სამშაბათი, ნოემბერი 17, 2026

სტუ-ის რექტორმა და ზაარლანდის ტექნიკისა და ეკონომიკის უნივერსიტეტის პროფესორმა თანამშრომლობის საკითხები განიხილეს

საქართველოს ტექნიკური უნივერსიტეტის რექტორი, პროფესორი დავით გურგენიძე ზაარლანდის ტექნიკისა და ეკონომიკის უნივერსიტეტის (გერმანია) პროფესორს, დოქტორ ვილჰელმ ჰაუზერს შეხვდა.

შეხვედრას სტუ-ის ბიზნესტექნოლოგიების ფაკულტეტის დეკანი, პროფესორი რუსუდან ქუთათელაძე, ფაკულტეტის ადმინისტრაციის წარმომადგენლები და პროფესორ-მასწავლებლები ესწრებოდნენ.

საქართველოს ტექნიკური უნივერსიტეტის რექტორმა და ზაარლანდის ტექნიკისა და ეკონომიკის უნივერსიტეტის პროფესორმა განიხილეს ორი უნივერსიტეტის ურთიერთთანამშრომლობის, ასევე, სტუდენტების გაცვლით პროგრამებში მონაწილეობისა და პროფესორ-მასწავლებლების კვლევებში ჩართულობის საკითხები.

რექტორმა, პროფესორმა დავით გურგენიძემ მადლობა გადაუხადა სტუ-ის ბიზნესტექნოლოგიების ფაკულტეტის დეკანს და ზაარლანდის ტექნიკისა და ეკონომიკის უნივერსიტეტის პროფესორს იმ ნაყოფიერი სამეცნიერო კვლევებისთვის, რომელსაც ორი უნივერსიტეტის აკადემიური პერსონალი და სტუდენტები ერთობლივად ახორციელებენ.

„მადლობა მინდა მოგახსენოთ საქართველოს ტექნიკურ უნივერსიტეტთან, ბიზნესტექნოლოგიების ფაკულტეტთან თანამშრომლობისა და იმ პროექტებისთვის, რომელსაც საქართველოს ტექნიკური და ზაარლანდის ტექნიკისა და ეკონომიკის უნივერსიტეტები ერთობლივად ახორციელებენ საქართველოსა და გერმანიაში. ჩვენი ორი ქვეყნის მეგობრობის შესახებ საყოველთაოდაა ცნობილი და განსაკუთრებით საამაყოა, რომ საქართველოს ტექნიკურ უნივერსიტეტს ამ მეგობრობასა და თანამშრომლობაში საკუთარი წვლილი შეაქვს. ჩვენი კოლაბორაცია არის ინტერნაციონალიზაციისკენ გადადგმული დიდი ნაბიჯი. წარმატებებს ვუსურვებ სტუ-ის ბიზნესტექნოლოგიების ფაკულტეტსა და ზაარლანდის ტექნიკისა და ეკონომიკის უნივერსიტეტის წარმომადგენლებს ახალი პროექტების განხორციელების მიმართულებით“, – განაცხადა სტუ-ის რექტორმა, პროფესორმა დავით გურგენიძემ.

საქართველოს ტექნიკური უნივერსიტეტის რექტორთან შეხვედრისას, ზაარლანდის ტექნიკისა და ეკონომიკის უნივერსიტეტის პროფესორმა, დოქტორმა ვილჰელმ ჰაუზერმა მადლობა გადაუხადა რექტორს, კოლეგებს და აღნიშნა, რომ მისთვის დიდი პატივია საქართველოს ტექნიკურ უნივერსიტეტში საჯარო ლექციების ჩატარება და ასევე, იმ პროექტების განხორციელება, რომელსაც ორი უნივერსიტეტი საქართველოსა და გერმანიაში ახორციელებს.

