ბიძინა ივანიშვილი – „ქართული ოცნების“ გუნდში არ უნდა მოერიდონ ერთმანეთის ოპონირებას, გაფილტრონ ერთმანეთის აზრი, ეს არის ერთადერთი, რასაც ვთხოვ

„სასიხარულოა, რომ ამიერიდან საქართველოს ტექნიკური უნივერსიტეტის ის ნიჭიერი და მოტივირებული სტუდენტები, რომლებიც ჯგუფურად შემუშავებული ინტერდისციპლინური ინოვაციური პროექტებით კონკურსში გამარჯვებას მოიპოვებენ, ცნობილი მკვლევრისა და სამართალმცოდნის, ჩვენი უნივერსიტეტის სამართლისა და საერთაშორისო ურთიერთობების ფაკულტეტის ერთ-ერთი დამფუძნებლის - პროფესორ ალექსანდრე (ალიკო) ტალიაშვილის სახელობითი დაფინანსებით დაჯილდოვდებიან. ბედნიერები ვართ, რომ ჩვენი უსაყვარლესი კოლეგის სახელი ამ გზითაც იქნება უკვდავყოფილი. უნივერსიტეტის ადმინისტრაციისა და მისი რექტორის, აკადემიკოს დავით გურგენიძის სახელით, მადლობას ვუხდით ალექსანდრე ტალიაშვილის ოჯახს ნიჭიერი სტუდენტების წახალისებისა და მათთვის დაფინანსების დაწესებისთვის“, - ამის შესახებ საქართველოს ტექნიკური უნივერსიტეტის ვიცე-რექტორმა, პროფესორმა თამარ წერეთელმა პროფესორ ალექსანდრე ტალიაშვილის ოჯახთან ურთიერთგაგების მემორანდუმზე ხელმოწერის ღონისძიებაზე განაცხადა.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, სახელობითი დაფინანსების დაწესების თაობაზე დოკუმენტს ხელი მოაწერეს საქართველოს ტექნიკური უნივერსიტეტის ვიცე-რექტორმა, პროფესორმა თამარ წერეთელმა და ცნობილი სამართალმცოდნისა და მკვლევრის, სტუ-ის სამართლისა და საერთაშორისო ურთიერთობების ფაკულტეტის პროფესორის, ალექსანდრე ტალიაშვილის ვაჟმა - გიორგი ტალიაშვილმა.მემორანდუმის ხელმოწერის ღონისძიებაში, რომელიც სტუ-ის ადმინისტრაციულ შენობაში გაიმართა, მონაწილეობა მიიღეს სამართლისა და საერთაშორისო ურთიერთობების ფაკულტეტის დეკანმა, ასოცირებულმა პროფესორმა ივანე (მამუკა) გიორგაძემ, სტუ-ის სხვადასხვა ფაკულტეტის სტუდენტებმა, პროფესორ-მასწავლებლებმა, ასევე უნივერსიტეტის ადმინისტრაციის წარმომადგენლებმა და პროფესორ ალექსანდრე ტალიაშვილის ოჯახის წევრებმა. როგორც ვიცე-რექტორმა აღნიშნა, ურთიერთგაგების მემორანდუმის თანახმად, სახელობითი დაფინანსების დაწესების მიზანია საქართველოს ტექნიკური უნივერსიტეტის სტუდენტებისა და ახალგაზრდა მეცნიერ-მკვლევრების მხარდაჭერა ისეთი ინტერდისციპლინური ინიციატივების განხორციელებაში, რომლებიც საქართველოს სტრატეგიულ, ეკონომიკურ, სამართლებრივ, საინვესტიციო, ტექნოლოგიურ და რეგიონულ განვითარებას შეუწყობს ხელს.