რამდენად რეალურია „შავი ჭირის“ პანდემია – ინფექციონისტ ალექსანდრე გოგინავას განმარტება

მშვიდობის დარგში ნობელის 2026 წლის პრემია სამხრეთაფრიკელ იურისტს, ნავანეთემ (ნავი) პილაის გადაეცა.როგორც ნობელის კომიტეტის განცხადებაშია ნათქვამი, პილაის ჯილდო მშვიდობისა და საერთაშორისო სამართლის ხელშეწყობისთვის მიენიჭა.„მშვიდობის დარგში ნობელის 2026 წლის პრემია გადაეცემა ადამიანს, რომელმაც განსაკუთრებული სიმამაცითა და პრინციპულობით მნიშვნელოვანი წვლილი შეიტანა უფრო სრულყოფილი გლობალური სამართლებრივი წესრიგის ჩამოყალიბებაში. წლევანდელმა ლაურეატმა გადამწყვეტი როლი შეასრულა ომის დანაშაულების, კაცობრიობის წინააღმდეგ ჩადენილი დანაშაულებისა და გენოციდის ჩამდენთა სამართლებრივი დევნის უზრუნველყოფაში“, – განაცხადა ნობელის კომიტეტის თავმჯდომარემ, იორგენ ფრიდნესმა.ნობელის კომიტეტის თავმჯდომარის თქმით, ჯილდო არის გზავნილი მათთვის, ვინც თავს ესხმის საერთაშორისო სისტემას ან ძირს უთხრის მის ინსიტუტებს.„ეს არის გზავნილი იმისა, რომ საერთაშორისო სამართალი და მისი ინსტიტუტები უფრო მშვიდობიანი სამყაროს ქვაკუთხედს წარმოადგენს. შესაბამისად, რა თქმა უნდა, ვიმედოვნებთ, რომ ეს ჯილდო გააძლიერებს როგორც ინსტიტუტებს, ისე ცალკეულ პიროვნებებს, არამხოლოდ ნავი პილაის, თუმცა უპირველესად სწორედ მას“, – განაცხადა ფრიდნესმა.ნავი პილაი სამხრეთ აფრიკის უმაღლესი სასამართლოს, რუანდის სისხლის სამართლის საერთაშორისო ტრიბუნალისა და სისხლის სამართლის საერთაშორისო სასამართლოს მოსამართლე იყო. პილაი ასევე გაერო-ს ადამიანის უფლებათა უმაღლესი კომისრის თანამდებობას იკავებდა,  ხელმძღვანელობდა ოკუპირებული პალესტინის ტერიტორიის საკითხზე გაერო-ს დამოუკიდებელ საერთაშორისო საგამოძიებო კომისიას. ამასთან, პილაი ქალთა უფლებების დამცველი საერთაშორისო ორგანიზაციის, „თანასწორობის“ (Equality Now) ერთ-ერთი დამფუძნებელია.

