
ბაიდენმა განაცხადა, რომ მზად არის, პუტინს დაელაპარაკოს, თუ რუსეთის პრეზიდენტს ომის დასრულება სურს
აშშ-ის პრეზიდენტმა, ჯო ბაიდენმა განაცხადა, რომ უკრაინაში ომის დასასრულებლად მხოლოდ ერთი რაციონალური გზა არსებობს – პუტინმა უკრაინიდან თავისი ჯარები უნდა გაიყვანოს.
„მაგრამ, როგორც ჩანს, ის არ აპირებს ამას. ის ძალიან მძიმე ფასს იხდის იმისთვის, რომ ვერ შეძლო ამის გაკეთება, მაგრამ წარმოუდგენელ ხოცვა-ჟლეტას ახორციელებს უკრაინის მშვიდობიანი მოსახლეობის წინააღმდეგ. ბომბავს საბავშვო ბაღებს, საავადმყოფოებს, ბავშვთა სახლებს. ამაზრზენია ის, რასაც აკეთებს“, – განაცხადა ბაიდენმა თეთრ სახლში საფრანგეთის პრეზიდენტ ემანუელ მაკრონთან ერთად გამართულ პრესკონფერენციაზე.
ბაიდენმა დასძინა, რომ მას არ აქვს პუტინთან კონტაქტის უახლოესი გეგმები, მაგრამ „მზად არის დაელაპარაკოს“ რუსეთის ლიდერს, „თუ რეალურად არსებობს ინტერესი, რომ ის გადაწყვეტს, რომ ეძებს გზას ომის დასრულებისთვის“.
„თუ ეს ასეა, სიამოვნებით დავჯდები პუტინთან, რომ ვნახო, რა სურს მას, რა აქვს მხედველობაში. მას ეს ჯერ არ გაუკეთებია. ამასობაში, ვფიქრობ, აბსოლუტურად მნიშვნელოვანია ის, რაც თქვა ემანუელ მაკრონმა. ჩვენ უნდა დავუჭიროთ მხარი უკრაინელ ხალხს“, – აღნიშნა ბაიდენმა.

About Post Author
ქეთევან ნინუა
Comments
ჯო ბაიდენი: აშშ-ს ექნება დაფინანსება, რომელიც აუცილებელია უკრაინის მხარდასაჭერად
აშშ-ის პრეზიდენტმა, ჯო ბაიდენმა განაცხადა, რომ აშშ-ს ექნება დაფინანსება, რომელიც აუცილებელია უკრაინის მხარდასაჭერად იმდენ ხანს, რამდენიც საჭირო იქნება. „ხალხს ვთხოვ წარმოიდგინონ,...
სტოლტენბერგი: უფრო საშიშ სამყაროში ვცხოვრობთ – გვყავს რუსეთი, რომელიც მზად არის, გამოიყენოს სამხედრო ძალა მეზობლების წინააღმდეგ, რაც 2008 წელს საქართველოდან დაიწყო
ჩვენ ვცხოვრობთ უფრო საშიშ სამყაროში, ჩვენ გვყავს რუსეთი, როგორც მეზობელი, რომელიც მზად არის, გამოიყენოს სამხედრო ძალა მეზობლების წინააღმდეგ, არა ერთხელ,...
პროკუდინი: უკრაინის ხერსონის ოლქში 600კმ² ტერიტორია წყლით უკვე დაიფარა
დღეს დილის მონაცემებით, უკრაინის ხერსონის ოლქში წყლის ქვეშაა 600კმ² ტერიტორია, – ამის შესახებ ხერსონის საოლქო სამხედრო ადმინისტრაციის ხელმძღვანელმა ოლექსანდრ პროკუდინმა...
მასშტაბური ხანძარი კანადაში – დამწვარია 4 მილიონამდე ჰექტარი
კანადის ტყის ხანძრებმა აშშ-ში ჰაერის ძლიერი დაბინძურება გამოიწვია. „სიენენის" ინფორმაციით,შეერთებულ შტატებში ჰაერის დაბინძურების საფრთხის ქვეშ იმყოფება დაახლოებით 75 მილიონი ადამიანი....
რეჯეფ თაიფ ერდოღანმა საპრეზიდენტო ფიცი დადო
რეჯეფ თაიფ ერდოღანმა საპრეზიდენტო ფიცი დადო. მან საპრეზიდენტო მანდატი თურქეთის დიდი ეროვნული ასამბლეის დროებითი თავმჯდომარისგან მიიღო. ფიცის დადების შემდეგ, ერდოღანის...
ევროპარლამენტარი: მიხეილ სააკაშვილი არის ადამიანი, რომელიც საქართველოში ტერორს ხელმძღვანელობდა, ის იყო მათი პინოჩეტი
გასული წლის ივნისში ევროკავშირმა უარი უთხრა საქართველოს კანდიდატის სტატუსის მინიჭებაზე არა იმიტომ, რომ კრიტერიუმებს არ აკმაყოფილებდა, არამედ იმიტომ, რომ არ...