ადამ კიზინგერი – მინდა, გითხრათ ამერიკელი ხალხის სახელით, რომ აშშ-ი ადასტურებს საქართველოს მტკიცე მხარდაჭერას და ჩვენს პარტნიორობას

ევროკავშირმა რუსეთის წინააღმდეგ სანქციები 2029 წლამდე გაახანგრძლივა, მაგრამ სასანქციო სიიდან ამოიღო რუსი ოლიგარქები ალიშერ უსმანოვი და მიხაილ ფრინდმანი.ამის შესახებ ინფორმაციას საერთაშორისო მედია ავრცელებს.კერძოდ, აღინიშნება, რომ საფრანგეთმა წარმატებას მიაღწია ევროკავშირის სასანქციო სიიდან ალიშერ უსმანოვის ამოღებაში, რაც აზერბაიჯანთან პატიმრების გათავისუფლებაზე შეთანხმების ნაწილია. მეორე რუსი ოლიგარქი, მიხაილ ფრიდმანი მას შემდეგ ამოიღეს სასანქციო სიიდან, რაც სლოვაკეთმა დაბლოკა მის წინააღმდეგ სანქციების გახანგრძლივება.უსმანოვისა და ფრიდმანის სასანქციო სიიდან ამოღების შედეგად მათი აქტივები აღარ იქნება გაყინული და სამოგზაურო აკრძალვა მოეხსნებათ.Euronews-ის თქმით, უსმანოვისა და ფრიდმანის სასანქციო სიიდან ამოღებით გამოწვეული უკმაყოფილების კომპენსირების მიზნით, ევროკავშირმა რუსეთის წინააღმდეგ დაწესებული ინდივიდუალური სანქციების ვადა უპრეცედენტო ვადით - 36 თვით - გაახანგრძლივა. აქამდე, ამ ზომების განახლება ყოველ ექვს თვეში ერთხელ ხდებოდა, რაც წევრ სახელმწიფოებს რეგულარულ შესაძლებლობას აძლევდა, დათმობები მოეთხოვათ.

აშშ-ის პრეზიდენტმა, დონალდ ტრამპმა გაერო-ში სიტყვით გამოსვლისას რუსეთსა და უკრაინას შორის მიმდინარე ომის დასრულების აუცილებლობაზე ისაუბრა.ტრამპის თქმით, ამჟამად მიმდინარეობს მჭიდრო მუშაობა ორივე ქვეყნის ლიდერებთან კონფლიქტის სწრაფად გადასაჭრელად. პრეზიდენტმა ყურადღება გაამახვილა ბრძოლის ველზე არსებულ კატასტროფულ დანაკარგებზე და აღნიშნა, რომ ყოველთვიურად ათასობით ჯარისკაცი იღუპება. ტრამპმა ასევე აღნიშნა, რომ გასულ კვირას, სენატორ ლინდსი გრემის პატივსაცემად, ხელი მოაწერა კონგრესის მიერ მიღებულ ახალ კანონს, რომელიც მას უზარმაზარ სატარიფო უფლებამოსილებებს ანიჭებს და საჭიროების შემთხვევაში მათ გამოყენებასაც გეგმავს.„ჩვენ ძალიან მჭიდროდ ვმუშაობთ რუსეთისა და უკრაინის ლიდერებთან და ამ საქმეს მივიყვანთ ბოლომდე. ეს მოხდება, ვფიქრობ, იმაზე სწრაფად, ვიდრე ხალხს ჰგონია.ვაგრძელებთ რუსეთსა და უკრაინას შორის კატასტროფული ომის დასრულების გზების ძიებას, რომელიც, როგორც აღვნიშნე, ყოველთვიურად ათასობით და ათასობით ადამიანს კლავს. გასულ კვირას, სენატორ ლინდსი გრემის პატივსაცემად, ხელი მოვაწერე კონგრესის მიერ მიღებულ ახალ ძლიერ კანონს, რომელიც უზარმაზარ ახალ სატარიფო უფლებამოსილებებს მანიჭებს და, თუ საჭირო გახდა, მომიწევს მათი გამოყენება. დროა, მკვლელობები შეწყდეს“,- განაცხადა ტრამპმა.გარდა ამისა, ტრამპმა ხაზი გაუსვა პირველი ლედის, მელანია ტრამპის მიერ გაწეული სამუშაოსა და ძალისხმევას, რომლის ფარგლებშიც მრავალი დევნილი უკრაინელი და რუსი ბავშვი საკუთარ ოჯახებს დაუბრუნდა.

