ვინ არის ყინწვისის წმ. ნიკოლოზის ტაძარის ბერი მამა ნაუმი, რომელიც უამრავ დაავადებას კურნავს

თბილისის საქალაქო სასამართლოში კორუფციულ დანაშაულში ბრალდებულ ყოფილი პრემიერ-მინისტრის, ირაკლი ღარიბაშვილის წინასასამართლო სხდომა მიმდინარეობს.დღევანდელ პროცესზე მტკიცებულებების დასაშვებობაზე იმსჯელებენ, ამასთან, გადაწყდება საქმე არსებითად განსახილველად გადაეცეს თუ არა სასამართლოს.სხდომას არ ესწრება ირაკლი ღარიბაშვილი და როგორც მისი პოზიციიდანააცნობილი, ის არც ერთ პროცესს არ დაესწრება და მის პოზიციებს კვლავ წერილებით გაჟღერებს.როგორც ადვოკატები აცხადებენ, ისინი საქმის შეწყვეტას მოითხოვენ.ცნობისთვის, ღარიბაშვილის წინააღმდეგ ჩვენება ყოფილმა თავდაცვის მინისტრმა, ჯუანშერ ბურჭულაძემ და მისმა ნათესავმა, მსჯავრდებულმა ვასილ მხეიძემ მისცეს. მათი ჩვენების შესაბამისად, შესყიდვების, შესაბამისი გარანტიებისა და მფარველობის სანაცვლოდ, ირაკლი ღარიბაშვილს ჯუანშერ ბურჭულაძემ ქრთამის სახით მიღებული 1 500 000 ლარიდან 750 000 ლარი ირაკლი ღარიბაშვილს ხელზე გადასცა, 750 000 ლარი კი თავად დაიტოვა,ზემოხსენებული ქმედების შედეგად, სახელმწიფოს მიადგა დიდი ოდენობით - 6 985 255 ლარის ქონებრივი ზიანი და არსებითად დაირღვა საჯარო ინტერესი.ცნობისთვის, პროკურატურამ ირაკლი ღარიბაშვილს ბრალდება საქართველოს სსკ-ის 338-ე მუხლის მეორე ნაწილის ,,ა“, ,,გ“ ქვეპუნქტებითა და მესამე ნაწილის ,,ე“ ქვეპუნქტით წარუდგინა, რაც გულისხმობს სახელმწიფო-პოლიტიკური თანამდებობის მქონე პირის მიერ, ჯგუფურად განსაკუთრებით დიდი ოდენობით ქრთამის აღებას და სასჯელის სახით 11-დან 15 წლამდე თავისუფლების აღკვეთას ითვალისწინებს.ირაკლი ღარიბაშვილი მსჯავრდებულია განსაკუთრებით დიდი ოდენობით უკანონო შემოსავლის ლეგალიზაციაში. მას საპროცესო შეთანხმების საფუძველზე 5 წლით თავისუფლების აღკვეთა მიესაჯა და 1 მილიონი ლარი ჯარიმა დაეკისრა.

