შალვა პაპუაშვილი: ვისაც უნდა ჩამოვიდეს მისიით თუ ჯგუფით, ერთ რამეს ვურჩევდი, ხალხს მოუსმინონ, შემდეგ დაბრუნდნენ ბრიუსელში და კეთილი ინებონ, საქართველოს ხელისუფლებას არ ელაპარაკონ ქართველი ხალხის სახელით

გასაუბრების დროს პოპულარული კითხვა „რატომ უნდა დაგიქირავოთ?“ ბევრ ადამიანს შეიძლება აწუხებდეს . არსებობს სტრატეგია, რომელიც სასარგებლოა ყველასთვის, ვისაც სურს საკუთარი ძლიერი მხარეების ნათლად ჩამოყალიბება.მილიარდერმა Microsoft-ის თანადამფუძნებელმა ბილ გეიტსმა  ვარსკვლავ სტივენ კარისთან ინტერვიუში ამ კითხვის პასუხზე ისაუბრა.მისი თქმით, ეს არის რეალისტური მიდგომა, რომელიც დაფუძნებულია ფაქტებზე და არა ცარიელ რიტორიკაზე.მილიარდერი გვთავაზობს, რომ არ ჩამოვთვალოთ თქვენი ძლიერი მხარეები, არამედ წარმოვაჩინოთ ისინი.„შეხედეთ ჩემს მიერ დაწერილ კოდს. დროთა განმავლობაში უკეთესი გავხდი“, - თქვა გეითსმა კარიერის დასაწყისის აღწერისას.Microsoft-ის თანადამფუძნებელი ინტერვიუების დროს ზოგადი უნარების ნაცვლად რეალური სამუშაოსა და ტრენინგის მტკიცებულებებზე ფოკუსირებას გვირჩევს. მან ხაზგასმით აღნიშნა, რომ გამოყენებითი უნარების კონკრეტული მაგალითები აბსტრაქტულ ძლიერ მხარეებზე მნიშვნელოვანია.გეითსმა ასევე გვირჩია, რომ არ დამალოთ თქვენი სისუსტეები პოტენციური დამსაქმებლისგან. თუმცა, ეს უნდა შეესაბამებოდეს გუნდის მაღალი შესრულების მაჩვენებლებსა და მიზნებს.„შემიძლია ზედმეტად კრიტიკული ვიყო ჩემი კოლეგების მუშაობის მიმართ, მაგრამ ჩემი მიზანი ამბიციური შედეგების მიღწევაა“, - გააზიარა გეითსმა.გარდა ამისა, მილიარდერმა გირჩიათ, რომ პასუხის ბოლო ნაწილში აჩვენოთ, თუ როგორ შეესაბამება თქვენი ამბიციები კომპანიის გრძელვადიან მიზნებს.

ეუთო/ოდირი ადმინისტრაციულ სამართალდარღვევათა და სისხლის სამართლის კოდექსებში შეტანილი ცვლილებების შესახებ დასკვნას აქვეყნებს.დასკვნის თანახმად, მშვიდობიანი შეკრებისა და გამოხატვის თავისუფლების უფლებები დემოკრატიული, ტოლერანტული და პლურალისტური საზოგადოების საფუძვლების განუყოფელი ნაწილია, რომელშიც სხვადასხვა წარმომავლობის, შეხედულებების მქონე პირებსა და ჯგუფებს შეუძლიათ გამოთქვან თავიანთი მოსაზრებები, შეიკრიბონ და მშვიდობიანად ურთიერთობდნენ ერთმანეთთან.დასკვნის მიხედვით, სახელმწიფოებს აქვთ პოზიტიური ვალდებულებები, პატივი სცენ, დაიცვან და ხელი შეუწყონ ამ უფლებების განხორციელებას დისკრიმინაციის გარეშე.ეუთო/ოდირი დასკვნაში აღნიშნავს, რომ მშვიდობიანი შეკრების თავისუფლებისა და გამოხატვის თავისუფლების უფლებების ეფექტური დაცვა ხელს შეუწყობს ღია დემოკრატიის კულტურის განვითარებას, საჯარო საქმეებში მონაწილეობის შესაძლებლობას და საზოგადოებრივი ინტერესის საკითხებზე დიალოგის გააქტიურებას.