პარასკევი, მარტი 14, 2025

რა ფაქტორები უშლის ბავშვს ხელს, გახდეს ლიდერი

  • ჩვენ არ ვაძლევთ ბავშვს გარისკვის საშუალებას. გამუდმებით ვფიქრობთ, რომ მსოფლიო სავსეა საფთხეებით. ეს შიში გვაიძულებს, ჩვენს შვილებს დაგადამეტებული მზრუნველობით მოვექცეთ. ბავშვები, რომელთაც არ აქვთ ეზოში თამაშის და „მუხლების გადატყავების“ საშუალება, მოზრდილ ასაკში ფობიებით არიან შეპყრობილნი. ბავშვი უნდა ეცემოდეს მანამ, სანამ მიხვდება, რომ ეს ნორმალურია. და თუ მოზრდილები გამოვრიცხავთ ბავშვის ცხოვრებიდან რისკს, ეს გამოიწვევს დაბალ თვითშეფასებას.
  • ჩვენ ძალიან ჩქარა მივდივართ საშველად. ახლანდელ თაობას არ აქვს განვითარებული უნარები, რომლებიც ჰქონდათ მათ თანატოლებს ორი ათეული წლის წინ. ამის მიზეზი არიან მშობლები, რომლებიც ნებისმიერ

    პრობლემას თვითონ წყვეტენ. ბავშვებმა არ იციან, თუ როგორ გამოვიდნენ ამა თუ იმ სიტუაციიდან და გადაჭრან პრობლემა მშობლის დახმარების გარეშე. აღზრდის ასეთი მეთოდი ეწინააღმდეგება ბავშვის ლიდერად ჩამოყალიბებას.

  • ბავშვები ძალიან მალე იღებენ შექებას. მიაქციეთ ყურადღება დღევანდელ სპორტულ სექციებს. იქ მხოლოდ “გამარჯვებულები“ არიან. ყოველი ბავშვი თავს თვლის გამორჩეულად. დროთა განმავლობაში ისინი თვითონ ხვდებიან, რომ მხოლოდ მათი მშობლები მიიჩნევენ მათ უნიკალურებად და ნიჭიერებად. ბავშვები არ არიან მზად სირთულეებისთვის.
  • ჩვენ არ ვსაუბრობთ ჩვენს შეცდომებზე. მოუყევით თქვენს წარუმატებლობაზე თქვენს შვილებს. ბავშვები უნდა იყვნენ მზად უსიამოვნებებისთვის და შეეძლოთ, პასუხისმგებლობა აიღონ ჩადენილ საქციელზე.
  • ჩვენ, მშობლებმა უნდა შევუქმნათ მოდელი ცხოვრებისეული გზის და დავეხმაროთ ჩვენს

    შვილებს გახდნენ პიროვნებები. გახსოვდეთ, რომ შვილები თვალს ადევნებენ თქვენს ცხოვრებას და თუ თქვენ არ ემორჩილებით ამა თუ იმ წესს, ბავშვებიც იფიქრებენ, რომ მათთვისაც დაშვებულია ეს.

  • არ განუვითაროთ დანაშაულის გრძნობა. თუ ყოველთვის და ყველაფერში მას დაადანაშაულებთ, თქვენი წნევისა და ცუდი განწყობის ჩათვლით, მას დამნაშავის ფსიქოლოგია ჩამოუყალიბდება და საკუთარ თავში ჩაიკეტება.
  • არ არის საჭირო, რომ ბავშვი გაღმერთებდეთ და მთლიანად თქვენზე იყოს დამოკიდებული. მეტად მიაჩვიეთ დამოუკიდებლობას, თორემ მერე თავადვე ინანებთ ამას.
  • მიაჩვიეთ სიტყვებს: „ახლა არა“, „ არა“, რათა მან იბრძოლოს იმისთვის, რაც არ აქვს. კარგად დაფიქრდით, სანამ კარგი საქციელისთვის სათამაშოთი დააჯილდოვებთ. თუ თქვენი ურთიერთობა მატერიალურ საფუძველზე იქნება აგებული, ეს ჩაუკლავს ბავშვს მოტივაციას და უანგარო სიყვარულს.
ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

ანდრეი სიბიგა – ცეცხლის შეწყვეტის აშშ-ს წინადადებაზე უკრაინამ თქვა „დიახ“, იმიტომ რომ უკრაინას სურს მშვიდობა, პუტინი, ნაცვლად იმისა, რომ თქვას „დიახ“, სხვადასხვა პირობებს აყენებს

