საქართველოს ტექნიკური უნივერსიტეტის მოჭადრაკეთა გუნდი უნივერსიტეტებს შორის ჭადრაკის ტურნირის ვერცხლის პრიზიორია

ამ ეტაპზე პროცესი მიდის ძალიან კარგად და ჩვენ გვაქვს დიდი მოლოდინი, რომ არსებითად მნიშვნელოვან შედეგზე გავალთ, - განაცხადა სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი კომისიის თავმჯდომარემ, შოთა ბერეკაშვილმა.შოთა ბერეკაშვილის თქმით, პრობლემების იდენტიფიცირება თითქმის დასრულებულია და სურათი არის.„ჩვენი მიდგომა იქნება სექტორი გადავიყვანოთ ინსტიტუციურ ჩარჩოში, რომელიც საშუალებას მოგვცემს, რომ ურთიერთობები გახდეს გამჭვირვალე, ბიზნესპროცესები ხანგრძლივი, პროგნოზირებადი. საერთო ჯამში მოგვცემს იმის საშუალებას, რომ კონკურენცია იყოს არა ასიმეტრიული, არამედ ჯანსაღი, დაბალანსებული და სტაბილური. ეს მიგვიყვანს იქამდე, რომ სექტორში მოხდება მნიშვნელოვანი კორექცია და მივიღებთ ფასების შემცირების დინამიკას.ამ ეტაპზე, წინასწარ არ მინდა მოვლენებს გავუსწრო, მაგრამ პროცესი მიდის ძალიან კარგად და ჩვენ გვაქვს დიდი მოლოდინი, რომ არსებითად მნიშვნელოვან შედეგზე გავალთ“, - აღნიშნა მან.კომისიის წევრები დღეს მსხვილ იმპორტიორ-დისტრიბუტორებს შეხვდებიან და სასურსათო პროდუქციის ბაზრის სტრუქტურის, ფასწარმოქმნის ჯაჭვის და სექტორის საოპერაციო პროცესებს განიხილავენ.