 ,,საქართველოში მევენახეობა და მეღვინეობა მხოლოდ ბიზნესი არ არის. საქართველო ღვინის სამშობლოა - ეს კი ნიშნავს, რომ ამ დარგზე ზრუნვა სახელმწიფოს მხრიდან უნდა აღიქმებოდეს როგორც მშობლის პასუხისმგებლობა საკუთარ შვილზე და არა როგორც ბიუჯეტისთვის აკიდებული ზედმეტი ტვირთი. ღვინის წარმოებისადმი მხოლოდ ცივი, წმინდა ეკონომიკური კალკულაციით ყურება დაუშვებელია. განვითარებული და ძლიერი მეღვინეობა ნიშნავს მსოფლიოს მხრიდან „ღვინის აკვნის“ მიმართ გაასმაგებულ ყურადღებასა და პატივისცემას. ეს არის გრძელვადიანი ინვესტიცია, რომელიც საქართველოს აუცილებლად დაუბრუნდება მილიონობით ტურისტის, მაღალი ცნობადობისა და ჩვენი ეკონომიკისთვის უზარმაზარი დივიდენდების სახით. ჩვენ ყველას გვახსოვს პერიოდი, როდესაც დარგი ისეთ მძიმე მდგომარეობაში იყო, რომ გლეხი აღარ აშენებდა ახალ ვენახებს, ძველი ვენახების რესურსი იწურებოდა და ხშირად ვაზის გაჩეხვის ტრაგიკულ პრეცედენტებსაც ვხედავდით... შეიძლება ითქვას, გარდაუვალი იყო დარგის სრული განადგურება. სწორედ ასეთ დროს, დარგის გადასარჩენად, ფეხზე წამოყენებისა და წახალისებისთვის, სახელმწიფო სუბსიდირების შემოღება უმნიშვნელოვანესი და ძალიან სწორი ნაბიჯი იყო. თუმცა, ყველას გვესმის, რომ უსასრულო სუბსიდირება და მუდმივად ერთი და იგივე წერტილში დგომა ვერ გაგრძელდება. არ შეიძლება მოზარდი ზუსტად ისევე იკვებებოდეს, როგორც მცირეწლოვანი ბავშვი. დარგი გაიზარდა, გაძლიერდა და მასთან ერთად სახელმწიფოს მზრუნველობის ფორმაც უნდა შეიცვალოს - ის უნდა გახდეს უფრო მოწიფული, მოქნილი და სტრატეგიული. მიმდინარე რთველმა მკაფიოდ გამოაჩინა ახალი გამოწვევები - კლიმატის ცვლილება და უამინდობა, რამაც გლეხების უდიდესი შრომა საფრთხის ქვეშ დააყენა. ასეთ დროს საჭიროა არა ხისტი ბიუროკრატიული ჩარჩოები ან უეცრად შემოღებული მკაცრი წესები, არამედ პრაგმატული და მზრუნველობით მიღებული გადაწყვეტილებები. დროა, ნელ-ნელა გადავიდეთ განვითარების ახალ ეტაპზე და ღირსეულად ვუპასუხოთ ყველა გამოწვევას. ჩემი აზრით, სახელმწიფომ უნდა შეიმუშაოს და გამოაცხადოს ახალი, გრძელვადიანი პროგრამა, რომელიც ზუსტად უპასუხებს არსებულ გამოწვევებს და ორ თანმიმდევრულ ნაბიჯს მოიცავს: 4-წლიანი გარდამავალი პერიოდი: ეს იქნება ლოგიკური და სამართლიანი დრო ადაპტაციისთვის. ამ 4 წლის განმავლობაში სახელმწიფო ინარჩუნებს ყურძნის სუბსიდირებას , რითაც გლეხს აძლევს დროს, უმტკივნეულოდ და მშვიდად მოემზადოს განვითარების ახალ ეტაპზე გადასასვლელად. 10-წლიანი სადაზღვევო ფარი: გარდამავალი პერიოდის შემდეგ სახელმწიფო გადადის დარგის მხარდაჭერის ევროპულ მოდელზე . უნდა შეიქმნას კარგად გამართული, ძლიერი სადაზღვევო სისტემა, რომელიც მორგებული იქნება მევენახეობის ყველა ნაცნობ გამოწვევაზე (სეტყვა, გვალვა, უამინდობით გამოწვეული შაქრიანობის ვარდნა). სახელმწიფო აიღებს ვალდებულებას, მომდევნო 10 წლის მანძილზე მინიმუმ 80%-ით დაასუბსიდიროს გლეხის სადაზღვევო გადასახადი. რას მიიღებს გლეხი ამ სტრატეგიით?უპირველეს ყოვლისა - სტაბილურობასა და ხვალინდელი დღის რწმენას. გლეხი აღარ იქნება დამოკიდებული წლიდან წლამდე სუბსიდიის მოლოდინზე ან ბიუროკრატიულ გადაწყვეტილებებზე. ის მიიღებს დაცულობას ბუნებრივი კატაკლიზმებისგან, გარანტირებულ შემოსავალს საკუთარ მძიმე შრომაში და მკაფიო პერსპექტივას, რომ მაღალი ხარისხის ყურძნის მოყვანით მისი ოჯახის კეთილდღეობა წლები გაგრძელდება. სწორი განვითარებით გლეხი იქნება არა სახელმწიფოს დახმარებაზე დამოკიდებული ბენეფიციარი, არამედ ძლიერი, დაცული და ამაყი პარტნიორი. ბოლოს კი მინდა ქართული ხალხური გადმოცემიდან ერთი ამბავი გავიხსენო: სამშობლოს დასაცავად მიმავალი ქართველი მეომარი, ბრძოლის ველზე გასვლამდე, ჩოხის ჯიბეში ვაზის ყლორტს იდებდა, რათა მისი დაცემის შემთხვევაში იმ ადგილას ახალი ვაზი გაზრდილიყო...''-ამის შესახებ ალექსანდრე თამაზაშვილი სოციალურ ქსელში წერს.

