ხვიჩა კვარაცხელია დღეს საფრანგეთის თასის ნახევარფინალში ვერ ითამაშებს – მიზეზი ცნობილია

უცხო ქვეყნებთან საინვესტიციო-ეკონომიკური თანამშრომლობის საკითხებში რუსეთის პრეზიდენტის სპეციალური წარმომადგენლის, რუსეთის პირდაპირი ინვესტიციების ფონდის ხელმძღვანელის, კირილ დმიტრიევის განცხადებით, რუსეთის პოზიციის რეალური გაგება კონსტრუქციული ურთიერთობებისთვის ახალ შესაძლებლობებს ქმნის.ამის შესახებ ვაშინგტონში ვიზიტით მყოფმა კირილ დმიტრიევმა „ტელეგრამში“ დაწერა.კირილ დიმიტრიევი წერს, რომ, ვლადიმერ პუტინის დავალებით, 2-3 აპრილს დონალდ ტრამპის ადმინისტრაციის წარმომადგენლებთან მართავს შეხვედრებს.ამასთან, კირილ დმიტრიევი აღნიშნავს, რომ კონსტრუქციული ურთიერთობების აღდგენის გზაზე „მრავალრიცხოვანი ძალები დგანან, რომლებიც დაძაბულობის შენარჩუნებით არიან დაინტერესებული. ეს ძალები გამიზნულად ამახინჯებენ რუსეთის პოზიციებს, ცდილობენ, ჩაშალონ ნებისმიერი ნაბიჯი დიალოგისკენ, ამისათვის არ იშურებენ არც საშუალებებს და არც რესურსებს“.მისი თქმით, აშშ-თან დიალოგის აღდგენა ეტაპობრივი პროცესია, თითოეული შეხვედრა და გულწრფელი საუბარი კი – წინსვლის შესაძლებლობა.„როიტერმა“ ანონიმურ წყაროებზე დაყრდნობით გაავრცელა ინფორმაცია, რომ კირილ დმიტრიევი დონალდ ტრამპის სპეციალურ წარმომადგენელს, სტივ უიტკოფსა და სხვა მაღალი რანგის პირებს შეხვდა. თუმცა ამ ეტაპზე უცნობია, რა საკითხები განიხილეს.

ცოტნე კობერიძე აცხადებს, რომ პარტია „გირჩი – მეტი თავისუფლებას“ ტოვებს.აღნიშნულის შესახებ ცოტნე კობერიძე სოციალურ ქსელში წერს.„მივიღე ჩემთვის მძიმე და ოდესღაც წარმოუდგენელი გადაწყვეტილება – ვტოვებ „გირჩი – მეტი თავისუფლებას“. ვტოვებ პარტიას, რომელმაც ყველაფერი მომცა: ადგილი, სადაც გავიზარდე, პირველი თანამებრძოლები გავიცანი, პირველი ადამიანი, ვისაც ლიდერს დავუძახებდი (ზურა ჯაფარიძე), პირველი მენტორი (გოგა ხაჩიძე), პირველი სამსახური (უბნის კოორდინატორი), პირველი დაუმორჩილებლობა, პირველი დაცინვა, პირველი წარმატება, პირველი იმედგაცრუება, პირველი სიყვარული – ყველაფერი პირველი „გირჩმა“ მაჩვენა და მომცა. ვტოვებ პარტიას, რომელიც ჩემნაირად, ალბათ, არავის ჰყვარებია. პარტიაში მაშინ მივედი, როცა მისი სახელიც თითქმის არავინ ესმოდა, მაგრამ მიყვარდა, რადგან ამბიცია ჰქონდა, შეეცვალა მთელი პოლიტიკური სპექტრი, წარმოეჩინა ახალი ადამიანები, ახალი იდეები, პოლიტიკის ახალი ფორმები.