ქუთაისელი 5 წლის გიორგი-ჯორჯი ხარშილაძე ჭადრაკში საქართველოს ჩემპიონი გახდა

ევროკავშირი ახალი წევრი ქვეყნებისთვის უფრო მკაცრი დამცავი მექანიზმების შემოღებას განიხილავს, მათ შორისაა წევრი სახელმწიფოსთვის ხმის მიცემის უფლების შეჩერების შესაძლებლობაც. ამ მექანიზმების ამოქმედების პირველი კანდიდატი მონტენეგროა. ამის შესახებ „ევრონიუსი“ წერს.როგორც „ევრონიუსი“ იუწყება, ეს მექანიზმები, მათ შორის ხმის მიცემის უფლების შეჩერების შესაძლებლობა, არ ექვემდებარება განხილვასა თუ ცვლილებას.„ევრონიუსი“ წერს, რომ გასულ თვეში ევროკომისიამ ახალი წევრებისთვის 15-წლიანი „საცდელი პერიოდის“ დაწესება შესთავაზა. მექანიზმის მიზანია, ევროკავშირის ღირებულებებისა და კეთილსინდისიერი თანამშრომლობის პრინციპის დარღვევის შემთხვევაში, ბლოკმა სწრაფად შეძლოს შესაბამისი ზომების მიღება. აღნიშნული წინადადება გამომდინარეობს ევროკავშირის ხუთი დამფუძნებელი წევრის მოთხოვნიდან, რომლებსაც სურდათ, გაეთვალისწინებინათ უნგრეთის ყოფილი პრემიერ-მინისტრის, ვიქტორ ორბანის გამოცდილება. ორბანი წლების განმავლობაში მნიშვნელოვან გადაწყვეტილებებზე ვეტოს უფლების გამოყენებით ევროკავშირისგან დათმობების მიღებას ცდილობდა.„ამ საკითხზე როცა პირველად ვისაუბრე, ვთქვი: ევროკავშირში ახალი ტროას ცხენები აღარ უნდა იყვნენ. ეს უნგრეთში არჩევნებამდე იყო. დღეს კი შემიძლია, ვთქვა – აღარ გვინდა ვიქტორ ორბანები“, – განაცხადა გაფართოების საკითხებში ევროკომისარმა, მარტა კოსმა.თუმცა, როგორც „ევრონიუსი“ აღნიშნავს, ამ ინიციატივას ერთი მნიშვნელოვანი გარემოება ახლავს: კანდიდატმა ქვეყნებმა პირობები არსებული სახით უნდა მიიღონ, ან საერთოდ უარი თქვან ევროკავშირის წევრობის პერსპექტივაზე. ყველაზე მოწინავე კანდიდატი ქვეყნისთვის, მონტენეგროსთვის, მოლაპარაკებების პროცესზე უარის თქმა პრაქტიკულად გამორიცხულია. ქვეყანამ ბლოკში გაწევრიანებისთვის უკვე ათწლეულზე მეტია, უზარმაზარი რესურსი დახარჯა. თუმცა, პროცესის ბოლო ეტაპზე წევრობის პირობების შეცვლა მონტენეგროელი ოფიციალური პირებისთვის უკმაყოფილების მიზეზია. ისინი ახალი ზომების ღიად გაკრიტიკებას ერიდებიან, რადგან შიშობენ, ამან შესაძლოა, გაწევრიანების პროცესი შეაფერხოს.„ყოველთვის ასე იყო. დამცავი მექანიზმები ყოველთვის გარკვეულწილად ცალმხრივი იყო“, – განუცხადა „ევრონიუსს“ ევროკავშირის ერთ-ერთმა ანონიმურმა მაღალჩინოსანმა.როგორც „ევრონიუსი“ წერს, დისკუსიებში იკვეთება სამი ძირითადი საკითხი: ზომები, რომლებიც შესაძლოა, დამცავი მექანიზმის ამოქმედებას მოჰყვეს (მაგალითად, ხმის მიცემის უფლების შეჩერება განსაკუთრებით მძიმე დარღვევების შემთხვევაში); მექანიზმის მოქმედების ვადა (კანდიდატი ქვეყნები 15-წლიან პერიოდს ზედმეტად ხანგრძლივად მიიჩნევენ); და მართვის საკითხი – გადაწყვეტილების მიღების შეთავაზებული წესი ევროკომისიას მნიშვნელოვან გავლენას ანიჭებს.