ბაიდენმა განაცხადა, რომ მზად არის, პუტინს დაელაპარაკოს, თუ რუსეთის პრეზიდენტს ომის დასრულება სურს

ჩვენ დაინტერესებული ვართ ევროკავშირსა და საქართველოს, ასევე შეერთებულ შტატებსა და საქართველოს შორის შერიგებით, – ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.„ეს ჩვენი პოზიციაა. თუმცა, ამის გარდა, რა თქმა უნდა, ჩვენი თანამშრომლობა და ურთიერთობები საქართველოსთან განუწყვეტლივ განვითარდება. საქართველო ჩვენი მოძმე ქვეყანაა. ჩვენ გვაქვს სტრატეგიული პარტნიორობა და ეჭვგარეშეა, რომ ჩვენი ურთიერთობების განვითარებას გავაგრძელებთ”,- განაცხადა ფაშინიანმა.

სომხეთის ცესკო-ს განახლებული მონაცემებით, დილის 08:00 საათისთვის დათვლილია ხმების 80 %-ზე მეტი, ანუ მილიონ 298 ათას 251 ხმა.მართველი პარტია „სამოქალაქო კონტრაქტი“ ლიდერობს 50.07%-ით. მეორე ადგილზეა ბლოკი „ძლიერი სომხეთი“ – 23.33%-ით. მესამე ადგილს იკავებს ბლოკი „სომხეთი“ 9.83%-ით. პარტია „ აყვავებულ სომხეთს” – 4.03%. დანარჩენი პარტიები 4%-იან საარჩევნო ბარიერს ვერ ლახავენ.სულ არჩევნებში ხმა დააფიქსირა 1 476 597-მა ამომრჩეველმა.სომხეთის კანონმდებლობით, თუ სტაბილური საპარლამენტო უმრავლესობა არ შედგება, 28 დღეში იმართება მეორე ტური. მეორე ტურში მონაწილეობას იღებს ორი პარტია, რომლებიც პირველ ტურში ყველაზე მეტ ხმას მიიღებენ.

დიუშენის კუნთოვანი დისტროფიით დაავადებული ბავშვების მშობლები, ბავშვებთან და მოქალაქეებთან ერთად, „მადლობის მარშს“ მართავენ.მშობლების განცხადებით, აღნიშნული აქტით მადლობას უხდიან როგორც სახელმწიფოს, ისე თითოეულ იმ ადამიანს, ვინც მშობლების მიერ გამართულ აქციებში მონაწილეობდა.მსვლელობა რუსთაველის მეტროდან დაიწყო და მთავრობის ადმინისტრაციასთან დასრულდება.დიუშენის კუნთოვანი დისტროფიის მქონე ბავშვების მშობლების თქმით, რამდენიმეთვიანი ბრძოლის მთავარი მიზანი მიღწეულია, მათი გზავნილი კი არის, რომ ბავშვების სიცოცხლე გადარჩენილია.შეგახსენებთ, 4 ივნისს მთავრობის ადმინისტრაციაში დიუშენის კუნთოვანი დისტროფიით დაავადებული ბავშვების მშობლებთან გამართული შეხვედრის შემდეგ საქართველოს პრემიერ-მინისტრმა, ირაკლი კობახიძემ განაცხადა, რომ, ჯანდაცვის სამინისტროსა და მშობლების მონაწილეობით, შეიქმნება სამუშაო ჯგუფი, რომელიც აქტიურად იმუშავებს დიუშენის მქონე ბავშვებისთვის კონკრეტული მედიკამენტებით უზრუნველყოფის საკითხზე.

რუსეთი აშშ-ის შუამავლობის შესაძლებლობებს ვარდისფერი სათვალით არასდროს უყურებდა, – ამის შესახებ კრემლის პრესსპიკერმა, დიმიტრი პესკოვმა განაცხადა.„ჩვენ არასოდეს გვეკეთა ვარდისფერი სათვალე და არასოდეს გაგვიზვიადებია ვაშინგტონის შესაძლებლობა, ერთხელ და სამუდამოდ გადაჭრას რაიმე რთული პრობლემა. საბოლოო ჯამში, ვაშინგტონი საკუთარ ეროვნულ ინტერესებს მისდევს, ჩვენ ამას პატივისცემით ვეკიდებით. ამასთანავე, ჩვენ მივესალმებით ვაშინგტონის მზაობას, განაგრძოს კეთილი სამსახურის გაწევა და დახმარება უკრაინის გარშემო მოლაპარაკებების მოგვარებაში“, – აღნიშნა პესკოვმა.კრემლის პრესმდივანმა ასევე აღნიშნა, რომ რუსეთს საკუთარი ინტერესები აქვს.

სამწუხაროდ, დღეს ევროპის სხვადასხვა სანაპიროს სხვადასხვა სახიფათო იდეოლოგია უტევს, – ამის შესახებ აშშ-ის ომის მდივანმა, პიტ ჰეგსეტმა საფრანგეთში, სადესანტო სამხედრო ოპერაციის, იმავე D-Day-ს 82-ე წლისთავის აღსანიშნავ ღონისძიებაზე სიტყვით გამოსვლისას განაცხადა.„ესპანეთისა და იტალიის სანაპიროები; საბერძნეთისა და ბულგარეთის. ნავები და ხალხი ჩადიან. როდის იმოქმედებენ ევროპის დედაქალაქები ამ შეჭრის წინააღმდეგ? თუ უკვე გვიანია? ვლოცულობ და მჯერა, რომ არა. კაცმა, რომელიც აქ იბრძოდა და დაიღუპა, ევროპაში თავისუფლება აღადგინა. ეს თავისუფლება ლიდერებისა და მებრძოლების ამ თაობამ უნდა შეინარჩუნოს, თორემ რისთვისაც ისინი იბრძოდნენ, მხოლოდ დროებითი იქნება. დღეს, როდესაც სულ უფრო რთულ საფრთხეებს ვაწყდებით, ვიხსენებთ 82 წლის წინ ამ სანაპიროებზე ნასწავლ გაკვეთილებს. ძლიერი მოკავშირეები, რომელთაგან თითოეული სრულად არის ერთგული თავისი როლის შესრულების, იმარჯვებენ ომებში. აქ დაკრძალული მამაკაცები იბრძოდნენ საომარ ალიანსში, სადაც თითოეულმა პარტნიორმა სრული მონდომება, გამბედაობა და თავგანწირვა გამოიჩინა. არც ცარიელი ლოზუნგები, არც მდიდრული სამიტები, არც კომუნიკეები –  ნამდვილი მოკავშირეები არიან, რომლებიც რეალურ საქმეებს აკეთებდნენ, რეალურ დანაკარგებს იღებდნენ საერთო მიზნისთვის, რომლისთვისაც ბრძოლა და სიკვდილი ღირდა. თითოეულმა ერმა გაიღო თავისი წილი. თითოეულმა ერმა სისხლი დაღვარა. ამერიკა იქნება ლიდერი და ასე უნდა იყოს, მაგრამ ქმედითუნარიანი მოკავშირეები უნდა გვედგნენ გვერდით, მხარდამხარ კრიტიკულ მომენტში“, – აღნიშნა ჰეგსეტმა.