📽️„უკრაინის ხელისუფლების ჩამწკრივებული ყველა თანამდებობის პირი, არსებული თუ წასული თანამდებობიდან პირდაპირ გვეუბნებოდა, რომ კურდღლები ხართ და ვერ იწყებთ ომსო…“ – გურამ მაჭარაშვილი

აზერბაიჯანის პრეზიდენტმა, ილჰამ ალიევმა 9 მაისს მოსკოვში დაგეგმილი ვიზიტი გააუქმა.აღნიშნულის შესახებ ინფორმაცია რუსეთის პრეზიდენტის თანაშემწემ, იური უშაკოვმა გაავრცელა.„სამწუხაროდ, მივიღეთ შეტყობინება, რომ ილჰამ ალიევი არ ჩამოფრინდება. განმარტეს, რომ მან მონაწილეობა უნდა მიიღოს შიდა ღონისძიებებში, რომლებიც ეძღვნება ჰეიდარ ალიევს“, – დაწერა უშაკოვმა ტელეგრამზე.

საქართველოს ხელისუფლების მხრიდან არაფერი თუ არ შეიცვლება, ჩვენ მივიღებთ აბსოლუტურად იმავე სურათს სენატში, რაც მივიღეთ კონგრესში, – ამის შესახებ პოლიტიკური მოძრაობა „თავისუფლების მოედნის“ გენერალურმა მდივანმა, ბაკურ კვაშილავამ საქართველოს პირველი არხის გადაცემაში „დღის თემა“ განაცხადა.„ჩვენ ვნახეთ, მხარდაჭერა იყო ორპარტიული, როგორც ამერიკელები იტყვიან, ბიპარტიული, აბსოლუტური უმრავლესობით. როგორც გამომსვლელებს შორის მხოლოდ მეხუთედი, ანუ, ხუთიდან ერთი ადამიანი იყო წინააღმდეგი, ასევე იყო კენჭისყრის დროს და ხელისუფლება თუ არ მიიღებს რაიმე გადამწყვეტ ზომებს იმ განწყობის შესაცვლელად, რომელიც დღეს ამერიკის კანონმდებლებში არსებობს, აშშ-ის უმაღლეს პირებს არ ექნებათ არანაირი მოტივაცია, რომ შეცვალონ აქტში მოცემული სულისკვეთება“, – განაცხადა კვაშილავამ.როგორც კვაშილავამ აღნიშნა, „მეგობარი აქტის“ მიღებას მხოლოდ ერთმა გამომსვლელმა არ დაუჭირა მხარი.„მინდა, ხაზი გავუსვა იმას, რატომ გააკეთა ეს. მან უბრალოდ თქვა, ამერიკამ საკუთარ თავს უნდა მიხედოს, ამერიკა უპირველეს ყოვლისა და აქედან გამომდინარე, ამერიკის უსაფრთხოების ქოლგა არ არის აუცილებელი, ფარავდეს ისეთ ქვეყანას, როგორიც საქართველოა. ანუ, აქ კი არ იყო იმაზე საუბარი, რომ „ქართული ოცნება“ არ იქცევა ისე არადემოკრატიულად და ამიტომ არ ვეთანხმები, არა, იყო საუბარი იმაზე, რომ არ არის საქართველო ახლა ჩვენთვის ისე მნიშვნელოვანი და აქედან გამომდინარე ნუ მივაქცევთ ყურადღებას, რა ხდება ამ შორეულ მხარეში, როდესაც ჩვენ გვაქვს გადასაწყვეტი ამერიკის პრობლემებიო. იმაზე საუბარიც კი, თითქოს იქ არსებობს რაღაც ჯგუფი, რომელიც იტყოდა, „ქართული ოცნება“ პირიქით, ამერიკის მომხრეა და შეცდომაშია შეყვანილი ამერიკის კონგრესმენთა აბსოლუტური უმრავლესობაო, იქნებოდა ტყუილი. ეს არის ერთ-ერთი, რაც აუცილებლად უნდა გავიაზროთ, როდესაც ვსაუბრობთ იმ 45, თუ რამდენიმე კონგრესმენზე, რომელმაც ხმა არ მისცა ამ აქტს. ეს იყო ერთადერთი მოტივაცია და დასაბუთება, რომელიც მათ ჰქონდათ“, – განაცხადა კვაშილავამ.მისი თქმით, აქტში ჩაწერილია კონკრეტული დღეების რაოდენობა, 120 დღე ამოქმედებიდან, ვიდრე რაღაც მოხდება, 90 დღე, ვიდრე კონკრეტული ასპექტები შევა ძალაში და თვითონ ამ აქტშიც კი, თავისთავად არის ჩადებული გარკვეული ვადა, რომელშიც იგულისხმება, რომ „ქართულ ოცნებას“ ექნება საშუალება, მდგომარეობა გამოასწოროს, მაგრამ ამის გარდა, შესაძლებელია, საერთოდაც არ იქნას ეს აქტი მიღებული, თუ დრამატული ზომები იქნება მიღებული „ქართული ოცნების“ მხრიდან.