სამზადისი ქეთი ხატიაშვილისა და დავით კაჭარავას ოჯახში – წყვილი ახალი წლისთვის ემზადება

ახალი წლის მოახლოებასთან ერთად, თბილისის საბავშვო ბაგა-ბაღების მართვის სააგენტომ დაასრულა მზადება აღსაზრდელებისთვის ტრადიციული საახალწლო საჩუქრების პროექტზე, – ამის შესახებ დღეს დედაქალაქის მუნიციპალიტეტის მთავრობის სხდომაზე თბილისის მერმა, კახა კალაძემ განაცხადა.მისი თქმით, ბაღების 60 000-მდე აღსაზრდელს განახლებული სასაჩუქრე ნაკრები გადაეცემა.„ვცდილობთ, ყოველწლიურად გარკვეული სიახლე შევიტანოთ ნობათების შემადგენლობაში და წელსაც ჩვენი ბაღების 60 000-მდე აღსაზრდელს საახალწლო ღონისძიებებზე განახლებული ტკბილეულისა და სასაჩუქრე ნაკრები გადაეცემა. საჩუქრები გათვალისწინებულია თბილისის საბავშვო ბაღებში რეგისტრირებული აბსოლუტურად ყველა აღსაზრდელისთვის. თითოეული სასაჩუქრე ყუთი შეიცავს მაღალი ხარისხის, ათი სახეობის ტკბილეულს და ეკოლოგიურად სუფთა მასალისგან დამზადებულ სათამაშო ნაკრების რამდენიმე სახეობას, საახალწლო თემატიკით“, – აღნიშნა კახა კალაძემ.მისივე ინფორმაციით, საახალწლო საჩუქრების შეტანა ბაღებში უკვე დაწყებულია. პროცესი 15 დეკემბრამდე დასრულდება.

3 დეკემბერს მსოფლიო შეზღუდული შესაძლებლობის მქონე პირთა საერთაშორისო დღეს აღნიშნავს, რომლის მიზანია საზოგადოების ცნობიერების ამაღლება ამ პირთა უფლებების შესახებ.„2025 წელს ამ დღის აღნიშვნის თემაა - „შშმ პირთათვის ინკლუზიური საზოგადოების განვითარება სოციალური პროგრესის ხელშეწყობის მიზნით.მთელ მსოფლიოში შეზღუდული შესაძლებლობის მქონე ადამიანები და მათი ოჯახები წინააღმდეგობებს აწყდებიან სოციალური განვითარების სფეროში. ისინი ხშირად ცხოვრობენ სიღარიბეში, განიცდიან დისკრიმინაციას დასაქმებისას, უმეტესად არაფორმალურ სექტორში არიან დასაქმებული და სხვებთან შედარებით დაბალ ანაზღაურებას იღებენ. არასაკმარისია მათი სოციალური დაცვის ღონისძიებები, ხოლო სახელმწიფო ზრუნვის სისტემაში მყოფთ ავტონომია შეზღუდული აქვთ.საქართველოში შშმ პირები არაერთი გამოწვევის წინაშე დგანან. წლების მანძილზე პრობლემად რჩება მათ საჭიროებებზე მორგებული სახელმწიფო სერვისების სიმწირე, მომსახურებების გეოგრაფიული დაფარვა და მომლოდინეთა რიგები, მათ შორის, აუტიზმისმქონე ბავშვებისათვის. განსაკუთრებით აღსანიშნავია ზრდასრულ შშმ პირთათვის განკუთვნილი რეაბილიტაცია/აბილიტაციისპროგრამების ნაკლებობა, რაც უარყოფითად აისახება მათი დამოუკიდებელი ცხოვრების უფლების რეალიზების ხარისხზე. არასაკმარისი პროგრამების გამო ისინი მოკლებულნი არიან შესაძლებლობას სრულფასოვნად ჩაერთონ საზოგადოებრივ ცხოვრებაში.