მსოფლიოს ებრაული მოსახლეობა

2026 წლის 1-ელი იანვრიდან ამოქმედდა კანონი, რომლის თანახმად, მძღოლები ზედმეტი ხმაურის გამო დაჯარიმდებიან.კერძოდ, „ადმინისტრაციულ სამართალდარღვევათა კოდექსის“ ის ნორმა ამოქმედდა, რომლის მიხედვით, ღამის საათებში, კერძოდ, 23:00 საათიდან 08:00 საათამდე, დასახლებულ პუნქტებში სატრანსპორტო საშუალების ექსპლუატაციისას წარმოქმნილი ხმაურის მაქსიმალური დასაშვები დონე არ უნდა აღემატებოდეს 80 დეციბელს.აღსანიშნავია, რომ სატრანსპორტო საშუალების ხმაურის დასაშვებ ნორმასთან შესაბამისობას შსს-ს უფლებამოსილი პირი დაკალიბრებული/ სერტიფიცირებული პორტატული აპარატით შეამოწმებს.

აბუ დაბიში აშშ, უკრაინა, რუსეთის სამმხრივი მოლაპარაკება დაიწყო, – ამის შესახებ „სქაი ნიუსი“ იტყობინება.გავრცელებული ინფორმავიით, უცნობია, იმყოფებიან თუ არა ერთ ოთახში უკრაინელი და რუსი მაღალჩინოსნებიშეგახსენებთ, რომ დღეს აბუ დაბიში შეხვედრაზე უკრაინულ მხარეს წარმოადგენენ ეროვნული უსაფრთხოებისა და თავდაცვის საბჭოს მდივანი რუსტემ უმეროვი, პრეზიდენტის ადმინისტრაციის უფროსი კირილ ბუდანოვი, პრეზიდენტის ადმინისტრაციის უფროსის პირველი მოადგილე სერგეი კისლიცა, პარტია „ხალხის მსახურის“ ლიდერი დავით არახამია და გენერალური შტაბის უფროსი ანდრეი გნატოვი.რუსეთის დელეგაციას ხელმძღვანელობს მთავარი სადაზვერვო სამმართველოს (ГРУ) უფროსი იგორ კოსტიუკოვი, ასევე რუსეთის პრეზიდენტის სპეციალური წარმომადგენელი კირილ დმიტრიევი.

თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის ორგანიზებით, თბილისელი სპორტსმენების დაჯილდოების ღონისძიება გაიმართა.სპორტის სხვადასხვა სახეობაში მიღწეული შედეგებისთვის ამჯერად 231 სპორტსმენი დაჯილდოვდა. ევროპისა და მსოფლიო ჩემპიონატების პრიზიორებს, თბილისის მერიის სახელით, ფულადი ჯილდოები და სიმბოლური პრიზები გადაეცათ.ღონისძიებას თბილისის მერი კახა კალაძე მოადგილე ირაკლი ბენდელიანთან ერთად დაესწრო და საზოგადოებას სიტყვით მიმართა.„მეამაყება, რომ დღეს თქვენს წინაშე ვდგავარ, როგორც თბილისის მერი და სპორტის დიდი ქომაგი. მეამაყება ასევე ჩემი განვლილი ცხოვრება, რომელიც სწორედ სპორტს უკავშირდება. გასული წლები ჩვენთვის ამ მიმართულებით ისტორიული შედეგების მომტანი იყო, რომელმაც გააერთიანა ქართველი ერი, სიხარული და წარმატება მოუტანა ჩვენს ქვეყანას. გვქონდა ძალიან მნიშვნელოვანი წარმატება. დღეს ვაჯილდოებთთბილისელ სპორტსმენებს, რომლებმაც მსოფლიო და ევროპის ჩემპიონატებზე განსაკუთრებული წარმატება მოიპოვეს. მათ შორის არიან ისეთებიც, რომლებმაც ისტორიაში პირველად დააფიქსირეს წარმატება ჩვენი ქვეყნის სახელით. ასევე ტრადიციულად, ჯილდოვდება ქალთა ხუთი და ამპუტანტ ფეხბურთელთა ერთი გუნდი“, – განაცხადა კახა კალაძემ.