ქუთაისში, საფიჩხიის სასაფლაოზე კაცი მოკლეს

საქართველოს ტექნიკური უნივერსიტეტის კვანტური ფიზიკისა და საინჟინრო ტექნოლოგიების ინსტიტუტის მეცნიერები და ინჟინრები - სტუ-ის CERN-LHC ჯგუფის წევრები - იმ 24 ქართველ მეცნიერს შორის არიან, რომლებმაც მორიგი დიდი საერთაშორსო აღიარება მოიპოვეს. საქართველოს ტექნიკური უნივერსიტეტის მეცნიერ-მკვლევრებს ბირთვული კვლევების ევროპული ორგანიზაციის (CERN) CMS კოლაბორაციაში 2025 წელს მიღწეული მნიშვნელოვანი წარმატებისთვის მსოფლიოს ერთ-ერთი ყველაზე პრესტიჟული საერთაშორისო სამეცნიერო ჯილდო - „პრიზი ფუნდამენტური ფიზიკის სფეროში გარღვევისთვის“ (Breakthrough Prize in Fundamental Physics) გადაეცათ.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, „პრიზი ფუნდამენტური ფიზიკის სფეროში გარღვევისთვის“ მიენიჭა საქართველოს ტექნიკური უნივერსიტეტის 8 მეცნიერ-მკვლევარსა და ინჟინერს: კვანტური ფიზიკისა და საინჟინრო ტექნოლოგიების ინსტიტუტის დირექტორს, CERN-LHC ჯგუფის ლიდერს და საქართველოს მთავრობის წარმომადგენელს CERN-ში ზვიად წამალაიძეს, ამავე ინსტიტუტის მეცნიერ-თანამშრომლებსა და CERN-LHC ჯგუფის წევრებს - არსენ ხვედელიძეს, იური ბაღათურიას, ირაკლი ლომიძეს, დავით ლომიძეს, გიორგი ადამოვს, ალექსი მესტვირიშვილს და თენგიზ თორიაშვილს.ქართველ მეცნიერებს პრესტიჟული საერთაშორისო სამეცნიერო ჯილდოს მოპოვებას საქართველოს ტექნიკური უნივერსიტეტის რექტორი, CERN/CMS კოლაბორაციის ასოცირებული წევრი, აკადემიკოსი დავით გურგენიძე ულოცავს და აღნიშნავს, რომ მორიგი საერთაშორისო აღიარება კიდევ ერთხელ ადასტურებს ქართული მეცნიერების სოლიდურ წვლილს მატერიის ბუნებისა და სამყაროს ევოლუციის შესწავლაში.„პრიზი ფუნდამენტური ფიზიკის სფეროში გარღვევისთვის“, რომელიც 24 ქართველ მეცნიერს, მათ შორის კი საქართველოს ტექნიკური უნივერსიტეტის 8 მეცნიერ-მკვლევარსა და ინჟინერს მიენიჭა, მნიშვნელოვანი საერთაშორისო აღიარებაა არა მხოლოდ ჩვენი უნივერსიტეტისთვის, არამედ მთლიანად ქართული მეცნიერებისათვის. ჩვენი მეცნიერები და ინჟინრები მონაწილეობენ მსოფლიოში მიმდინარე ყველა გლობალურ კვლევაში, მათ შორის, CERN-ის უმსხვილეს სამეცნიერო ექსპერიმენტებში, რომლებიც დიდწილად განსაზღვრავს ფუნდამენტური და ნაწილაკების ფიზიკის მიმართულებებს და შესაძლებელს ხდის სამყაროს კიდევ უფრო ღრმად შემეცნებას. განსაკუთრებით უნდა აღინიშნოს საქართველოს ტექნიკური უნივერსიტეტის მეცნიერთა წვლილი CERN-ში, დიდ ადრონულ კოლაიდერზე მიმდინარე CMS ექსპერიმენტში, სადაც იყენებენ იმ უახლეს ტექნოლოგიებს, რომლებიც გარდამტეხ გავლენას იქონიებს კაცობრიობის მომავალზე. ვულოცავ ჩვენს მეცნიერებსა და ინჟინრებს ამ პრესტიჟული საერთაშორისო ჯილდოს მოპოვებას და მადლობას ვუხდი თავდაუზოგავი შრომისა და პროფესიონალიზმისთვის,“ - აღნიშნავს რექტორი დავით გურგენიძე.სტუ-ის ინფორმაციით, საქართველოს ტექნიკური უნივერსიტეტი ბირთვული კვლევების ევროპული ორგანიზაციის (CERN) დიდი ადრონული კოლაიდერის (LHC) პროგრამის CMS კოლაბორაციის აქტიური წევრია და ქართველი ფიზიკოსები ინტენსიურად მონაწილეობენ მის სამეცნიერო საქმიანობაში. ქართველი ფიზიკოსების სამეცნიერო საქმიანობა CMS ექსპერიმენტში, ძირითადად, 2 სუბდეტექტორის, მიონური სისტემის RPC (Resistive Plate Chamber) და მაღალი გრანულების კალორიმეტრის HGCAL ( High Granularity Calorimetr) ჯგუფებში მიმდინარეობს; განსაკუთრებით უნდა აღინიშნოს მათი აქტივობა HGCAL კალორიმეტრზე - ერთადერთ დეტექტორზე, რომელიც უნივერსალური კალორიმეტრია და პირველად იქმნება მსოფლიოში. ის განკუთვნილია კოლაიდერის HL-LHC (High Luminosity Large Hadron Collider) რეჟიმზე გადასვლასთან დაკავშირებით CMS ექსპერიმენტისთვის.