რა კავშირი აქვს პატარა მიამუნის პანჩის ისტორიას 70 წლის წინ ჩატარებულ ექსპერტიმენტს შორისეს თემა აქტიურად განიხილება უცხოურ მედიაში. პატარა მაიმუნმა სახელად პანჩიმ მთელი მსოფლიოს გული მას შემდეგ დაიპყრო, რაც დედისგან მიტოვებულმა ნარინჯისფერ რბილ სათამაშოში იპოვა შვება. როგორც საერთაშორისო მედია წერს, იაპონელი მაიმუნის ისტორია 1950-იანი წლების ექსპერიმენტის ანარეკლია, რომელიც ადრეული მიჯაჭვულობის შესახებ ჩატარებულ ცნობილ და არცთუ ლოიალურ კვლევას იმეორებს.პანჩის მიჯაჭვულობა თავის ნარინჯისფერ სათამაშოსთან მხოლოდ სევდიანი ისტორია არ არის — ის ამერიკელი მკვლევრის, ჰარი ჰარლოუს მიერ ჩატარებულ ცნობილ ფსიქოლოგიურ ექსპერიმენტს გვახსენებს. მისი კვლევების შედეგები საფუძვლად დაედო მიჯაჭვულობის თეორიის ბევრ ცენტრალურ დებულებას, რომელიც მშობელსა და შვილს შორის კავშირს ბავშვის განვითარების უმნიშვნელოვანეს ფაქტორად მიიჩნევს.ჰარი ჰარლოუ მე-20 საუკუნის ერთ-ერთი ყველაზე გავლენიანი და ამავდროულად ხმაურიანი ფსიქოლოგი იყო, რომლის კვლევებმაც ფუნდამენტურად შეცვალა წარმოდგენა სიყვარულზე, მიჯაჭვულობასა და სოციალურ განვითარებაზე. 1950-იან და 60-იან წლებში ამერიკის შეერთებულ შტატებში ფსიქოლოგიურ კვლევებში დომინირებდნენ ბიჰევიორისტები და ფსიქოანალიტიკოსები, რომლებიც ამტკიცებდნენ, რომ ჩვილები დედებს მხოლოდ იმიტომ ეჯაჭვებოდნენ, რომ ისინი საკვებს აწვდიდნენ. სწორედ ამ მოსაზრებას დაუპირისპირდა ჰარლოუ.ჰარლოუმ რეზუს მაკაკები დაბადებისთანავე მოაშორა დედებს. მაიმუნები იზრდებოდნენ გარემოში, სადაც კონტაქტი ჰქონდათ ორ ე.წ. სუროგატ დედასთან. ერთი მათგანი იყო მავთულის კონსტრუქცია, რომელიც საკვებსა და წყალს აწვდიდა. მეორე კი იყო მაიმუნის ვიზუალის მქონე რბილი თოჯინა, რომელთანაც მაკაკებს მხოლოდ ჩახუტება შეეძლოთ, თუმცა ის საკვებს არ უზრუნველყოფდა.ჩატარებული ექსპერიმენტით ჰარლოუმ ბიჰევიორისტების მიდგომა ეჭვქვეშ დააყენა. კვლევამ აჩვენა, რომ მაიმუნები გაცილებით მეტ დროს ატარებდნენ რბილ „დედასთან“, ვიდრე მავთულის კონსტრუქციასთან. ისინი ემოციურ საზრდოს არჩევდნენ, რაც რბილი ქსოვილით დაფარულ სუროგატ დედასთან ჩახუტებით გამოიხატებოდა. მავთულის „დედასთან“ კი მხოლოდ გამოსაკვებად მიდიოდნენ.ექსპერიმენტებმა დაადასტურა მზრუნველობის მნიშვნელობა, როგორც მიჯაჭვულობის საფუძველი, და აჩვენა, რომ ჩვილები ემოციურ კავშირს ფიზიკურ საჭიროებებზე წინ აყენებენ.მიუხედავად იმისა, რომ იაპონიაში, იჩიკავას ზოოპარკში პანჩის შემთხვევა არანაირ სამეცნიერო კვლევას არ წარმოადგენდა, მისი ისტორია ჰარლოუს ექსპერიმენტს მაინც მოგვაგონებს — თითქოს ბუნებრივ გარემოში, უნებლიედ განმეორებულ სცენარს. 70 წლის წინ ჩატარებული კვლევის შედეგები კიდევ ერთხელ გვახსენებს, რამდენად მნიშვნელოვანია ემოციური მხარდაჭერა განვითარების პროცესში.ზოოპარკის პირობებში პანჩის სუროგატი დედის ალტერნატივა არ ჰქონდა, რომელიც მას დაანაყრებდა, თუმცა რბილ სათამაშოში მაინც იპოვა ნუგეში და ის სიმშვიდე, რომელიც დედისგან ვერ მიიღო.