მისივე თქმით, თბილისის მერია სხვადასხვა პროგრამის სახით ხელს უწყობს და ახალისებს აღნიშნულ მიმართულებას, რადგან სპორტის განვითარება მუნიციპალიტეტისთვის ერთ-ერთი მნიშვნელოვანი პრიორიტეტია.„პირადად მე, ჩემი ყოველდღიური ცხოვრებით ვცდილობ, რაც შეიძლება მეტ ადამიანს მივცე მოტივაცია, რათა ჯანსაღი ცხოვრების წესით დაკავდნენ. არ არის აუცილებელი, ყველა პროფესიონალი სპორტსმენი იყოს, მაგრამ იცხოვრო სპორტულად, ჯანსაღი ცხოვრების წესით, ვფიქრობ, ეს, პირველ რიგში, ჩვენი ჯანმრთელობისთვის აუცილებელი წინაპირობაა. მომავალშიც ყველაფერს გავაკეთებთ, რომ ხელი შევუწყოთ სპორტის ყველა სახეობას. მინდა, ხაზი გავუსვა ცენტრალური ხელისუფლების მხრიდან განხორციელებულ მნიშვნელოვან პროექტებსაც და მადლობა გადავუხადო ქვეყნის პრემიერ-მინისტრ ირაკლი კობახიძეს, რომელიც ასევე სპორტის ძალიან დიდი ქომაგია. რა თქმა უნდა, ინფრაქტრუქტურული პროექტების, სხვადასხვა წამახალისებელი პროგრამების გარეშე, შეუძლებელი იქნებოდა მიგვეღო ის შედეგი, რაც ბოლო ორი წლის განმავლობაში გვქონდა. ამიტომ ამ მიმართულებით მუშაობა უნდა განვაგრძოთ“, – აღნიშნა დედაქალაქის მერმა.კახა კალაძემ სპორტსმენებს მადლობა გადაუხადა და მომდევნო წლებში კიდევ უფრო მეტი წარმატება უსურვა.„მინდა, წარმატება გისურვოთ თითოეულ თქვენგანს. დარწმუნებული ვარ, მომდევნო წლები კიდევ უფრო მნიშვნელოვანი იქნება ჩვენი ქვეყნისთვის და კიდევ ბევრჯერ გაახარებთ ქართველ ხალხს. გახსოვდეთ, რომ თქვენი წარმატება არ არის მხოლოდ პირადი და თქვენი ოჯახების წარმატება. ეს არის ჩვენი ქვეყნის წარმატება. მადლობა იმისთვის, რასაც აკეთებთ. იცოდეთ, რომ ჩემი სახით გყავთ ძალიან დიდი გულშემატკივარი“, – მიმართა თბილისის მერმა სპორტსმენებს.დღევანდელ ღონისძიებაზე გამარჯვებულები ხუთ ნომინაციაში გამოვლინდნენ. წლის საუკეთესო თბილისელი სპორტსმენი მამაკაცი სანდრო ბაზაძე გახდა, წლის საუკეთესო თბილისელი სპორტსმენი ქალი – ეთერ ლიპარტელიანი, წლის საუკეთესო თბილისელი პარასპორტსმენი მამაკაცი – გიორგი ქალდანი, წლის საუკეთესო თბილისელი პარასპორტსმენი ქალი – ნინო თიბილაშვილი, ხოლო წლის საუკეთესო პროექტად „თბილისის სასკოლო ლიგა“ დასახელდა.წარმატებული თბილისელი სპორტსმენების დაჯილდოების ღონისძიება 2018 წლიდან იმართება. ამ დროის განმავლობაში თბილისის მერიამ 931 სპორტსმენი დააჯილდოვა. მიმდინარე წელს პროგრამის ბიუჯეტი 1 297 000 ლარს შეადგენს.ინფორმაციას თბილისის მერია ავრცელებს. 