დევნილთა ფულადი კომპენსაციის მისაღებად განაცხადების მიღება დღეს დაიწყო და 2 ნოემბრის ჩათვლით გაგრძელდება.ჯანდაცვის სამინისტროს ცნობით, დევნილ ოჯახებს განაცხადის წარდგენა ქვეყნის მასშტაბით, იუსტიციის სახლებსა და საზოგადოებრივ ცენტრებში შეუძლიათ.„პროგრამაში მონაწილეობა ნებაყოფლობითია და მასში ჩართვა შეუძლია ყველა იმ დევნილ ოჯახს, რომელსაც სახელმწიფოსგან საცხოვრებელი ფართი ან შესაბამისი ფულადი კომპენსაცია არ მიუღია. კომპენსაციის ოდენობა ოჯახის თითოეულ დევნილ წევრზე 10 000 ლარს შეადგენს.პროგრამაში მონაწილეობა ნებაყოფლობითია და დევნილ ოჯახებს შესაძლებლობას აძლევს, თავად გადაწყვიტონ, ისარგებლებენ საცხოვრებელი ფართით უზრუნველყოფის არსებული მექანიზმებით თუ ფულად კომპენსაციას აირჩევენ. ფულადი კომპენსაცია განსაკუთრებით მნიშვნელოვანია იმ ოჯახებისთვის, რომლებსაც საცხოვრებელი დამოუკიდებლად უკვე შეძენილი აქვთ და სახელმწიფოსგან ბინის მიღების ნაცვლად ფინანსური მხარდაჭერა სურთ.განაცხადის წარსადგენად საჭიროა მოქმედი პირადობის დამადასტურებელი დოკუმენტი, ხოლო ოჯახის არასრულწლოვანი წევრების შემთხვევაში, დაბადების მოწმობა. განაცხადის შევსებისას ადგილზე უნდა იმყოფებოდეს ოჯახის ყველა სრულწლოვანი დევნილი წევრი.განაცხადების მიღების პარალელურად, დევნილთა სააგენტო გადაამოწმებს, აკმაყოფილებს თუ არა ოჯახი კომპენსაციის მიღების კრიტერიუმებს. კომპენსაცია განაცხადების მიღების პროცესის დასრულებიდან არაუგვიანეს 45 კალენდარული დღის ვადაში გაიცემა. თანხა დევნილ ოჯახებს „ლიბერთი ბანკის“ ანგარიშებზე ჩაერიცხებათ.მიმდინარე წელს ფულადი კომპენსაციით უზრუნველყოფისთვის 58 მილიონი ლარია გამოყოფილი. ინიციატივა მომდევნო წელსაც გაგრძელდება, განაცხადების მიღების ახალი ეტაპის დაწყების თარიღი კი დამატებით გამოცხადდება.ფულადი კომპენსაციის მექანიზმი დევნილთა განსახლების არსებულ პროგრამებს არ ანაცვლებს. პარალელურად გაგრძელდება თანამედროვე სტანდარტების შესაბამისი საცხოვრებელი კომპლექსების მშენებლობა და „სოფლად სახლის“ შესყიდვის პროგრამა. ამგვარად, დევნილ ოჯახებს საცხოვრებლით უზრუნველყოფის სხვადასხვა შესაძლებლობა ექნებათ, მათი საჭიროებებისა და არჩევანის შესაბამისად“, - აღნიშნულია ინფორმაციაში.

რუსეთის პრეზიდენტმა ვლადიმერ პუტინმა წამოაყენა წინადადება, რომ მომავალ თვეში ის, აშშ-ის პრეზიდენტი დონალდ ტრამპი და ჩინეთის ლიდერი სი ძინპინი შეხვდნენ ერთმანეთს უკრაინის საკითხზე სასაუბროდ, - ინფორმაციას Wall Street Journal-ი ინფორმირებულ წყაროებზე დაყრდნობით ავრცელებს.