🦠 მეცნიერები გვაფრთხილებენ-გლობალური დათბობა და სოკოები, რომლებიც შიგნიდან გვჭამენ

მსოფლიო თასის ფინალში სანდრო ბაზაძემ ოქროს მედალი მოიპოვა - 258 სპორტსმენს შორის პირველობა ქართველმა მოფარიკავემ დაისაკუთრა."რუსთავი 2-თან" ექსკლუზიურ ინტერვიუში სპორტსმენი ამბობს, რომ მას ჯერ კიდევ შეუძლია ხმლით დაწეროს გამარჯვების ისტორია. მისივე თქმით, რთული პერიოდის შემდეგ ეს გამარჯვება იყო მტკიცებულება იმისა, რომ რწმენა, შრომა და თავდადება კვლავაც იმარჯვებს მსოფლიო ასპარეზზე.სანდრო, რა იყო პირველი ფიქრი იმ მომენტში, როცა გაიაზრეთ, რომ ოქრო თქვენი იყო?- ოქროს მედალი მაინც სულს სხვა გრძნობა არის და ძალიან ბედნიერი და ძალიან გახარებული ვარ, იმიტომ, რომ აქტიურ სპორტს დავუბრუნდი. შრომა ისევ ფასდება, ჩემს თავში რწმენა უფრო მიბრუნდება და კიდევ ვაგრძელებ ჩემი მიზნებისთვის ბრძოლას.ეს გამარჯვება სხვა გამარჯვებებისგან განსხვავებული ემოციის მატარებელი იყო?- ძალიან ბევრი სირთულის შემდეგ ეს პირველი შეჯიბრებაა, რომელზეც ოქროს მედალი მოვიპოვე და რაღაცნაირად უფრო გახარებული ვარ, ჩემი თავის იმედი დამიბრუნდა - ვიბრძვი კიდევ დიდი წარმატებებისთვის.იყო მომენტები, როცა ეჭვი შეგეპარათ საკუთარ ძალაში? - სპორტი რთული რამ არის, კარიერაში იმედგაცრუება, გულისტკივილი - ყოველთვის არის ეს ყველაფერი და არის მსგავსი რაღაცები. შენს თავშიც შეგეპარება ეჭვი, ბევრ სხვა ადამიანშიც, მაგრამ ეს არის გამოწვევები, უნდა გავუძლოთ და არასდროს უნდა ჩავიქნიოთ ხელი, ყოველთვის უნდა ვიყოთ მიზანდასახულები, შრომის მოყვარულები და ყველაფერი შესაძლებელია დღევანდელ ცხოვრებაში.  ეს ოქროს მედალი ორმაგად და სამმაგად დასაფასებელია, იმიტომ, რომ ნამდვილად რთული პერიოდი გამოვიარე და კიდევ დავამტკიცე, რომ მე შემწევს ძალა ჩემი სახელი კიდევ გავიტანო მსოფლიო ასპარეზზე და მრავალჯერ გავაკეთებ კიდევ ამას. ვცდილობ ყოველთვის ვიყო გაწონასწორებული, პატივი ვცე ჩემს მოწინააღმდეგეს, იმიტომ, რომ ეს არის ჩემი პროფესია, ამით ვცხოვრობ. გქონდათ თუ არა კონკრეტული ტაქტიკა შემუშავებული, რომლითაც ფინალში საკმაოდ ძლიერ მეტოქეს დაუპირისპირდებოდით?- საერთოდ ეს შეჯიბრება არის ძალიან რთული - მსოფლიო თასი, იმიტომ, რომ მთელი მსოფლიო ჩამოდის, 258 სპორტსმენი მონაწილეობდა და პირველობა, რა თქმა უნდა, რაღაცნაირად ძალიან ისეთია რა... ხანდახან, რომ დავუფიქრდები ძალიან მახარებს ეს ყველაფერი. მზად ვიყავი ამ შეჯიბრებაზე და ვინც არ უნდა შემხვედროდა, ჩემი აზრით, ყველა მოწინააღმდეგესთან ჩემს საკეთილდღეოდ დამთავრდებოდა ორთაბრძოლა.