დასკვნის თანახმად, მშვიდობიანი შეკრების თავისუფლების უფლების ნებისმიერი შეზღუდვა უნდა აკმაყოფილებდეს საერთაშორისო ადამიანის უფლებათა სამართლის მკაცრ სამნაწილიან ტესტს. კერძოდ, ის უნდა იყოს გათვალისწინებული კანონით, უნდა ემსახურებოდეს საერთაშორისო სამართლით ამომწურავად აღიარებული ერთ-ერთი ლეგიტიმური მიზნის დაცვას და იყოს აუცილებელი, პროპორციული ამ მიზნის მისაღწევად.დასკვნაში აღნიშნულია, რომ გარდა ამისა, ნებისმიერი შეზღუდვა უნდა იყოს არადისკრიმინაციული.„სახელმწიფოს პოზიტიური ვალდებულება, ხელი შეუწყოს მშვიდობიან შეკრებას, უნდა აისახოს საკანონმდებლო ჩარჩოსა და შესაბამის პრაქტიკაში და ამ უფლების სხვათა უფლებებთან შეთავსების შეზღუდვების ან შეზღუდვის სხვა დასაშვები საფუძვლების განხილვისას, არასაჭირო ან არაპროპორციულ შეზღუდვებთან შედარებით, სახელმწიფომ უპირატესობა უნდა მიანიჭოს ხელშეწყობას“, – ნათქვამია ეუთო/ოდირის დასკვნაში.ეუთო/ოდირი აღნიშნავს, რომ დასკვნა უნდა განიხილონ იმ სერიოზული შეშფოთების ფონზე, რომელიც ოდირ-მა, საერთაშორისო, რეგიონულმა ორგანიზაციებმა და ორგანოებმა, ეროვნულმა დამკვირვებლებმა, სხვა დაინტერესებულმა მხარეებმა ადრე გამოთქვეს ამ და ადრინდელ საკანონმდებლო ინიციატივებთან დაკავშირებით.„კერძოდ, იმ ინიციატივებთან დაკავშირებით, რომლებიც ზედმეტად ზღუდავს მშვიდობიანი შეკრების თავისუფლების, გამოხატვისა და გაერთიანების თავისუფლების უფლებებს, ასევე ბოლო თვეებში მშვიდობიანი მომიტინგეების, შეკრებებში მშვიდობიანი მონაწილეობის გამო ადამიანის უფლებათა დამცველებისა და ოპოზიციური პოლიტიკოსების დაკავებებთან დაკავშირებით, რაც საქართველოს საერთაშორისო ადამიანის უფლებათა ვალდებულებების აშკარა დარღვევაა“, – აღნიშნულია ეუთო/ოდირის დასკვნაში.დასკვნის თანახმად, განსახილველი ცვლილებები პარლამენტს წარედგინა 2025 წლის 8 ოქტომბერს, მიღებულ იქნა დაჩქარებული პროცედურით, 2025 წლის 16 ოქტომბერს, საჯარო განხილვის გარეშე და ძალაში შევიდა გამოქვეყნებისთანავე, 2025 წლის 17 ოქტომბერს.„საერთო ჯამში, ისინი აწესებენ გაცილებით მკაცრ ადმინისტრაციულ და სისხლის სამართლის სასჯელებს. ისინი გამორიცხავენ ნაკლებად შემზღუდავი ალტერნატიული სანქციების გამოყენების შესაძლებლობას, აწესებენ უფრო ხანგრძლივ ადმინისტრაციულ პატიმრობას, როგორც ნაგულისხმევ სასჯელს ადმინისტრაციული სამართალდარღვევების სახით განსაზღვრული გარკვეული ქმედებებისთვის და სისხლის სამართლებრივ პატიმრობას, თუ პირს ეს დანაშაულები წარსულშიც აქვს ჩადენილი. ეს კიდევ უფრო ამძაფრებს 2025 წლის თებერვალსა და 2024 წლის დეკემბერში შემოღებული შეზღუდვების ნეგატიურ გავლენას, რომლებიც 2025 წლის მარტში გამოქვეყნებულ სასწრაფო დასკვნაში ოდირ-მა საქართველოში მშვიდობიანი შეკრების თავისუფლების უფლების განხორციელებაში გადაჭარბებულ ჩარევად მიიჩნია.