გამოცემის წყაროების ცნობით, მიზანი ოთხწლიანი კონფლიქტის დასრულებაზე ისეთი შეთანხმების მიღწევის მცდელობაა, რომელიც მოსკოვის ინტერესებს მოემსახურება.Wall Street Journal-ი წერს, რომ ეს გეგმა არის პუტინის მცდელობა, ისარგებლოს მასსა და დონალდ ტრამპს შორის ურთიერთობების დათბობით, რაც შეშფოთებას იწვევს უკრაინასა და მის მოკავშირეებში, როგორც ვაშინგტონში, ისე ევროპაში.„ასეთი სამიტი - უკრაინის პრეზიდენტის, ვოლოდიმირ ზელენსკი მონაწილეობის გარეშე - უპრეცედენტო იქნება და ევროპისა და მის ფარგლებს გარეთ მდებარე ქვეყნების დედაქალაქებში განგაშის ზარებს დარეკავს“, - წერს Wall Street Journal-ი.გამოცემის წყაროების ცნობით, პუტინმა ეს წინადადება ტრამპთან 9 ოქტომბერს გამართული სატელეფონო საუბრისას წამოაყენა.WSJ-ის ცნობით, კრემლი სამმხრივი დიალოგის აზია-წყნარი ოკეანის ეკონომიკური თანამშრომლობის (APEC) მოახლოებული სამიტის ფარგლებში გამართვის შეთავაზებით გამოვიდა. სამიტი 18-19 ნოემბერს ჩინეთის ქალაქ შენჭენშია დაგეგმილი.კრემლის პრესსპიკერმა დიმიტრი პესკოვმა გამოცემას დაუდასტურა, რომ შესაძლო შეხვედრასთან დაკავშირებით მოლაპარაკებები მიმდინარეობს.„ჯერჯერობით არ არსებობს მკაფიო წარმოდგენა თავად შეხვედრის ან მისი სავარაუდო დღის წესრიგის შესახებ, თუმცა სამივე მხარე უშვებს ასეთი შეხვედრის გამართვის ჰიპოთეტურ შესაძლებლობას“, - განუცხადა პესკოვმა Wall Street Journal-ს.ამერიკელმა მაღალჩინოსანმა გამოცემასთან საუბარში აღნიშნა, რომ ტრამპს ასეთ სამიტზე თანხმობა ჯერ არ განუცხადებია, თუმცა შესაძლოა, იდეა მისთვის მისაღები იყოს.

ქრისტიანის სიყვარული უნდა აღემატებოდეს ჩვეულებრივ სიყვარულს, ყველა ადამიანზე ვრცელდებოდეს, მათ შორის, მტრებზეც... ადამიანისთვის, ვინც მიისწრაფვის სიკეთისკენ, სიწმინდისკენ და ღმერთს სთხოვს შეწევნას, ყველაფერი შესაძლებელია... უნდა ვეცადოთ, გვიყვარდეს ყველა – ჩვენი მოყვარეც, ჩვენი მტრებიც, გვინდოდეს სხვისთვის ის, რაც ჩვენთვისვე გვსურს და ამ სიყვარულის მეშვეობით თვით ღმერთს მივემსგავსებით, - ამის შესახებ საქართველოს კათოლიკოს-პატრიარქმა შიო მესამემ ქადაგებისას განაცხადა.მისივე თქმით, მტერი არის ადამიანი, რომელიც ჩვენს სულს აზიანებს.„გილოცავთ დღევანდელ კვირა დღეს!სახარებიდან წაკითხული იყო უფალ იესო ქრისტეს სწავლება სიყვარულის შესახებ, მოყვასთან დამოკიდებულების შესახებ.უფალი ამბობს: „როგორც გინდათ, მოგექცნენ ადამიანები, თქვენც ისე მოექეცით მათ“ (ლკ. 6, 31). ასეთი მოკლე მოძღვრებაა, თუ როგორი დამოკიდებულება უნდა გვქონდეს ადამიანებისადმი და როგორ ვიცხოვროთ საღვთო სჯულით მართებულად. ესე იგი, რაც გინდა, რომ შენ გაგიკეთონ, რაც შენთვის სასურველია, ისე მოექეცი ადამიანებს; და რაც არ გინდა, რომ გაგიკეთონ, ნურც სხვისთვის ისურვებ. ჩვენ, სამწუხაროდ, გვავიწყდება ეს ოქროს წესად წოდებული მცნება, პრინციპი ცხოვრებისა და უფრო ხშირად უდიერად ვიხსენიებთ ადამიანებს, საკუთარი თავის განკითხვა კი გვავიწყდება. თვით განკითხვა ერთ-ერთი უმთავრესი სათნოებაა სულის გადარჩენისთვის.