საქართველოს ტექნიკური უნივერსიტეტის კურსდამთავრებული – ეს არის უმაღლესი სკოლა, სადაც შეგიძლია იპოვო საკუთარი პროფესიული გზა, მიიღო ცოდნა და გახდე სპეციალისტი

ირანმა ბალისტიკური რაკეტები გაუშვა თელ-ავივის, ჰაიფის, იერუსალიმისა და ზედა გალილეის მიმართულებით, იტყობინება ირანული სააგენტო IRNA.„ირანული რაკეტები გაუშვეს თელ-ავივზე, ჰაიფასა და გალილეაზე,“ — ნათქვამია განცხადებაში.მანადემ, ისრაელის არმიამ გაავრცელა ინფორმაცია ირანიდან რაკეტების გაშვების შესახებ და მოუწოდა მოქალაქეებს თავშესაფრებში გადასვლა, რასაც თან ახლდა შეტყობინებები მობილურ ტელეფონებზე.

აშშ-ის პრეზიდენტი დონალდ ტრამპი ირანზე აშშ-ის დარტყმას განიხილავს.ადმინისტრაციის ამჟამინდელმა და ყოფილმა წარმომადგენლებმა ტელეარხ NBC News-ს განუცხადეს, რომ სიტუაციურ ოთახში ეროვნული უსაფრთხოების გუნდთან შეხვედრის შემდეგ, პრეზიდენტი რამდენიმე ვარიანტს განიხილავს, მათ შორის შესაძლო დარტყმას.როგორც მედია წერს, დონალდ ტრამპისა და ეროვნული უსაფრთხოების საბჭოს შეხვედრა თეთრი სახლის საგანგებო სიტუაციების ოთახში დასრულდა.შეხვედრა საათსა და 20 წუთს გაგრძელდა.

ირანმა მოამზადა რაკეტები და სხვა სამხედრო აღჭურვილობა ახლო აღმოსავლეთში აშშ-ის ბაზებზე შესაძლო დარტყმებისთვის, თუ შეერთებული შტატები ირანზე შეტევას განახორციელებს.აღნიშნულის შესახებ ინფორმაციას „ნიუ იორკ თაიმსი“ წყაროებზე დაყრდნობით ავრცელებს.მანამდე გავრცელდა ინფორმაცია, რომ აშშ-ის შეიარაღებული ძალები ახლო აღმოსავლეთში უფრო მეტ გამანადგურებელ თვითმფრინავს გზავნის.ამასთან, ამერიკული მედიის ცნობით, აშშ-ის პრეზიდენტი დონალდ ტრამპი ისრაელთან ერთად ირანის ბირთვულ ობიექტებზე დარტყმას განიხილავს.

