დავით სერგეენკო – პარლამენტი მინისტრთა კაბინეტი არ არის, აქ არავის აქვს ვალდებულება, ვინმეს ნათქვამს გაემიჯნოს ან სოლიდარობა გამოხატოს, ყველას თავის არჩევანი და გზა აქვს

მილანსა და კორტინა დ’ამპეცოში ზამთრის XXV ოლიმპიური თამაშები იწყება. ოლიმპიური ცეცხლი მილანში, „სან სიროს“ სტადიონზე აინთება. თამაშების გახსნის ცერემონიას 23:00 საათიდან პირველი არხი პირდაპირ ეთერში შემოგთავაზებთ.2026 წლის ოლიმპიადაზე მედლების 116 კომპლექტი 16 დისციპლინაში (სპორტის რვა სახეობა) გათამაშდება. პროგრამა გაფართოვდა და ისტორიაში ყველაზე მასშტაბურ ზამთრის თამაშებს ვიხილავთ. 2022 წელს პეკინში გამართულ ოლიმპიადაზე შვიდი სპორტი და 15 დისციპლინა (მედლების 109 კომპლექტი) იყო წარმოდგენილი.საქართველოს ნაკრები 2026 წლის ოლიმპიურ თამაშებზე რვა სპორტსმენით იასპარეზებს. ექვსი ფიგურულ ციგურაობაში გამოვა, ხოლო ორი სათხილამურო ტრასაზე ცდის ბედს.საქართველოს ნაკრების შემადგენლობა:ნიკა ეგაძე, ანასტასია გუბანოვა, ლუკა ბერულავა, ანასტასია მეტელკინა, გლებ სმოლკინი, დიანა დევისი (ფიგურული ციგურაობა), ნინო წიკლაური, ლუკა ბუჩუკური (სამთო თხილამურობა).ფიგურულ ციგურაობაში საქართველოს ნაკრები ერთ-ერთი ფავორიტია. მეტელკინასა და ბერულავას წყვილი იანვარში ევროპის ჩემპიონი გახდა. კონტინენტის პირველობაზე ინდივიდუალურ ასპარეზობაში ოქროს მედალი ასევე მოიპოვა ნიკა ეგაძემ.6,7 და 8 თებერვალს ფიგურულ ციგურაობაში გუნდური ასპარეზობა დაიწყება. შეჯიბრების პირველ დღეს საქართველოს ფიგურული ციგურაობის ნაკრებიდან მაყურებლის წინაშე ანასტასია მეტელკინასა და ლუკა ბერულავას სპორტული წყვილი მოკლე პროგრამით წარდგება, დიანა დევისისა და გლებ სმოლკინის წყვილი რიტმულ ცეკვაში გამოვა, ანასტასია გუბანოვა კი მოკლე პროგრამით იასპარეზებს. შეჯიბრება 6 თებერვალს, თბილისის დროით 12:55 საათზე აიღებს სტარტს.ზამთრის ოლიმპიური თამაშები 22 თებერვალს დაიხურება. იტალიიდან პირდაპირ რეპორტაჟებს პირველი არხისა და პირველი არხი სპორტის ეთერში იხილავთ.

საქართველოს შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა ოჯახის წევრის მიმართ ჩადენილი განზრახ მკვლელობის ბრალდებით 1988 წელს დაბადებული ფ.ა. დააკავეს.შსს-ს ცნობით, გამოძიებით დადგინდა, რომ ბრალდებულმა გარდაბნის მუნიციპალიტეტში ცივი იარაღის გამოყენებით მრავლობითი ჭრილობა მიაყენა მეუღლეს, 2000 წელს დაბადებულ მ.გ.-ს, რომელიც მიღებული დაზიანებებით შემთხვევის ადგილზე გარდაიცვალა.„ბრალდებული პოლიციაში თავად გამოცხადდა და ჩადენილი დანაშაული აღიარა.სამართალდამცველებმა ფ.ა. ბრალდებულის სახით დააკავეს. დანაშაულის ჩადენის იარაღი – დანა ნივთმტკიცებადაა ამოღებული.გამოძიება სისხლის სამართლის კოდექსის 11 პრიმა 109-ე მუხლის „კ“ ქვეპუნქტით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს“, – აღნიშნულია შსს-ს ინფორმაციაში.