პროფესორ თამარ წერეთლის თქმით, მემორანდუმი არ მოიაზრებს რომელიმე ერთ კონკრეტულ დისციპლინასა თუ სექტორს. მისი ძირითადი დანიშნულებაა იმ იდეების, ნაშრომებისა და კვლევების მხარდაჭერა, რომლებიც საქართველოსა და რეგიონის სტრატეგიულ მნიშვნელობას ცოდნისა და ანალიზის მეშვეობით გააძლიერებს.„ჩვენ გვქონდა ბედნიერება, საუნივერსიტეტო სივრცეში ურთიერთობა გვქონოდა შესანიშნავ იურისტთან და მკვლევართან, აკადემიური საბჭოს წევრთან - პროფესორ ალიკო ტალიაშვილთან, რომელიც გამოირჩეოდა თავისი პიროვნული თვისებებით, სიბრძნითა და კეთილშობილებით. მას უდიდესი წვლილი მიუძღვის საქართველოს ტექნიკურ უნივერსიტეტში სამართლისა და საერთაშორისო ურთიერთობების ფაკულტეტის დაფუძნებაში. ეს არაჩვეულებრივი ადამიანი დაჯილდოებული იყო შესაშური პედაგოგიური უნარებით და უდიდეს ძალისხმევას დებდა მომავალი თაობის პროფესიონალთა აღზრდაში. სწორედ ამიტომ, საქართველოს ტექნიკური უნივერსიტეტისთვის მნიშვნელოვანია არსებობდეს პროფესორ ალექსანდრე ტალიაშვილის სახელობის დაფინანსება, რომელიც გადაეცემა კონკურსში გამარჯვებულ საუკეთესო სტუდენტურ ჯგუფს.დარწმუნებული ვართ, ეს ინიციატივა კიდევ უფრო მეტად წაახალისებს ახალგაზრდებს იფიქრონ ინოვაციურად, იმუშაონ გუნდურად და საკუთარი ცოდნა ქვეყნის განვითარების სამსახურში ჩააყენონ. პროფესორ ტალიაშვილის სახელობითი დაფინანსების მიღება ახალგაზრდებისთვის იქნება არა მხოლოდ მათი წარმატების აღიარება, არამედ პასუხისმგებლობაც - ემსახურონ ქვეყანას პროფესიონალიზმითა და სახელმწიფოებრივი აზროვნებით გამსჭვალულნი.საქართველოს ტექნიკური უნივერსიტეტისთვის მნიშვნელოვანია, რომ ეს სახელობითი დაფინანსება ორიენტირებული იქნება სტუდენტთა ინტერდისციპლინურ თანამშრომლობაზე, რადგან თანამედროვე სამყაროში სწორედ სხვადასხვა სფეროში აკუმულირებული ცოდნის გაერთიანება ქმნის ყველაზე მნიშვნელოვან შედეგებს. უნივერსიტეტი დარწმუნებულია, რომ ამ დაფინანსების ფარგლებში არაერთი საინტერესო სტუდენტური ინიციატივა განხორციელდება, რომელიც თავის რეალურ წვლილს შეიტანს საქართველოს სამეცნიერო, ტექნოლოგიურ, სამართლებრივ და სოციალურ განვითარებაში. კიდევ ერთხელ მადლობას ვუხდით პროფესორ ალექსანდრე ტალიაშვილის ოჯახს ამ ღირსეული გადაწყვეტილებისთვის“, — აღნიშნა თამარ წერეთელმა.