არ ვიცი, ნიკა გვარამიას რა მოტივი ამოძრავებს, თუმცა ნებისმიერი ადამიანისგან, ვინც თავს პოლიტიკოსს უწოდებს და ვისაც გაცხადებული მიზანი აქვს, რომ ხელისუფლებაში მოვიდეს, მსგავსი სახის განცხადებები მიუღებელია, რადგან ეს დამატებით საფრთხეს უქმნის საქართველოს ინტერესებს და სუვერენიტეტს, მეორე მხრივ, შეიძლება, ხელოვნურად გაჩნდეს ახალი დაპირისპირების და დაძაბულობის საბაბი, – ამის შესახებ პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ განაცხადა.მისი თქმით, ახლა ასეთი განცხადებების კეთება საჭირო  არ არის.„აქედან გამომდინარე, ეჭვი მიმყარდება, რომ ეს კონკრეტულ დავალებას ან მიზანს უნდა ემსახურებოდეს, რადგან ახლა საუბარი არ არის იმაზე, რომ ხვალ, ევროკავშირში შევდივართ და ამაში ხელს აფხაზეთის და ცხინვალის საკითხი გვიშლის. ვფიქრობ, რომ ეს ხელოვნური მცდელობაა ურთიერთობა დაიძაბოს. სამშვიდობო პოლიტიკა გვაქვს გაცხადებული და მცდელობაა, რომ ამაში ხინჯი როგორღაც შეიტანონ და მიზანმიმართულად შელახონ ევროკავშირის იმიჯიც“, – განაცხადა სამხარაძემ.

საქართველოს რეალური საჭიროება დღეს მსოფლიოსთვის გააზრებულია, ხელისუფლებამ და საზოგადოებამ ამ ფუნქციის და მდგომარეობის შესაქმნელად ძალიან დიდი ძალისხმევა გასწიეს, – ამის შესახებ საპარლამენტო უმრავლესობის წევრმა, ირაკლი ქადაგიშვილმა განაცხადა.როგორც დეპუტატმა აღნიშნა, საქართველომ საკუთარი ინტერესები და სუვერენიტეტი დაიცვა, რაც დღეს დანარჩენი მსოფლიოსთვის ძალიან მნიშვნელოვანია.„საბოლოოდ მსოფლიო ხედავს, რომ საქართველოს და ხელისუფლების მიერ გატარებული პოლიტიკა თავის დადებით ნაყოფს იძლევა. კონკრეტულად, მსოფლიო ტურბულენტობაში რასაც დღეს ვერავინ უარყოფს, ომები გნებავთ თუ სხვა სახის პოლიტიკური თუ ეკონომიკური დაძაბულობები, ამ პირობებში საქართველო მშვიდობას და განვითარების სტაბილურ ვექტორს ინარჩუნებს. ძალიან მნიშვნელოვანი რგოლი ხდება დასავლეთის და აღმოსავლეთის სატრანსპორტო-ლოგისტიკურ, ეკონომიკური თუ სხვა სახის კავშირების დამყარებაში. საქართველოს რეალური საჭიროება დღეს მსოფლიოსთვის გააზრებულია. გააზრებულია ისიც, რომ ხელისუფლებამ და საზოგადოებამ ამ ფუნქციის და მდგომარეობის შესაქმნელად ძალიან დიდი ძალისხმევა გასწიეს. ხედავენ იმასაც, რომ შეტევა ბევრი იყო, მათ შორის ბევრი იმ ადამიანების მხრიდანაც წახალისებული, ვინც დღეს შეიძლება ხელს ართმევდეს პრემიერ-მინისტრს, მაგრამ პოლიტიკა ასეა, არასდროს არ არსებობს მუდმივი მტრები და მუდმივი მეგობრები. არსებობს ინტერესები და ნათლად ჩანს, რომ საქართველომ საკუთარი ინტერესები და სუვერენიტეტი დაიცვა და დღეს ეს დანარჩენი მსოფლიოსთვის ძალიან მნიშვნელოვანია“, – განაცხადა ქადაგიშვილმა.