კერძოდ, 2025 წლის ოქტომბრის ცვლილებებით შემოღებულ იქნა ადმინისტრაციული პატიმრობის მკაცრი ვადები მაქსიმუმ 60 დღემდე, როგორც ერთადერთი სასჯელი შეკრებასთან დაკავშირებული გარკვეული დანაშაულისთვის, რაც გამორიცხავს სასამართლოს დისკრეციას, დააკისროს უფრო მსუბუქი სანქციები, როგორიცაა პროპორციული ხასიათის ჯარიმები ან გაფრთხილება. ეს მიდგომა პირდაპირ ეწინააღმდეგება საერთაშორისო სტანდარტებს, რომლებიც მოითხოვს, რომ სანქციები იყოს აუცილებელი, პროპორციული და არადისკრიმინაციული. ის ადმინისტრაციულ დაკავებას გარდაქმნის არაძალადობრივ ქცევაზე ნაგულისხმევ რეაგირებად, რომელიც არ აღწევს ცუდი ქცევის იმ სერიოზულობის დონეს, რომელიც შეიძლება გამართლებული იყოს უფრო მკაცრი რეაგირებისთვის (მაგ. უბრალოდ ნიღბის ტარება ან ლაზერული და სინათლის სხივის მოწყობილობების ტარება, გზების მოძრაობის დარღვევა ან მშვიდობიან შეკრებაში მონაწილეობა, რომელიც უკანონოდ ითვლება),“ – აღნიშნულია დასკვნაში.ეუთო/ოდირის დასკვნის თანახმად, მიუხედავად იმისა, რომ თავისუფლების აღკვეთა, მათ შორის ადმინისტრაციული დაკავება, არასდროს უნდა იქნას გამოყენებული სასჯელად საერთაშორისო სამართლით გარანტირებული უფლების მშვიდობიანი განხორციელებისთვის, ნაკლებად მკაცრი ალტერნატიული სანქციების არარსებობა ასევე ძირს უთხრის პროპორციულობის პრინციპს.დასკვნის მიხედვით, ეს და დამატებული ასეთი დაკავებების გასაჩივრების ეფექტური საშუალებების არარსებობა ამძაფრებს ბოროტად გამოყენების პოტენციალს და თავისუფლების თვითნებური აღკვეთის რისკს, რაც არღვევს სამოქალაქო და პოლიტიკური უფლებების შესახებ საერთაშორისო კონვენციის მე-9 მუხლს და ადამიანის უფლებათა ევროპული კონვენციის მე-5 მუხლს.„სისხლის სამართლის კოდექსის შესწორებული 347-ე მუხლის თანახმად, ერთ წლამდე ვადით თავისუფლების აღკვეთა შეიძლება დაწესდეს გარკვეული არაძალადობრივი ქმედებების ჩადენისთვის, რომლებიც ეროვნული კანონმდებლობით ადმინისტრაციულ სამართალდარღვევებად ითვლება, თუ პირს წარსულში ჩადენილი აქვს ასეთი კონკრეტული ადმინისტრაციული სამართალდარღვევები, ხოლო ორ წლამდე ვადით ამის განმეორებით ჩადენისთვის (ერთზე მეტჯერ და არა დადგენილ ვადაში), საზოგადოებისთვის ან ადამიანებისთვის ზიანის მიყენების განზრახვის ან ასეთი ზიანის რეალურად მიყენებისთვის მტკიცებულების გარეშე. ეს დებულებები სჯის საერთაშორისო ადამიანის უფლებათა სამართლით დაცულ ქმედებებს, მათ შორის ნიღბის ტარებას ან უკანონოდ მიჩნეულ შეკრებებში მშვიდობიან მონაწილეობას, ან გზების გადაკეტვას.