დღეს კი მგონია, რომ რასაც ვაკეთებთ, ახალი აღარაფერია – ყველაფერი იგივეა. არ მჯერა, რომ იგივეთი ცვლილება შეიძლება. არ მჯერა, რომ ოპოზიციის დიდი გაერთიანება გამოვა. არ მჯერა, რომ პოლიტიკური სპექტრის, დამოკიდებულებების, აქტორების და გარემოს ცვლილების გარეშე გამარჯვების შანსი გვაქვს. არ მჯერა, რომ 2024 წლის საპარლამენტო არჩევნებზე ოპოზიციის მიერ მიღებული ხმები საკმარისი იქნება და ამის შემდეგ მუშაობა აღარ დაგვჭირდება. არ მჯერა გამარჯვების იმ ფორმულის, რომლის მთავარი იარაღი სალომე ზურაბიშვილია – ბიძინა ივანიშვილის მიერ ყველაზე ცუდი არჩევნებით მოყვანილი პრეზიდენტი. არ მჯერა, რომ შეცდომების აღიარების გარეშე, ბოდიშის მოხდის გარეშე, რამე გამოვა. ბოდიში, რომ არჩევნების შედეგები აღტკინებულმა მოგილოცეთ და 15 წუთში სხვა შედეგები ნახეთ. ბოდიში, რომ არჩევნების შემდეგ საჯაროდ არ გამოვჩნდი და არ ვისაუბრე. ბოდიში, რომ ჩავთვალე – ტყუილის ართქმა საკმარისი იყო. მაგრამ მჯერა, რომ ამ ქვეყანას მომავალი აქვს. ჩვენ რუსეთი არ გავხდებით. ეს რწმენა სამი წლის წინ იმ ხალხმა მომცა, რომლებიც პირველად ერთად ვნახე – განსხვავებულები, ფერადები, ლაღები, თავდაჯერებულები, მზრუნველები, კომპეტენტურები… უბრალოდ კარგები, ძალიან კარგები. ხალხი, რომლის ენაც პოლიტიკურმა კლასმა ვერ გაიგო. ხალხი, რომელიც ევროპას მიიღებს, რადგან თავადაა ევროპა. თქვენ არ წაგიგიათ. პირიქით – ყველაზე მეტი აიღეთ საკუთარ თავზე, და ახლა ყველაზე მეტად განიცდით. იცოდეთ, თქვენი დრო მოდის. სხვა რაღაცამ წააგო – თქვენ არა. „გირჩში“ ყოფნისას სხვა პროექტზე არ მიფიქრია და არ მიმუშავია. ამიტომ ამ ეტაპზე დარწმუნებით ვერ ვიტყვი, რა გავაკეთებ. ვიცი მხოლოდ ერთი – მინდა ვიპოვო ადამიანები, რომლებიც ჩემნაირად ფიქრობენ და მათთან ერთად ვეცადო, ბევრი რამ შევცვალო. ჯერ მინდა გავთავისუფლდე. არ მინდა, ჩემმა ნაბიჯებმა პრობლემა შეუქმნას არც „გირჩს“, არც კოალიციას და არც ვინმე კონკრეტულ ადამიანს. თუ რამეს გავაკეთებ პოლიტიკაში, ის აუცილებლად იქნება ახალი – დაფუძნებული სიმშვიდეზე, კომპეტენციაზე, გულწრფელობაზე და სილაღეზე. თუ ვერ შევძელი, ვიტყვი, რომ მაინც ვცადე. მადლობა ყველა „გირჩელს“. თქვენ ჩემს ოჯახის წევრებზე ნაკლებად არ მიყვარხართ. გისურვებთ ყველაფერს საუკეთესოს. ვინც მიცნობს, მიხვდება, ჩემთვის ეს ნაბიჯი რას ნიშნავს“, – წერს ცოტნე კობერიძე.