გარდაცვლილი მეცნიერის შვილის განცხადებით, ტალიაშვილების ოჯახისთვის დიდი პატივია სახელობითი დაფინანსების დაწესება იმ უნივერსიტეტის სტუდენტებისთვის, სადაც პროფესორი ალექსანდრე ტალიაშვილი სიცოცხლის ბოლომდე მოღვაწეობდა. მისი განმარტებით, სახელობითი დაფინანსების ოდენობა განისაზღვრა 2000 ევროს ექვივალენტით ლარში და აღნიშნული ჯილდო კონკურსის საფუძველზე გამარჯვებულ ინტერდისციპლინურ სტუდენტურ ჯგუფს ან ჯგუფებს გადაეცემათ. როგორც გიორგი ტალიაშვილმა აღნიშნა, ჩასატარებელი კონკურსის ვადებისა და პირობების, დაფინანსების გაცემის წესისა და შეფასების კრიტერიუმების, ასევე საკონკურსო კომისიის დაკომპლექტების შესახებ მემორანდუმის მხარეთა შორის შესაბამისი შეთანხმება გაფორმდება.სტუ-ის ინფორმაციით, აკადემიური საბჭოს გადაწყვეტილებით, იურისტსა და მკვლევარს, სტუ-ის სამართლისა და საერთაშორისო ურთიერთობების ფაკულტეტის პროფესორს, იუსტიციის სახელმწიფო მრჩეველ ალექსანდრე ტალიაშვილს, საქართველოს ტექნიკური უნივერსიტეტის წინაშე გაწეული განსაკუთრებული ღვაწლისთვის, სტუ-ის ოქროს მედალი 1924 წელს, სიცოცხლეშივე გადაეცა; ხოლო რექტორის - აკადემიკოს დავით გურგენიძის ინიციატივით, აკადემიურ საბჭოსთან შეთანხმებითა და საუნივერსიტეტო საზოგადოების სურვილის გათვალისწინებით, პროფესორ ალექსანდრე ტალიაშვილის გარდაცვალების შემდეგ მისი ფოტოსურათი საქართველოს ტექნიკური უნივერსიტეტის ღვაწლმოსილ მეცნიერთა და პედაგოგთა გალერეაშია განთავსებული.

საპატრიარქოში სრულიად საქართველოს კათოლიკოს-პატრიარქის, შიო მესამისა და დიუშენის სინდრომით დაავადებული ბავშვების მშობლების შეხვედრა დასრულდა.შეხვედრა დაახლოებით ორი საათის განმავლობაში მიმდინარეობდა.მშობლების თქმით, პატრიარქმა მოისმინა მათი პოზიცია და დახმარებას დაჰპირდა.მათივე განმარტებით, საპატრიარქოში გაგრძელდება შეხვედრები, სადაც მშობლები, საპატრიარქოს წარმომადგენლები და დარგის სპეციალისტები იქნებიან.მშობლების განცხადებით, საბოლოოდ, შეჯერებული ვერსიებით მათ მთავრობასთან საპატრიარქო უშუამდგომლებს.„ჩვენ ვიმყოფებოდით შეხვედრაზე საქართველოს კათოლიკოს-პატრიარქთან, მის უწმინდესობასთან. იყო ძალიან კარგი და შინაარსიანი შეხვედრა, ვფიქრობ, შედეგიანი. ყველა ინფორმაცია, რასაც ვაჟღერებდით მთელი ამ ხნის განმავლობაში, განსაკუთრებით, ბოლო პერიოდში, უწყვეტი აქციების დროს, მივაწოდეთ პატრიარქს, მეუფეებს. დაისახა გეგმები, აბსოლუტურად ყველა მიმართულებით. ძალიან ძნელია, წინსწრებით გადაჭრით რაიმეს თქმა, მაგრამ ყველა მიმართულებით დაისახა გეგმები, რომ ისინი ჩართული იქნებიან ამ პროცესში, კომუნიკაციის პროცესში, შესაძლოა, ფონდის შექმნის პროცესშიც.