ცვლილებების მიხედვით, თავისუფლების აღკვეთა ნაგულისხმევ სანქციად იქცა, რაც, ფაქტობრივად, არაპროპორციულ სისხლის სამართლებრივ სასჯელს იწვევს მშვიდობიანი შეკრების, თავისუფლების უფლებისთვის გამოყენებისთვის, მათ შორის მაშინაც, როდესაც ეს საერთაშორისო სამართლის ნორმებით არის გარანტირებული. ამგვარად, სისხლის სამართლის სასჯელი ისეთი ქმედებისთვის, რომელიც შესაძლოა, საერთაშორისო სამართლის მიხედვით ლეგიტიმური და კანონიერი იყოს, თავისუფლების თვითნებურ აღკვეთას გამოიწვევს, რაც არღვევს სამოქალაქო და პოლიტიკური უფლებების შესახებ საერთაშორისო კონვენციის მე-9 მუხლს და ადამიანის უფლებათა ევროპული კონვენციის მე-5 მუხლს“, – აღნიშნულია დოკუმენტში.დასკვნის მიხედვით, გარდა ამისა, ზემოაღნიშნული ადმინისტრაციული დებულებების განმეორებითი დარღვევისთვის ბავშვებისთვის (18 წლამდე ასაკის) ერთ წლამდე თავისუფლების აღკვეთის შემცველი სისხლის სამართლის სასჯელის შემოღება ეწინააღმდეგება საერთაშორისო ვალდებულებებს, რომლებიც მოითხოვს, რომ თავისუფლების აღკვეთა ბავშვებისთვის გამოყენებული იქნას მხოლოდ უკიდურესი ზომის სახით და მოუწოდებენ სახელმწიფოებს, მიიღონ პატიმრობის ალტერნატივები, რომელიც არ ითვალისწინებს პატიმრობას, როგორც არასრულწლოვანთა მიერ სავარაუდოდ ჩადენილი სისხლის სამართლის დანაშაულების ნაგულისხმევი რეაგირება“, – ვკითხულობთ ეუთო/ოდირის დოკუმენტში.დასკვნის თანახმად, „როგორც წინა მოსაზრებებში აღინიშნა, არაპროპორციული სასჯელები მხოლოდ მშვიდობიანი შეკრების თავისუფლების უფლებას არღვევს, რადგან მათ შეიძლება, შეაფერხონ ასეთი ღონისძიებების ორგანიზება და მათში მონაწილეობა, შეაფერხონ მშვიდობიანი შეკრების თავისუფლებისა და გამოხატვის თავისუფლების უფლებების განხორციელება“.„ცვლილებები სამართალდამცავი ორგანოების და სხვა თანამდებობის პირების მიმართ სიტყვიერი შეურაცხყოფის ან სხვა „შეურაცხმყოფელი ქმედებების“ კრიმინალიზაციას ახდენს, რაც განმეორებითი დანაშაულისთვის ორ წლამდე თავისუფლების აღკვეთით ისჯება. ასეთი ბუნდოვანი და ფართო ტერმინოლოგია, რომელმაც შეიძლება, სუბიექტური ინტერპრეტაცია გამოიწვიოს, არ აკმაყოფილებს საერთაშორისო სამართლით მოთხოვნილ კანონიერების, სიცხადისა და განჭვრეტადობის სტანდარტებს. ეს  საჯარო მოხელეების ლეგიტიმური კრიტიკის წინააღმდეგ არასწორი, ზედმეტად ფართო, თვითნებური და/ან მიზანმიმართული აღსრულების რისკს შეიცავს, რითაც ძირს უთხრის გამოხატვის თავისუფლებას და კიდევ უფრო აძლიერებს სამოქალაქო აქტივიზმზე შემაშფოთებელ ეფექტს“, – აღნიშნულია დოკუმენტში.როგორც ეუთო/ოდირის დასკვნაშია ნათქვამი, შეკრებასთან დაკავშირებული გარკვეული დანაშაულების ბუნდოვანმა და ფართო ფორმულირებამ შესაძლოა, სამიზნედ აქციოს ის პირები, რომლებიც გამოხატავენ განსხვავებულ შეხედულებებს – ადამიანის უფლებათა დამცველები, სამოქალაქო და პოლიტიკური აქტივისტები, ჟურნალისტები ან სხვა პირები, რომლებიც კანონიერად სარგებლობენ მშვიდობიანი შეკრებისა და გამოხატვის თავისუფლების უფლებით.