კახა კალაძის თქმით, საბავშვო ბაღების აღსაზრდელებისთვის საკვები პროდუქტების დარიგება სწავლის დაწყებამდე გაგრძელდება

დიდი ბრიტანეთის პრემიერ-მინისტრმა, კირ სტარმერმა მთავრობაში უსაფრთხოების სტანდარტებზე პასუხისმგებელ ჯგუფს დაავალა, შეისწავლოს აშშ-ში ბრიტანეთის ყოფილი ელჩის, პიტერ მანდელსონის თანამდებობაზე ყოფნის პერიოდში გამოვლენილი უსაფრთხოების პრობლემები.„ვთხოვე მინისტრთა კაბინეტის ოფისის სამთავრობო უსაფრთხოების ჯგუფს, განიხილოს პიტერ მანდელსონის მოვალეობის განხორციელების პერიოდში წამოჭრილი ნებისმიერი შეშფოთება უსაფრთხოების მიმართულებით“, – განაცხადა სტარმერმა.ცნობისთვის, მანდელსონი ამერიკელი ფინანსისტის, ჯეფრი ეპშტეინის ფაილებში ფიგურირებს. აშშ-ის იუსტიციის დეპარტამენტმა იანვრის ბოლოს გამოაქვეყნა ელექტრონული წერილები, რომლებიც ადასტურებს, რომ მანდელსონსა და ეპშტეინს უფრო ახლო ურთიერთობა ჰქონდათ, ვიდრე ეს საჯაროდ იყო ცნობილი. გარდა ამისა, გაირკვა, რომ მანდელსონმა ეპშტეინს კონფიდენციალური ინფორმაცია გაუზიარა მაშინ, როდესაც ის ყოფილი პრემიერ-მინისტრის, გორდონ ბრაუნის მთავრობაში მინისტრი იყო.დიდი ბრიტანეთის პრემიერ-მინისტრმა განაცხადა, რომ ინფორმაციით აღშფოთებულია.„რაც შეეხება ჩემი აღშფოთების მიზეზს ამ პროცესთან დაკავშირებით, მე მჯერა, რომ ეს ინფორმაცია თავიდანვე უნდა მოგეწოდებინათ. უნდა მოგეწოდებინათ მისი დანიშვნისას. უნდა მოგეწოდებინათ მანდელსონის გათავისუფლებისას. კაბინეტის მდივანს უნდა მოეხსენებინა, როდესაც ის პროცესის გადახედვას აწარმოებდა“, – განაცხადა სტარმერმა.ცნობისთვის, ჯეფრი ეპშტეინთან კავშირების დადასტურების გამო, დიდმა ბრიტანეთმა აშშ-ში გაერთიანებული სამეფოს ელჩი პიტერ მანდელსონი თანამდებობიდან გაათავისუფლა.მანდელსონმა დატოვა პრემიერ-მინისტრ კირ სტარმერის ლეიბორისტული პარტიაც.

პაკისტანში დარწმუნებულნი არიან, რომ ირანი აშშ-თან მოლაპარაკებებს დაესწრება, – ამის შესახებ პაკისტანელმა მაღალჩინოსანმა „როიტერს“ განუცხადა.„ირანისგან დადებითი სიგნალი მივიღეთ. მდგომარეობა ცვალებადია,  მაგრამ ვცდილობთ, რომ ისინი აქ იყვნენ, როდესაც მოლაპარაკებებს ხვალ ან ზეგ დავიწყებთ“, – განუცხადა გამოცემას წყარომ.პაკისტანის წარმომადგენლის თქმით, ისინი აქტიურად აწარმოებენ მოლაპარაკებებს როგორც თეირანთან, ასევე ვაშინგტონთან.ცნობისთვის, მანამდე ირანის საგარეო უწყების წარმომადგენელმა აღნიშნა, აშშ-თან მოლაპარაკებების შემდეგი რაუნდის გეგმა თეირანს არ აქვს. გაურკვეველია, გაგრძელდება თუ არა აშშ-ირანის სამშვიდობო მოლაპარაკებების მეორე რაუნდი მას შემდეგ, რაც შეერთებულმა შტატებმა ირანის დროშის ქვეშ მცურავი გემი დააკავა. ამ ფაქტმა თეირანის მხრიდან მწვავე რეაქცია გამოიწვია.

