​სპეცრაზმმა წყლის ჭავლის გამოყენება დაიწყო – კადრები რუსთაველის გამზირიდან

გაერთიანებული სამეფოს მეფე და დედოფალი აშშ-ში ჩავიდნენ, - ინფორმაციას BBC-ი ავრცელებს.გაერთიანებული სამეფოს მეფე ჩარლზ III და დედოფალი კამილა აშშ-ში ოთხდღიანი სახელმწიფო ვიზიტით ჩავიდნენ.მეფე ჩარლზ III და დედოფალი კამილა ენდრიუსის ავიაბაზიდან თეთრ სახლში გაემგზავრნენ, სადაც მათ აშშ-ის პრეზიდენტი დონალდ ტრამპი და პირველი ლედი მელანია ტრამპი უმასპინძლებთ.ვიზიტის ფარგლებში გაერთიანებული სამეფოს მეფე ჩარლზ III აშშ-ის კონგრესში სიტყვით გამოვა.

ევროპის თავდაცვის კავშირს შეუძლია, ხელი შეუწყოს ევროკავშირის წევრი ქვეყნების, ასევე უკრაინის, გაერთიანებული სამეფოსა და ნორვეგიის თავდაცვის შესაძლებლობების ინტეგრაციას, – ამის შესახებ თავდაცვისა და კოსმოსის საკითხებში ევროკომისარმა, ანდრიუს კუბილიუსმა პოლონეთის ქალაქ ჟეშოვში გამართულ უკრაინის აღდგენის კონფერენციაზე (URC) განაცხადა.მისივე თქმით, ამ დროისათვის უკრაინის ალიანსში გაწევრიანება დღის წესრიგში არ დგას.„უკრაინას ჯერ არ შეუძლია ნატო-ში გაწევრიანება. ევროკავშირში სრულუფლებიანი წევრობა რთული პროცესია, რომელიც ვერ უზრუნველყოფს თავდაცვის შესაძლებლობების სწრაფ ინტეგრაციას“, – განაცხადა კუბილიუსმა.ამასთან, კუბილიუსი მიიჩნევს, რომ უკრაინისთვის უახლოეს წლებში ყველაზე ეფექტური თავდაცვის კავშირი შეიძლება იყოს ახლად შექმნილი კავშირი, რომელიც ფოკუსირებული იქნება ევროპული თავდაცვის შესაძლებლობების ინტეგრაციაზე.„ჩვენ გვჭირდება ევროპის თავდაცვის კავშირი, რომელიც საშუალებას მოგვცემს, ინტეგრირება მოვახდინოთ უკრაინის, გაერთიანებული სამეფოსა და ნორვეგიის თავდაცვის შესაძლებლობების ევროკავშირის წევრი ქვეყნების თავდაცვის შესაძლებლობებთან“, – აღნიშნა ევროკომისარმა.მისივე თქმით, ასეთი ალიანსი დაეხმარება უკრაინას რუსეთთან ომის დასრულების შემდეგ საიმედო უსაფრთხოების გარანტიების მიღებაში.ასევე, მისი თქმით, ალიანსი შეიძლება, გახდეს ქვეყნის ეფექტური რეკონსტრუქციის საფუძველი.ევროკომისარმა ასევე განაცხადა, რომ უკრაინის პარალელური გაწევრიანება საერთო ბაზარზე და ევროპის თავდაცვის კავშირში უახლოეს მომავალში „უკრაინის მიმართ ევროპული სტრატეგიული პოლიტიკის აშკარა ელემენტი“ გახდება.