პარტია „ხალხის ძალის“ საერთაშორისო ურთიერთობათა მდივანმა, დეპუტატმა ეკა სეფაშვილმა 2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებით საგამოძიებო კომისიის საქმიანობის შესახებ მედიასთან ისაუბრა.დეპუტატის თქმით, „ერთიანი ნაციონალური მოძრაობა“, როგორც რეჟიმი უნდა გასამართლდეს და კონსტიტუციის შესაბამისად აიკრძალოს მისი საქმიანობა.„რას ვაპროტესტებთ ჩვენ? საკვების უვნებლობას, რომელიც ბოლო პერიოდში ძალიან აქტუალური თემაა? გვინდა ჩვენ საკვების უვნებლობა და ამ რეგულაციების გამკაცრება თუ ამ ხელისუფლების რევოლუციური გზით შეცვლა? ეს ორი თემა უნდა გავმიჯნოთ. თუ ჩვენ ვითხოვთ საკვების უვნებლობის რეგულაციების გაძლიერებას, ეს ლეგიტიმური მოთხოვნაა და მე ამას მივესალმები. რა თქმა უნდა, მოსახლეობა უნდა იყოს დაცული, ჰქონდეს ინფორმაცია რა რეგულაციები მოქმედებს.ეს ყველა რეგულაცია გაწერილია ასოცირების შეთანხმებაში. ამ თემაზე რომ იყოს პროტესტი, ეს ჩემთვის კიდევ უფრო გასაგები იქნება, ვიდრე ის, რომ უაპელაციოდ, უარგუმენტოდ მმართველი ძალა უნდა შეიცვალოს იმ ძალით, რომლის პოლიტიკურ გასამართლების პროცესს ყოველდღიურად პირდაპირ ეთერში ვუყურებთ და ვრწმუნდებით, რაოდენ სასტიკი იყო ეს რეჟიმი. შეუძლებელია, უსმენდე კომისიის სხდომებს და არ განიცადო გამოკითხულ ადამიანებთან ერთად იმ დღეების ტრაგედიები.განსაკუთრებით, როდესაც ეს ეხება წამებას, ჯანმრთელობის განზრახ დაზიანებას, პენიტენციურ დაწესებულებებში არსებულ გაუგონარ ვითარებას, აგვისტოს ომის მოვლენებს, რომელიც საერთოდ სხვა ჭრილში წარმოჩნდა ამ კომისიაზე. ჩვენ ვნახეთ, რომ მხოლოდ და მხოლოდ პოლიტიკური მიზნებისათვის იღვწოდა მაშინდელი ხელისუფლება. მიატოვეს დაჭრილები, მშვიდობიანი მოსახლეობა, რაზეც ცინიკური პასუხი მოვისმინეთ - მოსახლეობა იმიტომ არ გავაფრთხილეთ, რომ არ აღქმულიყო ეს, როგორც ომისთვის მზადება. ეს ყველაფერი უნდა იყოს გამოძიებული და „ერთიანი ნაციონალური მოძრაობა“ კომისიაზე წარმოდგენილი არგუმენტებით და ფაქტების გათვალისწინებით, სასამართლოს გზით, როგორც ეს წესია და შეეფერება კონსტიტუციას, უნდა იყოს აკრძალული.ეს საჭიროა იმისათვის, რომ ქვეყანაში იყოს ნორმალური ვითარება, რაშიც ვგულისხმობ იმას, რომ არავინ არ შეეცადოს ძალისმიერი მეთოდებით ხელისუფლების შეცვლას, მხოლოდ იმიტომ, რომ რომელიღაც გლობალურ ძალას არ მოსწონს ის. არ მოსწონს იმის გამო, რომ არ არის მისი მარიონეტი, არ ჩართო საქართველო ომში სხვა ქვეყნის აქტორების ამოცანების შესასრულებლად“, - განაცხადა ეკა სეფაშვილმა.