იოანე ღვთისმეტყველის ლოცვით და მეოხებით, გვასწავლოს ჩვენ ღმერთმა რწმენა,  განსაკუთრებით ჩვენ, სასულიერო პირებს, ეპისკოპოსებს, გვმართებს ვევედროთ მას,  გვასწავლოს საღვთისმეტყველო საიდუმლოებები, სწავლება ქრისტესი, უფრო ღრმად შევიმეცნოთ და მართებულად, გადმოვცეთ და ვიქადაგოთ ბევრის წინაშე, – ამის შესახებ საქართველოს კათოლიკოს-პატრიარქმა, შიო მესამემ ქადაგებისას განაცხადა.პატრიარქის თქმით, არაფერი დაწერილა იმაზე დიდებული, რაც არის იოანეს სახარების პირველი თავი.„სახელითა მამისათა და ძისათა და სულისა წმინდისათა. ძვირფასო მამებო, ძმებო და დებო გულითადად გილოცავ დღევანდელ დღესასწაულს. ამ შესანიშნავი ტაძრის დღესასწაულს. წმინდა მოციქულის მახარებლის, იოანე ღვთისმეტყველის ხსენებას. როგორც ცნობილია, იგი იყო ყველაზე ახალგაზრდა მოწაფეთა შორის და ყველაზე საყვარელი, უფალი იესო ქრისტესი.რატომ უწოდებდა მაცხოვარი მას საყვარელ მოწაფეს? უფალს ხომ ყველა უყვარდა, ცოდვილებიც უყვარდა, უმადური კეთროვნებიც უყვარდა. სწორედ ამიტომ, განკურნა უმადური კეთროვნები.  მაშ, რატომ იყო ის საყვარელი? იმიტომ რომ, წმინდა იოანე ღვთისმეტყველი ყველაზე უკეთ ისმენდა უფლის სიტყვებს, ყველაზე უკეთ ესმოდა მისი სწავლება და მისი სიტყვები და ყველაზე უფრო მამაცი აღმოჩნდა და მტკიცე რწმენაში. მას აღმოაჩნდა ყველაზე მეტად მზაობა, რომ მაცხოვრის გულისთვის ტანჯვა დაეთმინა. როდესაც დანარჩენი მოწაფეები  დაიფანტნენ მიატოვეს უფალი, ჯვართან ვინ დარჩა ძვირფასო ძმებო და დებო? ყოვლადწმინდა ღვთისმშობელი, რამდენიმე მენელსაცხებლე დედა და იოანე ღვთისმეტყველი. ასეთი ახალგაზრდა კაცისთვის უმძიმესი სანახაობა იყო ჯვარცმის ხილვა, მით უმეტეს საყვარელი მოძღვრის. მაგრამ მან თავის თავში შიში დაძლია, რომ მდგარიყო ჯვართან და დარჩა ბოლომდე მაცხოვრის გვერდით. ამ სიყვარულისთვის, განსაკუთრებული სიყვარულისთვის ღმერთმა მას მისცა საოცარი მადლი საიდუმლოებათა ჭვრეტის. მას გაეხსნა ისეთი საიდუმლოებები, საღვთო საიდუმლოებები, საღვთისმეტყველო საიდუმლოებები, რის გამოც სწორედაც ღვთისმეტყველას იწოდა. მისი სახარება სრულიად გამორჩეულია დანარჩები სამი სახარებისგან, რომელშიც მოთხრობილია უფალი იესო ქრისტეს სამწლიანი მსახურება, ცხოვრება ამ დედამიწაზე, ქადაგებები, მაგრამ იოანე ღვთისმეტყველმა თავის სახარებაში, აი ამ მოვლენების საიდუმლო აზრი გაგვიხსნა. არავის არ განუცხადებია კაცობრიობის წინაშე, ასე ძლიერად უფალი იესო ქრისტეს საღვთო ბუნების შესახებ, როგორც ეს იოანე მოციქულმა გააკეთა.