საქართველოს 18-წლამდე ნაკრებმა დიდი ბრიტანეთი დაამარცხა და ჯგუფში პირველ ადგილზე გავიდა

გარემოს ეროვნული სააგენტოს ცნობით, თბილისში 17 იანვარს მოსალოდნელია უმეტესად უნალექო ამინდი, დროგამოშვებით იქროლებს ჩრდილო-დასავლეთის მიმართულების ძლიერი ქარი. ჰაერის ტემპერატურა დღისით +8 +10 გრადუსი დაფიქსირდება სანაპირო რაიონებში (ბათუმი, ქობულეთი, ანაკლია, ფოთი): მოსალოდნელია წვიმა, ჰაერის ტემპერატურა 17 იანვარს +6,+8 გრადუსამდე დაიწევს. დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): მოსალოდნელია წვიმა, ჰაერის ტემპერატურა დღისით 17 იანვარს +5,+7 გრადუსამდე დაიწევს. დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): მოსალოდნელია ნალექი, უმეტესად თოვლის სახით, ჰაერის ტემპერატურა 16-17 იანვარს +3,+5 გრადუსამდე დაიწევს. დასავლეთ საქართველოს მაღალმთიან რეგიონებში (მესტია, ბახმარო): 17 იანვარს მოსალოდნელია თოვლი, შესაძლებელია ნისლი და ქარბუქი. ჰაერის ტემპერატურა დღისით +1+3 გრადუსი დაფიქსირდება. ქართლში (რუსთავი, ბოლნისი, მარნეული, გარდაბანი, გორი, ცხინვალი): შესაძლებელია წვიმა, 17 იანვარს ზოგან იქროლებს დასავლეთის მიმართულების ძლიერი ქარი. ჰაერის ტემპერატურა დღისით +7 +9 გრადუსის ფარგლებში დაფიქსირდება. კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): მოსალოდნელია უმეტესად უნალექო ამინდი. ჰაერის ტემპერატურა დღისით +7,+9, გრადუსი დაფიქსირდება. აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური): მოსალოდნელია ნალექი უმეტესად თოვლის სახით. ჰაერის ტემპერატურა დღისით +3+5 გრადუსი დაფიქსირდება. აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): მოსალოდნელია თოვლი, ზოგან შესაძლებელია ნისლი და ქარბუქი. ჰაერის ტემპერატურა დღისით -1,+1 გრადუსის ფარგლებში დაფიქსირდება.

Google-მა 2024 წელი შეაჯამა და ყველაზე პოპულარული საძიებო მოთხოვნები დაასახელა. კომპანიამ ისინი კატეგორიებად დაყო, როგორებიცაა: ახალი ამბები, ფილმები, არტისტები, მსახიობები, თამაშები და ა.შ. ახალი ამბების კატეგორიაში 2024 წელს ყველაზე ხშირად აშშ-ის არჩევნებს „გუგლავდნენ“. მეორე ადგილზე გავიდა - მაღალი ტემპერატურის შესახებ ინფორმაციის ძიება, მესამეზე კი ოლიმპიადა. პოპულარული ადამიანების კატეგორიაში ყველაზე დიდი ინტერესი მსოფლიოს მასშტაბით გამოიწვიეს დონალდ ტრამპმა, უელსის პრინცესა კეიტ მიდლტონმა და კამალა ჰარისმა. რაც შეეხება გარდაცვლილი ცნობილი სახეების კატეგორიას, ყველაზე ხშირად Google-ში ლიამ პეინის შესახებ ეძებდნენ ინფორმაციას. მეორე ადგილზე ამ კატეგორიაში ტობი კითი გავიდა, მესამეზე კი ო ჯეი სიმფსონი. ფილმებს შორის პირველ ადგილზე მულტფილმი Inside Out 2, მეორეზე კი Deadpool & Wolverine გავიდა. ყველაზე ძიებადი პერსონა მუსიკის სამყაროში კი ფი დიდი აღმოჩნდა.

