მარინა ეზუგბაია: ინფიცირების ძირითადი ნაწილი აჭარაშია, დანარჩენ რეგიონებში ლოკალიზაციისკენ მივდივართ

ყველამ დაინახა, რომ „ბიბისიზე“ გავრცელებული ეს ინფორმაცია იყო სრული სიცრუე, სამარცხვინო ტყუილი, აქედან გამომდინარე მათ მოუწიათ ამ ტყუილის აღიარება, შესაბამისად, სარჩელშიც არ ვხვდებით არავითარ მინიშნებას „კამიტთან“ დაკავშირებით, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს, საიას სარჩელთან დაკავშირებით დასმული კითხვის საპასუხოდ განუცხადა.ჟურნალისტებმა კობახიძეს კითხვა დაუსვეს „ახალგაზრდა იურისტთა ასოციაციის“ მიერ გაკეთებულ განცხადებაზე, რომ წყლის ჭავლში შერეული ნივთიერებებით დაზიანებული მოქალაქეების სახელით სამართალწარმოებას იწყებენ. მათი მხრიდან სარჩელში ნახსენები არ არის სიტყვა „კამიტი“.მთავრობის მეთაურის თქმით, ეს იყო სამარცხვინო პროპაგანდისტული სიუჟეტი, რომელიც მოამზადა „ბიბისიმ“.„ყველამ დაინახა, რომ „ბიბისიზე“ გავრცელებული ეს ინფორმაცია იყო სრული სიცრუე, სამარცხვინო ტყუილი, აქედან გამომდინარე მათ მოუწიათ ამ ტყუილის აღიარება. შესაბამისად, სარჩელშიც არ ვხვდებით არავითარ მინიშნებას „კამიტთან“ დაკავშირებით. ეს იყო სამარცხვინო პროპაგანდისტული სიუჟეტი, რომელიც მოამზადა „ბიბისიმ“, რომელიც გამოირჩეოდა მაღალი რეპუტაციით. საერთოდ არ აინტერესებთ არც რეპუტაცია და არც არაფერი. მზად არიან, ნებისმიერი უხეში სიცრუე და ტყუილი გაავრცელონ „ბიბისის“ ეთერით. სახელმწიფო უსაფრთხოების სამსახურმა დეტალური ინფორმაცია გაავრცელა ამასთან დაკავშირებით. ტყუილია, რომ საზოგადოებისთვის არ არის ცნობილი ინფორმაცია ნივთიერების შესახებ. სახელმწიფო უსაფრთხოების სამსახურმა ჩაატარა ბრიფინგი და დეტალურად გააცნო ეს ინფორმაცია საზოგადოებას. ძალიან მკაფიოდ ითქვა, რომ არც ერთი საერთაშორისო დონეზე აკრძალული ნივთიერება არ ყოფილა გამოყენებული შეკრების დაშლის დროს. ცრემლმდენი საშუალების გამოყენება, ეს არის მიღებული საერთაშორისო პრაქტიკა ძალიან ბევრ დემოკრატიულ ქვეყანაში. ყველაფერი დანარჩენი „ბიბისის“ და სხვისი ტყუილებია“, – განაცხადა პრემიერმა.

14-15 თებერვალს სლოვაკეთის ქალაქ სამორინში გამართულ კადეტთა ევროპის თასზე საქართველოს ძიუდოისტთა ნაკრებმა ასპარეზობა ოთხი მედლით დაასრულა.გიორგი ავალიანი (-60 კგ) საბა ნოზაძე (-50 კგ) მუსლიმ ტოხოსაშვილი (-50 კგ) ნიკოლოზ მუშტარაული (-55 კგ) ვულოცავთ ბიჭებს და მთელ საქართველოს ამ წარმატებას! წინ კიდევ ბევრი გამარჯვებაა!

