ნიკა მელია ენმ-ს ახალ მენეჯმენტზე: ნაცვლად იმისა, რომ მიშას უთხრან, გამაგრდი, უნდა გიშველოთ, იქით ეძახიან გვიშველე, მოდი ჩაგვიდექი სათავეშიო
Read Time:52 Second
ახალი მენეჯმენტის პირობებში კონსოლიდაციის შანსი დაკარგულია და ნაცვლად იმისა, რა მთავარი დაპირებითაც მოვიდნენ, რომ მიხეილ სააკაშვილს უთხრან – მიშა გამაგრდი, უნდა გიშველოთ, ახლა მიშას ეძახიან, მძიმე მდგომარეობაში ჩავვარდით და გვიშველეო, ჩვენი პრემიერ-მინისტრი გახდიო – ამის შესახებ ენმ-ს ყოფილმა თავმჯდომარემ, ნიკა მელიამ „მთავარის“ ეთერში განაცხადა.
„ნაციონალური მოძრაობა“ დღესდღეობით არის ის ძალა, რომლის გარშემოდაც შესაძლებელი იქნებოდა და იყო კონსოლიდაცია. სამწუხაროდ, ეს შანსი არის დაკარგული ახალი მენეჯმენტის პირობებში და ნაცვლად იმისა, რა მთავარი დაპირებითაც მოვიდნენ, რომ მიხეილ სააკაშვილს უთხრან – მიშა გამაგრდი, უნდა გიშველოთ, ახლა მიშას ეძახიან გვიშველეო, მძიმე მდგომარეობაში ჩავვარდით, გვიშველეო და მოდი ჩვენი პრემიერ-მინისტრი გახდიო და მოდი ჩაგვიდექი სათავეშიო – წარმოგიდგენიათ?! როგორ გგონიათ, პოლიტპატიმარი მიხეილ სააკაშვილის ინტერესი არის ის, რომ ამ პარტიულ ხელისუფლებას 2-3 დამატებითი მანდატი მოუტანოს, რომ შევიდეს მერე ზაზა გოროზია და თავისი ბიზნესი განავითაროს მთელი 4 წლის განმავლობაში?! თუ ჯამური გამარჯვება არის ოპოზიციის, ხელისუფლების ცვლილება და ევროატლანტიკური მისწრაფებებისთვის ხორცის შესხმა. ვფიქრობ რომ ირონიულიც არის და უდიდესი კადნიერების შემცვლელია, ის გზავნილი, რასაც რამდენიმე ადამიანი აფრქვევს. ვყოფ ამ ადამიანებს პარტიისგან. მიშას საშველად მოვიდნენ, ჩვენ არ ვშველოდით და ახლა იქით ეძახიან, რომ დაგვეხმარეო“- განაცხადა ნიკა მელიამ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