„დღეს „ქართული ოცნება“ ხელისუფლების აბსოლუტურად ყველა ასპექტს, ყველა შტოს აკონტროლებს, აკონტროლებს მედიას და აქედან გამომდინარე, მას არ აქვს არანაირი ხელის შემშლელი ფაქტორი, რომ სიტუაციის განმუხტვას შეუწყოს ხელი. ეს მთლიანად „ქართულ ოცნებაზეა“ დამოკიდებული, გაუშვებს თუ არა მაგალითად, მზია ამაღლობელს, რომელიც პოლიციელისთვის ხელის სახეში დარტყმისთვის არის დღეს დაკავებული და არ არის დაკავებული არცერთი ადამიანი, რომელიც მაგალითად, ასფალტზე გაშოტილ ახალგაზრდას, რომელიც არავისთვის საფრთხეს არ წარმოადგენდა, წიხლით ახტება. არ არის დაპატიმრებული ადამიანი, რომელმაც მაკა ჩიხლაძეს თითქმის კისერი მოტეხა და ოპერატორს წიხლებით შეახტა“, – განაცხადა კვაშილავამ.გადაცემის წამყვანის შეკითხვაზე, რა საფუძვლები შეიძლება, ჰქონდეს ე.წ. დიფ სთეითზე საუბარს, რადგან ხელისუფლება საუბრობს გარკვეულ არაფორმალურ ძალებსა და ჯგუფებზე და ამბობს, რომ „მეგობარი აქტიც“ ამის შედეგია, კვაშილავამ აღნიშნა, რომ ამას არავითარი საფუძველი არ აქვს, გარდა იმისა, რომ არ მოგწონს, როდესაც აშშ-ი, დემოკრატიული და მთელი მსოფლიოს ლიდერი ქვეყანა რეალურად ამბობს, რომ შენი ჩატარებული არჩევნები არალეგიტიმურია, მნიშვნელოვნად უნდა შეცვალო კურსი და უნდა მისცე საშუალება ქართველ ხალხს და სხვა პოლიტიკურ პარტიებს, სრულფასოვანი, თანასწორი მონაწილეობა მიიღონ პოლიტიკურ პროცესში.თამთა სანიკიძის შეკითხვაზე, რა გავლენა ექნება ქვეყანაზე სანქციებს, რადგან „მეგობარი აქტის“ ერთი ნაწილი სასანქციო პოლიტიკის გაგრძელებას ეხება, ბაკურ კვაშილავამ განაცხადა, რომ არ იცის, ქვეყანაზე რა გავლენა ექნება, მაგრამ „ქართულ ოცნებაზე“ საკმაოდ დიდი გავლენა ექნება, რადგან თვითონ კანონპროექტი ეხება ყველას და მათ, ვინც კი 2014 წლიდან ოდესმე ყოფილა ხელისუფლებაში, შესაძლოა, შეეხოს ეს სანქციები.„ანუ, შესაძლოა, ის იყოს უბრალოდ, პირველი ტალღა და დანარჩენები, ნებისმიერი რანგის პოლიტიკოსი იქნება ეს, თუ სამოქალაქო სამსახურში მყოფი პირი, რომელიც პარტიის ინტერესებს იცავს და არა სახელმწიფოსას, შესაძლოა, მოხვდეს ამ სანქციების ქვეშ, ვინაიდან ამერიკა არის საფუძველი პრაქტიკულად ყველა ფინანსური ინსტრუმენტის და ინსტიტუციის მთელ მსოფლიოში, ყველა იმ ადამიანს, რომელსაც აქვს სარგებელი, რომელიც მიიღო თავისი თანამდებობიდან, შექმნა გარკვეული დანაზოგი, ავად თუ კარგად, მოუწევს არჩევანის გაკეთება და არჩევანი იქნება ასეთი – ხომ არ ჯობია ჩემივე ინტერესებისთვის, რომ „ქართული ოცნება“ გახდეს უფრო დემოკრატიული და მოიქცეს ისე, როგორც ამას ითხოვს თავისუფალი სამყარო, რადგან სხვა შემთხვევაში, ის კეთილდღეობა, რომელიც თუნდაც, იმით შევქმენი, რომ მე „ქართულ ოცნებასთან“ ვთანამშრომლობდი, ეჭვის ქვეშ დგება. აი, ეს შედეგი ექნება საბოლოო ჯამში ამ სანქციებს“, – განაცხადა ბაკურ კვაშილავამ.