საკონსტიტუციო სასამართლოში სარჩელის განხილვის ვადად ცხრა თვეა დადგენილი, თუმცა იმედი გვაქვს, განხილვა უფრო მალე მოხდება, – ამის შესახებ პარლამენტის ვიცე-სპიკერმა, გიორგი კახიანმა საქართველოს პირველ არხს განუცხადა.მისი თქმით, სარჩელში ისეთი მტკიცებულებებია წარდგენილი, რაც სამი ოპოზიციური პარტიის არაკონსტიტუციურად ცნობისთვის საფუძველი გახდება.„მგონია, საზოგადოება ყველაზე მეტად ხვდება, კონსტიტუციური სარჩელი როგორ უნდა შეფასდეს. მათ კარგად იციან, რაოდენ დიდი მავნებლობა აქვს ჩადენილი ამ სამ ოპოზიციურ პარტიას ქვეყნის წინაშე. საპარლამენტო უმრავლესობის ვალდებულებაც კი იყო, ასეთ მავნებლურ პოლიტიკას სამართლებრივი რეაგირება მოჰყვეს. ამის სამართლებრივი გზა ერთია, იმისთვის, რომ არაკონსტიტუციურად იყვნენ ცნობილი პარტიები, გადაწყვეტილებას საკონსტიტუციო სასამართლო იღებს. განხილვის ვადად ცხრა თვეა დადგენილი, თუმცა იმედი გვაქვს, სარჩელის განხილვა უფრო მალე მოხდება. სარჩელში ისეთი მტკიცებულებებია წარდგენილი, რაც ამ პარტიების არაკონსტიტუციურად ცნობისთვის საფუძველი გახდება. განხილვა საჯარო იქნება და ხალხი ყველაფერს თავისი თვალით ნახავს“, – განაცხადა გიორგი კახიანმა.

ევროკომისია მოგვიწოდებს, გავაუქმოთ ის კანონები, რაც მოზარდებს იცავს. ეს არ მოხდება. მოგვიწოდებენ, გავაუქმოთ გამჭვირვალობის კანონი, რომელსაც ახლა ევროპაში თავად იღებენ, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მაჭარაშვილის თქმით, საქართველოში დაცული იქნება ეროვნული ინტერესები და ტრადიციები.„ევროკავშირში რომ პრობლემები არსებობს, ეს ევროპულმა სახელმწიფოებმაც აღიარეს, მათ შორის იყო უნგრეთი, სლოვაკეთი. პირდაპირ წერენ, რომ საქართველოში ლგბტ პროპაგანდა უნდა არსებობდეს და ამ მიმართულებით არასრულწლოვანების დაცვა არ უნდა იყოს. ევროკომისია მოგვიწოდებს, გავაუქმოთ ის კანონები, რაც მოზარდებს იცავს და ეს არ მოხდება. ამავე დროს, მოგვიწოდებენ, რომ გავაუქმოთ გამჭვირვალობის ის კანონი, რომელსაც ახლა ევროპაში თავად იღებენ. სამწუხაროდ, რასაც ვხედავთ, ახალი არ არის, მაგრამ საქართველოში ისევ დავიცავთ ეროვნულ ინტერესებს და ტრადიციებს.სამწუხაროდ, ჩიხური მდგომარეობა თავად ჰერჩინსკის აქვს, რადგან ვერ გამოვიდა იმ ნარატივიდან, რომ საქართველოში უნდა იყოს ლგბტ პროპაგანდა, ომი და თურმე ამის შემდეგ საქართველოს ევროკავშირში შეიყვანენ. ამის მაგალითები მოჰყავთ. როგორც უკრაინა არის დაწინაურებული, ისე უნდა იყოს საქართველოო. ჰერჩინსკის ქვეყანას, პოლონეთს არ ვუსურვებ იმას, რაც უკრაინას თავს დაატყდა, მიუხედავად იმისა, რომ ბევრი პოლონელი ჩვენ ომს გვისურვებს. „დიფ სთეითის“ და გლობალური ომის პარტიის მიზნები ძალიან გაცვდა“, – განაცხადა გურამ მაჭარაშვილმა.4 ნოემბერს, ევროკომისიის მიერ ევროკავშირის გაფართოების შესახებ ანგარიშის გამოქვეყნების შემდეგ საქართველოში ევროკავშირის ელჩმა, პაველ ჰერჩინსკიმ პრესკონფერენცია გამართა და აღნიშნა, რომ „საქართველოში უკუსვლის საერთო დონე უპრეცედენტოა. ევროკავშირი კვლავ ადასტურებს მზადყოფნას, გააგრძელოს საქართველოს მოსახლეობის მხარდაჭერა ევროპული მომავლისკენ მიმავალ გზაზე“.