„ორივე უნივერსიტეტს გვაკავშირებს ინტენსიური თანამშრომლობა, რომლის ფუძემდებელი არიან პროფესორები – გენადი იაშვილი და  რუსუდან ქუთათელაძე. ამ  თანამშრომლობას რამდენიმე წლის წინ ჩაეყარა საფუძველი და დღემდე წარმატებით ხორციელდება. მადლობას ვუხდი საქართველოს ტექნიკური უნივერსიტეტის რექტორს, იმ პროექტების მხარდაჭერისთვის, რომლებსაც ჩვენი უნივერსიტეტები საქართველოში, სტუ-ის ბაზაზე ახორციელებენ. შემუშავებულია ერთობლივი სადოქტორო პროგრამა, რომელიც გერმანელ სტუდენტებს შესაძლებლობას აძლევს, ხარისხი საქართველოს ტექნიკურ უნივერსიტეტში დაიცვან. ვმუშაობთ სტუდენტთათვის ერთდროულად ორი, საქართველოს ტექნიკური უნივერსიტეტისა და ზარლაანდის ტექნიკისა და ეკონომიკის უნივერსიტეტის დიპლომის მოპოვების საკითხებზე. აღსანიშნავია ისიც, რომ ორ უნივერსიტეტს შორის აკადემიური პერსონალის მობილობის აქტიური პროგრამა მუშაობს. ჩვენთვის დიდი პატივია საქართველოს ტექნიკურ უნივერსიტეტთან თანამშრომლობა“, – განაცხადა, პროფესორმა, დოქტორმა ვილჰელმ ჰაუზერმა.

ზაარლანდის ტექნიკისა და ეკონომიკის უნივერსიტეტის პროფესორი, დოქტორი ვილჰელმ ჰაუზერი საქართველოს ტექნიკური უნივერსიტეტის მიწვეული პროფესორია, რომელიც, გარკვეული პერიოდულობით, საქართველოს ტექნიკური უნივერსიტეტის ბიზნესტექნოლოგიების ფაკულტეტზე საჯარო ლექციების ატარებს. ამჯერად, პროფესორმა ვილჰემ ჰაუზერმა სტუ-ისა და საქართველოში აკრედიტირებული უნივერსიტეტების სტუდენტებისათვის ორი საჯარო ლექცია – „ბილმანი“ – საბუღალტრო მანიპულაციების სწრაფი გამოვლენის პროგრამა“ და „საწარმოს ეკონომიკური ზარალის აღმოფხვრა“ წაიკითხა.

საქართველოს ტექნიკურ უნივერსიტეტში ზაარლანდის ტექნიკისა და ეკონომიკის უნივერსიტეტის პროფესორის ლექციების ციკლი 31 მარტს დასრულდა საერთაშორისო სტუდენტური კონფერენციით – „მსოფლიოს გლობალური გამოწვევები – 2023“, რომელიც საქართველოს ტექნიკური, შავი ზღვის საერთაშორისო და ზაარლანდის ტექნიკისა და ეკონომიკის უნივერსიტეტების თანაორგანიზებით ჩატარდა.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

ადვოკატის ინფორმაციით, ირაკლი ღარიბაშვილმა პროკურორებთან გასაუბრებაზე უარი თქვა, რადგან მის საჯარო განცხადებებზე გამოძიება დაწყებული არ არის