ვატიკანში მიმდინარე კონკლავზე პირველ კენჭისყრაზე რომის პაპი ვერ აირჩიეს.სიქსტეს კაპელის სახურავზე დამონტაჟებული საკვამურიდან შავი კვამლი ამოვიდა. ეს ნიშნავს, რომ კონკლავში მონაწილე კარდინალებიდან ვერც ერთმა ხმების ორი-მესამედი ვერ მოაგროვა. ამგვარად, დღეს კარდინალები სიქსტეს კაპელიდან კვლავ სანტა მარტას სახლში დაბრუნდებიან, სადაც მათი საცხოვრებელი ოთახებია განთავსებული.კენჭისყრის მორიგი რაუნდები მომდევნო დღეებში გაგრძელდება. კარდინალების სანტა მარტას სახლსა და სიქსტეს კაპელას შორის გადაყვანა ხდება უსაფრთხოების გამკაცრებული ზომებით.კონკლავის დაწყებიდან ახალი პაპის არჩევამდე მათ აკრძალული აქვთ გარესამყაროსთან ყველა სახის კომუნიკაცია. მათ არ აქვთ წვდომა ინტერნეტზე, ტელეფონებსა და გაზეთებზე.კონკლავში 70 ქვეყნიდან 133 კარდინალი მონაწილეობს.რომის პაპი ფრანცისკე 88 წლის ასაკში ინსულტის შედეგად 21 აპრილს გარდაიცვალა. ის 26 აპრილს რომში დაკრძალეს. ანდერძის თანახმად, პონტიფიკოსი სანტა მარია მაჯორეს ტაძარშია დაკრძალული.

აშშ-ის პრეზიდენტმა, დონალდ ტრამპმა 8 მაისი მეორე მსოფლიო ომში გამარჯვების დღედ ოფიციალურად გამოაცხადა. ამის შესახებ თეთრი სახლის მიერ გავრცელებულ განცხადებაშია აღნიშნული.განცხადების მიხედვით, ტრამპი განმარტავს, რომ მეორე მსოფლიო ომში გამარჯვების დღეს, ამერიკა ზეიმობს შეიარაღებული ძალების შეუდარებელ სიძლიერეს, სიმტკიცესა და ძალას.„ვალდებულებას ვიღებთ, დავიცვათ თავისუფლების ჩვენი წმინდა მემკვიდრეობითი უფლება ყველა საფრთხისაგან, როგორც უცხოურისგან, ასევე შიდა სახელმწიფოებრივისგან. 1941 წლის 7 დეკემბერს პერლ-ჰარბორზე თავდასხმის შემდეგ, ამერიკის შეერთებული შტატები სამართლიანად ჩაება იმ ბრძოლაში, რაც შემდგომში იქცა სიკეთესა და ბოროტებას შორის მარადიული ბრძოლის აპოგეად. 250 000-ზე მეტმა ამერიკელმა დაკარგა სიცოცხლე ნაცისტური რეჟიმის წინააღმდეგ ბრძოლაში. დღეს და ყოველდღე, ჩვენ პატივს მივაგებთ ყველა იმ ადამიანს, ვინც უდიდესი მსხვერპლი გაიღო თავისი ერისთვის, თავისუფლებისთვის და დასავლური ცივილიზაციის გადარჩენისთვის. ჩვენი ამერიკელი ჯარისკაცების მსხვერპლის გარეშე, ეს ომი არ იქნებოდა მოგებული და ჩვენი დღევანდელი მსოფლიო რადიკალურად განსხვავებული იქნებოდა“, – აღნიშნავს ტრამპი განცხადებაში.ტრამპის თქმით, მეორე მსოფლიო ომის პერიოდში უაზროდ დაკარგული მილიონობით სული არის შეხსენება, თუ რატომ უნდა ისწრაფოდნენ მშვიდობისკენ ძლიერების მეშვეობით.„მე მტკიცედ ვარ მოწადინებული, შევწყვიტო წლების განმავლობაში დაუსრულებელი უცხოური ომები და თავიდან ავირიდო სიცოცხლის შემდგომი დანაკარგი. ჩემს საინაუგურაციო მიმართვაში როგორც განვაცხადე, ჩვენ შევაფასებთ ჩვენს წარმატებას არა მხოლოდ მოგებული ბრძოლებით, არამედ იმ ომებითაც, რომლებსაც დავასრულებთ. ჩემი უდიდესი მემკვიდრეობა იქნება მშვიდობისმყოფელის მემკვიდრეობა“, – აცხადებს აშშ-ის პრეზიდენტი.თეთრი სახლის მიერ გავრცელებულ განცხადებაში, ტრამპი ასევე მადლობას უხდის დიდებული თაობის ყველა პატრიოტს, რომელმაც დატოვა სახლი და ოჯახი, რათა ებრძოლა ამერიკის თავისუფლებისთვის შორეულ მიწებზე.