შეთანხმება, რომელსაც ირანთან ვდებთ, გაცილებით უკეთესი იქნება ვიდრე JCPOA, რომელიც ჩვულებრივ ცნობილია, როგორც „ირანის ბირთვული შეთანხმება“, - ამის შესახებ აშშ-ის პრეზიდენტი დონალდ ტრამპი სოციალურ ქსელში წერს. „ბარაქ ჰუსეინ ობამასა და მძინარე ჯო ბაიდენის ეს შეთანხმება ყველაზე ცუდი რამ არის, რაც ჩვენი ქვეყნის ეროვნულ უსაფრთხოებას ეხება. ეს ბირთვული იარაღისკენ გარანტირებული გზა იყო, რაც იმ შეთანხმებით არ მოხდება, რომელზეც ჩვენ ვმუშაობთ. ეს შეთანხმება რომ არ გამეუქმებინა, ახლა ბირთვული იარაღის გამოყენება ისრაელისა და მთელი ახლო აღმოსავლეთის წინააღმდეგ მოხდებოდა. თუ შეთანხმების დადება „ტრამპის“ ქვეშ მოხდება, ეს უზრუნველყოფს მშვიდობას, უსაფრთხოებასა და დაცვას არა მხოლოდ ისრაელისა და ახლო აღმოსავლეთისთვის, არამედ ევროპისთვის, ამერიკისთვის და ყველასთვის. ეს ისეთი რამ იქნება, რითაც მთელი მსოფლიო იამაყებს“, - წერს ტრამპი Truth Social-ზე. ასევე, დონალდ ტრამპმა „დემოკრატები“ და მედია გააკრიტიკა. „დემოკრატები ყველაფერს აკეთებენ, რომ ზიანი მიაყენონ იმ ძალიან ძლიერ პოზიციას, რომელიც ჩვენ ირანთან დაკავშირებით გვაქვს. არ მივცემ მათ უფლებას, რომ აშშ დააჩქარონ, რათა ისეთი შეთანხმება დადოს, რომელიც ისეთი კარგი არ იქნება, როგორიც შეიძლება ყოფილიყო. „ფეიკ ნიუსი“ წავიკითხე, რომელიც ამბობდა, რომ მე თითქოს „ზეწოლის“ ქვეშ ვარ, რათა შეთანხმება დავდო. ეს არ არის სიმართლე! მე არანაირი ზეწოლის ქვეშ არ ვარ, თუმცა ეს ყველაფერი ძალიან სწრაფად მოხდება. ეს შესანიშნავად შესრულებული, ვენესუელის მასშტაბის, უბრალოდ უფრო დიდი და რთული ოპერაციაა. შედეგი კი იგივე იქნება!“, - აცხადებს აშშ-ის პრეზიდენტი.

ბერ ნიკოლოზს 23 აპრილს ჯიქიის სასაფლაოზე დაკრძალავენ.ამის შესახებ სოციალურ ქსელში ლაშა გოგოლაძე წერს.„ბევრმა მომწერა მამა ნიკოლოზის პანაშვიდთან დაკავშირებით და აქ დავწერ. 23 აპ­რილს ჯი­ქი­ას სა­საფ­ლა­ო­ზე ხმოხდება დაკრძალვა.  გას­ვე­ნე­ბა იქ­ნე­ბა ხუთ­შა­ბათს ორ სა­ათ­ზე უნი­ვერ­სი­ტე­ტის 6ა, ჰერ­მე­სი, რი­ტუ­ა­ლე­ბის სა­სახ­ლი­დან“, - წერია გავრცელებულ ინფორმაციაში.

ირანის პრეზიდენტი მასუდ ფეზეშქიანი აცხადებს, რომ აშშ-ისა და ირანის მოლაპარაკებების საფუძველი ვალდებულებების შესრულება უნდა იყოს.„აზრიანი დიალოგის საფუძველია ვალდებულებების შესრულება. ირანში აშშ-ის მთავრობის მიმართ ღრმა ისტორიული უნდობლობა კვლავ არსებობს, ხოლო ამერიკელი მაღალჩინოსნების არაკონსტრუქციული და წინააღმდეგობრივი სიგნალები მწარე გზავნილს შეიცავს – ისინი ირანის კაპიტულაციას ითხოვენ. ირანელები ძალას არ დაემორჩილებიან“, – განაცხადა ფეზეშქიანმა.ცნობისთვის, ირანში უარს აცხადებენ შეერთებულ შტატებთან მოლაპარაკებების მეორე რაუნდში მონაწილეობაზე, რომლის დაწყებასაც აშშ ლიბანთან ცეცხლის შეწყვეტის ათდღიანი ვადის გასვლამდე იმედოვნებდა.