„გარდა ამისა, ფუნდამენტური თავისუფლებების განხორციელების მარეგულირებელ საკანონმდებლო ჩარჩოში ცვლილებების კუმულაციური ეფექტი, აღსრულების ნიმუშებთან ერთად განხილვისას, სერიოზულ შეშფოთებას იწვევს, რომ 2025 წლის ოქტომბრის ცვლილებები შეიძლება გამოყენებულ იქნას ადამიანის უფლებათა ევროპული კონვენციით დაშვებული მიზნების მიღმა, კერძოდ, ადამიანის უფლებათა ევროპული კონვენციის მე-18 მუხლის დარღვევით. საერთო ჯამში, 2025 წლის ოქტომბრის ცვლილებები სერიოზულ შეშფოთებას იწვევს საქართველოს მიერ ადამიანის უფლებათა საერთაშორისო ვალდებულებების შეუსრულებლობასთან დაკავშირებით, განსაკუთრებით კი სამოქალაქო და პოლიტიკური უფლებების შესახებ საერთაშორისო კონვენციის მე-9, მე-19 და 21-ე მუხლების, ასევე ადამიანის უფლებათა ევროპული კონვენციის მე-5, მე-10, მე-11, მე-18 მუხლების და უნდა გაუქმდეს“, – აღნიშნულია ეუთო/ოდირის დასკვნაში.

გვსურს, გამოვეხმაუროთ ერთ-ერთ მედიასაშუალებაში გასულ ინფორმაციას, თითქოს „თბილისის მერიამ აფრიკის დასახლებაში მშენებარე ეკლესიას ბულდოზერებით გადაუარა“. სრული პასუხისმგებლობით ვაცხადებთ, რომ გავრცელებული ინფორმაცია არის სრული სიცრუე და მსგავს ფაქტს ადგილი არ ჰქონია, – ამის შესახებ თბილისის მერიის განცხადებაშია აღნიშნული.როგორც დედაქალაქის მერიის განცხადებაშია ნათქვამი, თბილისის მუნიციპალურმა ინსპექციამ სამგორის რაიონში სახელმწიფოსა და მუნიციპალიტეტის საკუთრებაში არსებული მიწების მიტაცებისა და უკანონო მშენებლობების აღკვეთის მიზნით გუშინ სპეციალური ღონისძიება ჩაატარა.„ღონისძიების ფარგლებში განხორციელდა უკანონოდ განთავსებული დაუსრულებელი ნაგებობებისა და მსუბუქი კონსტრუქციების დემონტაჟი. მათ შორის, დემონტაჟი ჩაუტარდა დაუსრულებელ, მცირე ზომის ნაგებობას, რომელიც, კონკრეტული ტელეკომპანიის მტკიცებით, ვითომდა წარმოადგენდა 14 წლის მანძილზე მშენებარე საეკლესიო ნაგებობას.საზოგადოების ინფორმირების მიზნით ვაქვეყნებთ ფოტომასალას, სადაც სწორედ აღნიშნული ნაგებობაა ასახული. ამავე ნაგებობის დემონტაჟის მოთხოვნით სამართალდამრღვევი პირი მუნიციპალურმა ინსპექციამ ჯერ კიდევ რამდენიმე თვის წინ გააფრთხილა, თუმცა მან აღნიშნული მოთხოვნა არ გაითვალისწინა და შენობის დემონტაჟი მერიამ გუშინ თავად განახორციელა.ვფიქრობთ, საზოგადოებას დასკვნის გაკეთება არ გაუჭირდება, თუ რასთან გვაქვს საქმე. მედია, რომელიც პატივს სცემს საკუთარ მაყურებელს, არ უნდა ცდილობდეს მათ დეზინფორმირებას და არ უნდა ავრცელებდეს ფეიკნიუსებს.თბილისის მუნიციპალური ინსპექცია უფლებამოსილების ფარგლებში კვლავაც განაგრძობს მუდმივ მონიტორინგს კანონდარღვევის აღმოსაჩენად და გაატარებს ქმედით ღონისძიებებს სახელმწიფო ინტერესების დასაცავად“, – ნათქვამია ინფორმაციაში.

