ბიძინა ივანიშვილი – ჩემზე არანაკლები ქველმოქმედი და პატრიოტია დავით ხიდაშელი, რომელმაც დავით გარეჯთან დაკავშირებული რუკები მოიპოვა, მეზობელთან კამათსაც გადაგვარჩინა და სირცხვილსაც, რომ ჩვენი კულტურის ძეგლი ლამის შუაზე იჭრებოდა

ირანში განვითარებულ მოვლენებთან დაკავშირებით, ხვალ ევროკავშირის საგარეო საქმეთა საბჭოს საგანგებო სხდომა გაიმართება, – ამის შესახებ ევროკავშირის უმაღლესი წარმომადგენელი კაია კალასი სოციალურ ქსელში წერს.მისი თქმით, საბჭოს რიგგარეშე სხდომაზე ირანის საკითხი და ახლო აღმოსავლეთში სწრაფად განვითარებული მოვლენები უნდა განიხილონ.„კონტაქტზე ვიყავი ჩვენს პარტნიორებთან სპარსეთის ყურის ქვეყნებში. ირანის რეჟიმის განურჩეველი თავდასხმები მეზობლების წინააღმდეგ რეგიონის უფრო ფართომასშტაბიან ომში ჩათრევის რისკს შეიცავს და ჩვენ ამას ვგმობთ. აუცილებელია, ომი უფრო არ გავრცელდეს. ირანის რეჟიმს არჩევანის გაკეთება მოუწევს“, – წერს კაია კალასი სოციალურ ქსელში. 

საფრანგეთის პრეზიდენტის, ემანუელ მაკრონის განცხადებით, აშშ-ისა და ისრაელის ერთობლივ სამხედრო ოპერაციაში საფრანგეთი ჩართული არ ყოფილა.მისი თქმით, საფრანგეთი თავდასხმის შესახებ ინფორმირებულიც კი არ იყო.როგორც მაკრონმა აღნიშნა, მსგავს მდგომარეობაში იყვნენ რეგიონის სხვა ქვეყნებიც.„აშშ-მა და ისრაელმა ბოლო საათებში გადაწყვიტეს ირანზე თავდასხმის განხორციელება. საფრანგეთი, ისევე, როგორც რეგიონის ყველა სხვა ქვეყანა და ჩვენი მოკავშირე, არ იყო არც ინფორმირებული და არც ჩართული. ირანმა საპასუხო ზომები მიიღო მრავალ ქვეყანაში, რომელთაგან ბევრი მეგობრული ქვეყანაა, ჩვენ გვყავს მოქალაქეები და გყვაქვს სამხედრო აქტივები, რაც გავლენას ახდენს რეგიონულ სტაბილურობაზე, მშვიდობაზე რეგიონსა და მის ფარგლებს გარეთ. ცხადია, ჩვენი პრიორიტეტი არის ჩვენი მოქალაქეების უსაფრთხოება ყველა იმ ქვეყანაში, რომელზეც ამჟამად თავდასხმა ხორციელდება“, – განაცხადა ემანუელ მაკრონმა.ამასთან, საფრანგეთის პრეზიდენტის თქმით, დიპლომატიური ძალისხმევა აუცილებელია, რადგან ირანის ბირთვული პროგრამის საკითხით გამოწვეული კრიზისი სამხედრო დარტყმებით ვერ გადაიჭრება.„ვიმედოვნებ, ყველა საჭირო ნაბიჯს გადავდგამთ იმის უზრუნველსაყოფად, რომ დიპლომატიური მუშაობა თავის რიტმს დაუბრუნდეს. ჩვენ უნდა გავზარდოთ ჩვენი ძალისხმევა ამ საკითხების დიპლომატიური არხებით მოსაგვარებლად, რადგან არავის სჯერა, რომ ირანის ბირთვული პროგრამის, ბალისტიკური რაკეტების აქტივობისა და რეგიონული დესტაბილიზაციის საკითხი უბრალოდ დარტყმებით მოგვარდება“, – აღნიშნა  მაკრონმა.

ირანის უზენაესი ლიდერი აიათოლა ალი ხამენეი დაღუპულია და მისი ცხედარი ნაპოვნია, – ამის შესახებ „როიტერი“ ისრაელის მაღალჩინოსანზე დაყრდნობით იუწყება.ირანულ მხარეს აღნიშნული ცნობა ჯერჯერობით არ დაუდასტურებია.მანამდე, ისრაელის პრემიერ-მინისტრმა, ბენიამინ ნეთანიაჰუმ განაცხადა: „სულ უფრო მეტი ნიშანი ჩდება იმისა, რომ ირანის უზენაესი ლიდერი აიათოლა ალი ხამენეი ჩვენთან აღარ არის“.

ირანის საგარეო საქმეთა სამინისტროს პრესსპიკერის, ესმაილ ბაგაის განცხადებით, ირანის პრეზიდენტი და უზენაესი ლიდერი „უსაფრთხოდ და ჯანმრთელები არიან“,ესმაილ ბაგაის თქმით, ირანის მთავრობის „სისტემა მუშაობს“.ინფორმაციისთვის, ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ „არსებობს მრავალი ნიშანი“ იმისა, რომ ირანის უზენაესი ლიდერი „აღარ არის ჩვენთან“.

სულ უფრო მეტი ნიშანი ჩდება იმისა, რომ ირანის უზენაესი ლიდერი აიათოლა ალი ხამენეი ჩვენთან აღარ არის, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.ნეთანიაჰუმ აიათოლა ალი ხამენეის დიქტატორი უწოდა.ამასთან, ისრაელის პრემიერ-მინისტრმა ირანელ ხალხს მიმართა და აღნიშნა, რომ ეს დარტყმები მათ „ტირანიისგან გათავისუფლებაში“ დაეხმარება.მისივე თქმით, ირანელებს ახლა აქვთ „თაობაში ერთხელ მოცემული შანსი“ რეჟიმის დასამხობად.„მასობრივად გამოდით ქუჩებში და სამუშაო შეასრულეთ. დროა, ისტორიული მისიის შესასრულებლად გაერთიანდეთ“, – აღნიშნა ნეთანიაჰუმ.მისივე თქმით, ირანის წინააღმდეგ ოპერაცია „მოთმინებას“ მოითხოვს და „გაგრძელდება იმდენ ხანს, რამდენიც საჭირო იქნება“.„ეს ომი ნამდვილ მშვიდობამდე მიგვიყვანს“, – აღნიშნა ისრაელის პრემიერმა.