შეფერხებულია შესაძლებლობის შეზღუდვის სტატუსის განსაზღვრის ბიოფსიქოსოციალური მოდელზე გადასვლის პროცესი და შეფასება ისევ სამედიცინო მოდელის მიხედვით ხდება, რაც გამორიცხავს ამ პროცესში პირის ინდივიდუალური საჭიროებების გათვალისწინებას.გამოწვევად რჩება ფსიქიკური ჯანმრთელობის პრობლემების მქონე პირთა უფლებრივი მდგომარეობა. აღნიშნულთან დაკავშირებით ვრცლად იხილეთ სახალხო დამცველის განცხადება ფსიქიკური ჯანმრთელობის მსოფლიო დღესთან დაკავშირებით.შშმ პირთა დამოუკიდებელი ცხოვრებისა და დეინსტიტუციონალიზაციის მიზნით გატარებული ღონისძიებები არასაკმარისია. შშმ პირთა ნაწილი კვლავ დიდი ზომის რეზიდენტულ დაწესებულებებში ცხოვრობს. საცხოვრისისბსერვისები, იშვიათი გამონაკლისების გარდა, ვერ უზრუნველყოფს სოციალურ ინკლუზიასა და ბენეფიციარების დამოუკიდებელი ცხოვრებისთვის მომზადებას.  ხშირია შშმ პირთა ავტონომიაში ჩარევისა და ინსტიტუციური რეჟიმის ჩარჩოებში მოქცევის შემთხვევები, რაც შეუსაბამოა დეინსტიტუციონალიზაციის მიზნებთან.გაუარესებულია მდგომარეობა შშმ პირთა საზოგადოებრივ და პოლიტიკურ ცხოვრებაში მონაწილეობის მიმართულებით. სხვა საკითხებთან ერთად, ადგილი აქვს შშმ პირთა/შშმ პირთა უფლებებზე მომუშავე საზოგადოებრივი ორგანიზაციების ნაკლებ ჩართულობას გადაწყვეტილებების მიღების პროცესში.შშმ პირთა მისაწვდომობა, იქნება ეს გარემოზე, ინფორმაციასა თუ მომსახურებებზე, კვლავ გამოწვევას წარმოადგენს.განსაკუთრებულ ყურადღებას საჭიროებს ინკლუზიური განათლების უწყვეტობა დაშემდგომში დასაქმების უფლების რეალიზაცია, რაც  შშმ პირთა დამოუკიდებელი ცხოვრების მომზადებისთვის აუცილებელ წინაპირობას წარმოადგენს.სოციალური განვითარების სამი ძირითადი მიმართულება - სიღარიბის აღმოფხვრა, დასაქმებისა და ღირსეული შრომის ხელშეწყობა ყველასთვის და სოციალური ინტეგრაცია, ერთმანეთთან მჭიდროდ არის დაკავშირებული და მუდმივ ხელშეწყობას საჭიროებს.საქართველოს სახალხო დამცველი კიდევ ერთხელ მოუწოდებს შესაბამის პასუხისმგებელ უწყებებს, გადადგან ქმედითი ნაბიჯები ქვეყანაში ინკლუზიური საზოგადოების განვითარების ხელშეწყობისთვის, ამ პროცესში შშმ პირთა აქტიური მონაწილეობით, რაც თავის მხრივ ხელს შეუწყობს სოციალური პროგრესის მიღწევას საზოგადოების ყველა წევრისთვის“, - წერია საქართველოს სახალხო დამცველის განცხადებაში.