შემდეგ უფალი ამბობს: „რა საზღაური გექნებათ, თუ მარტო ახლობლები, ვინც თქვენი მოყვარეა, მხოლოდ ისინი გეყვარებათ?! ამას ხომ წარმართებიც და ცოდვილებიც აკეთებენ?! ასე უყვართ მათ ახლობლებიც, თავიანთი მოყვარულებიც“ (ლკ. 6, 32-33), არამედ ქრისტიანის სიყვარული უნდა აღემატებოდეს ჩვეულებრივ სიყვარულს, ყველა ადამიანზე ვრცელდებოდეს, მათ შორის, მტრებზეც.შემდეგ ამბობს უფალი დღევანდელ სახარებაში: „გიყვარდეთ თქვენი მტრები და სიკეთე უყავით მათ; და დიდი საზღაური გექნებათ. იქნებით ძენი მაღლისა, ძენი ღვთისა, რადგან მამათქვენი ზეცათა კეთილია უმადურთა და ბოროტთა მიმართაც“ (ლკ. 6, 35).რა თქმა უნდა, ჩვენთვის, ვინც უფრო მეტად მიდრეკილი ვართ ბოროტებისკენ, ვიდრე სიკეთისკენ, ძალიან ძნელი შესასრულებელია ეს მცნება მტრების სიყვარულის შესახებ, მაგრამ ღმერთი ხომ არ მოგვცემდა ისეთ მცნებას, რომლის შესრულებაც შეუძლებელია?! ამიტომ ადამიანისთვის, ვინც მიისწრაფვის სიკეთისკენ, სიწმინდისკენ და ღმერთს სთხოვს შეწევნას, ყველაფერი შესაძლებელია, მათ შორის, ამ მცნების აღსრულებაც.ახლა, პირველ რიგში, უნდა გავერკვეთ, ვის ეწოდება მტერი, ვინ არის შენი მტერი. ჩვენ ხშირად მტერს ვუწოდებთ ისეთ ადამიანს, რომელიც სინამდვილეში ასეთი არ არის, არამედ მხოლოდ ნებსით თუ უნებლიეთ რაიმე უსიამოვნება მოგვანიჭა. ეს არ არის მტერი.მტერი არის ადამიანი, რომელიც ჩვენს სულს აზიანებს, სულის ცხონების საქმეს ხელს უშლის და ებრძვის. ასევე მტერია ის, ვისაც უსამართლოდ ვძულვართ; ცდილობს, წაგვართვას სიცოცხლე, ან ჯანმრთელობა, ან ქონება; ცილს გვწამებს; ცდილობს, დააზიანოს, შელახოს ჩვენი კეთილი სახელი და ამის საჯაროდ გაკეთებასაც არ ერიდება.რაში უნდა ვლინდებოდეს მტრისადმი სიყვარული?!ბევრს ესეც ეშლება და ჰგონია, რომ რაღაც ტკბილი, სასიამოვნო გრძნობები, ემოციები უნდა გვქონდეს. ეს, რა თქმა უნდა, ასე არ არის. მტრის სიყვარული თვისებაა და არა გრძნობა. ესე იგი, უნდა ვლინდებოდეს იმაში, რომ შური არ ვიძიოთ, ბოროტებას ბოროტებით არ ვუპასუხოთ, მაგრამ ეს სულაც არ ნიშნავს ბოროტების წახალისებას, ხელის დაფარებას და მიჩქმალვას. არა! იმიტომ, რომ ბოროტების ნებისმიერ გამოვლინებას უნდა შევეწინააღმდეგოთ; რა თქმა უნდა, ის უნდა აღმოვფხვრათ, მაგრამ, პირველ რიგში, უნდა აღმოვფხვრათ სიყვარულით, სიკეთით, ქველმოქმედებით, ლოცვით, შეგონებით, ზოგჯერ – სამართლიანი სასჯელითაც. უკიდურეს შემთხვევაში კი, როდესაც