რესტორანი „ქვევრი“ განცხადებას ავრცელებს, რომელსაც უცვლელად გთავაზობთ.„ლაშას ხსოვნის პატივსაცემად - მისი სიკეთე და თანაგრძნობა ყოველთვის გვახსოვს… სწორედ ამიტომ, გადავწყვიტეთ მისი სახელით დავეხმაროთ გაჭირვებულ ოჯახებსა და მოხუცთა თავშესაფრებს გავუზიაროთ მათ სითბო და საკვები, როგორც ამას თვითონ ლაშა გააკეთებდა.თუ იცით ადგილები, სადაც ადამიანები საჭიროებაში არიან ოჯახები, მოხუცთა თავშესაფრები, ბავშვთა თავშესაფრები, ან ადამიანები, ვინც დახმარებას ელიან  - გთხოვთ, კომენტარებში დაგვიწერეთ ან მოგვწერეთ პირადში. მადლობას გიხდით დაფასებისთვის!“ - წერს რესტორნის ადმინისტრაცია.

სუპერმარკეტ „სპარის“ ორი თანამშრომლის მიმართ განხორციელებულ ჯგუფურ ძალადობაში მონაწილეებიდან ერთ-ერთი მომღერალ მამუკა ჩარკვიანის შვილი, ჯაკო (ჯანსუღ) ჩარკვიანია.როგორც „ინტერპრესნიუსთან“ საუბარში მისმა მამიდამ, თაკო ჩარკვიანმა განუცხადა, მისი ძმიშვილი დაკავებული არ არის, ის არ გამოუკითხავთ და არც არსად მიმალვას არ აპირებს.ჩარკვიანის თქმით, მის ძმიშვილს მანანა გიორგობიანმა დაურეკა და დახმარება სთხოვა.„ჩემი ინფორმაციით, ამ ქალმა დაურეკა, მცემენ და მიშველეო, ის ჯაკოს გარდაცვლილი მეგობრის დედაა. ვიდეოშიც ისმის ფრაზა, „ახლა მე ბიჭებს დავურეკავო“ და მერე ამბობს კიდეც, ამან, მეორემაც დამარტყა ხელიო. აბსოლუტურად შეცდომაში შეყვანაა ადამიანების... შვილის ხელა ბავშვებს რანაირად უნდა დაურეკო ქალმა, არ ვიცი.... გარდაცვლილი მეგობრის დედა რომ გირეკავს, მიშველე, მირტყამენ, მიშველეო, ჩახვალ, ადამიანური რეაქცია იყო. ამას იმიტომ არ ვამბობ, რომ ვამართლებ, ნამდვილად ასე იყო. ძალიან ბევრი თვითმხილველია“, - აცხადებს ჩარკვიანი.ცნობისთვის, 2 ნოემბერს, გვიან ღამით, სუპერმარკეტ „სპარში“ ორ თანამშრომელს ფიზიკურად გაუსწორდნენ. სამართალდამცავებმა ჯგუფური ძალადობის ორგანიზებისა და მასში მონაწილეობის ფაქტზე მანანა გიორგობიანი დააკავეს.შსს-ს ცნობით, მანანა გიორგობიანი დაუკავშირდა ჯაკო ჯანსუღ ჩარკვიანს, რომელიც ადგილზე თანმხლებ პირებთან ერთად მივიდა, რა დროსაც მათ, სუპერმარკეტის ორი თანამშრომელი ძალის გამოყენებით გაიყვანეს გარე ტერიტორიაზე და ჯგუფურად ფიზიკურად გაუსწორდნენ.გამოძიება საქართველოს სისხლის სამართლის კოდექსის 225-ე და 126-ე მუხლებით მიმდინარეობს, რაც ჯგუფურ ძალადობას და ჯგუფური ძალადობის ორგანიზებას გულისხმობს.