ყოფილი პრემიერ-მინისტრის, ირაკლი ღარიბაშვილის ადვოკატი სოსო ბარათაშვილი აცხადებს, რომ მისი დაცვის ქვეშ მყოფმა პროკურორებთან გასაუბრებაზე უარი თქვა.მისივე თქმით, პროკურორების წარმომადგენლებმა ვერ დაასხელეს საპორცესო ნორმა, რის საფუძველზეც გასაუბრება იგეგმებოდა.საკითხი ეხება ირაკლი ღარიბაშვილის მიერ გავრცელებულ საჯარო წერილებს.„გამოძიება თუ დაიწყება, ირაკლი ღარიბაშვილი მზად არის, ითანამშრომლოს გამოძიებასთან, მისცეს ჩვენება მაგისტრატ მოსამართლესთან. ეს ყველაფერი ოქმის სახით დაფიქსირდა. საუბარი არ შემდგარა. როგორც აღმოჩნდა, გამოძიება დაწყებული არ არის. მივიღეთ გადაწყვეტილება, რომ დღესვე, სათანადო განცხადებით, გამოძიების დაწყების თაობაზე მივმართოთ გენერალურ პროკურორს. ვფიქრობდით, რომ პროკურატურა ვალდებული იყო, გამოძიება დაწყებულიყო საჯარო განცხადებების საფუძველზე, ვინაიდან ეს განცხადება ფსიქიკური და მორალური ზემოქმედების ნიშნებს შეიცავდა. როგორც აღმოჩნდა, არ არის დაწყებული. გამომძიებელმა მითხრა, რომ სახალხო დამცველის წერილი მიიღო, რომელიც დაინტერესებული იყო საკითხით, როგორ მიმდინარეობდა გამოძიება ირაკლი ღარიბაშვილის მიერ საჯაროდ გაკეთებული განცხადებების თაობაზე. როგორც აღმოჩნდა, ქვემო ქართლის სამხარეო პროკურატურა დაინტერესებული არ არის იმით, რომ გამოძიება დაიწყოს. ისინი დაინტერესებული არიან გასაუბრებით, რაც არ არის საპროცესო ნორმა. ისინი ამას ხსნიან გავრცელებული პრაქტიკით, რაც ჩვენთვის მიუღებელია. ამგვარ ქმედებას ჩვენ შემდგომ ნაბიჯს დავუპირისპირებთ, რაც განცხადების შეტანაა გენერალურ პროკურატურაში“ , – აღნიშნა სოსო ბარათაშვილმა.

ირაკლი ღარიბაშვილმა გამომძიებლებთან გასაუბრებაზე უარი თქვა – ყოფილი პრემიერ-მინისტრი მის საჯარო განცხადებებზე გამოძიების დაწყებას ითხოვს