ადამიანზე არანაირი შეგონება აღარ მოქმედებს, უკვე შეიძლება ასეთ ადამიანს განვეშოროთ. როგორც გვასწავლის უფალი ჩვენი იესო ქრისტე, „თუ შენს წინააღმდეგ ვინმე შესცოდავს, მიდი და ამხილე. თუ შეისმინა, ხომ შეგიძენია შენი ძმა. თუ არ შეისმინა, მიიყვანე კიდევ ერთი ან ორი შენთან ერთად, რომ ორი და სამი მოწმით დამტკიცდეს ეს სიმართლე. თუ იმისიც არ შეისმინა, ეკლესიას უთხარი. თუ ეკლესიისაც არ შეისმინა, იყოს ის შენთვის, როგორც მეზვერე და წარმართი“ (მთ. 18, 15-17). თქვენ იცით, რას ნიშნავს ებრაელისთვის მეზვერე და წარმართი. ეს ნიშნავდა, რომ არანაირი ურთიერთობა აღარ ჰქონდათ, წყვეტდნენ ურთიერთობას.მაგრამ ნებისმიერ შემთხვევაში, ქრისტიანი მტერს უნდა უყურებდეს, როგორც ღმერთის ქმნილებას, თუმცაღა – დაცემულს, დაღუპვის გზაზე ან დაღუპვის მდგომარეობაში მყოფს. ქრისტიანი ყოველთვის უნდა ცდილობდეს ასეთი ადამიანის გამოსწორებას და გადარჩენას.ამრიგად, თუ გვინდა, ვისწავლოთ მტრების სიყვარული, უნდა ვისწავლოთ, როგორც გითხარით, არ ვუპასუხოთ ბოროტებას ბოროტებით, შური არ ვიძიოთ, რადგან ამით ბოროტება კიდევ უფრო მრავლდება და ძლიერდება.რა თქმა უნდა, ძალიან კარგია, თუ გადავწყვეტთ, შური არ ვიძიოთ. ეს ნიშნავს, რომ უკვე გავიმარჯვეთ საკუთარ თავზე, ეშმაკზეც კი, ამ ბოროტების საწყისი ვინც არის, მაგრამ ამაზე უფრო მეტია, რომ არათუ შური არ ვიძიოთ, არამედ სიკეთეც გავუკეთოთ ასეთ ადამიანს. აი, მაშინ უფრო მაღალ სულიერ საფეხურზე ავალთ და მივბაძავთ უკვე უფალ იესო ქრისტეს, რომელიც ჯვრიდან ლოცულობდა თავისი ჯვარმცმელებისთვის.ძვირფასო ძმებო, კიდევ ერთი რამ მინდოდა მეთქვა, რაც დღეს სოციალური ქსელების პირობებში განსაკუთრებით, ძალიან გავრცელებულია. როდესაც ადამიანები ერთმანეთს ამხელენ, ჩვენ გვამხელენ თუ ერთმანეთს ამხელენ, ხშირად ამბობენ, რომ მე ამას ვაკეთებ შენს სასარგებლოდ, შენთვის სიკეთე მინდაო.წმინდა მამები გვასწავლიან, რომ არ მოვტყუვდეთ, ესა თუ ის ადამიანი როცა გვამხელს, თუ მიაჩნია, რომ ჩვენ ვცოდავთ რაღაცით და გვამხელს, ის მართლა კეთილმოსურნეა, მართლა კარგი უნდა ჩვენთვის, თუ ვნებაშია ან გვემტერება?! წმინდა მამები, კერძოდ, ერთ-ერთი უდიდესი მამა, ბასილი დიდი განმარტავს, რომ თუ გინდა გაიგო, ვინც გამხელს, მეგობრული განწყობით აკეთებს, სარგებლისთვის აკეთებს თუ გემტერება, არსებობს რამდენიმე ნიშანი ამისა.პირველ რიგში, უნდა ვლინდებოდეს მისი თანაგრძნობა. როგორც ამბობს პავლე მოციქული, „ერთ ასოს თუ ევნება, სხვა დანარჩენი ასონიც ვნებულნი არიან“ (I კორ. 12, 26), იმათაც სტკივათ. იგი ასევე საოცარ სიტყვებს ამბობს: „ვინ უნდა დაეცეს, რომ მეც ცეცხლი არ შემომენთოს“ (II კორ. 11, 29). ამით შენ დაინახავ, მართლა თანაგიგრძნობს თუ არა იგი. ეს ერთი ნიშანია, ანუ უნდა ჩანდეს მისი სიყვარულის, თანაგრძნობის, მართლა გულისტკივილის ნიშნები.