ქუთაისში ერთ-ერთი ქუჩისთვის არჩილ ტუტანაშვილის სახელის დარქმევას ითხოვენ

მას შემდეგ, რაც „ნაციონალური მოძრაობა“ და მისი სატელიტები აღარ იქნებიან ქართულ პოლიტიკაში, ქართული პოლიტიკური სპექტრი, ოპოზიციური ფლანგი ბუნებრივად შეივსება, - განაცხადა მედიასთან საუბარში პარტია „ხალხის ძალის“ აღმასრულებელმა მდივანმა გურამ მაჭარაშვილმა.მისი თქმით, პარტია „ხალხის ძალამ“ ქართულ პოლიტიკაში თავისი კვალი უკვე დატოვა. პარტიამ ზოგადად პოლიტიკას შესთავაზა ახალი ფორმატი, რომლის თანახმადაც ხალხის ჩართულობა უნდა იყოს არჩევნებიდან არჩევნებამდე და არამხოლოდ წინასაარჩევნო პერიოდში.„ოპოზიციურ ფლანგზე დღეს ვინც არ უნდა მოისურვოს სერიოზული ოპერირება „ნაციონალური მოძრაობა“ და მისი სატელიტები ყველას შეჭამს. ასეთი ტიპის პოლიტიკური პარტია არ უნდა არსებობდეს, სწორედ ეს არის ჩვენი მიზანი. უნდა არსებობდნენ ისეთი ტიპის პოლიტიკური პარტიები, რომელთაც ექნებათ ჯანსაღი კრიტიკის სურვილი.ჯერ კიდევ სამი წლის წინ, როცა პარტია „ხალხის ძალა“ ჯერ კიდევ არ იყო შექმნილი, გავერთიანდით რამდენიმე ადამიანი და შევძელით საზოგადოებისთვის შეგვეთავაზებინა იდეა - ჩვენ შეგაიარაღებთ სიმართლით და გადაწყვეტილებები შემდეგ მიიღეთ. ანუ ქართულ პოლიტიკაში ჩვენ ჯერ საქმეები ვაკეთეთ და შემდეგ შევქმენით პოლიტიკური პარტია „ხალხის ძალა“. შეიძლება ითქვას, რომ ქართულ პოლიტიკაში „ხალხის ძალამ“ თავისი კვალი უკვე დატოვა, თუმცა ჩვენ ვაგრძელებთ ჩვენს პოლიტიკას. ყველაზე მთავარი, რაც შევძელით არის ის, რომ საზოგადოება ჩავრთეთ პროცესებში, რის გარეშეც ნამდვილად გაუჭირდებოდა ქართულ სახელმწიფოს იმ პერიპეტიების გადალახვა, რაც გავიარეთ. ყველას კარად გვახსოვს, რომ უდიდესი წნეხი და ზეწოლა იყო საქართველოზე - პირდაპირ ცდილობდნენ ომი გაესაღებინათ მშვიდობად.„ხალხის ძალამ“ ზოგადად პოლიტიკას და არა მხოლოდ ქართულ პოლიტიკას შესთავაზა ახალი ფორმატი - ხალხის ჩართულობა უნდა იყოს არჩევნებიდან არჩევნებამდე და არამხოლოდ წინასაარჩევნო პერიოდში,“ - განაცხადა გურამ მაჭარაშვილმა.

წინააღმდეგობა გაუტეხელია და 26 ოქტომბერს ვნახოთ, ვის ეკუთვნის ეს ქვეყანა!, - ამის შესახებ „დროას“ ლიდერი, ელენე ხოშტარია საპატიმროდან გამოგზავნილ წერილში წერს და მოქალაქეებს 26 ოქტომბერს დაგეგმილ აქციაზე გამოსვლისკენ მოუწოდებს.ხოშტარიას განცხადებით, ხელისუფლებამ ლეგიტიმაცია „ვერცერთი ხრიკით“ ვერ მოიპოვა და გიორგი გახარიას პარტიის პარლამენტში შესვლაც მათთვის „ასეთივე უიმედოა“.„ხელისუფლებამ ვერცერთი ხრიკით ვერც ლეგიტიმაცია მოიპოვა და არც პროვოკაცია გამოუვიდა. რას არ ხლართავენ, მაგრამ ვერა და ვერა. ზუსტად ასეთივე უიმედოა გახარიას პარლამენტში შესვლა.მთავარია, წინააღმდეგობა გაუტეხელია და 26 ოქტომბერს ვნახოთ, ვის ეკუთვნის ეს ქვეყანა! მსვლელობა რესპუბლიკის მოედნიდან, 26 ოქტომბერი, 19:00 საათი“, - წერს ელენე ხოშტარია წერილში, რომელიც „დროას“ ოფიციალურ გვერდზე გამოქვეყნდა.