„ევრონიუსის“ მიხედვით, ევროკავშირის ზოგიერთი წევრი ქვეყანა იზიარებს კანდიდატი ქვეყნების არგუმენტებს და მიიჩნევს, რომ საჭიროა გამიჯვნა პოლიტიკურ მოთხოვნასა და იმ სამართლებრივ ტექსტს შორის, რომლის აღსრულებაც რეალურად შესაძლებელი იქნება. იტალია ხაზს უსვამს წევრი ქვეყნების თანასწორობის პატივისცემის აუცილებლობას და მოითხოვს ისეთი დამცავი მექანიზმების შექმნას, რომელიც მორგებული იქნება თითოეული ქვეყნის საჭიროებებზე. ამის საპირისპიროდ, ნიდერლანდები ევროკავშირში გაწევრიანების მსურველი ყველა ქვეყნის მიმართ ერთიანი მიდგომის გამოყენებას უჭერს მხარს. მოსალოდნელია, რომ ევროკავშირის წევრი სახელმწიფოები საერთო პოზიციაზე შეთანხმებას მომდევნო კვირაში შეძლებენ.როგორც „ევრონიუსი“ წერს, მას შემდეგ, რაც ევროკავშირის წევრი ქვეყნები საბოლოოდ ჩამოაყალიბებენ თავიანთ პოზიციას, ევროკომისია მას მონტენეგროსთან გასაფორმებელ ხელშეკრულებაშიც ასახავს.

მროველ-ურბნელმა მიტროპოლიტმა იობმა (აქიაშვილი) განაცხადა, რომ საქართველოს დღევანდელმა ხელისუფლებამ „თავისი შესაძლებლობები სრულად ამოწურა“. ამის შესახებ მიტროპოლიტმა ქადაგებისას ისაუბრა, რომელიც სოციალურ ქსელში ეპარქიის გვერდზე გავრცელდა.როგორც მიტროპოლიტი ამბობს, „განგაშის ზარი უნდა დავრეკოთ“, რომ ასე გაგრძელება აღარ შეიძლება. მისი თქმით, როგორც მსოფლიოშია მიღებული, რომ მთავრობები იცვლება, საქართველოშიც უკეთესი უნდა ავირჩიოთ მომავალში,რადგან დღეს არ იგრძნობა ეროვნული ინტერესები ქვეყანაში.ამასთან, მიტროპოლიტ იობის თქმით, ხელისუფლება ურწმუნოა.“დღეს რას ვხედავთ. დღეს ვხედავთ, რომ ურწმუნოა ჩვენი ხელისუფლება, არაეკლესიური არის. დღეს მცდელობა არის ეკლესიისა და ხელისუფლების შერწყმის. და რაში გამოიხატება ეს - გამოიხატება იმაში, რომ დაფინანსებას აძლევენ ეკლესიას და როდესაც კომფორტი იქნება სასულიერო პირებში, ძალიან რთული არის უკვე ჭეშმარიტების აღიარება. ძალიან რთული არის სულიწმიდის კარნახით იმოქმედოს სასულიერო პირმა. და ჩვენ ამაში დარწმუნებული ვართ. დღეს ყველზე არ ვიტყვი, მაგრამ სასულიერო პირთა უმრავლესობა თანამდებობის პირებს დაემსგავსა. თავისი პირობებით, თავისი მომსახურებით და მრავლისთვის რთული გასაგებია, ქადაგებ რომ გაჭირვება, ქადაგებ სიღარიბე დაითმინო, ქადაგებ ვიღაცას დაეხმარო და შენ ამას არ აკეთებ - აი, როგორ შეისმენს მრევლი, სულიერი შვილები. ასე, დიდ კასტასავით ჩამოყალიბდა საქართველოში შერწყმით ხელისუფლებასთან. არაფრით არ შეიძლება“, - განაცხადა მიტროპოლიტმა.მეუფე იობმა ისაუბრა მაღალი იერარქიის სასულიერო პირებთან დაკავშირებითაც და თქვა, რომ დიდი იერარქი დღეს სიმართლეს ვერ იტყვის, რადგან ეკლესია სწორედ სახელმწიფოსგან ფინანსდება. მეუფე იობმა ისაუბრა დაფინანსების გამჭვრიბალობის აუცილებლობაზე და მრევლს მიმართა, რომ მათ უნდა იცოდნენ თითოეული თეთრის შესახებ.