მეორე არის ის, რომ ობიექტური უნდა იყოს. მას ასევე უნდა სტკიოდეს სხვა შეცოდებების გამო, მის წინააღმდეგ სცოდავენ თუ სხვის წინააღმდეგ სცოდავენ, ზოგადად ცოდვის გამო უნდა შესტკიოდეს გული და არა მარტო შენ მიმართ იყოს ასე. მით უმეტეს, საჯაროდ როცა ამბობენ.და მესამეა ძალიან მნიშვნელოვანი – მხილების დროს არღვევს თუ არა ამ მხილებისთვის დადგენილ უფლის წესებს, რომლებიც უკვე გითხარით. ჯერ უნდა მიხვიდე და პირისპირ უთხრა, საჯაროდ კი არ უნდა იყვირო, არამედ დაელაპარაკო. თუ არ შეისმინა, ერთი ან ორი მიიყვანო, მერე ეკლესიას უნდა უთხრა და მერე უკვე, როგორც მოგახსენეთ.ძვირფასო ძმებო და დებო, ამრიგად, უნდა ვეცადოთ, გვიყვარდეს ყველა – ჩვენი მოყვარეც, ჩვენი მტრებიც, გვინდოდეს სხვისთვის ის, რაც ჩვენთვისვე გვსურს; და ამ სიყვარულის მეშვეობით თვით ღმერთს მივემსგავსებით.დღევანდელ სახარებაში ასე ასრულებს უფალი იესო ქრისტე ამ საუბარს: „იყავით გულმოწყალენი, როგორც მამა თქვენი გულმოწყალეა“ (ლკ. 6, 36). ამით, ამავე დროს, რა თქმა უნდა, სჯულსაც ვასრულებთ, პავლე მოციქულის სიტყვებისამებრ: „ვისაც უყვარს მოყვასი, მან შეასრულა რჯული“ (რომ. 13,8 ), ამინ”, – აღნიშნა პატრიარქმა.

პოლიტიკური გაერთიანების, „ქართული ოცნება – დემოკრატიული საქართველოს“ გორგასლის ოფისში პოლიტიკური საბჭოს სხდომა გაიმართა, რომელსაც პოლიტსაბჭოს სრული შემადგენლობა დაესწრო. სხდომას ესწრებოდა პარტიის დამფუძნებელი და საპატიო თავმჯდომარე ბიძინა ივანიშვილი.პარტიის ცნობით, „ქართული ოცნების“ პოლიტიკური საბჭოს შემადგენლობა განახლდა – პოლიტსაბჭოს წევრები გახდნენ უმრავლესობის ლიდერი, ირაკლი კირცხალია და აჭარის ავტონომიური რესპუბლიკის მთავრობის თავმჯდომარე, ზურაბ პატარაძე.პოლიტიკური საბჭოს დასრულების შემდეგ, შეხვედრა უმრავლესობის ფორმატში გაგრძელდა.როგორც პოლიტსაბჭოზე, ასევე უმრავლესობის სხდომაზე, მმართველი გუნდის წევრებმა ქვეყანაში მიმდინარე პოლიტიკური და ეკონომიკური პროცესები განიხილეს.პარტიის საპატიო თავმჯდომარემ გუნდის წევრებს აქტიური მუშაობისთვის მადლობა გადაუხადა. ბიძინა ივანიშვილმა შეაჯამა წარსულში, გუნდში არსებული კორუფციული გამოწვევები და აღნიშნა, რომ პრემიერ-მინისტრის, სამთავრობო გუნდისა და ძალოვანი სისტემის ეფექტური მუშაობის შედეგად ეს გამოწვევები სრულად და ეფექტურად არის გადალახული.ასევე, სხდომაზე ყურადღება დაეთმო მთავრობის მიერ ბოლო პერიოდში დაანონსებულ კონკრეტულ ინიციატივებსა და რეფორმებს. უმრავლესობის სხდომა დისკუსიის ფორმატში წარიმართა.