საქართველოს ფინანსთა მინისტრის მოადგილემ მიხეილ დუნდუამ გადაცემაში „დღის ქრონიკა“ საერთაშორისო სავალუტო ფონდის მიერ გამოქვეყნებულ პროგნოზში საქართველოს პოზიციაზე ისაუბრა.კერძოდ, როგორც ცნობილია, საერთაშორისო სავალუტო ფონდის პროგნოზით 2013-2030 წლების რეალური და მსყიდველუნარიანი ეკონომიკური კეთილდღეობის პროგრესით საქართველო მსოფლიოს საუკეთესო სამეულშია და ევრაზიაში პირველ ადგილს იკავებს.როგორც მინისტრის მოადგილემ აღნიშნა, ეს შედეგი ქვეყნის სწორ ეკონომიკურ პოლიტიკას ეფუძნება.„საქართველოს აქვს გამორჩეული პოზიცია მსოფლიო რეიტინგში ერთ სულ მოსახლეზე რეალური და მსყიდველუნარიანი ეკონომიკური კეთილდღეობის გაუმჯობესების თვალსაზრისით როგორც 2024-2025 წლებში, ისე 2024-2030 წლების განმავლობაში, როგორც ამას სავალუტო ფონის პროგნოზი გვეუბნება. 2024-2030 წლებში რეალური და მსყიდველუნარიანი ეკონომიკის გაუმჯობესებით საქართველო არის ევრაზიაში პირველ ადგილზე. ეს ყველაფერი რა თქმა უნდა, ეფუძნება სწორ ეკონომიკურ პოლიტიკას, რომელსაც ქვეყანა აწარმოებს - დაბალი გადასახადები, ხელსაყრელი ბიუროკრატია, კეთილსინდისიერი მმართველობა, კარგი გარემო ბიზნესსექტორისა და ინვესტიციებისათვის. საბოლოო ჯამში ეს ბუნებრივია, აისახება ეკონომიკურ ზრდაზე.მაგალითად, კარგი მთავრობის ინდექსის მიხედვით, რომელიც გამოქვეყნდა ჩანდლერის ინსტიტუტის მიერ, ინვესტიციების მიზიდვით საქართველოს მთავრობა არის მეოთხე პოზიციაზემსოფლიოს საუკეთესო ხუთეულში.როდესაც ყველანაირ პირობას ქმნი ეკონომიკური განვითარებისათვის, როგორც ადგილობრივი, ისე უცხოური ინვესტიციების მოზიდვისათვის, სხვა გამოსავალი არ არის გარდა იმისა, რომ გვქონდეს მაღალი ეკონომიკური ზრდა და ჩვენ გვაქვს მაღალი ეკონომიკური ზრდა“, - განაცხადა მიხეილ დუნდუამ.

ოთარ ფარცხალაძის ადვოკატი გაგი მოსიაშვილი განცხადებას ავრცელებს, რომელსაც უცვლელად გთავაზობთ:"ბოლო დღეებში განვითარებულ მოვლენებთან დაკავშირებით, სოციალური ქსელის მეშვეობით ვრცელდება ვიდეო რგოლი, ასევე ფოტოები, სადაც გამოსახულია ბატონი ოთარ ფარცხალაძე, რომელსაც თითქოს უთქვამს შემდეგი:  -,, ღარიბაშვილის დაჭერის შემთხვევაში, 10 წუთში ჩამოვშლი “ქართულ ოცნებას” ერთი ვიდეო ჩანაწერით...გვსურს საზოგადოებამ იცოდეს, რომ  აღნიშნული გახლავთ სიცრუე, ცილისმწამებლური კამპანიის ნაწილი და არავითარი შეხება აღნიშნულ ვიდეო რგლოთან, ფოტოსურათებთან ან ტექსტთან ოთარ ფარცხალაძეს  არ გააჩნია. მოვუწოდებთ ყველა პირს, ვინც ავრცელებს მსგავს სიცრუეს, სოციალურ ქსელებსა თუ მედია საშუალებებში, თავი შეიკავონ მსგავსი ცრუ და არასწორი, ცილიმწაბელური ინფორმაციის გავრცელებისგან. ჩვენ ვემიჯნებით მომავალში მსგავსი ცილისმწამებლური შინაარსის ინფორმაციას და ვაცხადებთ, რომ არც ახლა და არც მომავალში რაიმე სახის შემხებლობა მსგავს ფეიკი-ნფორმაციასთან ოთარ ფარცხალაძეს არ გააჩნდა და არც ექნება!"

ამერიკულმა კომპანიამ OpenAI საკუთარი, ხელოვნურ ინტელექტზე დაფუძნებული ბრაუზერი ChatGPT Atlas წარმოადგინა.კომპანიაში განმარტავენ, რომ ბრაუზერის მომხმარებლები სხვადასხვა ამოცანის შესრულებას ChatGPT-ს მეშვეობით შეძლებენ. კერძოდ, ჩატ-ბოტის „გამოძახება“ შესაძლებელია ნებისმიერ ვებგვერდზე გვერდითა პანელიდან. ის შეაჯამებს გვერდზე განთავსებულ ინფორმაციას, შეძლებს სხვადასხვა პროდუქტის შედარებას ან მონაცემების ანალიზის ჩატარებას. ჩატ-ბოტი ასევე ჩნდება დოკუმენტებში, ელექტრონულ წერილებში ან კალენდარში ჩანიშნულ მოსაწვევებში ცალკეული სიტყვების მონიშვნისას.მანამდე Reuters-ი იტყობინებოდა, რომ ახალ ბრაუზერს რესტორნებში მაგიდების დაჯავშნა და ვებგვერდებზე ფორმების ავტომატურად შევსება შეუძლია.ბრაუზერი ChatGPT Atlas უკვე ხელმისაწვდომია macOS-ისთვის, Windows, iOS-ისა და Android-ის ვერსიები კი უახლოეს მომავალში გამოვა.