სააკაშვილი თავის ახალგაზრდებთან ერთად ხელისუფლებაში მოვიდა ვითომ რაღაც დემოკრატიის, თავისუფლების და ასეთი ლამაზ-ლამაზი იდეებით და ეგრევე დაიწყეს ადამიანების ჩარეცხვა, დახვრეტა და წამება, რაც ცხადია, მიუღებელი იყო საზოგადოებისთვის, მაგრამ მიუხედავად იმისა, როგორი სასტიკიც იყო სააკაშვილი და როგორი გამწარებულიც ჰყავდა მთელი ქვეყანა, ეს გამწარებული ხალხი ქუჩაში რომ გამოდიოდა, არავის თავში აზრად არ მოსვლია, პოლიციელებისთვის ასაფეთქებელი მასალები და „მოლოტოვის კოქტეილები“ სახეში ესროლა, ადამიანები ცოცხლად დაეწვა და არც შენობების დაწვა-დალეწვა მოსვლია ვინმეს აზრად, არც ცეცხლის გაჩენა, არც ხანძრის გაჩენა და არავის შვილებთან არასდროს არ მივვარდნილვართ, – ამის შესახებ ყოფილმა პოლიტპატიმარმა, დაჩი ცაგურიამ საქართველოს პირველი არხის გადაცემაში „აქტუალური თემა – მაკა ცინცაძესთან ერთად“ სტუმრობისას განაცხადა.„მე ძალიან ბევრჯერ მქონია შემთხვევა, რომ კაფეში, ან სადმე შევსულვარ და იქ მაშინდელი სააკაშვილის ელიტის წარმომადგენლები ყოფილან, რომლებიც სხვათაშორის, უშუალო მონაწილეები იყვნენ და პასუხისმგებლები, მაგრამ ეს აზრად არ მომსვლია“, – აღნიშნა ცაგურიამ.ყოფილმა პოლიტპატიმარმა „ნაციონალური მოძრაობის“ ხელისუფლების დროს მიმდინარე სისტემურ ძალადობაზე ისაუბრა და აღნიშნა, რომ იმ დროს სრულიად მშვიდობიანი აქციის მონაწილეებს უსასტიკესად უსწორდებოდნენ.„15 ივნისი არის ამის ყველაზე ისეთი ტრაგიკული მაგალითი, ჩემი აზრით. სამწუხაროდ, ბევრი თარიღი იყო, მაგრამ 2009 წლის 15 ივნისი იყო ჩემ ცხოვრებაში ყველაზე მძიმე დღე, ყველაზე მოუშუშებელი და ეს დღე დღემდე ვერ მომინელებია. არა მხოლოდ მე, არამედ ჩემი მეგობრებიც უმძიმეს მდგომარეობაში ჩაგვყარეს მაშინ, სადაც საშინელი სისსტიკე გამოიჩინეს. თან, აქციის მიზანი იყო, არათუ რამე დაგვეზიანებინა, არამედ მივედით იმიტომ, რომ ჩავბარებულიყავით. მანამდე ჩემი და ჩემი მეგობრების სახლებთან დაიწყეს ჩასაფრებების მოწყობა, იქ საშინელი ცემა და დაკავება-დაპატიმრება. ვინც შეძლეს, ვიღაცები დააკავეს. მათი ხელწერა იყო ეს, რომ ვითომ გაკავებდნენ, ერთ ადამიანს დაესეოდა 50 კაცი და საშინლად სცემდა. ეს რომ ვიცოდით და თან, ვინც გადავრჩით, რომ ვერ დაგვაკავეს, მე, მიშა მესხი და კიდევ სხვა მეგობრები, ახალგაზრდებმა გადავწყვიტეთ, მივსულიყავით სამმართველოსთან და გვეთქვა, ვისი დაკავება გინდათ, აქ ვართ, ჩვენი ფეხით ჩაგბარდებით-თქო. უბრალოდ, სიას ვკითხულობდით. კადრები, რაც არის გადარჩენილი, ზუსტად ეგ ჩანს, რომ სიას ვკითხულობთ და ჩვენი ანკეტები გვქონდა მიტანილი. ასეთი არაძალადობრივი და მშვიდობიანი აქცია იყო და არავის არაფერი ცუდი განზრახვა არ ჰქონია გულში. ჩვენ არც კი ველოდით, რომ ასეთ მშვიდობიან აქციაზე ვინმეს ასეთი საშინელება შეიძლებოდა, ჩაედინა, მაგრამ უპრეცედენტოდ ბევრი ადამიანი, ზოგი პოლიციელის ფორმაში, ზოგი ნახევრად ფორმით, კეპით და ზოგიც საერთოდ სამოქალაქო ფორმაში ჩაცმული კუნთმაგარი ხალხი ვნახეთ, რომ ბევრი იყო გარშემო. მიუხედავად იმისა, რომ ისეთი