კორუფციული დანაშაულისთვის მსჯავრდებულ ყოფილ პრემიერ-მინისტრს, ირაკლი ღარიბაშვილსა და გამომძიებლებს შორის გასაუბრება არ შედგა.როგორც რუსთავის მე-12 პენიტენციური დაწესებულებიდან გამოსვლის შემდეგ, ყოფილი პრემიერის ადვოკატმა სოსო ბარათაშვილმა განაცხადა, გასაუბრებას სისხლის სამართლის საპროცესო კოდექსი არ ითვალისწინებს და მსგავსი ნორმა მასში მითითებული არ არის. შესაბამისად, ბარათაშვილი აცხადებს, რომ იმ შემთხვევაში, თუკი, პროკურატურა ღარიბაშვილის განცხადებებზე გამოძიებას დაიწყებს, ის მზად არის მაგისტრატი მოსამართლის წინაშე ჩვენება მისცეს.ამასთან, ადვოკატი აცხადებს, რომ ის ციხიდან პირდაპირ, გენერალურ პროკურატურაში მიემართება, სადაც გენერალური პროკურორის სახელზე განცხადებას შეიტანს და გამოძიების დაწყებას მოითხოვს.„დღეს, ირაკლი ღარიბაშვილთან ორი გამომძიებელი იყო შესული, მათ გამოთქვეს სურვილი, მას გასაუბრებოდნენ. ჩვენ ვკითხეთ, თუ რომელი საპროცესო ნორმის მიხედვით ხდებოდა გასაუბრება, მათ ეს ვერ დაგვისახელეს, გვითხრეს, რომ ეს გავრცელებული პრაქტიკაა. ჩვენ ვუპასუხეთ მათ, რომ ამგვარ ფორმას, გასაუბრებისას კანონმდებლობა არ ითვალისწინებს. იმ შემთხვევაში, თუკი, გამოძიება დაიწყება, ირაკლი ღარიბაშვილი მზად არის, ითანამშრომლოს გამოძიებასთან, მისცეს ჩვენება მაგისტრატ მოსამართლესთან, ეს ყველაფერი ოქმის სახით დაფიქსირდა.საუბარი არ შემდგარა. როგორც აღმოჩნდა, გამოძიება დაწყებული არ არის. ამის თაობაზე ჩვენ აღვნიშნეთ ოქმში, მაგრამ მივიღეთ გადაწყვეტილება, რომ დღესვე, სათანადო განცხადებით, გამოძიების დაწყების თაობაზე მივმართოთ გენერალურ პროკურორს. ვფიქრობდით, რომ გამოძიება ვალდებული იყო გამოძიება დაწყებულიყო საჯარო განცხადებების საფუძველზე, ვინაიდან ეს განცხადება ფსიქიკური და მორალური ზემოქმედების ნიშნებს შეიცავდა.როგორც გამომძიებელმა მითხრა, მან სახალხო დამცველის წერილი მიიღო, რომელიც დაინტერესებული იყო საკითხით, როგორ მიმდინარეობდა გამოძიება ირაკლი ღარიბაშვილის მიერ საჯაროდ გაკეთებული განცხადებების თაობაზე. როგორც აღმოჩნდა, ქვემო ქართლის სამხარეო პროკურატურა დაინტერესებული არ არის იმით, რომ გამოძიება დაიწყოს, ისინი დაინტერესებული არიან გასაუბრებით, რაც არ არის საპროცესო ნორმა და საერთოდ, საპროცესო ქმედება, ისინი ამას გავრცელებული პრაქტიკით ხსნიან, რაც ჩვენთვის მიუღებელია. ამგვარ ქმედებას ჩვენ შემდგომ ნაბიჯს დავუპირისპირებთ, რაც განცხადების შეტანაა გენერალურ პროკურატურაში“, - განაცხადა ბარათაშვილმა.ცნობისთვის, საქართველოს ყოფილი პრემიერ-მინისტრის, ირაკლი ღარიბაშვილის საჯარო განცხადებაში მითითებული საკითხების შესწავლა 10 ნოემბერს საქართველოს სახალხო დამცველმა დაიწყო.ომბუდსმენის აპარატის ცნობით, სახალხო დამცველი შესაბამის საგამოძიებო უწყებებს მიმართავს, რათა განცხადებაში აღწერილი სავარაუდო ზეწოლის, შანტაჟისა და იძულების ფაქტებზე გამოძიების დაწყებისა და განხორციელებული რეაგირების შესახებ ინფორმაცია მიიღოს.

ირაკლი კობახიძე – როდესაც ევროკავშირის ოფიციალური სტრუქტურები ახალისებენ ჩვენს ქვეყანაში „მოლოტოვის კოქტეილების“ სროლას, პოლიციელების ცოცხლად დაწვის მცდელობას, არ ვიცი, რა შეფასება შეიძლება მიეცეს ამ...

როდესაც ევროკავშირის ოფიციალური სტრუქტურები ახალისებენ ჩვენს ქვეყანაში „მოლოტოვის კოქტეილების“ სროლას და პოლიციელების ცოცხლად დაწვის მცდელობას, არ ვიცი, რა შეფასება შეიძლება ამ ყველაფერს მიეცეს, – ამის შესახებ პრემიერ-მინისტრმა ჟურნალისტის კითხვის პასუხად განაცხადა.მისივე თქმით, ორმაგი სტანდარტის მიღმაც ეს არის ძალიან მძიმე შეფასების საგანი.„ორმაგ სტანდარტსაც რომ თავი დავანებოთ, როდესაც ევროკავშირის ოფიციალური სტრუქტურები ახალისებენ ჩვენს ქვეყანაში „მოლოტოვის კოქტეილების“ სროლას და პოლიციელების ცოცხლად დაწვის მცდელობას, არ ვიცი, რა შეფასება შეიძლება ამ ყველაფერს მიეცეს. ორმაგი სტანდარტის მიღმაც ეს არის ძალიან მძიმე შეფასების საგანი“, – აღნიშნა პრემიერმა.