ყველამ ძალიან კარგად უნდა გაიგოს ქვეყნის შიგნით თუ ქვეყნის გარეთ, რომ ასეთი ტონით საქართველოს სახელმწიფოსთან საუბარი, ჩვენს პოლიტიკურ ლიდერებთან მოქცევა არავითარ შედეგს მათ არ მოუტანთ, - ასე შეაფასა ​იურიდიულ საკითხთა კომიტეტის თავმჯდომარის პირველმა მოადგილემ თორნიკე ჭეიშვილმა, საქართველოსთან დაკავშირებით ხუთი ევროპარლამენტარის მიერ გავრცელებული განცხადება. ამასთან, როგორც ჭეიშვილი აღნიშნავს, საქართველოს ხელისუფლება, არავითარ შანტაჟს არ შეუშინდება: „მათ შორის ევროპარლამენტშიც ჩვენ ვიცით და ვნახეთ უკვე, მათ წარსულშიც ჰქონდათ მიღებული რეზოლუციები, რომელიც სამწუხაროდ ადასტურებს ე.წ დიფ სთეითის და გლობალური ომის პარტიის გავლენებს. ამავე კონტექსტში შეგვიძლია ვისაუბროთ რამდენიმე სახელმწიფოზე, მათ შორის ლიეტუვა, ესტონეთი, უკრაინა. ბუნებრივია,  სამწუხაროა როდესაც ვხედავთ მსგავსი ნარატივის გავრცელებას სხვა ქვეყნებშიც მათ შორის დიდ ბრიტანეთში. თუმცა აქ ყველამ ძალიან კარგად უნდა გაიგოს ქვეყნის შიგნით თუ ქვეყნის გარეთ, რომ ასეთი ტონით საქართველოს სახელმწიფოსთან საუბარი, ჩვენს პოლიტიკურ ლიდერებთან მოქცევა არავითარ შედეგს მათ არ მოუტანთ. ჩვენ არავითარ შანტაჟს, ბუნებრივია არ შევუშინდებით და მიზანი, რომელიც რეალურად შეიძლება იდგეს ასეთი ტიპის ინიციატივების მიღმა, ბუნებრივია ვერასდროს იქნება მიღწეული. კერძოდ, საქართველოში აუცილებლად იქნება მშვიდობა შენარჩუნებული და ამ მშვიდობის უმთავრესი გარანტი გახლავთ ბატონი ბიძინა ივანიშვილი, ისევე როგორც საქართველოს სახელმწიფოს პოლიტიკური ხელმძღვანელობა ბატონი პრემიერ-მინისტრი და სხვა პოლიტიკური ლიდერები. ეს არის ორკესტრირებული ერთი კონკრეტული ძალის მხრიდან და სულაც არ არის შემთხვევითი, რომ სხვადასხვა სახელმწიფოდან თუ სხვადასხვა სტრუქტურიდან ჩვენ ვხედავთ ერთსა და იმავე სახეებს. მათ შორის ნაწილს საქართველოშიც აგზავნიან და ერთგვარ სავიზიტო ბარათად არის ქცეული მიხაილ როთი. ამავდროულად, მათ შორის ქვეყნის გარეთ ჰყავთ მათ კონკრეტული პირები, შესაბამისი დეპუტატები, რომელთა მეშვეობითაც ცდილობენ კონკრეტული ნარატივის გაჟღერებას და ამით პრაქტიკულად შურისძიებას ჩვენს პოლიტიკურ ლიდერებზე იმისათვის, რომ სახელმწიფოებრივ ინტერესებს, მშვიდობასა და მშვიდობის შენარჩუნების ინტერესს ამ ქვეყანაში, მეორე ფრონტის გახსნის შესაძლებლობას მაქსიმალურად ეწინააღმდეგებიან და არ ცვლიან არავითარ პირადი კეთილდღეობისთვის," - აცხადებს თორნიკე ჭეიშვილი.

მსა­ხი­ო­ბი დუტა სხირტლა­ძე უკვე 50-ე დღეა რუს­თა­ვე­ლის გამ­ზირ­ზე მიმ­დი­ნა­რე საპ­რო­ტეს­ტო აქ­ცი­ებს ეს­წრე­ბა და და­კა­ვე­ბულ ახალ­გაზ­რდებს გან­სა­კუთ­რე­ბუ­ლად გულ­შე­მატ­კივ­რობს. "ვე­ლო­დე­ბი, რომ მალე ახა­ლი არ­ჩევ­ნე­ბი იქ­ნე­ბა და იმა­საც ვე­ლო­დე­ბი, რომ მალე გა­მო­უშ­ვე­ბენ ყვე­ლა პა­ტი­მარს, რო­მე­ლიც უკა­ნო­ნოდ არის და­ჭე­რი­ლი. გან­სა­კუთ­რე­ბით ვგულ­შე­მატ­კივ­რობ ჩემს კო­ლე­გებს. არა მარ­ტო ან­დრო ჭი­ჭი­ნა­ძეს, ბევ­რნი არი­ან კი­დევ,“ - გა­ნა­ცხა­და დუტა სხირტლა­ძე “მთა­ვარ არხთან“

„ლაგუნა ვერეს“ მიმდებარე ტერიტორიაზე დაგეგმილი სამუშაოების გამო, საავტომობილო მოძრაობა ნაწილობრივ შეიზღუდება, - ამის შესახებ განცხადებას თბილისის მერია ავრცელებს. „თბილისის მერიის ინფრასტრუქტურის განვითარების საქალაქო სამსახური „ლაგუნა ვერეს“ მიმდებარე ტერიტორიაზე, გმირთა მოედნიდან ზვიად გამსახურდიას სახელობის სანაპირომდე არსებული საგზაო მონაკვეთის რეაბილიტაცია-რეკონსტრუქციას იწყებს. დაგეგმილი სამუშაოების გამო, 17 იანვრის 00:00 საათიდან, ორი თვის განმავლობაში, საავტომობილო მოძრაობა ეტაპობრივად, სხვადასხვა მონაკვეთში შეიზღუდება. პირველ ეტაპზე მოძრაობა შეიზღუდება კოსტავას ქუჩიდან მტკვრის მარჯვენა სანაპიროზე ჩამსვლელ მხოლოდ ერთ განაპირა საავტომობილო ზოლზე. მოძრაობა ასევე, ნაწილობრივ შეიზღუდება მტკვრის მარჯვენა სანაპიროდან თამარ მეფის გამზირისკენ მიმავალ საგზაო მონაკვეთში“, - ნათქვამია განცხადებაში.