინარეობაზე პოზიტიურად საუბრობდა და ერთადერთი რამ, რაც შეიცვალა მისი პირადი სტატუსია.

საქართველოს ყოფილი პრემიერ-მინისტრი ირაკლი ღარიბაშვილი საპატიმროდან კიდევ ერთ წერილს ავრცელებს.ყოფილი პრემიერი ამბობს, რომ აღარ აპირებს "ამ სამარცხვინო პოლიტიკურ მასკარადში" მონაწილეობას და ხაზს უსვამს, რომ აზრს ვერ ხედავს იაროს სასამართლო სხდომებზე და დასძენს: "მე აღარ ვმონაწილეობ თქვენს სპექტაკლში!".ექსპრემიერის თქმით, აღარც ის აინტერესებს, რომელ "პატიმარს ან მძევალს ზეწოლის მეთოდებით" რას "დააწერინებენ" მასზე რა ბრალს წაუყენებენ.ღარიბაშვილი ამბობს, რომ "დაუნდობელი პოლიტიკური ბრძოლის, უსამართლობისა და ბოროტების" პირისპირ, მისი ერთადერთი გზა და ბრძოლის იარაღი სიმართლეა, რასაც ხალხის სამსჯავროზე გამოიტანს.„გუშინ ხელისუფლებამ თავად დაამოწმა ჩემს მიერ წინა კვირას გამოქვეყნებული წერილის ავთენტურობა. საზოგადოებას მინდა კიდევ ერთხელ ვუთხრა, რომ მე ყველაფერი ვცადე და მაქსიმუმი გავაკეთე იმისთვის, რომ თავიდან ამერიდებინა ეს პროცესი, მაგრამ აღმოვჩნდი სასტიკი რეალობის წინაშე.ეს არის დაუნდობელი პოლიტიკური ბრძოლა, უსამართლობა და ბოროტება ჩემს წინააღმდეგ. მე აღარ ვაპირებ ამ სამარცხვინო და ჩვენი ქვეყნისთვის შეურაცხმყოფელ პოლიტიკურ მასკარადში მონაწილეობას. შესაბამისად, არც სასამართლო პროცესში მივიღებ მონაწილეობას. ჩემს ინტერესებს მხოლოდ ჩემი ადვოკატები წარმოადგენენ და დაიცავენ.აქვე ვაცხადებ, რომ ჩემი ამ გადაწყვეტილებით არავის შეურაცხყოფას არ ვაყენებ — არც პროკურორებს და არც მოსამართლეებს. უბრალოდ, მხოლოდ იმიტომ, რომ ეს არის პოლიტიკური პროცესი და ვიცი, რა და როგორ მართავს პოლიტიკურ პროცესს სისტემა, აზრს ვერ ვხედავ, ვიარო სასამართლო სხდომებზე და ჩავერთო პოლიტიკურ მასკარადში. მე აღარ ვმონაწილეობ თქვენს სპექტაკლში! აღარც ის მაინტერესებს, რომელ პატიმარს/მძევალს თქვენი მხრიდან განხორციელებული ფსიქოლოგიური და მორალური ზეწოლის მეთოდებით რას დააწერინებთ ჩემზე და რა ბრალს წამიყენებთ.მოსახდენი უკვე მოხდა, ამიტომ, ჩემი ერთადერთი გზა და ბრძოლის იარაღი ჩემი სიმართლეა. ვაპირებ, საჯაროდ ვესაუბრო საზოგადოებას და ვუთხრა ჩემი სიმართლე. დაე, ხალხმა განსაჯოს!", - წერს ღარიბაშვილი.ცნობისთვის, პატიმრობაში მყოფ საქართველოს ყოფილ პრემიერ-მინისტრს, ირაკლი ღარიბაშვილს ჯგუფურად განსაკუთრებით დიდი ოდენობით ქრთამის აღების საქმეზე ახალი ბრალდება 24 აგვისტოს წაუყენეს.