მათ მოისმინეს ამ დაავადების შესახებ, გაიგეს, რომ ამ დაავადებასთან მიმართებით არაერთი მედიკამენტია, რომელიც უსაფრთხოა და ინფორმაცია, რომელიც, სამწუხაროდ, ხშირად ვრცელდება ცალკეული პირების მხრიდან, წარმოადგენს არასწორ და არასრულყოფილ ინფორმაციას. შესაბამისად, ეს შეხვედრა იყო აუცილებელი, რადგან საპატრიარქოს ჰქონდეს ზუსტი, სწორი ინფორმაცია, როგორც მედიკამენტებთან მიმართებით, ასევე, დაავადებასთან მიმართებით და იმ პროცესებთან დაკავშირებით, რაც ამდენ ხანს ხორციელდება, თუნდაც იმასთან მიმართებით, რატომ არსებობს დღეს მშობლებთან კომუნიკაციის დეფიციტი. შესაბამისად, იმედს ვიტოვებთ, რომ ქმედითი ნაბიჯები გადაიდგმება საპატრიარქოს მხრიდან და მაქსიმალურად უმოკლეს დროში იქნება მიღწეული ის გადაწყვეტილებები, რაზეც ჩვენ მთელი ამ ხნის განმავლობაში ვაცხადებთ, რომ შესაძლებელია უმოკლეს დროში ამ პრობლემის გადაწყვეტა. ვგულისხმობ მედიკამენტების მიღებას.პატრიარქმა მოგვისმინა, განაცხადა, რომ ყველა საჭირო პირთან ექნება კომუნიკაცია ამ პრობლემის მოგვარების მიზნით. აბსოლუტურად ყველა საკითხზე ექნება კომუნიკაცია, მათ შორის ექიმებთან, მედიცინის მუშაკებთან ამ საკითხის უფრო ეფექტურად მოგვარების მიზნით.შეხვედრა კიდევ იქნება. ასევე, იყო შეპირება და იქნება ჩვენი შვილების დალოცვა საპატრიარქოს მხრიდან. ეს იქნება პერიოდულად, არა მხოლოდ ერთჯერადად. ასევე, იმუშავებენ ყველა მიმართულებით, რომ მაქსიმალურად იქნას საქმის კურსში საპატრიარქო ამ პროცესებთან მიმართებით. დალოცვა შესაძლოა, იყოს ამაღლება დღეს, ჩვენ მოვიყვანთ ჩვენს შვილებს სამებაში და დალოცავს პატრიარქი“, – განაცხადა ერთ-ერთმა მშობელმა, ზაქრო გვიშიანმა.

საქართველოს საპატრიარქოს ინფორმაციით, 2026 წლის 17 მაისს, საღამოს უწმინდესსა და უნეტარეს, სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოს, ბიჭვინთისა და ცხუმ-აფხაზეთის მიტროპოლიტს, შიო III-სა და მის ყოვლადუწმინდესობას, მსოფლიო პატრიარქს, ბართლომეოს I-ს შორის გულთბილი და ძმური სატელეფონო საუბარი შედგა.„მსოფლიო პატრიარქმა მის უწმინდესობას გულითადად მიულოცა საქართველოს მართლმადიდებელი სამოციქულო ეკლესიის მეთაურის ტახტზე აღსაყდრება და უსურვა ნაყოფიერი, მშვიდობიანი და ხანგრძლივი მსახურება ეკლესიის გასაძლიერებლად, საქართველოსა და ქართველი ერის საკეთილდღეოდ.თავის მხრივ, კათოლიკოს-პატრიარქმა შიო III-მ გულთბილი მადლობა გადაუხადა მსოფლიო პატრიარქს გულწრფელი მილოცვისა და კეთილი სურვილებისთვის.საუბრის დასასრულს მსოფლიო პატრიარქმა საქართველოს კათოლიკოს-პატრიარქი უახლოეს მომავალში კონსტანტინოპოლში მიიწვია“, – აღნიშნულია ინფორმაციაში.