“ჩვენთან ახლა დიდი იერარქი ვერ იტყვის სიმართლეს. ვერ გამოხატავს თავის დამკიდებულებას მოვლენებისადმი, რადგან ძირითადად ფინანსდება ეკლესია სახელმწიფოსგან. კარგი, ვთქვათ, დაფინანსდეს, მაგრამ იყოს გამჭვირვალე. თითეულმა თქვენგანმა, მრევლმა უნდა იცოდეთ, სად რა იხარჯება, თითუელი თეთრი სად მიდის, რას ხმარდება. შეიძლება ზოგიერთმა თქვან, რომ ყველაფერი გამჭვირვალე არისო, ჩანსო, მაგრამ სინამდვილეში ასე არ არის, ვიცით ბევრი რამ შიგნით რა ხდება, აქედან გამომდინარე ჩვენ რაღაც რაღაცებზე თვალი არ უნდა დავხუჭოთ“, - განაცხადა მეუფე იობმა.მეუფე იობმა საკუთარ ქადაგებაში ვრცლად ისაუბრა გამოწვევებზე, რომელიც მისი აზრით დღეს საქართველოს წინაშე დგას. ამასთან, მიტროპოლიტის თქმით, დღეს მშვიდობის ნიღბის ქვეშ ყველაფერი იყიდება.„ვიცით წინა ხელისუფლება რას აკეთებდა, გასაგებია. გადაირჩია ერმა. ხალხმა გადაირჩია, მაგრამ ამ ხელისუფლებასაც ძალიან ბევრი ნაკლი აქვს. ეს არის ის ნაკლი - რომ ნარკოტიკების გავრცელება, ახალგაზრდების ძალიან დიდი ნაწილი განარკომნდა. გაძლიერდა ლუდომანია კაზინოების დაარსებით და მისი ხელშეწყობით. სწორი თქვა მისმა უწმინდესობამ, რომ ყველანაირი საშუალებით არ შეიძლება გამდიდრება, გამდიდრებას სასჯელიც მოჰყვება შესაბამისად ღვთისგან.და ჩვენ ყველანაირად უნდა შევეცადოთ, რომ არ მივცეთ...რაღაცებზე ჩვენ უნდა ვამხილოთ. იოანე ოქროპირის ცხოვრება გვაქვს, ის იმპერატორს ამხელდა. დედოფალს ამხელდა. მაგრამ ვინ წავიდა მის წინააღმდეგ? - ხელისუფლებასთან ახლოს მყოფი იერარქები. იმპერატორმა ისინი გამოიყენა იოანე ოქროპირის საწინააღმდეგოდ. ჩვენ მაგალითებით უნდა ვისწავოთ, წმინდათა ცხოვრებიდან. ძალიან ბევრი ღირსეული მღვდელმთავარი განდევნილ იქნა ეკლესიიდან სწორედ ამ მთავრობასთან ახლო მყოფი მღვდელმთავრების ხელშეწყობით. არ შეიძლება ახლო ყოფნა. თქვენ იცით, რომ სწორედ ამ ხელისუფლების დროს მიღებულ იქნა ანტიდისკრიმინაციული კანონი, რომელზედაც მისი უწმინდესობა, ცხონებული ილია მეორე ამბიონიდან ამბობდა, რომ არ შეიძლება უკანონობის კანონად დაკანონება. არ შეიძლება. მისი მოწოდება იყო, რომ არ შეიძლებალება მიწების გაყიდვა. არც მეფეს არც ხელისუფლებას არც პატრიარქს არ აქვს უფლება ქართული მიწები გაყიდოს. იყიდება მიწები და ე.ი. ამ მშვიდობის ნიღბის ქვეშ ყველაფერი კეთდება, ყველაფერი იყიდება.კი, მშვიდობა შეგვინარჩუნა ამ ხელისუფლებამ, მაგრამ რაღაცებზე ვხედავთ, რომ ახალგაზრდების გადინებაა უცხოეთში, სოფლები დაიცალა და სამაგიეროდ სხვა ტომის ხალხი შემოდის საქართველოში.შეეხოთ დემოგრაფიულ საკითხებს, რა ხდება საქართველოში, სიკვდილიანობა აჭარბებს დაბადებას. განსაკუთრებით, ისეთ რეგიონებშია მატება, სადაც არაქართველები ცხოვრობენ. არამართლმადიდებლები ცხოვრობენ. თუ სტატისტიკურ მონაცემებს მოვიშველიებთ, დავრწმუნდებით , რომ ნახევარი ნახევარზე არის. ნახევარი ქართველები არიან,ნახევარი უცხოტომელები. იმასაც თუ მივათვლით, გვარგადაკეთებულ ხალხს შეიძლება უმცირესობაშიც ვიყოთ ქართველები. თუ ასე გაგრძელდა, შეიძლება რამდენიმე წელში უმცირესობაში აღმოჩნდეთ.