მე ყველაფერი ვცადე და მაქსიმუმი გავაკეთე იმისთვის, რომ თავიდან ამერიდებინა ეს პროცესი, მაგრამ აღმოვჩნდი სასტიკი რეალობის წინაშე, - ამის შესახებ საქართველოს ყოფილი პრემიერ-მინისტრის, ირაკლი ღარიბაშვილის მიერ ციხიდან გავრცელებულ წერილშია ნათქვამი.როგორც ღარიბაშვილი წერს, მის წინააღმდეგ დაუნდობელი პოლიტიკური ბრძოლა მიმდინარეობს.ექსპრემიერის თქმით, აღარ აპირებს "პოლიტიკურ მასკარადში" მონაწილეობას, შესაბამისად, არც სასამართლო პროცესში მიიღებს მონაწილეობას, თუმცა დასძენს, რომ საკუთარი გადაწყვეტილებით შეურაცხყოფას პერსონალურად პროკურორებს და მოსამართლეებს არ აყენებს, უბრალოდ, რადგან ეს არის პოლიტიკური პროცესი და იცის, რა და როგორ მართავს პოლიტიკურ პროცესს სისტემა.მისი თქმით, არ აინტერესებს, რომელ პატიმარს ან მძევალს ფსიქოლოგიური და მორალური ზეწოლის მეთოდებით რას დააწერინებთ მასზე და რა ბრალს წაუყენებენ.„გუშინ ხელისუფლებამ თავად დაამოწმა ჩემს მიერ წინა კვირას გამოქვეყნებული წერილის ავთენტურობა. საზოგადოებას მინდა კიდევ ერთხელ ვუთხრა, რომ მე ყველაფერი ვცადე და მაქსიმუმი გავაკეთე იმისთვის, რომ თავიდან ამერიდებინა ეს პროცესი, მაგრამ აღმოვჩნდი სასტიკი რეალობის წინაშე.ეს არის დაუნდობელი პოლიტიკური ბრძოლა, უსამართლობა და ბოროტება ჩემს წინააღმდეგ. მე აღარ ვაპირებ ამ სამარცხვინო და ჩვენი ქვეყნისთვის შეურაცხმყოფელ პოლიტიკურ მასკარადში მონაწილეობას. შესაბამისად, არც სასამართლო პროცესში მივიღებ მონაწილეობას. ჩემს ინტერესებს მხოლოდ ჩემი ადვოკატები წარმოადგენენ და დაიცავენ.აქვე ვაცხადებ, რომ ჩემი ამ გადაწყვეტილებით არავის შეურაცხყოფას არ ვაყენებ — არც პროკურორებს და არც მოსამართლეებს. უბრალოდ, მხოლოდ იმიტომ, რომ ეს არის პოლიტიკური პროცესი და ვიცი, რა და როგორ მართავს პოლიტიკურ პროცესს სისტემა, აზრს ვერ ვხედავ, ვიარო სასამართლო სხდომებზე და ჩავერთო პოლიტიკურ მასკარადში. მე აღარ ვმონაწილეობ თქვენს სპექტაკლში! აღარც ის მაინტერესებს, რომელ პატიმარს/მძევალს თქვენი მხრიდან განხორციელებული ფსიქოლოგიური და მორალური ზეწოლის მეთოდებით რას დააწერინებთ ჩემზე და რა ბრალს წამიყენებთ.მოსახდენი უკვე მოხდა, ამიტომ, ჩემი ერთადერთი გზა და ბრძოლის იარაღი ჩემი სიმართლეა. ვაპირებ, საჯაროდ ვესაუბრო საზოგადოებას და ვუთხრა ჩემი სიმართლე. დაე, ხალხმა განსაჯოს!“ - წერს ირაკლი ღარიბაშვილი.