შეიძლება ითქვას, რომ ამ სამყაროში არაფერი დაწერილა, იმის მსგავსი და იმაზე დიდებული, რაც არის იოანეს სახარების პირველი თავი, სადაც ის დასაწყისშივე ამბობს, რომ სიტყვა არის ღმერთი, სიტყვა ღვთისა არის ღმერთი და ეს სიტყვა იწოდებოდა იესო ქრისტედ, რომელი განკაცდა სხვათა. პირველად იყო სიტყვა, ეს საოცარი სიტყვებია, რომელიც იკითხება აღდგომის მსახურებაზე. პირველად იყო სიტყვა სიტყვა, იგი იყო ღვთისა თანა და ღმერთი იყო სიტყვაი და შემდეგ უკვე ამბობს, რომ და სიტყვა იგი ხორციელ იქმნა და დაემკვიდრა ჩვენს შორის. იოანე მოციქულს ჰქონდა ყველაზე საკვირველი გამოცხადებები იესო ქრისტეს შესახებ. მხოლოდ ის ამბობს ღმერთზე, რომ ღმერთი სიყვარულია. არავის არსად მსგავსი რამ არ უთქვამს. შემდეგ უკვე, მისი გარდაცვალების წინ კუნძულ პატლოსზე მას მიეცა ხილვა კაცობრიობის ისტორიის განვითარების, ქრისტეს ეკლესიის ისტორიის განვითარების და მის წიგნში, რომელსაც ეწოდება „გამოცხადება აპოკალიფსისი“ არის გადმოცემული აღსასრული კაცობრიობის ისტორიის,იმ ბოლო დღეების, როგორ დასრულდება ამ სამყაროს დღეები, როდესაც მეორედ მოვა დიდებით უფალი ჩვენი იესო ქრისტე. ამრიგად, ამ დიდი სიყვარულის გამო, ამ დიდი მადლის გამო წმინდა იოანე ღვთისმეტყველი გახდა ერთ-ერთი ყველაზე საოცარი და საკვირველი წმინდანი კაცობრიობის ისტოროაში. პიროვნება და ადამიანი.კიდევ ერთხელ, გილოცავთ ძვირფასო ძმებო და დებო დღევანდელ დღეს, ჩვენ ვართ ბედნიერნი, რომ გვყავს სხვა წმინდანებთან ერთად ასეთი დიდი მეოხი და მფარველი ზეცაში და ამიტომ გვაქვს იმედი, შეიძლება გვქონდეს იმედი ღვთის წყალობის და შეწევნის. მთავარია, რომ ჩვენ არ აღმოვჩნდეთ მცირედ  მორწმუნენი, არ აღმოვჩნდეთ უღირსნი და ვერ შემძლებელნი ამ დიდი წმინდანების სიწმინდის და სიდიადის ჩვენს გულებში დატევნისა. დღეს ისეთი საოცარი დღეა. დიდი სიყვარული სუფევს ჩვენს შორის განწყობაა შესანიშნავი ამ დიდებულ ტაძარში. კიდევ ერთხელ მინდა, დიდი სიყვარულით დაგლოცოთ, მოგილოცოთ.ღმერთმა დაგლოცოთ და გაგახაროთ. მოგვმადლოს უფალმა და წმინდა იოანე ღვთისმეტყველის ლოცვით და მეოხებით, გვასწავლოს ჩვენ ღმერთმა რწმენა, გვასწავლოს სიყვარული, გვასწავლოს სიმდაბლე. განსაკუთრებით ჩვენ, სასულიერო პირებს, ეპისკოპოსებს, გვმართებს ვევედროთ მას, რომ გვასწავლოს საღვთისმეტყველო საიდუმლოებები, სწავლება ქრისტესი, უფრო ღრმად შევიმეცნოთ და მართებულად. გადმოვცეთ და ვიქადაგოთ ბევრის წინაშე და მოგვმადლოს ქრისტიანული სულიერი ღვაწლი. ამინ.დღეს ჩვენ, ასევე აღვნიშნავთ ივერიის ყოვლადწმინდა ღვთისმშობლის ხატის ხსენებას, რომელიც საქართველოში ჩამობრძანდა. ეს არის ივერიის ყოვლადწმინდა ღვთისმშობლის ათონის პორტაიტისას ზუსტი ასლი, რონელიც დიდი ხნის განკავლობაში იყო ამ ხატზე დადებული და კათოლიკოს პატრიარქმა, ილია მეორემ ჩამოაბრძანა და სიონში არის დასვენებული, დაბრძანებული.ღმერთმა დაგლოცოთ და გაგახაროთ, ჩვენთან არსს ღმერთი“, – განაცხადა პატრიარქმა, შიო მესამემ.