შვილად აყვანის მსურველი პირის სოციალურ-ეკონომიკური მდგომარეობის შეფასებაში სოციალური აგენტი მონაწილეობას აღარ მიიღებს.ცვლილება შედის “შვილად აყვანისა და მინდობის აღზრდის შესახებ“ კანონის ყველა იმ მუხლში, რომელიც მშვილებლის (ასევე, მინდობით აღმზრდელის) სოციალურ-ეკონომიკური მდგომარეობის შეფასებისთვის, სავალდებულო წინაპირობად, მის სოციალურად დაუცველი ოჯახების მონაცემთა ერთიან ბაზაში რეგისტრაციას და სოციალურ-ეკონომიკური მდგომარეობის დასადასტურებლად შესაბამისი სარეიტინგო ქულის ამსახველი ამონაწერის წარდგენას ითვალისწინებს.“შვილად აყვანისა და მინდობის აღზრდის შესახებ“ კანონის მოქმედი რეგულაციის მიხედვით, მთელ რიგ გარემოებებთან ერთად, მშვილებლის შეფასების ერთ-ერთი ინდიკატორი მისი სოციალურ-ეკონომიკური მდგომარეობაა, რაც სოციალურად დაუცველი ოჯახების მონაცემთა ერთიან ბაზაში მის შესახებ არსებულ ინფორმაციაზე დაყრდნობით წარმოებს. შეფასების მიზნით, შვილად აყვანის მსურველმა პირმა მეურვეობისა და მზრუნველობის ადგილობრივ ორგანოს უნდა წარუდგინოს სოციალურად დაუცველი ოჯახების მონაცემთა ერთიანი ბაზიდან ამონაწერი, რომლითაც დადასტურდება, რომ მისი სარეიტინგო ქულა საქართველოს მთავრობის მიერ დადგენილ სტანდარტებს შეესაბამება და 120 000 ქულას აღემატება. ამასთან, მშვილებლად რეგისტრაციის შემდეგ, შვილად აყვანის მსურველმა პირმა/ოჯახმა ყოველ მომდევნო წელს უნდა გაიაროს ოჯახის სოციალურ-ეკონომიკური მდგომარეობის ხელახალი შეფასება ამ პირობის დაკმაყოფილების დასადასტურებლად. წინააღმდეგ შემთხვევაში ის აღრიცხვიდან მოიხსნება.ჯანდაცვის სამინისტრომ პარლამენტს წარუდგინა ცვლილებების პროექტი, რომლის მიხედვით, შვილად აყვანის მსურველ პირთა სოციალურ-ეკონომიკური მდგომარეობის ამსახველი დოკუმენტების ნუსხა, რომლითაც ბავშვის სათანადო აღზრდისა და განვითარებისთვის აუცილებელი პირობების არსებობდა დასტურდება, მინისტრის ბრძანებით დამტკიცებული შვილად აყვანის წესით განისაზღვრება.როგორც სამინისტრო განმარტავს, პროცესის პირველ ეტაპზე - შვილად აყვანის მსურველი პირის მონაცემთა ბაზაში რეგისტრაციის დროს და მომდევნო ეტაპზე - შეთავაზებული ბავშვის შვილად აყვანაზე თანხმობის გაცხადებისას, მინისტრის ბრძანებით დადგენილი დოკუმენტაციის საფუძველზე (პირის/ოჯახის შემოსავლების, ქონებრივი მდგომარეობისა და სოციალურ-ეკონომიკური მდგომარეობის ამსახველი დოკუმენტები, მათ შორის საჯარო და კერძო დაწესებულებებიდან წარმოდგენილი ოფიციალური დოკუმენტაცია), შესაძლებელი იქნება დადგინდეს მშვილებლის სოციალურ-ეკონომიკური მდგომარეობის მდგრადობა.ჯანდაცვის სამინისტროს ინფორმაციით, ამჟამად მშვილებელთა რეესტრში რეგისტრირებულია 1 571 მშვილებელი ოჯახი.

„ჰეზბოლა“ ცეცხლს ეთამაშება, ლიბანის მთავრობა თუ არაფერს გააკეთებს მის შესაჩერებლად, ქვეყანა ცეცხლში გაეხვევა, – ამის შესახებ ისრაელის თავდაცვის მინისტრმა, ისრაელ კაცმა განაცხადა.ისრაელ კაცმა აღნიშნა, რომ „ჰეზბოლას“ ლიდერი ნაიმ ქასემი „ცეცხლს ეთამაშება“, ხოლო ლიბანის პრეზიდენტი ჯოზეფ აუნი ქვეყნის მომავალს საფრთხის ქვეშ აყენებს.„ლიბანში ცეცხლის შეწყვეტის რეჟიმი ვერ იარსებებს, თუ ჩვენს სამხედროებს ცეცხლს გაუხსნიან“, – განაცხადა ისრაელის თავდაცვის მინისტრმა.ოფიციალურად გამოცხადებული ზავის მიუხედავად, ისრაელი და „ჰეზბოლა“ ერთმანეთის წინააღმდეგ დარტყმებს კვლავ აგრძელებენ. ორივე მხარე ერთმანეთს შეთანხმების დარღვევაში ადანაშაულებს.ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელს სამხედრო ოპერაციების გაგრძელების უფლება აქვს და ომის მიზნები ჯერ სრულად მიღწეული არ არის.

ახლა ირკვევა, რომ საღამოს პროცესზე ნიკა მელია აპირებდა მოსვლას და ემზადებოდა ჩემთან სადებატოდ, მანამდე ნიკა ბოიკოტირებდა სასამართლოს,  – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.მისი თქმით, „ძალიან მძიმე აღსაქმელი იქნებოდა დიქტატურის ტყვეების ვერბალური პაექრობა შუშის ვოლიერს შიგნით“.„დღეს ორი ე.წ. სასამართლო ჩამინიშნეს. დილის პროცესის შემდეგ, რამდენიმესაათიანი მოცდა მიწევდა სასამართლოს საკუჭნაოში „ზვიგენის საბოტაჟის“ საქმის განხილვამდე. ამიტომ ჩემი სათქმელი დილასვე ვთქვი და ციხეში დავბრუნდი. ახლა ირკვევა, რომ საღამოს პროცესზე ნიკა მელია აპირებდა მოსვლას და ემზადებოდა ჩემთან სადებატოდ, მანამდე ნიკა ბოიკოტირებდა სასამართლოს. ხოდა, ვიფიქრე, რომ კარგია რომ არ დავრჩი დღეს. ძალიან მძიმე აღსაქმელი იქნებოდა დიქტატურის ტყვეების ვერბალური პაექრობა შუშის ვოლიერს შიგნით, როგორც რომში არენაზე დატყვევებული გლადიატორების. ეს არა მხოლოდ უზარმაზარ სიამოვნებას მიანიჭებდა დიქტატორს, არამედ უპრეცედენტო იქნებოდა მსოფლიო პოლიტპატიმართა ისტორიაში.  ასე რომ, გადავრჩით და იმედია, მომავალში არ ჩავიყენებთ თავს სასაცილო მდგომარეობაში. ძალა ერთობაშია“, – წერს სააკაშვილი.