პოლიტიკაში ყველაზე მნიშვნელოვანია, ადამიანმა თავიდანვე იცოდეს სიმართლე - თანამდებობა და ძალაუფლება დროებითია, ყალბი დიდება დროებითია და ბოლოს მხოლოდ შენი გაკეთებული სიკეთე რჩება, - ამის შესახებ სოციალურ ქსელში “ქართული ოცნების“ ყოფილი დეპუტატი კახა კახიშვილი წერს.ამ თემაზე კახიშვილი “ფეისბუქის“ გვერდზე ვრცელ პოსტზე აქვეყნებს, სადაც იმასაც აღნიშნავს, რომ ყველაზე დიდი ძალაა არა ის, რამდენ ადამიანს ეშინია შენი, არამედ ის რამდენს უყვარხარ გულწრფელად.კახიშვილი წერს იმასაც, რომ საბოლოოდ, ადამიანს სახელს არა თანამდებობა, არამედ ნამუსი, სინდისი და კაცობა უნარჩუნებს.”პოლიტიკა ძალიან რთული გზაა… გზა, სადაც ხშირად ყველაზე გულწრფელი სიტყვებიც კი შეიძლება თამაშის ნაწილი აღმოჩნდეს, სადაც ყველაზე თბილი ღიმილის უკან - ცივი ანგარიში, ხოლო ყველაზე ხმამაღალი ერთგულების უკან - ჩუმი ღალატი იმალებოდეს.შეიძლება წლები ადამიანებთან ერთად გაატარო… ერთად იბრძოდეთ, ერთ იდეას ემსახურებოდეთ და გეგონოს, რომ ეს ადამიანები შენი ოჯახი არიან… მაგრამ დრო გადის და ერთ დღეს აღმოაჩენ, რომ ბევრი ურთიერთობა მხოლოდ ძალაუფლებასთან, გავლენასთან და ინტერესებთან იყო დაკავშირებული.როდესაც ადამიანს თანამდებობა, ძალა და გავლენა აქვს, მის ირგვლივ ყოველთვის ბევრი ადამიანი ტრიალებს - ბიზნესმენები, პოლიტიკოსები, დეპუტატები… ყველას უნდა შენთან ყოფნა, შენს გვერდით დგომა, რადგან დღეს ეს პრესტიჟი და პატივია. მაგრამ დრო ყველაფერს თავის სახელს არქმევს… და როცა ძალაუფლება, თანამდებობა ან გავლენა ქრება, ბევრი მათგანიც ისე იკარგება, როგორც ჰაერში ჩამქრალი აპლოდისმენტი.ეს მხოლოდ ხელისუფლებას არ ეხება და არც მხოლოდ ოპოზიციას… წლები გადის, სახელები იცვლება, ადამიანები ერთმანეთს ენაცვლებიან, მაგრამ პოლიტიკის მძიმე ბუნება თითქმის უცვლელი რჩება.ალბათ ამიტომაც არის, რომ საზოგადოებას ხშირად ისევ და ისევ იგივე გზის გავლა უწევს. და სიმართლე რომ ითქვას, ეს ისეთი წრეა, რომლის სრულად შეცვლაც ალბათ არც ერთ ადამიანს არ შეუძლია.არც კორტეჟები მიჰყვება ადამიანს ბოლომდე, არც დაცვა, არც გავლენა... ხშირად ყველაზე გულწრფელ თანადგომას იმ ადამიანებისგან იღებ, რომლებსაც შეიძლება საერთოდ არც კი იცნობდე.როგორც სოკრატე ამბობდა - „ყველაზე რთულია ადამიანი მაშინ შეიცნო, როცა მას ძალაუფლება აქვს“. ამიტომ პოლიტიკაში ყველაზე მნიშვნელოვანია, ადამიანმა თავიდანვე იცოდეს სიმართლე - თანამდებობა დროებითია. ძალაუფლება დროებითია. ყალბი დიდება დროებითია და ბოლოს მხოლოდ შენი გაკეთებული სიკეთე რჩება. რამდენ ადამიანს გაუმართე ხელი, რამდენს დაეხმარე მაშინ, როცა ამის ძალა და შესაძლებლობა გქონდა. რადგან თანამდებობა ღმერთისგან მოცემული დროებითი გამოცდაა. ის არ გაძლევს უფლებას, ადამიანებზე მაღლა დადგე - ის მხოლოდ გაძლევს შესაძლებლობას, უფრო მეტი კარგი საქმე გააკეთო. და ყველაზე დიდი ძალა არა ის არის, რამდენ ადამიანს ეშინია შენი… არამედ ის, რამდენს უყვარხარ გულწრფელად.საბოლოოდ, ადამიანს არც ფული მიჰყვება, არც გავლენა, არც ძალაუფლება… ადამიანს მხოლოდ ნეკეთები საქმეები მიჰყვება და ბოლოს დარჩება მხოლოდ ერთი კითხვა: როცა ძალაუფლება გქონდა რამდენი სიკეთე დატოვე შენს შემდეგ?! რადგან საბოლოოდ სახელს არა თანამდებობა, არამედ ნამუსი, სინდისი და კაცობა უნარჩუნებს“, - წერს კახა კახიშვილი.