თბილისის მერმა, კახა კალაძემ უნგრეთის დედაქალაქ ბუდაპეშტში გამართული  ოფიციალური ვიზიტი შეაჯამა.როგორც მერმა აღნიშნა, საქართველოსთვის ძალიან მნიშვნელოვანია იმ საერთაშორისო პარტნიორების მხარდაჭერა, რომლებიც იზიარებენ ქვეყნის თავისუფლებას, დემოკრატიასა და სუვერენიტეტს, აქვთ საერთო ღირებულებები და სურვილი – პირველ რიგში, დაიცვან საკუთარი მოქალაქეების ინტერესები.„დელეგაციის წევრებთან ერთად, ორი დღის განმავლობაში ოფიციალური ვიზიტით ვიმყოფებოდი უნგრეთის დედაქალაქ ბუდაპეშტში, სადაც არაერთი საინტერესო შეხვედრა გაიმართა. პირველ რიგში, უნდა აღვნიშნო ქვეყნის საგარეო საქმეთა მინისტრ პიტერ სიიარტოსთან გამართული შეხვედრა, სადაც საუბარი შეეხო ორ ქვეყანას შორის არსებულ მეგობრულ ურთიერთობებს და მათი გაღრმავების პერსპექტივებს. მიმოვიხილეთ რეგიონში მიმდინარე მოვლენები და რუსეთ-უკრაინის ომით გამოწვეული მძიმე ვითარებაც. გარდა ამისა, განსაკუთრებული ყურადღება დაეთმო ფსევდოლიბერალურ იდეოლოგიას, რომელიც თავსმოხვეულია და სერიოზული გამოწვევაა მსოფლიოსთვის. უნგრეთის საგარეო საქმეთა მინისტრმა კიდევ ერთხელ გამოხატა სრული მხარდაჭერა და თანადგომა, ასევე, გადმოგვცა ქვეყნის პრემიერ-მინისტრის, ვიქტორ ორბანის  მხარდაჭერა ჩვენი ქვეყნის სუვერენიტეტისა და ქართველი ხალხის მიმართ”, – განაცხადა კახა კალაძემ.დედაქალაქის მერმა უნგრეთის ხელისუფლებას და ქვეყნის პრემიერ-მინიტრს მადლობა გადაუხადა ქართველი ხალხის მიმართ გამოხატული მხარდაჭერის გამო.„მინდა, კიდევ ერთხელ ვისარგებლო შემთხვევით და უნგრეთს, მის ხელისუფლებას, პრემიერ-მინიტრს მადლობა გადავუხადო ქართველი ხალხის, ჩვენი სახელმწიფოს ურყევი მხარდაჭერისა და თანადგომისთვის. გვიხარია, რომ როგორც საქართველო, ისე უნგრეთი, იბრძვის სიმართლისთვის. ეს დღევანდელ ვითარებაში ძალიან მნიშვნელოვანია“, – განაცხადა კახა კალაძემ.მისივე თქმით, საქართველოს დელეგაციამ მონაწილეობა მიიღო ასევე ევროპული ქალაქების ურბანული განვითარების საკითხებთან დაკავშირებულ საერთაშორისო კონფერენციაშიც.„ვიზიტის ფარგლებში, მქონდა პატივი, მონაწილეობა მიმეღო ევროპული ქალაქების ურბანული განვითარების საკითხებთან დაკავშირებულ საერთაშორისო კონფერენციაშიც, სადაც ძირითადი ყურადღება ქალაქებში არსებულ გამოწვევებსა და მათი მოგვარების გზებს დაეთმო. განსაკუთრებული ყურადღება გამახვილდა საზოგადოებრივი ტრანსპორტის განვითარებასა და გადაადგილების კომფორტულობაზე – ამ მიმართულებით მიღწეულ შედეგებსა და სამომავლოდ დაგეგმილ პროექტებზე. გარდა ამისა, ვისაუბრეთ ავარიულ სახლებთან და ძველი, მწყობრიდან გამოსული ლიფტების ჩანაცვლებასთან დაკავშირებით, რა მიდგომა გვაქვს, რა კონკრეტულ პროგრამებს ვახორციელებთ. ასევე, მოვისმინეთ, თუ როგორ უპასუხეს ევროპულ ქალაქებში სხვადასხვა გამოწვევას, რომელიც დღეს ჩვენთანასც აქტუალურია. ასევე, უნგრეთის საგარეო საქმეთა მინისტრის მიწვევით, ვიმყოფებოდით ცნობილი უნგრელი ფეხბურთელის იოზეფ ბოჟიკის ძეგლის გახსნის ღონისძიებაზე“, – აღნიშნა თბილისის მერმა.