26 მაისს საქართველო დამოუკიდებლობის დღეს აღნიშნავს. აღნიშნულ დღესთან დაკავშირებით, სხვადასხვა ქვეყნის ღირსშესანიშნაობები საქართველოს დროშის ფერებში განათდა.საქართველოს დროშის ფერებში განათდა ინდოეთში, დელიში უძველესი კულტურული მემკვიდრეობის ძეგლი „ქათაბ მინარი“. ინფორმაციას საქართველოს საგარეო საქმეთა სამინისტრო ავრცელებს.ქათაბ მინარი არის 73 მეტრის სიმაღლის წითელი აგურით აშენებული კოშკი დელიში, აგებული 1193 წელს ქუთბ-უდ-დინ აიბაქის მიერ.ეს არის მსოფლიოში ყველაზე მაღალი აგურის მინარეთი და იუნესკოს მსოფლიო მემკვიდრეობის ძეგლი.საქართველოს დამოუკიდებლობის დღესთან დაკავშირებით საქართველოს დროშის ფერებში განათდა ბაქოს ოლიმპიური სტადიონიც.ამასთან, ქ. ანკარაში საქართველოს საელჩოს ინიციატივითა და თურქეთის რესპუბლიკის საგარეო საქმეთა სამინისტროს მხარდაჭერით, საქართველოს დამოუკიდებლობის დღის, 26 მაისის აღსანიშნავად, საქართველოს დროშის ფერებში განათდა ქ.ანკარის ერთ-ერთი სიმბოლო – „ტყუპებად“ წოდებული თურქეთის პალატებისა და ბირჟების გაერთიანების TOBB შენობა.საქართველოს დროშის ფერებში განათდა აგრეთვე კვიპროსში, ქალაქ ნიქოზიის მუნიციპალიტეტის ძველი მერიის შენობის ფასადი. ასევე, საქართველოს დროშის ფერებში განათებულია ცნობილი არქიტექტორის ZAHA HADIDI-ს მიერ დაპროექტებული ცენტრალური პარკი (Elevtherias Square).

უშბაზე, 30 წლის ნიკო ფალიანი ტრაგიკულად დაიღუპა. მას ახლობლები და მეგობრები ემოციურად ემშვიდობებიან.ნიკა ფალიანს ვიდეო მიუძღვნა დამ, რომელიც სოციალურ ქსელში გააზიარა.„ეს მხოლოდ მცირე ნაწილია იმ სილამაზის, რომელიც მე შენთან შეხვედრის შემდეგ ვიხილე, არ ვიცი როგორ გავბედე ამ ვიდეოს გაკეთება“,- წერს ნიკა ფალიანის და.ნიკა ფალიანს სამშაბათს დაკრძალავენ.

კიდევ ერთი ავტოსაგზაო შემთხვევა აღმაშენებლის ხეივანზე, საბედნიეროდ არავინ დაშავებულა იარეთ ფრთხილად https://www.facebook.com/watch?v=700014722961797   