რაოდენობა ვიყავით, თავისუფლად შეგვეძლო, ქუჩა ჩაგვეკეტა, შეგნებულად დავდექით ტროტუარზე და იმ გადარჩენილ კადრში, რომელიც ანა გოჩოშვილმა გადაარჩინა, „აი ტვ“-ს წარმომადგენელი რომ იყო მაშინ, იქაც ჩანს, რომ მანქანები თავისუფლად მოძრაობენ აქციის პერიოდში. უეცრად გამოცვივდნენ. ამათ უნდოდათ, ინსცენირება გაეკეთებინათ. ყველა სხვა გზა იყო ჩაკეტილი, სამმართველოს შენობის შესასვლელში გასაგორებელი დიდი ჭიშკარია და ის დატოვეს ღია, რომ ესენი რომ მოგვაწვებოდნენ, იქნებ შევვარდნილიყავით შიგნით, სადაც კამერებით იდგნენ, რომ გადაეღოთ, აი, როგორ შევიჭერით. რომ წამოვიდნენ, ესენი, იქ თავის ფეხით ვინ შევარდებოდა, ხომ? მივხვდით ჩვენ და პირიქით, იქით მხარეს წავედით, რომ იქნებ, მეორე მხარეს გადაგვერჩინა თავი და სადმე გავმძვრალიყავით, რადგან საშინელი აგრესიით წამოვიდნენ. იქ დაიწყო ენით აღუწერელი სისასტიკე“, – განაცხადა ცაგურიამ.გადაცემის წამყვანმა სტუმარს ერთ-ერთ ყველაზე რთულად გასახსენებელ ეპიზოდზე ჰკითხა, რაც მის დედას ეხება და, რაც მან კომისიაზე გაიხსენა, იყო ეს სისტემური დანაშაული ამ გადასახედიდან, თუ კონკრეტული თანამდებობის პირთა მიერ ჩადენილი დანაშაული, რაზეც დაჩი ცაგურიამ განაცხადა, რომ იმ აქციას მთელი შს სამინისტროს ელიტა ესწრებოდა.„იქ იყვნენ ქალბატონი ზღულაძით, უტიაშვილით და სხვა დნარჩენებით დამთავრებული, ახალაიები და თუკი ვინმე ნაძირალა ჰყავდა სააკაშვილს ჩაბუდებული ამ ბოროტების მანქანაში, ყველა იქ იყო. ანუ, ეს არ იყო ვიღაც ერთი კონკრეტული ადამიანი. იქ ვერანაირ გადაწყვეტილებას ვერ იღებდა ვიღაც ადამიანი. გამორიცხული იყო, სააკაშვილის გარეშე ვიღაცას გადაეწყვიტა, რომ მაგალითად, ჟურნალისტები სასტიკად ეცემათ, თუ ვინმეს გადასაღები საშუალება ჰქონდა, წაერთმიათ, დაემტვრიათ, დაელეწათ, გაენადგურებინათ, სახალხო დამცველის წარმომადგენელი სასიკვდილოდ ეცემათ და ასე გავენადგურებინეთ. წარმოიდგინეთ, დედაჩემი იმიტომ სცემეს, რომ უბრალოდ, მისი შვილი ვიყავი, მე გამაჩინა, თორემ დედაჩემს ხომ საერთოდ არაფერი არ დაუშავებია?“, – განაცხადა ცაგურიამ.დაჩი ცაგურიამ ციხეში სასტიკი მოპყრობის ეპიზოდიც გაიხსენა, სადაც მისულებს რკინის ნაჭრებით, ხელკეტებით სცემდნენ, პირდაპირ სახეში აფურთხებდნენ, საშინელი ლექსიკით აგინებდნენ და აღნიშნა, რომ ეს იყო სისტემური დანაშაული.

დიდი ამბავია — აშშ-ის სამხედრო-საზღვაო ძალების ყველა ხომალდმა, რომელიც ბაჰრეინში, აშშ-ის საზღვაო მხარდაჭერის ბაზა NSA Bahrain-ზე იყო განლაგებული, დატოვა პორტი.ამჟამად აშშ-ის ცენტრალური სარდლობის (CENTCOM) ოპერაციების ზონაში (AOR) მოქმედებს მინიმუმ ერთი საზღვაო სანაპირო თავდაცვის საბრძოლო გემი (LCS), ოთხი ნაღმების საწინააღმდეგო გემი (MCM), ასევე სპეციალური ოპერაციების მხარდაჭერის ხომალდი M/V Ocean Trader — ყველა ხომალდმა ბაჰრეინის პორტი უკვე დატოვა და სავარაუდოდ, მალე ჩაერთვებიან ფართო მხარდამჭერ ოპერაციაში, რომელსაც მოსალოდნელია, რომ ირანის წინააღმდეგ დაიწყებს აშშ-ს სამხედრო ძალები.წყარო : World Military / ანალიტიკა