კახა კალაძემ ხაზი გაუსვა საერთაშორისო მხარდაჭერის მნიშვნელობასაც.„ჩვენი ქვეყნისთვის იმ საერთაშორისო პარტნიორების მხარდაჭერა, რომლებიც იზიარებენ ჩვენი ქვეყნის თავისუფლებას, დემოკრატიასა და სუვერენიტეტს, გვაქვს საერთო ღირებულებები და სურვილი – პირველ რიგში, დავიცვათ ჩვენი მოქალაქეების ინტერესები, ძალიან პრინციპული და მნიშვნელოვანია. ამიტომ, მსგავსი ვიზიტები, ურთიერთგამოცდილების გაზიარება და საუკეთესო მაგალითების ჩვენს დედაქალაქში გადმოტანა, მოქალაქეების ცხოვრების ხარისხის გაუმჯობესება, ჩვენთვის ერთ-ერთი მთავარი პრიორიტეტია“, – განაცხადა კახა კალაძემ.მისივე თქმით, თბილისი მომდევნო წლებში ბევრად უფრო მწვანე, კომფორტული და ეკოლოგიურად სუფთა ქალაქი იქნება, რომელიც ევროპის წამყვან ქალაქებს არ

ევროკავშირმა 2027 წლისთვის რუსული ბუნებრივი აირის იმპორტის ეტაპობრივად შეწყვეტის შესახებ რეგულაციაზე წინასწარ შეთანხმებას მიაღწია.ევროკავშირის საბჭომ ოთხშაბათს განაცხადა, რომ ევროპარლამენტთან მიაღწია შეთანხმებას რუსული გაზის იმპორტის ეტაპობრივი შეწყვეტის შესახებ 2027 წლისთვის, რაც რუსულ ენერგიაზე დამოკიდებულების დასრულების მცდელობის ნაწილია.ევროკავშირის საბჭოს ვებგვერდზე განთავსებული ინფორმაციის მიხედვით, შეთანხმება მოიცავს რუსეთიდან თხევადი ბუნებრივი აირის (LNG) და მილსადენებით გაზის იმპორტის იურიდიულად სავალდებულო, ეტაპობრივ აკრძალვას 2026 წლის ბოლოდან და 2027 წლის შემოდგომიდან.მათივე ცნობით, ახალი წესების დარღვევა გამოიწვევს ჯარიმებს როგორც კომპანიებისთვის, ასევე ფიზიკური პირებისთვის.საბჭო განმარტავს, რომ რეგულაცია წარმოადგენს ევროკავშირის REPowerEU-ს გზამკვლევის ცენტრალურ ელემენტს, რომელიც მიზნად ისახავს რუსულ ენერგიაზე დამოკიდებულების დასრულებას მას შემდეგ, რაც რუსეთმა გაზის მიწოდება იარაღად გამოიყენა და ევროპის ენერგეტიკულ ბაზარზე მნიშვნელოვანი გავლენა მოახდინა.„როიტერის“ ინფორმაციით, ამ დროისთვის ევროკავშირის გაზის იმპორტის 12%-ს რუსეთიდან იღებს, მაშინ როდესაც 2022 წელს რუსეთის უკრაინაში შეჭრამდე ბუნებრივი აირის 45%-ს ევროპა მოსკოვისგან იღებდა.

ფინანსთა სამინისტროს შემოსავლების სამსახურის საბაჟო გამშვები პუნქტი - ,,თბილისის აეროპორტის“ მებაჟე ოფიცრებმა საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებთან კოორდინაციით, ერთობლივად ჩატარებული ღონისძიების შედეგად, თბილისის საერთაშორისო აეროპორტში  მგზავრთა ხელბარგებში  განთავსებული, განსაკუთრებით დიდი ოდენობით, ნარკოტიკული საშუალება ,,კოკაინის“ (საერთო წონა 150 გრამამდე), ასევე სხვადასხვა დასახელების 497 კაფსულა ფსიქოტროპული  მედიკამენტის,  39 გრამი ,, მორფინისა" და ,,კოდეინის" შემცველი ფხვიერი მასის და 1ლიტრი და 200 გრამი ნარკოტიკული საშუალება ,,კეტამინის"  მალულად შემოტანის მცდელობის 4 ფაქტი აღკვეთეს.ოთხი სამართალდამრღვევის მიმართ საქმის მასალები, შემდგომი რეაგირების მიზნით, საქართველოს შინაგან საქმეთა სამინისტროს გადაეცა.