ლილოში არსებული ნაგავსაყრელი იმ მდგომარეობაში, როგორშიც ის დღესაა, კატეგორიულად მიუღებელია, რადგან ის უდიდეს პრობლემას წარმოადგენს, როგორც სუნის, ისე გარემოს დაბინძურების თვალსაზრისით, – ამის შესახებ დედაქალაქის მერმა, კახა კალაძემ დღეს ჟურნალისტის შეკითხვის საპასუხოდ განაცხადა.მისი თქმით, ძალიან მალე ცნობილი გახდება კვლევის შედეგები, რომლის თანახმად, გაირკვევა, რამდენად მიზანშეწონილი და შესაძლებელია ნაგავსაყრელის სხვა ლოკაციაზე გადატანა.„არსებული ნაგავსაყრელი იმ მდგომარეობაში, რა მდგომარეობაშიც დღეს არის, კატეგორიულად მიუღებელია. ჩვენ დავპირდით მოსახლეობას კონკრეტული პროექტების განხორციელებას. ეს არის პრობლემა ნაჟური წყლების (ლიჩეტის), რომელიც პირდაპირ არხში ჩაედინება და უდიდეს პრობლემას წარმოადგენს როგორც სუნის, ისე გარემოს დაბინძურების თვალსაზრისით. შესაბამისად, პირველი, რაც გაკეთდა საერთაშორისო საფინანსო ორგანიზაციების ჩართულობით და დაფინანსებით, არის გამწმენდი სისტემის მოწყობის პროექტი. უკვე არსებობს კონკრეტული კომპანია, დაწყებულია სამუშაოები, რომელიც 2027 წლის სექტემბრისთვის მთლიანად უნდა დასრულდეს. ამით სუნთან და ნაჟური წყლების არხში ჩადინებასთან დაკავშირებული პრობლემა მთლიანად მოწესრიგდება, თუმცა ეს ნაგავსაყრელის პრობლემას სრულად ვერ მოაგვარებს“, – განაცხადა კახა კალაძემ.დედაქალაქის მერის თქმით, პარალელურად მიმდინარეობს სხვა მნიშვნელოვანი ღონისძიებები, მათ შორის განიხილება საერთაშორისო სტანდარტების ნაგავგადამამუშავებელი ქარხნის მშენებლობის შესაძლებლობა და ნაგავსაყრელის გადატანის მართებულობაც.„გვექნება კვლევის შედეგები და გვეცოდინება სრული სურათი იმასთან დაკავშირებით, არის თუ არა შესაძლებელი აღნიშნული ნაგავსაყრელის სხვაგან გადატანა და რომელ კონკრეტულ ტერიტორიაზე შეიძლება ამის განხორციელება. რამდენიმე ალტერნატიული სივრცე არსებობს, სადაც მუნიციპალიტეტი განიხილავდა ნაგავსაყრელის გადატანის შესაძლებლობას, თუმცა კიდევ ერთხელ ვიმეორებ, ეს არ არის რაღაცა საკუთარი ნივთი, რომ აიღო და პირადად მე მივიღო აღნიშნული გადაწყვეტილება. საჭიროა კვლევები, თუ რამდენად სწორი იქნება ამის გაკეთება, რამდენად ოპტიმალური იქნება ხარჯების თვალსაზრისით და ბიუჯეტს მიადგება თუ არა ზიანი. შესაბამისად, ჩვენ დაქირავებული გვყავს უცხოური კომპანია, რომელიც აკეთებს მოკვლევას ამასთან დაკავშირებით და როგორც კი გვექნება პასუხები, საზოგადოებასაც ვაცნობებთ. ეს უკვე ძალიან მალე იქნება ცნობილი“, – აღნიშნა კახა კალაძემ.