„საქართველოს ტექნიკური უნივერსიტეტისთვის განსაკუთრებული მნიშვნელობის მქონეა საერთაშორისო მასშტაბის სამეცნიერო კონფერენციის მასპინძლობა. ღონისძიება აერთიანებს სხვადასხვა ქვეყნის წამყვან მეცნიერებსა და მკვლევრებს და ქმნის მნიშვნელოვან აკადემიურ პლატფორმას თანამედროვე მეცნიერების ერთ-ერთი ყველაზე სწრაფად განვითარებადი მიმართულების - ხელოვნური ინტელექტის და რბილი გამოთვლებისა და არამკაფიო მათემატიკის - აქტუალური საკითხების განსახილველად. ICSCCW-26-ის განსაკუთრებული ღირებულებაა ის, რომ მისი სამეცნიერო საფუძველი დაკავშირებულია საყოველთაოდ აღიარებული მათემატიკოსისა და ელექტროინჟინრის, პროფესორ ლიუთფი ზადეს ფუნდამენტურ სამეცნიერო მემკვიდრეობასთან. პროფესორ ზადეს მიერ ჩამოყალიბებულმა არამკაფიო ლოგიკის თეორიამ და მისმა კვლევებმა არამკაფიო მათემატიკის მიმართულებით ფუნდამენტურად შეცვალა მიდგომები ისეთი რთული სისტემების აღწერისა და მოდელირებისადმი, რომლებშიც ინფორმაცია ყოველთვის ზუსტი და ერთმნიშვნელოვანი არ არის. დღეს, როდესაც ხელოვნური ინტელექტის სისტემები სულ უფრო მეტად მუშაობს არასრული, ბუნდოვანი და მრავალგანზომილებიანი ინფორმაციის პირობებში, ლიუთფი ზადეს სამეცნიერო იდეები განსაკუთრებულ აქტუალობას იძენს“, - ამის შესახებ საქართველოს ტექნიკური უნივერსიტეტის ვიცე-რექტორმა, პროფესორმა თამარ ლომინაძემ საერთაშორისო კონფერენციის - „რბილი და სიტყვიერი გამოთვლების, აღქმისა და ხელოვნური ინტელექტის თეორიისა და გამოყენების მე-13 საერთაშორისო კონფერენცია – ICSCCW-2026“-ის (13th International Conference on Theory and Application of Soft Computing, Computing with Words, Perception and Artificial Intelligence) გაიხსნის ღონისძიებაზე განაცხადა.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, მე-13 საერთაშორისო კონფერენცია, რომლის ორგანიზატორები არიან „ზადეს მემკვიდრეობისა და ხელოვნური ინტელექტის“ ასოციაცია (ბაქო, აზერბაიჯანი), საქართველოს მეცნიერებათა ეროვნული აკადემია, საქართველოს ტექნიკური უნივერსიტეტი, აზერბაიჯანის სახელმწიფო ნავთობისა და მრეწველობის უნივერსიტეტი, ბერკლის ინიციატივა რბილ გამოთვლებში (BISC, აშშ), ზიგენის უნივერსიტეტი (გერმანია), ტეხასის უნივერსიტეტი (აშშ), ჯორჯიის შტატის უნივერსიტეტი (აშშ), ალბერტას უნივერსიტეტი (კანადა), ტორონტოს უნივერსიტეტი (კანადა), პოლონეთის მეცნიერებათა აკადემიის სისტემური კვლევების ინსტიტუტი, ახლო აღმოსავლეთის უნივერსიტეტი (კვიპროსი) და აზერბაიჯანის რესპუბლიკის მეცნიერებისა და განათლების სამინისტროს ეკონომიკის ინსტიტუტი, ICSCCW-2026-ის თავმჯდომარემ, პროფესორმა რაფიქ ალიევმა გახსნა. ICSCCW-2026-ის თავმჯდომარის