სწორედ ამ დამოკიდებულებამ ამ არმოსმენამ პატრიარქისადმი... მე მახსენდება, სანამ სუს-ის კრებსები გამოიცემოდა და გამომზეურდებოდა,ესეც შეგნებულად იყო გაკეთებული, რომ ლახვარი იყო ეკლესიაზე ჩაცემული, რომ ეკლესია უნდა გაენადგურებინათ, შეელახათ მისი იმიჯი. მანამდე სანამ ამას გამოსცემდნენ, ბიძინა ივანიშვილი გამოდის, რომ პატრიარქის კრიტიკა შეიძლება, პატრიარქის ადამიანია, შეიძლება მანაც შეცდომები ჰქონდეს. ამას მოჰყვა სწორედ სუს-ის კრებსები.ამან რა გამოიწვია? ბევრი ხალხი დაბრკოლდა, ბევრმა აღარ დაიწყო ეკლესიაში სიარული. მერე შეგვპირდნენ ,რომ გამოავლენდნენ თანამდებობის პირებს, ვინც გამოიტანა კრებსები საზოგადოების წინაშე, მაგრამ ვინ გამოიძია, ვინმემ ვიცით ვინ გამოქვეყნდა ეს ყველაფერი? არ ვიცით. ასე რომ, ეს შეიქმნა, შეიძლება ზოგიერთმა თქვას, რომ თქვენ არ მოიყვანეთ ეს ხელისუფლება? თქვენ არ დაუჭირეთ მხარი? მაგრამ მე თავში ვთქვი, რომ უარესებში უკეთესი ავირჩიეთ. მაგრამ უშეცდომო არავინ არის, არც ხელისუფალი არც პიროვნება. ჩვენ თუ არ მივუთითებთ მთავრობას რა შეცდომები აქვს დაშვებული, სხვის მითითებას ისინი ვერ გაიგებენ . ჩვენში მკვიდრობს სულიწმიდის მადლი, სასულიერო პირებში. და სრული ხედვა მოვლენების გაშიფრა და გაანალიზება შეუძლია მხოლოდ სასულიერო პირს. ასე რომ, ჩვენ კი არ ვმტრობთ, რა თქმა უნდა, ბევრი კარგიც გაკეთდა, საქართველოში, მაგრამ ეს შედეგები სავალალოა.განგაშის ზარი უნდა დავრეკოთ, რომ ასე გაგრძელება უკვე აღარ შეიძლება. დავრწმუნდით იმაშიც, რომ მან თავის შესაძლებლობები სრულად ამოწურა - ამ ხელისუფლებამ. როგორც მსოფლიოშია მიღებული, რომ იცვლება მთავრობები ასევე, უკეთესი უნდა ავირჩიოთ მომავალში. იმიტომ რომ არ იგრძნობა, ქვეყანაში აღარ არის ეროვნული ინტერესები.გადაყვნენ ეკონომიკურ სიძლიერეს, რომ ეკონომიურად გაძლიერდეს ქვეყანაო. ისმის კითხვა რატომ შენდება ამდენი კორპუსები, მშენებლობების ბუმია საქართველოში. ვისთვის, თუ არ ვმრავლდებით, ვინ უნდა შესახლდეს იმ კორპუსებში? - ეი.ი უცხოტომელები? არის ისეთი პროგრამა, ერის მოკვდინების პროგრამა არის სხვადასხვა ტომის შერევით სხვადასხვა კულტურის ადამიანების ჩანაცვლებით. ხომ შეიძლება სამუშაო ადგილები შეიქმნას და დასაქმდეს ახალგაზრდები, სტიმული მიეცეს ოჯახებს, დაწესდეს მესამე შვილზე 1000 ლარი, მრავალშვილიან ოჯახებს ბინა გადაეცეს? ხომ შეიძლება გაკეთდეს, პატარა ქვეყანა ვართ. ვტრაბახობთ, რომ 100 მილიარდამდე გაიზარდა შემოსავლები საქართველოში, ვის ხმარდება? ხომ ხედავთ რეები ხდება.კორუფცია ყვავის და აღებ მიცემობაა და იჭერენ თითქმის მთელი მთავრობა ციხეში ჰყავთ, პრეზიდენტი, პრემიერი, თავდაცვის მინისტრი, სუს-ის უფროსი. სხვა მეზობლები ქვეყნები დაგვცინიან იცინიან ჩვენზე. ტერორიები დავკარგეთ და ხმას არავინ არ იღებს. დავით გარეჯი ჩვენთვის მეორე იერუსალიმი არის. თუნდაც იმ არაბულ ქალაქებთან დაკავშირებით რა ხდეა საერთოდ.ახლა შემოგვაპარეს ისიც, რომ დაიგეგმა ეკლესიებში შესაწირი ტერმინალით უნდა გადაიხადოსო. ესეც ეკლესიის კონტროლი იქნება. რამდენი შესაწირი რამდენი ვისგან არის შესაწირი ეკლესიაში თანხა, სწორედ ამის გაკონტროლება უნდათ", - აღნიშნა მიტროპოლიტმა.