თბილისის მერის კახა კალაძის განცხადებით, ყოფილი პრეზიდენტის, მიხეილ სააკაშვილის ჯანმრთელობის მდგომარეობასთან დაკავშირებით რამდენიმეთვიანი ცრუ კამპანია მიმდინარეობდა, რომელშიც უცხოელი მაღალი თანამდებობის პირებიც იყვნენ ჩართული. ამის შესახებ მერმა ჟურნალისტებს სააკაშვილის ჯანმრთელობის მდგომარეობაზე არსებული სამედიცინო დასკვნების სანდოობასთან დაკავშირებით დასმული კითხვის პასუხად განუცხადა.„ეს ძალიან სამწუხარო ფაქტი იყო. ჩვენ მოწმენი გავხდით, როგორც ქვეყნის შიგნით, ისე გარეთ, რამდენიმეთვიანი ცრუ კამპანიისა, რომელშიც უცხოელი მაღალი თანამდებობის პირებიც იყვნენ ჩართული. ბოლოს კი გაირკვა, რომ ამ ყველაფერში ფული ჰქონდათ აღებული.მე კიდევ ერთხელ გავიმეორებ: იმ სიცრუისთვის, რაც აკადრეს ჩვენი ქვეყნის მოსახლეობას და ჩვენს ქვეყანას კონკრეტულმა მაღალი თანამდებობის პირებმა, სულ მცირე, ბოდიში უნდა მოუხადონ საზოგადოებას“, – განაცხადა კახა კალაძემ.

საქართველოს ტექნიკური უნივერსიტეტის ახალგაზრდა მეცნიერებმა ნიდერლანდებში, საერთაშორისო კონფერენციაში მონაწილეობა მიიღეს საქართველოს ტექნიკური უნივერსიტეტის აგარარული მეცნიერებების და ქიმიური ტექნოლოგიების ფაკულტეტის ახალგაზრდა მეცნიერებმა თამუნა მოდებაძემ და გიორგი ანდიაშვილმა საერთაშორისო კონფერენციაში - The 43rd Annual Meeting of the European Culture Collections’ Organization (ECCO XLIII), მიიღეს მონაწილეობა. ამის შესახებ ინფორმაციას სტუ ავრცელებს. მისივე ცნობით, ECCO-ს ყოველწლიური შეხვედრა წარმოადგენს პლატფორმას, სადაც ევროპის წამყვანი კვლევითი ცენტრები და მეცნიერები იკრიბებიან მიკროორგანიზმების კოლექციების, ბიომრავალფეროვნების, ბიოტექნოლოგიისა და ინოვაციური სამეცნიერო მიდგომების განვითარების შესახებ გამოცდილებისა და ახალი კვლევების გასაზიარებლად. სტუ-ის აგრარული მეცნიერებებისა და ქიმიური ტექნოლოგიების ფაკულტეტის ახალგაზრდა მეცნიერის თამუნა მოდებაძის თქმით, საერთაშორისო კონფერენცია - ECCO XLIII, ქალაქ უტრეხტში (ნიდერლანდები) გაიმართა და მასში ევროპის წამყვანი უნივერსიტეტების ახალგაზრდა მკვლევრები და მეცნიერები მონაწილეობდნენ. „საერთაშორისო კონფერენციაში შოთა რუსთაველის საქართველოს ეროვნული სამეცნიერო ფონდის მიერ დაფინანსებული პროექტის - „საქართველოს ტრადიციული მეღვინეობის ადგილობრივი დუღილის საფუვრების ბიომრავალფეროვნება: კოლექციების შექმნა და მათი მეტაბოლური პოტენციალის შესწავლა სპეციფიკური მახასიათებლების მქონე რეგიონული ღვინოების ფორმირებისთვის“, ფარგლებში მივიღეთ მონაწილეობა და წარვადგინეთ პოსტერი თემაზე - „საქართველოს ქართლის რეგიონის ვენახებიდან გამოყოფილი საფუვრების ბიომრავალფეროვნება (Biodiversity of yeasts isolated from vineyards of Qartli region of Georgia)“. საქართველოს ტექნიკური უნივერსიტეტის ახალგაზრდა მეცნიერთა მონაწილეობა ასეთ მასშტაბურ საერთაშორისო კონფერენციაში განსაკუთრებით მნიშვნელოვანია, როგორც ღვინის მეცნიერებისთვის, ისე ქართული ვაზისა და ღვინის კულტურის შენარჩუნებისა და პოპულარიზაციისთვის”, - აცხადებს თამუნა მოდებაძე. საერთაშორისო კონფერენციაზე ახალგაზრდა ქართველი მეცნიერების წარდგენილი კვლევა მოიცავს ქართლში გავრცელებული ვაზის ენდემური ჯიშების ყურძნებზე არსებული საფუარების ბიომრავალფეროვნების დეტალურ შესწავლას. როგორც ახალგაზრდა მეცნიერი გიორგი ანდიაშვილი აცხადებს კვლევის მიზანია იმ მიკრობული ეკოსისტემების იდენტიფიცირება და გაანალიზება, რომლებიც განსაზღვრავენ ღვინის დუღილის პროცესს, მის არომატულ და გემოვნურ თვისებებს, ასევე პროდუქტის საბოლოო ხარისხს. „ჩვენს მიერ ჩატარებული კვლევა განსაკუთრებულ მნიშვნელობას იძენს იმ ფონზე, როცა საქართველო აღიარებულია როგორც ერთ-ერთი უძველესი ღვინის სამშობლო, სადაც ადგილობრივი ვაზის ჯიშების მრავალფეროვნება საუკუნეების განმავლობაში ჩამოყალიბებულ უნიკალურ მიკროგარემოს ქმნის. სწორედ ეს მიკრობული უნიკალურობა განაპირობებს ქართული ღვინის ინდივიდუალურ organoleptic პროფილს და მას მსოფლიო ბაზარზე კონკურენტუნარიანობას მატებს. კვლევა არ შემოიფარგლება მხოლოდ საფუარების იდენტიფიკაციით, იგი წარმოადგენს მნიშვნელოვან ნაბიჯს ტრადიციული მეღვინეობის თანამედროვე სამეცნიერო დონეზე გააზრებისა და განვითარებისთვის, რადგან მიღებული შედეგები ხელს უწყობს ქართული ენდემური ვაზის გენეტიკური და მიკრობიოლოგიური რესურსების დაცვას, მათი პოტენციალის უკეთ გამოყენებას და ახალი ბიოტექნოლოგიური მიდგომების დანერგვას. ეს პროექტი, როგორც სამეცნიერო, ისე კულტურული თვალსაზრისით, მნიშვნელოვანწილად უწყობს ხელს ქართული ვაზისა და ღვინის კულტურის საერთაშორისო დონეზე პოპულარიზაციას, აძლიერებს საქართველოს კვლევით პოზიციას რეგიონში და ახალ შესაძლებლობებს ქმნის ახალგაზრდა მეცნიერებისთვის გლობალურ სამეცნიერო თანამეგობრობაში. გარდა ამისა, ჩვენ მონაწილეობა მივიღეთ theYeasts.org Workshop-ში (Westerdijk Institute, Utrecht), რომელიც ეხებოდა საფუვრების იდენტიფიკაციის მეთოდებსა და კოლექციების მართვის პრაქტიკას. აღნიშნულმა ვორქშოპმა მნიშვნელოვნად გააღრმავა ჩვენი ცოდნა საფუვრების კვლევის მიმართულებით და პრაქტიკული გამოცდილება შეგვძინა“, - აცხადებს ანდიაშვილი.