"ის, რომ ჩვენ არ გვყავს, რეალურად ქმედითი ოპოზიცია და არის გარედან მიღებული დაკვეთების შემსრულებელი ინსტრუმენტი, ეს, საერთო ჯამში, ვნებს ქართულ დემოკრატიას, რადგან დემოკრატია საჭიროებს ოპონირებას სხვადასხვა ძალებს შორის," - ამის შესახებ საქართველოს პარლამენტის თავმჯდომარემ, შალვა პაპუაშვილმა "ღამის კურიერის" ეთერში განაცხადა.მისივე თქმით, ოპოზიციის მხარდამჭერი მოსახლეობა ფრუსტრირებულია, რადგან მათ გამარჯვებაზე არარეალისტური მოლოდინები შეუქმნეს."ჩვენ როცა ვსაუბრობთ იმაზე, თუ სად არის პრობლემა და როცა ვსაუბრობთ იმაზე, რომ დავიბრუნებთ იმ მოქალაქეებს, დავაბრუნებთ რაციონალურ პოლიტიკურ სივრცეში, ვგულისხმობთ ამომრჩეველს, რომელიც შეიძლება იყოს კრიტიკულად განწყობილი ხელისუფლების მიმართ, ხმა მისცა ოპოზიციას და ამ ამომრჩეველმა განიცადა იმედგაცრუება. როდესაც ელჩებმა თავიანთი დიპლომატიური მანტიები მოიხსნეს, ჩამოკიდეს და პირდაპირ ჩაერთნენ არჩევნებში "ქართული ოცნების" წინააღმდეგ, ყველას აძლევდნენ იმედს, რომ თითქოს იქნებოდა მათი გამარჯვება. გახსოვთ 27 ოქტომბერი - ვიდეოებსაც კი დებდნენ აქტივისტები, აბსოლუტური ტრაგიზმით, ტირილით, იმის გამო, რომ შეუქმნეს არარეალისტური იმედები ზოგიერთმა ელჩმა, დიპლომატმა და უცხოელმა პოლიტიკოსმა.აქ ჩამოდიოდნენ საგარეო საქმეთა მინისტრები და მიტინგებს ატარებდნენ - წარმოგიდგენიათ, რა გადაიტანა ჩვენმა საზოგადოებამ? ფაქტობრივად, ჩათვალეს, რომ შეეძლოთ ხაზი გადაესვათ ჩვენი სუვერენიტეტისთვის, დამოუკიდებლობისთვის. ხან ესტონეთის საგარეო საქმეთა მინისტრი, ხან ლიეტუვის, ხან რომელი და ხან რომელი, აქ მიტინგებს გვიმართავდნენ. ელჩები გამოდიოდნენ და საარჩევნო ბანერებს გვიფასებდნენ - ასე სჯობდა თუ ისე სჯობდა. ასეთ აბსურდში გვაცხოვრეს, მისცეს იმედები და არის ფრუსტრირებული ეს ამომრჩეველი.ის, რომ ჩვენ არ გვყავს, რეალურად ქმედითი ოპოზიცია და არის გარედან მიღებული დაკვეთების შემსრულებელი ინსტრუმენტი, ეს, საერთო ჯამში, ვნებს ქართულ დემოკრატიას, რადგან დემოკრატია საჭიროებს ოპონირებას სხვადასხვა ძალებს შორის," - აცხადებს შალვა პაპუაშვილი.