საქართველოს საზღვაო ტრანსპორტის სააგენტომ, როგორც ქვეყნის ეროვნულმა საზღვაო ორგანომ, ნათია ლაბაძეს კაპიტნის წოდება მიანიჭა.აღნიშნული გადაწყვეტილებით, ნათია ლაბაძე გახდა პირველი ქალი კაპიტანი საქართველოში.ნათია ლაბაძე ბათუმის საზღვაო აკადემიის კურსდამთავრებულია. მისი პროფესიული გზა 2015 წელს კადეტობიდან დაიწყო. ამჟამად იგი კონტეინერმზიდ გემზე კაპიტნის თანაშემწედ მუშაობს და მზად არის, ჩაიბაროს გემის კაპიტნის პოზიცია და ეკიპაჟის ხელმძღვანელობა.ნათია ლაბაძის პროფესიული მიღწევა მნიშვნელოვანი მაგალითია ქალთა ჩართულობის ზრდის თვალსაზრისით საზღვაო დარგში.ამჟამად საზღვაო ტრანსპორტის სააგენტოს მიერ 130 ქალი მეზღვაურია სერტიფიცირებული, საიდანაც 120 საკრუიზო გემებზეა დასაქმებული როგორც დამხმარე პერსონალი. რაც შეეხება დანარჩენ 10 ქალ მეზღვაურს, ისინი უშუალოდ მეზღვაურის კომპეტენციას ფლობენ, ოთხი მათგანი ამჟამად შორეულ ნაოსნობაშია. აღსანიშნავია, რომ საქართველოში ქალები გასული საუკუნის დასაწყისიდან ცდილობდნენ საზღვაო პროფესიებში დასაქმებას. მე-20 საუკუნის პირველ ნახევარში იულია ფაილოძემ, ვაიდე გვარიშვილმა, ნინო კალანდაძემ და შუშანა თუმანიშვილმა ბათუმის საზღვაო ტექნიკუმი დაამთავრეს და შორეულ ნაოსნობაში გასვლის სურვილი გამოთქვეს. მე-20 საუკუნის მეორე ნახევრიდან ყოფილ საბჭოთა კავშირში ქალების მსახურება შორეულ ნაოსნობაში პრაქტიკულად შეუძლებელი იყო. შეზღუდვების გამო, ქალები საზღვაო დარგში ძირითადად სანაპირო და დამხმარე მიმართულებებში საქმიანობდნენ — მეტეოროლოგიაში, რადისტებად, სამედიცინო პერსონალში, ჰიდროგრაფიაში და სხვა სანაპირო სტრუქტურებში. სწორედ ამიტომ ნათია ლაბაძის პრეცედენტი გამორჩეულია და საქართველოს იმ ქვეყნების გვერდით აყენებს, სადაც ქალს გემზე უმაღლესი თანამდებობის დაკავება შეუძლია.ინფორმაციას საზღვაო ტრანსპორტის სააგენტო ავრცელებს

„ქართული ოცნების“ მხრიდან რაც არ უნდა თავს მოხვეული ფორმატი იყოს, დებატებში მონაწილეობა უნდა მივიღოთ, – ამის შესახებ პარტიის „გახარია საქართველოსთვის“ წევრმა, გიორგი შარაშიძემ განაცხადა.როგორც შარაშიძემ აღნიშნა, პარტიაში „ქართული ოცნების“ ელექტორატისთვის ბრძოლა მიაჩნიათ სწორად.