ნოროვირუსის შემთხვევების დაფიქსირების გამო ფინეთსა და კანადას შორის ზამთრის ოლიმპიური თამაშების ჰოკეის მატჩი გადაიდო.მედიის ინფორმაციით, წინასწარი მატჩი ხუთშაბათს უნდა დაწყებულიყო, როდესაც ექიმებმა ფინეთის ქალთა ჰოკეისტთა გუნდში ვირუსის შემთხვევები დაადგინეს.„გადაწყვეტილება სამედიცინო პროფესიონალებთან კონსულტაციების შემდეგ იქნა მიღებული, მას შემდეგ, რაც ფინეთის ნაკრებში ნოროვირუსის შემთხვევები გამოვლინდა. ეს გადაწყვეტილება კოლექტიურად, დადგენილი ჯანმრთელობისა და უსაფრთხოების პრინციპების შესაბამისად იქნა მიღებული. მოთამაშეების, გუნდის პერსონალის, ოფიციალური პირების და ტურნირის ყველა მონაწილის ჯანმრთელობა და კეთილდღეობა უმაღლეს პრიორიტეტია“, – ნათქვამია საერთაშორისო ოლიმპიური კომიტეტის (IOC) განცხადებაში.როგორც ცნობილია, გადადებული მატჩი 12 თებერვალს „რო არენაზე“, სპეციალურად ჰოკეისთვის აშენებულ დროებით არენაზე  გაიმართება.ცნობისთვის, 2026 წლის ზამთრის ოლიმპიური თამაშები იტალიაში 6 თებერვლიდან 22 თებერვლამდე იმართება. ნოროვირუსი გადამდები ვირუსია, რომელიც იწვევს კუჭ-ნაწლავის მწვავე ინფექციას და ვლინდება ძირითადად ღებინებით, დიარეით, მუცლის ტკივილითა და ზოგჯერ ცხელებით; ის ვრცელდება ინფიცირებულ ადამიანთან პირდაპირი კონტაქტით, დაბინძურებული საკვებით ან წყლით.

გიორგი კვერნაძის გამარჯვების გოლი „რეჯანას“ წინააღმდეგ სერია B-ს 21-ე ტურში საუკეთესოდ დაასახელეს – ინფორმაციას ლიგის ოფიციალური გვერდი ავრცელებს.„წამის მეასედის საკითხი იყო – კარს გახედა, დაარტყა და მეკარეს შანსი არ დაუტოვა“, – ასე ლაკონურად შეაფასა სერია B-ს გვერდმა ქართველის გოლი.„ფროზინონეს“ ქართველმა თავდამსხმელმა, გიორგი კვერნაძემ „რეჯანას“ წინააღმდეგ გამარჯვების გოლი გაიტანა, რამაც გუნდს 1:0 გამარჯვება მოუტანა. გამოკითხვა ლიგა B-ს ოფიციალურ სოციალურ ქსელებში მიმდინარეობდა.ეს „ფროზინონეს“ 22 წლის თავდამსხმელისთვის სეზონში მესამე გოლი იყო.

საავტომობილო გზების დეპარტამენტის ინფორმაციით, რთული მეტეოროლოგიური პირობების (ქარბუქი, ნამქერები, შეზღუდული ხილვადობა) გამო, შიდასახელმწიფოებრივი მნიშვნელობის კოდა–ფარცხისი–მანგლისი–წალკა-ნინოწმინდის საავტომობილო გზის კმ94-კმ110 (ფარავნის უღელტეხილი) მონაკვეთზე, დროებით იზღუდება ყველა სახის ავტოტრანსპორტის მოძრაობა.„ამავე საავტომობილო გზის კმ110-კმ146 მონაკვეთზე, შეზღუდულია მისაბმელიანი და ნახევრად მისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია. საავტომობილო გზის კმ1-კმ93 (კოდა-აიაზმა) მონაკვეთზე ავტოტრანსპორტის მოძრაობა თავისუფალია“, - ნათქვამია ინფორმაციაში.