საფრანგეთის პრეზიდენტი ემანუელ მაკრონი აშშ-ის პრეზიდენტის მიერ გამოცხადებული ტარიფების საპასუხოდ, მოწოდებით გამოვიდა, რომ აშშ-ში შეჩერდეს ფრანგული ინვესტიციები იქამდე, ვიდრე სიტუაცია არ გაირკვევა.მრეწველობის წარმომადგენლებთან შეხვედრისას საფრანგეთის პრეზიდენტმა განაცხადა, რომ „სასტიკი და დაუსაბუთებელი“ ზომები, რომლებიც ვაშინგტონმა მიიღო, ევროპული ქვეყნების მხრიდან პასუხის გარეშე არ დარჩება.მაკრონის განცხადებით, ევროპამ უნდა უპასუხოს ახალ ტარიფებს დარგების მიხედვით. მისივე თქმით, ტრამპის მიერ აშშ-ში იმპორტზე ახალი ტარიფების გამოცხადების შედეგად, ამერიკელები გახდებიან „უფრო სუსტები და ღარიბები“, ხოლო ევროპელები ერთად თუ იმუშავებენ, შეძლებენ „წარმატების მიღწევას“ და ტარიფების გაუქმებას.ცნობისთვის, აშშ-ის პრეზიდენტის, დონალდ ტრამპის მიერ სხვადასხვა ქვეყნისთვის დაწესებული ტარიფები 10%-იდან 49%-მდეა. ამასთან, ტრამპმა ევროკავშირს – 20%-იანი, დიდ ბრიტანეთს კი 10%-იანი ტარიფები დაუწესა. როგორც აშშ-ის პრეზიდენტმა აღნიშნა, ტარიფები აშშ-ს ეკონომიკის აღდგენაში დაეხმარება. ასევე, ტრამპმა 25%-იანი ტარიფი დააწესა უცხოური წარმოების ყველა ავტომობილზე.

დიდ ბრიტანეთში დამნაშავე პირები თავს თავისუფლად გრძნობენ, გადაადგილდებიან, ქვეყნის ხელისუფლებამ კი ქართველი მოსამართლეები გონივრული ეჭვის საფუძველზე დაასანქცირა, რაც აბსურდია, – ამის შესახებ პარლამენტის საპროცედურო საკითხთა კომიტეტის თავმჯდომარემ, დავით მათიკაშვილმა განაცხადა.მათიკაშვილის თქმით, დიდ ბრიტანეთს პრეტენზია აქვს, დემოკრატიის ნათელი მაგალითი იყოს და როცა ამ ყველაფერს მრუდე გზით ახორციელებს, ეს კითხვებზე მეტს აჩენს.„რატომ ხდება ეს ყველაფერი? კარგად გვახსოვს, საქართველოსგან, სასამართლოსგან რას ითხოვდნენ – „ვეტინგს“, ფაქტობრივად, სასამართლოს დამორჩილებას. იმას, რაც აღმოსავლეთ ევროპის ცალკეულ ქვეყნებში მოხდა. „დიფ სთეითმა“ შეძლო და ხელისუფლება, რომელიც არ აწყობდათ, მისი დემონტაჟი სასამართლოს ხელით მარტივად მოახდინა. ამ მოთხოვნას საქართველო რომ დათანხმებოდა და ზეწოლას დამორჩილებოდა, არანაირ კორუფციულ გარიგებებსა და ეჭვებზე საუბარი აღარ იქნებოდა. ეჭვები მყისიერად გაეფანტებოდათ, თუ „დიფ სთეითს“ საშუალება ექნებოდა, არჩევნების შედეგები ისე შეეცვალა, როგორც სურდა და ის ძალები მოეყვანა, რომლებიც ქართველ ხალხს არ უნდა, მაგრამ მათ უნდათ, ვინც საქართველოში აგენტურას მართავენ. არ შეიძლება, სამართლებრივი პროცესი მტკიცებულების გარეშე იყოს. დიდ ბრიტანეთს პრეტენზია აქვს, დემოკრატიის ნათელი მაგალითი იყოს და როცა ამ ყველაფერს მრუდე გზით ახორციელებს, ეს კითხვებზე მეტს აჩენს“, – განაცხადა მათიკაშვილმა.