„ამდენი წლის განმავლობაში მხოლოდ ჩვენი გუნდიდან „ქართულ ოცნებას“ დებატებზე არაერთი შეთავაზება ჰქონია. „ქართული ოცნება“ აქამდე ნებისმიერი ტიპის დებატებზე უარს აცხადებდა. ჯერ არ ვიცით, რა ფორმატს გადაწყვეტენ. რა თქმა უნდა, საბოლოო ჯამში, ეს მათთვის არ იქნება არაკომფორტული ფორმატი. ყველაფერს გააკეთებენ, რომ დებატები იყოს მათთვის კომფორტული – მათი ტელევიზია, მათი ჯიბის ექსპერტები, მათი სატელიტური ოპოზიცია. მოიწვევენ ფილოსოფოსებს, ვითომ ოპოზიციას პარლამენტიდან, „ხალხის ძალას“ და „ევროპელ სოციალისტებს“, აღარ ვსაუბრობ არასაპარლამენტო სხვა პარტიებზე, „ნეიტრალურ საქართველოზე“ და ა.შ. „ოცნება“ ყველაფერს გააკეთებს, რათა სპიკერები, ვინც  რეალურად პასუხისმგებელი არიან, მაგალითად, კობახიძე, კალაძე და ა.შ. არ გამოუშვას და გამოუშვას მეორადი კატეგორიის სპიკერები.მიუხედავად იმისა, რომ „ქართულ ოცნებას“ რეალურად კი არ სურს დებატები და დემოკრატიული პროცესები, არამედ უნდა შეფუთოს, რეალურად დებატების სიმულაცია მოახდინოს, მაინც სწორად მიგვაჩნია „ქართული ოცნების“ ელექტორატისთვის ბრძოლა. „ქართული ოცნების“ მხრიდან რაც არ უნდა თავს მოხვეული ფორმატი იყოს, დებატებში მონაწილეობა უნდა მივიღოთ, რათა „ოცნებას“ საკუთარ მოედანზე, პირში ვუთხრათ, რა არის სიმართლე და ხალხს გავაგებინოთ, რომ მთელი მათი პროპაგანდა აგებულია ტყუილებზე, ცილისწამებაზე, დეზინფორამაციასა და ზღაპრებზე. მოლოდინი არ მაქვს, რომ ისინი დებატებში დაგვიჯდებიან, რადგან „ოცნებას“ დღეს ვინმესი თუ ეშინია, პირველ რიგში, ეს არის გახარია და მისი გუნდი, თუმცა ვნახოთ, დაველოდოთ. ნებისმიერ შემთხვევაში ჩვენ დებატებისთვის მზაობას გამოვხატავთ“, – განაცხადა შარაშიძემ.რაც შეეხება პარტიის ლიდერის, გიორგი გახარიას დებატებში მონაწილეობასთან დაკავშირებით დასმულ კითხვას, შარაშიძის თქმით, გახარიასთვის ოპონენტი მხოლოდ ბიძინა ივანიშვილი იქნება.„დისტანციურადაც შეიძლება დებატების მოწყობა. გიორგი გახარიასთან დაკავშირებით დებატებზე საუბარი ჯერ ცოტა ადრეა. გიორგი გახარიასთვის ოპონენტი მხოლოდ და მხოლოდ ბიძინა ივანიშვილი იქნება. რა თქმა უნდა, გახარია ირაკლი კობახიძესთან დებატებზე რომ არ დაჯდება, მგონი, ამას თავადაც კარგად ხვდებით“, – აღნიშნა შარაშიძემ.საქართველოს პრემიერ-მინისტრმა, ირაკლი კობახიძემ განაცხადა, რომ ქართველმა ხალხმა ნებისმიერი არჩევანი სწორი ანალიზის შედეგად რომ გააკეთოს, უნდა მიეცეს საშუალება, საჯაროდ მოისმინოს ყველა ჯგუფის პოზიცია, ვისაც ხელისუფლებაში ყოფნის ამბიცია აქვს. „ვალდებული ვართ, დავუბრუნოთ ხალხს დებატებით სარგებლობის უფლება და არ მივცეთ საშუალება არაფორმალურ ძალებს, მის „ქართველ“ აგენტურას, საკუთარი დღის წესრიგი მოგვახვიონ თავს“,  – აღნიშნა ირაკლი კობახიძემ.