,,წუხელ ზუგდიდში, დადიანების ისტორიულ სასახლეში, გაიმართა აფხაზეთისადმი მიძღვნილი 2026 წლის მრავალხმიანი მუსიკალური საღამო, რომელსაც საქართველოს კულტურის სამინისტრო მასპინძლობდა. ღონისძიების საგანგებო სტუმარი გახლდათ ბატონი პაატა სალია. იმ ღონისძიებაზე ბევრად უფრო მეტად ვიდრე ოდესმე, შევიგრძენი ქართული მრავალხმიანობისა და ჭირ-ვარამით სავსე ისტორიის უდიდესი მნიშვნელობა ქართული იდენტობის ფორმირებაში. ქართველი ხალხი ისტორიის მანძილზე, მცირე რაოდენობისა და შეზღუდული გეოგრაფიული არეალის გამო, მუდმივი საფრთხეების წინაშე იდგა. მათი პროტესტი ხშირად მთიდან გაჟღერებულ ხმებად ისმოდა, რომლებიც ერთმანეთს ერწყმოდა და წინააღმდეგობისა და გადარჩენის სულს აცოცხლებდა. სწორედ ეს მრავალხმიანობა ქმნიდა ერთობის განცდას და ისტორიული უწყვეტობის შეგრძნებას ამყარებდა. გუშინ, სამეგრელოს ნისლიან გარემოში, მოღრუბლული ცის ქვეშ და იმ სასახლის კედლებს შორის, რომელიც საუკუნეების განმავლობაში ამ მიწის ისტორიული მეხსიერების მცველი გახლდათ, ქართული მრავალხმიანობა მხოლოდ მუსიკალური შესრულება არ ყოფილა; იგი ხმიანებდა, როგორც ღრმად შემძვრელი ექო. დადიანების საგვარეულო, რომლის ხანგრძლივი ისტორიის სიმბოლოც ეს სასახლეა, მხოლოდ ადგილობრივი ფეოდალური ოჯახი არ ყოფილა. ისინი კავკასიის ისტორიის რთულ ეპოქებში ქართული იდენტობისა და სახელმწიფოებრივი დამოუკიდებლობის დაცვის ერთ-ერთ მთავარ საყრდენს წარმოადგენდნენ. ისტორიის აღმავლობისა და დაღმასვლის პერიოდში მათ რთული და ზოგჯერ ბედისწერის განმსაზღვრელი ურთიერთობები ჰქონდათ ირანის ხელისუფლებებთან. სწორედ ეს ისტორიული კავშირებია, რომლებიც ადამიანს ახსენებს, რომ კავკასიის გაგება მისი ღრმა ისტორიული ფენების გააზრების გარეშე შეუძლებელია. წუხელ ეს გაბმული ხმები, ის მელოდიები, რომლებიც თითქოს მთებიდან და საუკუნეების სიღრმიდან მოისმოდა, ჩემთვის მუსიკაზე მეტი იყო. ეს ისტორიის ენა იყო, რომელშიც „ტანჯვა“ მხოლოდ განცდა კი არა, ქართული იდენტობის ლექსიკის ნაწილია. ამ მუსიკაში ადამიანი გრძნობს, თუ როგორ ინახავს ერი თავის ისტორიულ ტკივილებს, ომებს, განშორებებს, წინააღმდეგობასა და იმედებს არა წიგნებში, არამედ ხმაში. ალბათ სწორედ ამიტომ არის შეუძლებელი ქართული საზოგადოების გაგება მისი ხანგრძლივი ისტორიის, ტკივილით აღსავსე მეხსიერებისა და ღრმა კულტურული სულის გათვალისწინების გარეშე. საქართველო უნდა იკითხო არა მხოლოდ მიმდინარე პოლიტიკაში, არამედ მის მუსიკაში, ეკლესიაში, მთებში და ხალხის ისტორიულ მეხსიერებაში''-წერს ირანის ელჩი საქართველოში ალი მოჯანი.