ჩინეთი სი ძინპინის, დონალდ ტრამპისა და ვლადიმერ პუტინის შეხვედრას ისტორიული მნიშვნელობის მოვლენად აფასებს

ჩინეთის საგარეო საქმეთა სამინისტრო აცხადებს, რომ ჩინეთის, შეერთებული შტატებისა და რუსეთის ლიდერების სამმხრივ შეხვედრას ისტორიული მნიშვნელობა ექნება და ის ხელს შეუწყობს საერთაშორისო უსაფრთხოებისა და სტაბილურობის განმტკიცებას.სი ძინპინის, დონალდ ტრამპისა და ვლადიმერ პუტინის შეხვედრა 19 ნოემბერს, ჩინეთის ქალაქ შენჟენში, აზია-წყნარი ოკეანის ეკონომიკური თანამშრომლობის ორგანიზაციის, APEC-ის სამიტის ფარგლებში გაიმართება. ეს იქნება სამი ქვეყნის ლიდერების პირველი ერთობლივი პირისპირ შეხვედრა.ჩინეთის საგარეო საქმეთა სამინისტროს პრესსპიკერის, მაო ნინის განცხადებით, მოლაპარაკებების მთავარი მიზანი გლობალური მშვიდობის შენარჩუნება და მსოფლიოს წამყვან სახელმწიფოებს შორის სტრატეგიული სტაბილურობის განმტკიცება იქნება.„ეს იქნება ისტორიაში ჩინეთის, რუსეთისა და შეერთებული შტატების მეთაურების პირველი პირისპირ შეხვედრა. ისინი საფუძვლიანად განიხილავენ მსოფლიო მშვიდობის დაცვასა და წამყვან სახელმწიფოებს შორის ურთიერთობებში სტრატეგიული სტაბილურობის ხელშეწყობის საკითხებს. ამ შეხვედრას ისტორიული მნიშვნელობა აქვს. ჩინეთი, რუსეთი და შეერთებული შტატები გაერო-ს დამფუძნებელი სახელმწიფოები და უშიშროების საბჭოს მუდმივი წევრები არიან. ისტორიულად, ეს სამი ქვეყანა გვერდიგვერდ იბრძოდა მსოფლიო ანტიფაშისტურ ომში გამარჯვებისთვის“ – განაცხადა მაო ნინმა.ჩინეთის საგარეო საქმეთა სამინისტროს წარმომადგენლის თქმით, არსებული საერთაშორისო ვითარების გათვალისწინებით, სამ ქვეყანას გლობალური გამოწვევების დაძლევაში განსაკუთრებული პასუხისმგებლობა ეკისრება.„არსებულ ვითარებაში სამ ქვეყანას მნიშვნელოვანი პასუხისმგებლობა აკისრია, ითანამშრომლონ გლობალურ გამოწვევებთან გასამკლავებლად და ხელი შეუწყონ მსოფლიოში მშვიდობასა და სტაბილურობას. ჩინეთს, რუსეთსა და შეერთებულ შტატებს შორის კომუნიკაციის გაძლიერება, უთანხმოებების მართვა და ურთიერთობების სტაბილიზაცია სამივე ქვეყნის ინტერესებში შედის, პასუხობს საერთაშორისო საზოგადოების მოლოდინებს და ხელს უწყობს გლობალური ვითარების სტაბილიზაციას, დიალოგისა და თანამშრომლობის განვითარებას“, – განაცხადა მაო ნინმა.მისივე თქმით, სამი ქვეყნის ლიდერები განიხილავენ მსოფლიო მშვიდობისთვის მნიშვნელოვან საკითხებს, თუმცა პეკინს მოლაპარაკებების კონკრეტული დღის წესრიგი ჯერ არ გამოუქვეყნებია.ამასთან, თეთრი სახლის ინფორმაციით, დონალდ ტრამპი შეხვედრაზე ბირთვული შეიარაღების შემცირების საკითხის წამოჭრას გეგმავს. გაერო-ს გენერალური მდივნის, ანტონიუ გუტერეშის განცხადებით, ორგანიზაცია მზად არის, მხარი დაუჭიროს ბირთვული განიარაღების ნებისმიერ ძალისხმევას, რომელიც სამი ქვეყნის ლიდერების შეხვედრის შედეგად შეიძლება დაიწყოს.