ირაკლი ღარიბაშვილმა მიიღო გადაწყვეტილება სახალხო დამცველთან ითანამშრომლოს- ეს ინფორმაცია მისმა ადვოკატმა, სოსო ბარათაშვილმა რუსთავის ციხიდან გამოიტანა, რომელმაც ექსპრემიერი მოინახულა. ბარათაშვილის თქმით, პირველ რიგში მოისმენს რა მტკიცებულებებია საჭირო, საქმის შესწავლის გასაგრძელებლად და შემდეგ გადაწყვეტენ, რა ფორმით ითანამშრომლებს ექსპრემიერი მათთან. მოვისმენთ, რა მტკიცებულებები სჭირდებათ მათ იმისათვის, რათა გააგრძელონ ამ საქმის შესწავლა. შემდეგ უკვე გადავწყვეტთ, რა ფორმით ითანამშრომლებს ბატონი ირაკლი მათთან. დღეს მივიღეთ გადაწყვეტილება, რომ ვითანამშრომლოთ სახლახო დამცველის აპარატთან, თავად სახალხო მდაცველთან და ამის შემდეგ გადავწყვეტ, თუ რა იქნება მომდევნო ნაბიჯები, – ამბობს ბარათაშვილი. რაც შეეხებ სტრასგურგში საქმის გასაჩივრებას – ადვოკატი ამბობს, რომ ამ საქმეს განიხილავენ. მოვა ამის დრო, როდესაც გადაიდგმება შესაბამისი ნაბიჯები… ჩრდილოვანი მართლმსაჯულება არის ის, როდესაც სასამართლოზე ხდება ზეწოლა და ის იძულებულია მიიღოს სრულიად უკანონო და დაუსაბუთებელი გადაწყვეტილება. მართლმსაჯულება რომ ჩვენ ქვეყანაში არის შერჩევითი ხასიათის და ის გადაწყვეტილება, რომელიც მიიღო სასამართლომ, სხდომების დახურვასთან დაკავშირებით, სრულიად უკანონოდ, ეს ჩემთვსი ნათელია. შემიძლია ვთქვა, რომ მართლმსაჯულება, დღევანდელი ხელისუფლება რ არის გამონაკლისი, არის ინსტრუმენტი აღმასრულებელი ხელისუფლების ხელში, – ამბობს ბარათაშვილი.