ევროკომისია გეგმავს, უნგრეთის პრემიერ-მინისტრთან მიმართებით კრიტიკა შეარბილოს და მის მთავრობას ახალი დაფინანსებაც კი გამოუყოს. ამის შესახებ „ფაინენშალ თაიმსი“ წერს. როგორც გამოცემა წერს, მაღალჩინოსნებს არ სურთ უნგრეთის არჩევნებში ჩარევა ან ორბანისთვის ბრიუსელის საწინააღმდეგო კამპანიის დაბრალება.„ევროკომისია გონივრულად მოიქცევა, რომ უნგრეთთან დაკავშირებით არანაირი მნიშვნელოვანი განცხადება არ გააკეთოს, რათა არჩევნებში ჩარევაში ბრალდების რისკი არ შეიქმნას“, – განაცხადა ერთ-ერთმა მაღალჩინოსანმა.წყაროების ცნობით, უნგრეთთან დაკავშირებით კომისიამ უკვე დაიწყო უფრო ფრთხილი მოქმედება საჯარო განცხადებებში.როგორც „ფაინენშალ თაიმსი“ იუწყება, „ბოლო დროს გამოთქმული შეშფოთების მიუხედავად, ორბანის მთავრობას არჩევნებამდე დაახლოებით 2.4 მილიარდი ევროს ახალი დაფინანსების მიღება შეუძლია“.„ასეთ ისტორიულ, გადამწყვეტ არჩევნებამდე რამდენიმე თვით ადრე მათ დაასკვნეს, რომ საუკეთესო იყო არაფრის გაკეთება. ევროკომისია ფსონებს აზღვევს, რაც ნორმალურია“, – „ფაინენშალ თაიმსის“ ცნობით, აღნიშნა ერთ-ერთმა უნგრელმა მაღალჩინოსანმა.

აშშ-ის შიდა უსაფრთხოების დეპარტამენტი ტექნოლოგიური კომპანიებისგან, როგორიცაა Google, Meta, Reddit და Discord იმ პირთა მაიდენტიფიცირებელი ინფორმაციის მიწოდებას მოითხოვს, რომლებიც სოციალური ქსელებში ანონიმურობის დაცვით მოქმედებენ, ღიად აკრიტიკებენ აშშ-ის საიმიგრაციო სამსახურს ან საგანგებოდ შექმნილი აპლიკაციის საშუალებით თვალყურს ადევნებენ საიმიგრაციო სამსახურის ოფიცრების გადაადგილებას და ამ ინფორმაციას ასაჯაროებენ.როგორც „ნიუ იორკ თაიმსი“ აღნიშნავს, უწყებას ასობით პირის შესახებ აქვს ინფორმაცია გამოთხოვილი და სურს, წვდომა მოიპოვოს პირთა ვინაობის, ელექტრონული ფოსტის, ტელეფონის ნომრისა და სხვა პირადი ინფორმაციის შესახებ.აღსანიშნავია, რომ ტექნოლოგიური კომპანიების ნებაზეა დამოკიდებული, გასცემენ თუ არა ამ ინფორმაციას. ზოგიერთ შემთხვევაში, კომპანიებმა თავიანთ მომხმარებლებს აცნობეს, რომ მათზე ინფორმაციას ითხოვს შიდა უსაფრთხოების დეპარტამენტი. კომპანიებმა მომხმარებლებს 10-14-დღიანი ვადა მისცეს სურვილის შემთხვევაში, ამ მოთხოვნის სასამართლოში გასასაჩივრებლად.მომხმარებელთა უფლებებს სამოქალაქო თავისუფლების ამერიკული კავშირი იცავს, რომლის ცნობით, ხელისუფლება მოქალაქეთა სიტყვის თავისუფლებას არღვევს.ხელისუფლებაში კი აცხადებენ, რომ ამ ინფორმაციის მიღება საიმიგრაციო აგენტების დასაცავად და მათი უსაფრთხოების უზრუნველსაყოფად სჭირდება.აღსანიშნავია, რომ ზოგიერთი ასეთი განაცხადი უწყებამ უკან გაიწვია, მას შემდეგ, რაც ის სასამართლოში გაასაჩივრეს.

ქვეყნის გარედან საქართველოში პოლიტიკა არ უნდა ფინანსდებოდეს და ზუსტად ამ იდეას ემსახურება იმ კანონპროექტების პაკეტი, რომელიც დაინიცირდა პარლამენტში, – ამის შესახებ საქართველოს პრემიერ-მინისტრმა, ირაკლი კობახიძემ „გრანტების შესახებ“ საქართველოს კანონში შესატან ცვლილებებთან დაკავშირებული კითხვის საპასუხოდ განაცხადა.როგორც მთავრობის მეთაურმა აღნიშნა, ბევრი რამის დაზუსტება იყო მნიშვნელოვანი  და აუცილებელი.„კონკრეტული ადამიანები ცდილობენ ხვრელების პოვნას არსებულ კანონმდებლობაში და ასეთი გზით, საქართველოში პოლიტიკური პროცესების დაფინანსებას. რა თქმა უნდა, ქვეყნის გარედან საქართველოში პოლიტიკა არ უნდა ფინანსდებოდეს და ზუსტად ამ იდეას ემსახურება იმ კანონპროექტების პაკეტი, რომელიც დაინიცირდა პარლამენტში და რომელსაც იღებს საქართველოს პარლამენტი“, – განაცხადა ირაკლი კობახიძემ.