ტრაგედია ბაღდათში – კაშხალზე ახალგაზრდა კაცი დაიღუპა

პოლონეთის პრემიერ-მინისტრის, დონალდ ტუსკის აზრით, ევროპამ უნდა დაარწმუნოს აშშ-ის პრეზიდენტი, რომ რუსეთის ნდობა არ შეიძლება.„ჩემთვის ყველაზე მნიშვნელოვანია, ევროპამ დაარწმუნოს დონალდ ტრამპი, რომ რუსეთს ვერ ენდობი. ერთადერთი გზა, პრეზიდენტმა ზელენსკიმაც თქვა ეს და მეც ნათლად დავაფიქსირე ორივე შეხვედრაზე ეს აზრი, არის რუსეთზე ზეწოლა ნამდვილი მშვიდობისკენ. ამ მომავალი სამშვიდობო მოლაპაკებების დროს, არავინ უნდა იფიქროს რუსეთის იმ უფლების აღიარებაზე, რომ ფლობდეს იმ ტერიტორიებს, რომლებიც მან ძალის გამოყენებით, აგრესიული ომით წაართვა ყველა შესაძლო ხელშეკრულებისა და საერთაშორისო სამართლის უხეში დარღვევით“, – თქვა ტუსკმა.პოლონეთის ლიდერმა შეშფოთება გამოხატა რუსეთის ბოლოდროინდელი მცდელობების გამო, რომ უკრაინის მომავლის შესახებ მოლაპარაკებებში ჩართოს ნატო-ს ჯარების არსებობის შემცირების თემა.„ბოლო რამდენიმე დღეა, ვისმენთ, რომ რუსებს ძალიან უნდათ უკრაინის მომავლის შესახებ მოლაპარაკებებში ჩართონ საუბარი ნატო-ს არსებობის შემცირებაზე, მაგალითად პოლონეთში“, – აღნიშნა პოლონეთის პრემიერმა.ტუსკის თქმით, სწორედ ამიტომ არის ისე მნიშვნელოვანი, რომ ააშენონ ძლიერი და გაერთიანებული სახელმწიფოთა ჯგუფი.

ევროპული საბჭოს პრეზიდენტმა, ანტონიუ კოშტამ ვირტუალური სამიტის დასრულების შემდეგ დაასახელა სამი მთავარი მესიჯი, რომელიც აშშ-ის პრეზიდენტმა დონალდ ტრამპმა მიაწოდა სამიტის წევრებს. ამის შესახებ კოშტამ საფრანგეთის პრეზიდენტ ემანუელ მაკრონთან ერთობლივ პრესკონფერენციაზე განაცხადა.კოშტას თქმით, ტრამპის დასახელებული სამი მთავარი მესჯი ასეთია: პირველი – ეს არის ცეცხლის შეწყვეტა; მეორე პუნქტად ევროპული საბჭოს პრეზიდენტმა გამოყო აშშ-ის პოზიცია, რომლის მიხედვითაც არავის, უკრაინის გარდა, არ შეუძლია უკრაინის საქმეებზე მოლაპარაკებების წარმოება;„მესამე ელემენტი – შეერთებული შტატების მზაობა, ევროპასთან ერთად გაიზიაროს ძალისხმევა უსაფრთხოების პირობების გაძლიერებისთვის, როცა მიღწეული იქნება ხანგრძლივი და სამართლიანი მშვიდობა უკრაინისთვის“, – თქვა კოშტამ.მან იმედი გამოთქვა, რომ 15 აგვისტოს ალასკაზე ტრამპისა და პუტინს შორის სამიტის დროს მოხერხდება ცეცხლის შეწყვეტის მიღწევა და უკრაინაში მშვიდობისკენ გზის გახსნა.

საფრანგეთის პრეზიდენტი ემანუელ მაკრონი აცხადებს, რომ ონლაინ სამიტის დროს ტრამპმა თქვა, რომ როცა უკრაინაში ომი დასრულდება და მშვიდობა დამყარდება, ამერიკა დაეხმარება ევროპას უსაფრთხოების გაძლიერებაში, მაგრამ ნატო ამ საქმეში არ ჩაერთვება.„ტრამპმა ისაუბრა რაღაცებზე, რაც ძალიან მნიშვნელოვანია ჩემთვის. მან თქვა, რომ ნატო არ უნდა იყოს ამ უსაფრთხოების გარანტიების ნაწილი. ჩვენ ვიცით, რომ რუსეთს სწორედ ეს უნდა – ნატო არ მონაწილეობდეს. მაგრამ ამერიკა და სხვა ქვეყნები, რომლებიც მზად არიან, უნდა დაეხმარონ უკრაინას“,-თქვა მაკრონმა.როგორც საფრანგეთის პრეზიდენტი აღნიშნავს, ონლაინ სამიტზე ტრამპმა აღნიშნა ისიც, რომ თუ უკრაინა რომელიმე ტერიტორიას დათმობს, მაშინ მას სანაცვლოდ უსაფრთხოების მძლავრი გარანტიები უნდა მიეცეს.„ეს სწორედ ის პოზიციაა, რომელსაც ჩვენ ვიცავდით ბოლო რამდენიმე თვე. ამიტომაც შევქმენით ჩვენი კოალიცია – ქვეყნები, რომლებიც მზად არიან უკრაინის დასახმარებლად. ტრამპმა ზუსტად ეს თქვა. ვფიქრობ, ეს ძალიან მნიშვნელოვანი განმარტება იყო, რაც დღეს გავიგეთ“, – აღნიშნა მაკრონმა.