განცხადებით, არამკაფიო ლოგიკა და რბილი გამოთვლები დღეს მასშტაბურად გამოიყენება თანამედროვე ტექნოლოგიებში, ინდუსტრიულ სისტემებსა და გადაწყვეტილების მიღების ანალიზში, შესაბამისად, მე-13 კონფერენცია, რომელიც გენიალური მეცნიერის, ლიუთფი ზადეს ხსოვნას ეძღვნება, მოწოდებულია ხელი შეუწყოს აღნიშნულ სფეროში შემდგომ კვლევებს, ახალგაზრდობის მოზიდვასა და კონფერენციის მონაწილეებს შორის კვლევითი გამოცდილების ფართოდ გაზიარებას.მისივე თხოვნით დამსწრე საზოგადოებამ 2017 წელს გარდაცვლილი ცნობილი მეცნიერის - პროფესორ ლიუთფი ზადეს ხსოვნას წუთიერი დუმილით პატივი მიაგო.როგორც სტუ-ის ვიცე-რექტორმა გამოსვლისას აღნიშნა, აღნიშნული კონფერენციის მასპინძლობა საქართველოს ტექნიკური უნივერსიტეტისთვის საუკეთესო შესაძლებლობაა თავისი სამეცნიერო პოტენციალის, კვლევითი რესურსებისა და საერთაშორისო პარტნიორული კავშირების კიდევ ერთხელ წარმოსაჩენად.„ჩვენი მიზანია, საქართველოს ტექნიკური უნივერსიტეტი იყოს არა მხოლოდ ცოდნის გაზიარებისა და კვლევების ხელშეწყობის, არამედ თანამედროვე სამეცნიერო იდეების გენერირებისა და მათი საერთაშორისო ასპარეზზე წარდგენის აქტიური ცენტრი. ამ თვალსაზრისით, ICSCCW-2026-ის მასპინძლობა ჩვენთვის განსაკუთრებული მნიშვნელობისაა, რადგან კონფერენცია საშუალებას გვაძლევს, ერთ სივრცეში გავაერთიანოთ სხვადასხვა ქვეყნის წამყვანი მკვლევრები და ხელი შევუწყოთ მათ შორის პროფესიული დიალოგისა და პარტნიორობის გაღრმავებას.განსაკუთრებით მნიშვნელოვანია ქართველი მეცნიერების, ახალგაზრდა მკვლევრებისა და დოქტორანტების ჩართულობა ასეთ საერთაშორისო სამეცნიერო ფორუმებში. მათ ეძლევათ შესაძლებლობა, გაეცნონ თანამედროვე კვლევით ტენდენციებს, საერთაშორისო სამეცნიერო საზოგადოებას თავიანთი კვლევების შედეგები გააცნონ, დაამყარონ ახალი პროფესიული კონტაქტები და შექმნან საფუძველი ერთობლივი კვლევითი პროექტებისა და სამეცნიერო თანამშრომლობისთვის“, - აცხადებს თამარ ლომინაძე.საქართველოს მეცნიერებათა ეროვნული აკადემიის აკადემიკოსის, ლადო პაპავას თქმით, ხელოვნური ინტელექტისა და თანამედროვე ციფრული ტექნოლოგიების განვითარება მეცნიერებისა და საზოგადოების წინაშე სრულიად ახალ შესაძლებლობებსა და გამოწვევებს აჩენს. ასეთ პირობებში განსაკუთრებით მნიშვნელოვანია საერთაშორისო სამეცნიერო თანამშრომლობა და იმ ფუნდამენტური კვლევების მხარდაჭერა, რომლებიც ტექნოლოგიური პროგრესის საფუძველია.