საქართველოს ტექნიკური უნივერსიტეტის რექტორი, აკადემიკოსი დავით გურგენიძე მეცნიერებს, მკვლევრებს, დოქტორანტებსა და კოლეგებს მეცნიერების საერთაშორისო დღეს ულოცავს. ამის შესახებ ინფორმაციას სტუ ავრცელებს.„ძვირფასო კოლეგებო!გულითადად გილოცავთ მეცნიერების საერთაშორისო დღეს - თარიღს, რომელიც კიდევ ერთხელ უსვამს ხაზს სამეცნიერო საქმიანობის განსაკუთრებულ როლს კაცობრიობის პროგრესის, მშვიდობისა და მდგრადი განვითარების უზრუნველყოფაში.განსაკუთრებული პატივისცემითა და სიამაყით ვულოცავ საქართველოს ტექნიკური უნივერსიტეტის ღვაწლმოსილ მეცნიერებს - გიორგი სალუქვაძესა და გიორგი აბრამიშვილს, მეცნიერების განვითარებაში შეტანილი მნიშვნელოვანი წვლილისთვის დამსახურებული ჯილდოს მიღებას, ხოლო ახალგაზრდა მეცნიერებს - ინგა სამხარაძეს, ქრისტინე მუსელიანსა და ნინო ბენდიანიშვილს - შოთა რუსთაველის საქართველოს ეროვნული სამეცნიერო ფონდის პრემიის მოპოვებას.ეს აღიარება მათი მრავალწლიანი ნაყოფიერი შრომის, პროფესიული ერთგულებისა და მაღალი სამეცნიერო კომპეტენციის დაფასებაა. თითოეული მათგანის წარმატება არა მხოლოდ პირადი მიღწევა, არამედ საქართველოს ტექნიკური უნივერსიტეტის სამეცნიერო პოტენციალისა და ქართული სამეცნიერო სკოლის განვითარების მნიშვნელოვანი დასტურია.დღეს, როდესაც მსოფლიო უპრეცედენტო ტექნოლოგიური გარდაქმნების, ხელოვნური ინტელექტის, ციფრული ტრანსფორმაციის, ეკოლოგიური გამოწვევებისა და ახალი სამრეწველო რევოლუციის ეპოქაში ცხოვრობს, მეცნიერების განვითარება სახელმწიფოს განვითარების, ეკონომიკური მდგრადობისა და ეროვნული ინტერესების დაცვის პირდაპირ პროპორციულია.საქართველოს ტექნიკურ უნივერსიტეტს თავისი საუკუნოვანი სამეცნიერო ტრადიციებით, გამორჩეული სამეცნიერო სკოლებით, კვლევითი ინსტიტუტებითა და მაღალკვალიფიციური სამეცნიერო პერსონალით, მნიშვნელოვანი წვლილი შეაქვს ქართული მეცნიერების განვითარებასა და საერთაშორისო სამეცნიერო სივრცეში ქვეყნის პოზიციების განმტკიცებაში.განსაკუთრებით აღსანიშნავია საქართველოს ტექნიკური უნივერსიტეტის წარმატება ევროკავშირის კვლევისა და ინოვაციის უმსხვილესი ჩარჩო პროგრამის - Horizon Europe-ის ფარგლებში. ევროკომისიის ოფიციალური მონაცემებით, უნივერსიტეტი საქართველოში ამ პროგრამის ფარგლებში მოპოვებული საგრანტო დაფინანსების მოცულობით წამყვან პოზიციას იკავებს და ქვეყნის ერთ-ერთ ყველაზე წარმატებულ სამეცნიერო-კვლევით ინსტიტუციას წარმოადგენს.ჩვენთვის არანაკლებ მნიშვნელოვანია საერთაშორისო სამეცნიერო სივრცეში მოპოვებული აღიარება. 2025 წელს საქართველოს ტექნიკურმა უნივერსიტეტმა Times Higher Education-ის (THE) საერთაშორისო რეიტინგის ფარგლებში საქართველოში პირველი ადგილი დაიკავა სწავლებისა და ინტერდისციპლინური კვლევების მიმართულებებით. 2026 წელს კი უნივერსიტეტმა წარმატებით გაიარა QS Stars-ის საერთაშორისო შეფასება და მიიღო საერთო სამვარსკვლავიანი შეფასება, ამასთანავე, აკადემიური განვითარების მიმართულებით უმაღლესი - ხუთვარსკვლავიანი, ხოლო კარგი მმართველობის მიმართულებით ოთხივარსკვლავიანი შეფასება. აღსანიშნავია ისიც, რომ Center for World University Rankings-ის (CWUR) მონაცემებით, საქართველოს ტექნიკური უნივერსიტეტი მსოფლიოს უნივერსიტეტების საუკეთესო 7.9 პროცენტშია წარმოდგენილი.