85 წლის ასაკში ქართველი მეცნიერი, პედაგოგი და ფილოლოგიის მეცნიერებათა დოქტორი რისმაგ გორდეზიანი გარდაიცვალა. ამის შესახებ ინფორმაციას გორდეზიანის ოჯახის ახლობლები ადასტურებენ.რისმაგ გორდეზიანმა დაამთავრა თბილისის სახელმწიფო უნივერსიტეტის ფილოლოგიის ფაკულტეტი. 1967-1976 წლებში იყო თბილისის სახელმწიფო უნივერსიტეტის კლასიკური ფილოლოგიის კათედრის დოცენტი; 1976-2006 წლებში კლასიკური ფილოლოგიის კათედრის პროფესორი; 1982-2006 წლებში თბილისის სახელმწიფო უნივერსიტეტის ხმელთაშუა ზღვის კულტურების კვლევის ლაბორატორიის ხელმძღვანელი; 1993-2006 წლებში თბილისის სახელმწიფო უნივერსიტეტის პრორექტორი; 1997 წლიდან თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის დირექტორი; 2006 წლიდან თბილისის სახელმწიფო უნივერსიტეტის სრული პროფესორი.რისმაგ გორდეზიანს მიღებული აქვს საბერძნეთის რესპუბლიკის ღირსების ორდენი, თბილისის სახელმწიფო უნივერსიტეტის პირველი სამეცნიერო პრემია. იყო 150-მდე სამეცნიერო ნაშრომის, მონოგრაფიებისა და 24 წიგნის ავტორი. 2021 წელს მიღებული აქვს თბილისის საპატიო მოქალაქის ჯილდო.

13 აგვისტოს დირბის ღვთისმშობლის დღესასწაულია.დედობრივი სითბოთი გასხივოსნებული დირბის ღმრთისმშობელი, უპირველეს ყოვლისა, უშვილოთა და ორსულთა შემწეა. ეს ხატი ერთ-ერთი საოცარი და შეიძლება ითქვას, რომ ერთადერთია ქრისტიანულ სამყაროში."დირბის ღვთისმშობელი" არის წყარო მრავალი სასწაულისა, რომელიც მასთან თხოვნით მისული რწმენით აღსავსე ადამიანებისათვის ოდითგანვე აღსრულდებოდა. რესტავრაციისას, მისი ხელმეორედ დაბადებისას, მეუფე იობს წინასწარ განუჭვრიტავს და ასე უბრძანებია:დირბის ღმრთისმშობელთან მრავალი ადამიანი მოვა, უპირველესად კი ის უშვილოებს და ორსულებს შეეწევაო... მართლაც მეუფის მღვდელმთავრული მადლით გასხივოსნებული გონიერება და მამობრივი სიყვარულით ანთებული გული არ შემცდარა, ოდესღაც მივიწყებული და მიწით დაფარული ტაძარი შეიძლება მივიჩნიოთ, თანამედორვეობის ახალ, თვალსაჩნო სასწაულად, რამეთუ, უძველესი დროიდან კურნებებითა და ყოველ კეთილ თხოვნათა მსწრაფლ შესმენით სახელგანთქმულ ნალოც ტაძარში, რომელიც თავისი ისტორიით იერუსალიმის წმინდა მიწას უკავშირდება, დღემდე გადმოსჩქეფს ღმრთისმშობლის მოწყალების ნაკადული და სასწაულები გრძელდება საუკუნითგან და უკუნითი უკუნისამდე.დედობრივი სითბოთი გასხივოსნებული დირბის ღმრთისმშობელი, უპირველეს ყოვლისა, უშვილოთა და ორსულთა შემწეა და სწორედ ამიტომ მასთან გულმხურვალე ვედრებით უწყვეტად მოედინება შვილიერების მოსურნე წყვილთა ნაკადი. მათგან უმეტესობა, გარკვეული პერიოდის შემდეგ, კვლავ ბრუნდება მასთან - ნაცვლად ტკივილისა უკვე მადლიერებით აღსავსე თვალებით."დირბის ღვთისმშობლის" განსადიდებლად მონასტერში შეიქმნა დირბის ღმრთისმშობლის პარაკლისი და დაუჯდომელი, რომელიც ყოველდღიურად დღის სამ საათზე იკითხება.ყოველ უშვილო წყვილს და აგრეთვე ორსულ ქალბატონებს, სნეულებს, ვურჩევთ, რომ დაესწრონ ღმრთისმშობლის განსადიდებელ ამ ლოცვებს და თავადაც მოუკლებლად ილოცონ თავისი სანუკვარი სურვილის აღსასრულებლად. დირბის ღვთისმშობელი შეეწიოს სრულიად საქართველოს და განსაკუთრებით უშვილო წყვილებს.