„ICSCCW-2026-ის მნიშვნელობა სცდება ერთი კონკრეტული სამეცნიერო მიმართულების ფარგლებს. ხელოვნური ინტელექტი უკვე ჩვენი ცხოვრების პრაქტიკულად ყველა სფეროში იკავებს ადგილს, თუმცა მისი შემდგომი განვითარება შეუძლებელია ფუნდამენტური მეცნიერების, ახალი მათემატიკური მიდგომებისა და სხვადასხვა დარგის მკვლევართა თანამშრომლობის გარეშე. სწორედ ამ თვალსაზრისით არის მნიშვნელოვანი არამკაფიო ლოგიკისა და რბილი გამოთვლების განვითარება, რომლის ფუძემდებელთა შორის განსაკუთრებული ადგილი პროფესორ ლიუთფი ზადეს ეკუთვნის. მნიშვნელოვანია არამკაფიო ლოგიკის, რბილი გამოთვლების, სიტყვიერი გამოთვლებისა და აღქმის მიმართულებებზე კვლევების გაძლიერება. ამ მხრივ ასევე მნიშვნელოვანი პასუხისმგებლობა აკისრია საქართველოს ტექნიკურ უნივერსიტეტს, როგორც საინჟინრო და ტექნოლოგიური პროფილის წამყვან უნივერსიტეტს. ჩვენ გვესმის, რომ თანამედროვე განათლება და მეცნიერება ვერ განვითარდება საერთაშორისო თანამშრომლობის, ინოვაციებისა და ახალი ტექნოლოგიების აქტიური კვლევის გარეშე. ჩვენი მიზანია, საქართველოს სამეცნიერო პოტენციალი კიდევ უფრო მეტად დავაკავშიროთ საერთაშორისო კვლევით სივრცესთან და შევქმნათ შესაძლებლობები ახალი ცოდნისა და ტექნოლოგიური ინოვაციების განვითარებისთვის. საქართველოს მეცნიერებათა ეროვნული აკადემიის აზრით, განსაკუთრებულად მნიშვნელოვანია ისეთი საერთაშორისო სამეცნიერო ფორუმების მხარდაჭერა, რომლებიც ხელს უწყობს ქართველი მეცნიერების საერთაშორისო აკადემიურ სივრცეში ინტეგრაციას. ICSCCW-2026-ის ფარგლებში სხვადასხვა ქვეყნის მკვლევართა შეკრება ქმნის შესაძლებლობას არა მხოლოდ არსებული სამეცნიერო შედეგების გაცვლისთვის, არამედ ახალი იდეების, კვლევითი მიმართულებებისა და საერთაშორისო თანამშრომლობის ფორმების ჩამოსაყალიბებლად“, - აცხადებს აკადემიკოსი ვლადიმერ პაპავა.სტუ-ის ინფორმაციით, საერთაშორისო კონფერენცია ICSCCW-2026-ი ორი დღის განმავლობაში 7 სექციად იმუშავებს. მეცნიერები განიხილავენ შემდეგ აქტუალურ სამეცნიერო თემებსა და მიმართულებებს: „Z-რიცხვები მრავალეტაპიან არამკაფიო გადაწყვეტილების მიღებასა და მართვაში: უფრო მაღალი გამომსახველობითი ძალა, თუმცა გარკვეული ფასის სანაცვლოდ“; „რბილი გამოთვლები და ხელოვნური ინტელექტი ინჟინერიაში“; „მე-2 ტიპის Z-რიცხვებისკენ“; „რბილი გამოთვლების თეორია და გამოყენება“; „გადაწყვეტილების მიღების თეორია არასრული ინფორმაციის პირობებში“; „ინფორმირებული მანქანური სწავლება: ახალი შესაძლებლობები“; „დროითი არამკაფიო მოდელირების ახალი მიმართულება კატასტროფის რეგიონების გადაუდებელი ლოგისტიკის დაგეგმვაში“; „მიღწევები მე-3 ტიპის არამკაფიო სისტემებსა და მათ მართვაში“; „ლოგიკური ხაზი მონაცემთა გრანულაციაში“; „მე-3 ტიპის არამკაფიო დასკვნა მსგავსების ზომის გამოყენებით“ და სხვა. სექციებზე განხილულ სამეცნიერო თემებსა და აქტუალურ საკითხებს კონფერენციის მონაწილე მეცნიერები მრგვალი მაგიდის ფორმატში შეაჯამებენ.