იტალიამ და ევროკავშირის კიდევ რვა სხვა სახელმწიფომ, მათ შორის დანიამ და პოლონეთმა, ხუთშაბათს ღია წერილი გამოაქვეყნეს. ევროპელი ლიდერები გამოდიან მოწოდებით, გადაიხედოს ადამიანის უფლებათა ევროპული კონვენციის ინტერპრეტირების საკითხი, განსაკუთრებით იმ ნაწილში, რომელიც მიგრაციას ეხება. იტალიის პრემიერ-მინისტრის, ჯორჯია მელონის ოფისის მიერ გამოქვეყნებული ტექსტის მიხედვით, მათ „ადამიანის უფლებათა ევროპული კონვენციის ინტერპრეტირებაზე ახალი და საღი გონებით საუბრის დაწყება სურთ“. „ჩვენ უნდა აღვადგინოთ სწორი ბალანსი“, - აცხადებენ წერილის ხელმომწერები. კონვენცია, რომელიც ძალაში 1953 წელს შევიდა, შეეხება: სიცოცხლის უფლებას; მონობის, წამებისა და დამამცირებელი მოპყრობის აკრძალვას; გამოხატვის თავისუფლებას; დისკრიმინაციის აკრძალვას და ოჯახური ცხოვრების უფლებას. მისი დებულებები კონვენციის ხელმომწერმა 46-ვე ქვეყანამ უნდა დაიცვას, მათ შორის ევროკავშირის 27-ვე წევრმა სახელმწიფომ, ადამიანის უფლებათა ევროპული სასამართლოს გადაწყვეტილებების აღსრულება კი ყველასთვის სავალდებულოა. მიგრაციის საკითხზე საზოგადოებრივი აზრის შეცვლამ ხელი შეუწყო ევროკავშირის რამდენიმე ქვეყანაში ჩატარებულ არჩევნებში მემარჯვენე რადიკალური ძალების გამარჯვებას, რამაც ამ ქვეყნების მთავრობებზე ზეწოლა გაზარდა. წერილი, რომელიც ადამიანის უფლებათა ევროპული კონვენციის ინტერპრეტირების საკითხის გადახედვის მოთხოვნას შეიცავს, გამოქვეყნდა რომში მელონისა და დანიის პრემიერ-მინისტრ მეტე ფრედერიქსენის შეხვედრის შემდეგ, რომლებსაც მიგრაციის საკითხზე მკაცრი პოზიცია უკავიათ. მათ მიმართვას ავსტრიის, ბელგიის, ესტონეთის, ლატვიის, ლიეტუვის, პოლონეთისა და ჩეხეთის რესპუბლიკის ლიდერებიც შეუერთდნენ. ევროკავშირის საგარეო საზღვრების დაცვის საქმეთა სააგენტო „ფრონტექსის“ მონაცემებით, 2023 წლის თითქმის 10-წლიანი პიკის შემდეგ, გასულ წელს ევროკავშირში საზღვრის არალეგალურად გადაკვეთის მაჩვენებელი 38 პროცენტით შემცირდა და 239 000 შემთხვევამდე დავიდა. მაგრამ ევროკავშირის ზოგიერთი ქვეყნის ხელმძღვანელმა, იტალიისა და დანიის „ქორების“ ლიდერობით, ოქტომბერში ახალი კანონმდებლობის სასწრაფოდ მიღება მოითხოვა, რათა მიგრანტების დეპორტაციის ტემპები დაჩქარდეს, ხოლო ევროკომისიამ არალეგალურ მიგრაციასთან ბრძოლის „ინოვაციური“ მეთოდები შეიმუშავოს.„ძალიან შორს“ წერილზე ხელმომწერი ცხრა ქვეყანა აცხადებს, რომ დროა, დაიწყოს „დისკუსია იმის შესახებ, თუ რამდენად შეესაბამება საერთაშორისო კონვენციები იმ გამოწვევებს, რომელთა წინაშეც დღეს ვდგავართ“. მათ ასევე მოუწოდეს „ევროპის ადამიანის უფლებათა სასამართლოს, გააკეთოს განმარტებები ადამიანის უფლებათა ევროპული კონვენციის ინტერპრეტირებზე“. ასეთი მოწოდების საფუძველი გახდა ის, რომ ევროპის ადამიანის უფლებათა სასამართლომ, ცოტა ხნის წინ, ლატვიაში, ლიეტუვასა და პოლონეთში მიგრანტების მიმართ სავარაუდო უკანონო მოპყრობის საქმეების განხილვისას, ადგილობრივი მთავრობები კონვენციის დებულებების დარღვევაში დაადანაშაულა, ხოლო დანიას მოუწოდა, რომ მიგრანტთა ოჯახების წევრთა გაერთიანების (მათი შეერთების - რედ.) წესები შეეცვალა. სასამართლომ ასევე გამოიტანა მრავალი გადაწყვეტილება იტალიის წინააღმდეგ, მიგრანტების მიმართ მოპყრობის გამო. აღნიშნულის გამო, სახელმწიფოებს აინტერესებთ, „სასამართლო, ზოგიერთ შემთხვევაში, ხომ არ გასცდა კონვენციის ჩარჩოებს, ზედმეტად ხომ არ გააფართოვა თავისი უფლებამოსილების არეალი და ამით ხომ არ შეცვალა შეცვალა ბალანსი იმ ინტერესებს შორის, რომლებიც აუცილებლად უნდა იყოს დაცული“. „ჩვენ მიგვაჩნია, რომ სასამართლოს ინტერპრეტაციამ, ზოგიერთ შემთხვევაში, შეზღუდა ჩვენი შესაძლებლობა, მივიღოთ პოლიტიკური გადაწყვეტილებები ჩვენს დემოკრატიებში“, - ნათქვამია წერილში. სხვა ევროპელი ლიდერების მსგავსად, მელონიმ არალეგალური მიგრაციის შემცირებას პირობა დადო, მაგრამ მისმა ნაბიჯმა იტალიაში უკანონოდ შესული მიგრანტების ალბანეთში გახსნილ მიგრანტთა ცენტრებში გადაგზავნის შესახებ მთელი რიგი იურიდიული სირთულეები და შეფერხებები გამოიწვია. იტალიელმა მოსამართლეებმა არაერთხელ თქვეს უარი იტალიის ხელისუფლების მიერ ზღვაზე დაკავებული მიგრანტების ალბანეთში გადაგზავნის გადაწყვეტილებისთვის მოეწერათ ხელი და ასეთი საქმეები მათ ევროპის მართლმსაჯულების სასამართლოს გადაუგზავნეს, რომელსაც თავისი აზრი ჯერ არ გამოუთქვამს. მიუხედავად იმისა, რომ წერილზე დიდი ბრიტანეთის ხელმოწერა არ არის, მისმა საკუთარმა სქემამ - მიგრანტების „ძალიან შორს“, რუანდაში დეპორტაციამ - ადამიანის უფლებათა ევროპულ სასამართლოსთან კონფლიქტი მაინც გამოიწვია.