განსაკუთრებული აღნიშვნის ღირსია ჩვენი მკვლევრების საერთაშორისო სამეცნიერო თანამშრომლობა ისეთ წამყვან სამეცნიერო ცენტრებთან და ორგანიზაციებთან, როგორებიცაა CERN - ბირთვული კვლევების ევროპული ორგანიზაცია, იაპონიის KEK, ამერიკის შეერთებული შტატების Fermilab, გერმანიის იულიხის კვლევითი ცენტრი, იტალიის INFN და სხვა საერთაშორისო სამეცნიერო ინსტიტუციები. ამ თანამშრომლობის ფარგლებში ქართველი მეცნიერები მონაწილეობენ ფუნდამენტური და გამოყენებითი კვლევების განხორციელებაში, თანამედროვე სამეცნიერო ექსპერიმენტებში, ახალი ცოდნის შექმნასა და გლობალური სამეცნიერო ამოცანების გადაწყვეტაში.მეცნიერების განვითარება შეუძლებელია სახელმწიფოს თანმიმდევრული, სისტემური და გრძელვადიანი მხარდაჭერის გარეშე. ამ თვალსაზრისით მნიშვნელობას ვანიჭებთ სახელმწიფოს, ხელისუფლების, სამეცნიერო საზოგადოების, უმაღლესი საგანმანათლებლო დაწესებულებებისა და კერძო სექტორის მჭიდრო და შედეგზე ორიენტირებულ თანამშრომლობას. მსურს, განსაკუთრებული მადლიერება გამოვხატო საქართველოს პრემიერ-მინისტრის, ბატონი ირაკლი კობახიძისა და საქართველოს განათლების, მეცნიერებისა და ახალგაზრდობის მინისტრის, ბატონი გივი მიქანაძის მიმართ ქართული სამეცნიერო და საგანმანათლებლო სივრცის განვითარების, უმაღლესი განათლებისა და კვლევითი საქმიანობის ხელშეწყობისა და ამ მიმართულებით გამოჩენილი ყურადღებისა და მხარდაჭერისთვის. ასევე, მინდა, განსაკუთრებული მადლიერება გამოვხატო საქართველოს ტექნიკური უნივერსიტეტის ყველა მეცნიერის, პროფესორის, მკვლევრის, აკადემიური პერსონალის, სამეცნიერო-კვლევითი ინსტიტუტების თანამშრომლისა და ახალგაზრდა მკვლევრის მიმართ. თქვენი ყოველდღიური შრომა, პროფესიული ერთგულება, სამეცნიერო ძიება და მიღწევები ქმნის უნივერსიტეტის ინტელექტუალურ კაპიტალს, აძლიერებს მის საერთაშორისო ავტორიტეტს და მნიშვნელოვან საფუძველს უქმნის ქართული მეცნიერების მომავალს.მადლობას ვუხდი ჩვენს საერთაშორისო პარტნიორებს, სამეცნიერო ორგანიზაციებსა და ინსტიტუციებს, რომლებთან თანამშრომლობაც ხელს უწყობს ახალი ცოდნის შექმნას, გამოცდილების გაზიარებასა და ქართული მეცნიერების საერთაშორისო სამეცნიერო პროცესებში ინტეგრაციას.კიდევ ერთხელ გილოცავთ მეცნიერების საერთაშორისო დღეს“, - აღნიშნულია მილოცვის ტექსტში.

საქართველოს პრეზიდენტი მიხეილ ყაველაშვილი უზბეკეთის რესპუბლიკის პრეზიდენტს, შავკატ მირზიოევს შეხვდა.საქართველოს პრეზიდენტის პრესსამსახურის ინფორმაციით, შეხვედრაზე, რომელიც ანტალიაში გაიმართა, განიხილეს საქართველოსა და უზბეკეთის სტრატეგიული პარტნიორობის ძირითადი მიმართულებები, პოლიტიკური, სავაჭრო-ეკონომიკური, სატრანსპორტო, განათლებისა და კულტურის სფეროებში თანამშრომლობის საკითხები.საუბარი შეეხო ქვეყნებს შორის სავაჭრო ურთიერთობების გაფართოებას, უზბეკური ინვესტიციების მოზიდვას და ტურიზმის სფეროში თანამშრომლობას.მხარეებმა ასევე ისაუბრეს შუა დერეფნის განვითარებასა და ცენტრალური აზიიდან საქართველოს პორტების გავლით ევროპისკენ სატვირთო გადაზიდვების შესაძლებლობებზე.მიხეილ ყაველაშვილმა მადლობა გადაუხადა უზბეკეთის პრეზიდენტს საქართველოს სუვერენიტეტის, ტერიტორიული მთლიანობისა და არაღიარების პოლიტიკის მხარდაჭერისთვის. მხარეებმა ასევე განიხილეს საერთაშორისო ორგანიზაციების ფარგლებში თანამშრომლობა.