ყოფილი იპოდრომის ადგილას კორპუსები უნდა აშენებულიყო, ბიძინა ივანიშვილმა კი გამოისყიდა, თბილისს აჩუქა და იქ ცენტრალური პარკი მოეწყობა, - განაცხადა დედაქალაქის მერმა, კახა კალაძემ მედიასთან.ჟურნალისტების კითხვაზე, როდის დასრულდება ცენტრალური პარკის მოწყობის პროექტი, თბილისის მერის თქმით, ყველა პროექტი, რასაც საქველმოქმედო ფონდი “ქართუ” ახორციელებს, აუცილებლად მივა ბოლომდე.“საქველმოქმედო ფონდ “ქართუს” პროექტები, რაც თბილისს უკავშირდება, აუცილებლად მივა ბოლომდე და განხორციელდება. ამჟამად, იპოდრომის ტერიტორიაზე შესაბამისი სამუშაოები მიმდინარეობს. პროექტირებისას რამდენჯერმე გარკვეული ცვლილებები შევიდა. იქ განსაზღვრული იყო ფრანგული, იაპონური ბაღების პროექტის განხორციელება, თუმცა მოსახლეობას რაც შეიძლება მეტი მწვანე საფარი უნდოდა. მათი მოთხოვნები გათვალისწინებული იქნა. პროექტს ფონდი ახორციელებს, ეს არის მათი საჩუქარი თბილისელებს. წინა ხელისუფლების მმართველობის დროს ტერიტორია იყო კერძო საკუთრებაში, კონკრეტულ ადამიანებზე იყო გასხვისებული, რომ იქ სამშენებლო სამუშაოები ჩატარებულიყო და კორპუსები აეშენებინათ. ბატონმა ბიძინა ივანიშვილმა გამოისყიდა, აჩუქა მუნიციპალიტეტს და ძალიან მაგარი - ცენტრალური პარკის პროექტი კეთდება.რაც შეეხება ჩვენს ოპონენტებს, მათ არ უნდათ დაინახონ რეალობა. მესმის, რომ თქვენ ხედვის პრობლემები გაქვთ და ვერაფერს ხედავთ. შევდივარ თქვენს მდგომარეობაში და მაინც განვიცდი, რადგან ქართველები ხართ. თქვენს ფსიქოლოგიურ მდგომარეობაზე გული მაინც შემტკივა. თქვენ მუდმივად სიცრუეს ავრცელებთ, ხართ ცილისმწამებლები, მატყუარები და ქალაქისთვის სასიკეთო პროექტები არ გაინტერესებთ. მხოლოდ იმით ხართ დაკავებული, საზოგადოება შეცდომაში როგორ შეიყვანოთ”, - აღნიშნა კახა კალაძემ.

გიორგი მიქაუტაძე „ვილიარეალში“ თებერვლის საუკეთესო ფეხბურთელის ჯილდოზეა ნომინირებული.კლუბის საიტზე გამოკითხვა მიმდინარეობს, სადაც გულშემატკივარს შეუძლია სასურველ კანდიდატს ხმა მისცეს, ასეთი კი სულ სამია: მიქაუტაძე, პაუ ნავარო და პაპე გეიე.მიქაუტაძემ თებერვალში „ვილიარეალის“ მაისურით 5 მატჩი ჩაატარა და 3 გოლის გატანა მოახერხა. აღსანიშნავია, რომ ის ლა ლიგის თებერვლის საუკეთესო ფეხბურთელი გახდა. ხმის მიცემა რეგისტრაციის შემდეგ მოცემულ ბმულზეა შესაძლებელი.გიორგი მიქაუტაძეს ლა ლიგის მიმდინარე სეზონში 21 მატჩში 8 გოლი აქვს გატანილი (მათ შორის 5 მიმდინარე წელს) და 4-ჯერ საგოლე პასი გააკეთა, ხოლო ყველა ტურნირის ჩათვლით (ლა ლიგა, ესპანეთის თასი, ჩემპიონთა ლიგა) 31 შეხვედრაში 10 გოლი და 4 საგოლე პასი მიითვალა.

შრი-ლანკის თავდაცვის სამინისტროს ცნობით, ამერიკული წყალქვეშა ნავიდან ტორპედოს გასროლის შემდეგ ინდოეთის ოკეანეში, შრი-ლანკის სამხრეთ სანაპიროსთან ირანული სამხედრო ხომალდის, IRIS Dena-ს ჩაძირვის შედეგად სულ მცირე 80 ადამიანი დაიღუპა, - ინფორმაციას CNN-ი ავრცელებს.შრი-ლანკის საზღვაო ძალების ცნობით, ამ დროისთვის 32 ადამიანი გადაარჩინეს. ქვეყნის საგარეო საქმეთა მინისტრის თქმით, გემზე, სავარაუდოდ, 180 ადამიანი იმყოფებოდა.აშშ-ის თავდაცვის მინისტრმა პიტ ჰეგსეთმა ოთხშაბათს განაცხადა, რომ ამერიკულმა წყალქვეშა ნავმა საერთაშორისო წყლებში ირანული გემი ჩაძირა.