სტუ-ის რექტორი სტუდენტ საბა ლაზიშვილს აბუ-დაბიში Real American Freestyle-ის სადებიუტო ბრძოლაში მოპოვებულ გამარჯვებას ულოცავს

საქართველოს ტექნიკური უნივერსიტეტის რექტორი, აკადემიკოსი დავით გურგენიძე საუნივერსიტეტო საზოგადოების სახელით სტუ-ის ინფორმატიკისა და მართვის სისტემების ფაკულტეტის სტუდენტს, საბა ლაზიშვილს, აბუ-დაბიში Real American Freestyle-ის (RAF) სადებიუტო ბრძოლაში მოპოვებულ გამარჯვებას ულოცავს და მომავალ წარმატებებს უსურვებს.ინფორმაციას საქართველოს ტექნიკური უნივერსიტეტი ავრცელებს.როგორც რექტორის მილოცვაშია აღნიშნული, ლეგენდარული ამერიკელი მებრძოლის, ურაია ფეიბერის, ანგარიშით 12:7 დამარცხება საბა ლაზიშვილისთვის განსაკუთრებული სპორტული მიღწევაა, რომელიც მისი პროფესიონალიზმის, შეუპოვრობისა და გამარჯვებისკენ სწრაფვის გამოხატულებაა.„საბა ლაზიშვილს ვულოცავ ამ გამორჩეულ სპორტულ მიღწევას! მისი გამარჯვება საქართველოს ტექნიკური უნივერსიტეტისა და მთელი საუნივერსიტეტო საზოგადოებისთვის დიდი სიხარულის საფუძველია. ეს შედეგი კიდევ ერთხელ უსვამს ხაზს, თუ რამდენად მნიშვნელოვანია ახალგაზრდების მრავალმხრივი განვითარება და საკუთარი პოტენციალის რეალიზება როგორც სპორტულ, ისე აკადემიურ ასპარეზზე. განსაკუთრებით სასიხარულოა, როდესაც ჩვენი სტუდენტები ღირსეულად წარმოაჩენენ საქართველოს საერთაშორისო არენაზე და საკუთარი მაგალითით ადასტურებენ, რომ ცოდნა, შრომისმოყვარეობა, დისციპლინა და ძლიერი ნებისყოფა წარმატების მთავარი საწინდარია.სპორტული მიღწევები და აკადემიური განათლება ერთმანეთს ავსებს, ხოლო მიზანდასახულობა და ცოდნის მუდმივი გაღრმავების სურვილი ახალგაზრდის ჩამოყალიბების უმნიშვნელოვანესი პირობაა. მით უფრო საგულისხმოა, რომ საბა ლაზიშვილმა პროფესიად ინფორმატიკისა და მართვის სისტემები აირჩია - მეცნიერებისა და ტექნოლოგიების ერთ-ერთი ყველაზე დინამიკურად განვითარებადი დარგი, რომელიც მსოფლიოს მომავალს განსაზღვრავს.საბა, გისურვებ ახალ გამარჯვებებს, პროფესიულ წინსვლასა და დასახული მიზნების განხორციელებას. მჯერა, ეს შთამბეჭდავი გამარჯვება შენი წარმატებული სპორტული გზის მხოლოდ დასაწყისია. ვამაყობთ შენით და გისურვებ საქართველოს სახელის კიდევ მრავალჯერ ღირსეულად წარმოჩენას!“ - აღნიშნულია რექტორის მილოცვაში.

ბოლო სიახლეები