ამერიკის შეერთებული შტატების სახელმწიფო დეპარტამენტის ანგარიში კიდევ ერთხელ ადასტურებს ბანალურ ჭეშმარიტებას, როდესაც საქმე ეხება ობიექტურ შეფასებებს, რომელიც ეფუძნება თვლად და სამართლიან კრიტერიუმებს, საქართველო ყოველთვის არის ლიდერი და, მათ შორის, უსწრებს ხოლმე ევროკავშირის წევრებს, – ამის შესახებ პარლამენტის თავმჯდომარემ, შალვა პაპუაშვილმა განაცხადა.მისი თქმით, სახელმწიფო დეპარტამენტის ანგარიშიც ამის დასტურია.„ობიექტური შეფასება როგორც კი ხდება, ვნახეთ, რომ ევროკავშირის წევრი ქვეყნების ნახევარზე წინ ვართ, აღარაფერი რომ ვთქვათ კანდიდატ ქვეყნებზე. ყოველი ასეთი ანგარიში გვაფიქრებინებს იმ კოორდინირებულ დეზინფორმაციულ კამპანიაზე, რომელსაც ბრიუსელი აფინანსებს და თავადაც ახორციელებს, რომ ქართველი ხალხი გააშავოს, წარმოაჩინოს რაღაც კაციჭამიებად და უღირს ხალხად. ამაში ხარჯავს ბრიუსელი დღეს ფულს, ხარჯავს თავის პოლიტიკურ ინსტრუმენტებს, რომ მოხდეს ქართველი ხალხის გაშავება, მაგრამ ყოველ ჯერზე ამგვარი კვლევები და ანგარიშები ამხელს ბრიუსელის ემისრების მავნე მიზნებს და აჩვენებს სიმართლეს“, – განაცხადა შალვა პაპუაშვილმა.ამერიკის შეერთებული შტატების სახელმწიფო დეპარტამენტმა ადამიანით ვაჭრობის (ტრეფიკინგის) თაობაზე ყოველწლიური ანგარიში გამოაქვეყნა. საქართველოს შინაგან საქმეთა სამინისტროს ცნობით, ანგარიშის თანახმად, საქართველოს ადამიანით ვაჭრობის წინააღმდეგ ბრძოლის მიმართულებით კვლავ უმაღლესი შეფასება აქვს და უკვე მე-11 წელია, ინარჩუნებს ადგილს ე.წ. პირველ კალათაში.

154 წელია საქართველოს რკინიგზა ჩვენი ქვეყნის ეკონომიკური განვითარების, რეგიონული მიმოსვლისა და ადამიანების ყოველდღიური ცხოვრების განუყოფელი ნაწილია, - ამის შესახებ ვიცე-პრემიერმა, ეკონომიკისა და მდგრადი განვითარების მინისტრმა, მარიამ ქვრივიშვილმა რკინიგზელთა დღისადმი მიძღვნილ საზეიმო ღონისძიებაზე სიტყვით გამოსვლისას.მინისტრმა რკინიგზის თანამშრომლებს ერთგულებისთვის მადლობა გადაუხადა და აღნიშნა საქართველოს რკინიგზა განვითარების სრულიად ახალ ეტაპზე გადადის.„ამ დიდი ისტორიის მთავარი შემოქმედები თქვენ ხართ, ადამიანები, რომლებიც პროფესიონალიზმით, პასუხისმგებლობითა და თავდადებით ყოველდღიურად ემსახურებით ჩვენს ქვეყანას. მინდა, გულწრფელი მადლობა გადაგიხადოთ თითოეულ თქვენგანს თქვენი შრომისა და ერთგულებისთვის. დღეს საქართველოს რკინიგზა განვითარების სრულიად ახალ ეტაპზე გადადის. ახალი მენეჯმენტის ეფექტიანი მუშაობის შედეგად, მნიშვნელოვანი ცვლილებები განხორციელდა კომპანიის მართვაში, გაუმჯობესდა საოპერაციო პროცესები და მნიშვნელოვნად გაიზარდა ეფექტიანობა“, - აღნიშნა მარიამ ქვრივიშვილმა.მინისტრმა მიმდინარე სტატისტიკურ მაჩვენებლებზეც ისაუბრა და თქვა, რომ 2026 წლის ცხრა თვეში საქართველოს რკინიგზის წმინდა მოგება თითქმის გაორმაგდა და 175 მილიონ ლარს მიაღწია.„სატვირთო გადაზიდვები 13%-ით გაიზარდა, ხოლო საქართველოს ტერიტორიაზე ტვირთების გადაადგილების დრო განახევრდა.სწორედ აღნიშნულმა შედეგებმა მოგვცა შესაძლებლობა, 2027 წლის პირველი იანვრიდან უშუალოდ სარკინიგზო ხაზზე მომუშავე თანამშრომლების შრომის ანაზღაურება დაახლოებით 20%-ით გავზარდოთ“, - განაცხადა მინისტრმა.