ცეცხლის შეწყვეტის აშშ-ს წინადადებაზე უკრაინამ თქვა „დიახ“, იმიტომ რომ უკრაინას სურს მშვიდობა, პუტინი, ნაცვლად იმისა, რომ თქვას „დიახ“, სხვადასხვა პირობებს აყენებს, – ასე გამოეხმაურა უკრაინის საგარეო საქმეთა მინისტრი ანდრეი სიბიგა ვლადიმერ პუტინის განცხადებას, სადაც რუსეთის პრეზიდენტმა თქვა, რომ ეთანხმება ზავის იდეას, თუმცა არსებობს ნიუანსები.როგორც ანდრეი სიბიგა წერს, „ეს არის განსხვავება“.„ცეცხლის შეწყვეტის აშშ-ის წინადადებაზე უკრაინამ თქვა „დიახ“, იმიტომ რომ სურს მშვიდობა. პუტინი, ნაცვლად იმისა, რომ თქვას „დიახ“, სხვადასხვა პირობებს აყენებს. უკრაინა ომის დასრულებას ცდილობს. პუტინი ომის გაგრძელებას ცდილობს. მისი დანარჩენი სიტყვები მხოლოდ შენიღბვაა“, – წერს ანდრეი სიბიგა.

სახელმწიფო საზღვრის უკანონო კვეთის ფაქტზე მიხეილ სააკაშვილის საქმეზე განაჩენი, სავარაუდოდ, დღეს გამოცხადდება

სახელმწიფო საზღვრის უკანონო კვეთის ფაქტზე, საქართველოს ყოფილი პრეზიდენტის, მიხეილ სააკაშვილის ბრალდების სისხლის სამართლის საქმეზე განაჩენი სავარაუდოდ, დღეს, 14 მარტს გამოცხადდება.სხდომა თბილისის საქალაქო სასამართლოში 13:00 საათზეა დანიშნული.პროცედურულად, დღევანდელ პროცესზე ბრალდებულმა სააკაშვილმა საბოლოო სიტყვით უნდა ისარგებლოს, თუმცა, უცნობია, ის ამ უფლებას გამოიყენებს თუ არა და ჩაერთვება თუ არა დისტანციურად კლინიკა „ვივამედიდან“.გასულ სხდომაზე დაცვის მხარემ დასკვნითი სიტყვა წარმოთქვა.შეგახსენებთ, რომ მიხეილ სააკაშვილს ბრალი სისხლის სამართლის კოდექსის 344-ე მუხლით აქვს წარდგენილი, რაც სახელმწიფო საზღვრის უკანონო კვეთას გულისხმობს. აღნიშნულ ფაქტთან დაკავშირებით გამოძიება 2021 წლის პირველ ოქტომბერს დაიწყო.აღნიშნული საქმის ფარგლებში ბრალდება კიდევ 4 პირს - ელგუჯა ცომაიას, ზურაბ და შალვა წოწორიებსა და გიორგი ნარიმანიძეს აქვთ წაყენებული. აღნიშნული საქმე ცალკე წარმოებად მიმდინარეობს, ისინი გირაოს სანაცვლოდ არიან გათავისუფლებულები.

ვოლოდიმირ ზელენსკი – უკრაინა თურქეთს უსაფრთხოების გარანტიების თვალსაზრისით პარტნიორად ხედავს, კიევი მზადაა, ქვეყნებს შორის თავისუფალი ვაჭრობის შეთანხმებას მოაწეროს ხელი

უკრაინა თურქეთს ხედავს, როგორც პარტნიორს უსაფრთხოების გარანტიების თვალსაზრისით, კიევი მზადაა, მოაწეროს ხელი სახელმწიფოებს შორის თავისუფალი ვაჭრობის შეთანხმებას, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.ვოლოდიმირ ზელენსკი კიევში თურქეთის ვაჭრობის მინისტრს, ომერ ბოლატს და სოფლის მეურნეობის მინისტრს, იბრაჰიმ იუმაკლის შეხვდა.შეხვედრაზე ორმხრივი ურთიერთობები, დრონების წარმოებაში თანამშრომლობა და უკრაინის რეკონსტრუქციაში თურქული კომპანიების ჩართულობა განიხილეს.„მნიშვნელოვანია, რომ თურქული ბიზნესი უკვე წარმოდგენილია უკრაინაში. ჩვენი ქვეყანა აფასებს ამას, ისევე როგორც თურქეთის მხარდაჭერასა და დახმარებას, განსაკუთრებით კი „ბაირაქტარის“ ტიპის დრონების მიწოდებას. უკრაინა თურქეთს მიიჩნევს ერთ-ერთ სტრატეგიულ პარტნიორად, ასევე პარტნიორად უსაფრთხოების გარანტიების თვალსაზრისით და მზადაა, ხელი მოაწეროს თავისუფალი ვაჭრობის შეთანხმებას თურქეთთან პრეზიდენტ რეჯეფ თაიფ ერდოღანის მომავალი ვიზიტის დროს“, – აღნიშნა ვოლოდიმირ ზელენსკიმ, თუმცა არ დაუკონკრეტებია, როდის შედგება ეს ვიზიტი.ამასთან, ომერ ბოლატი და იბრაჰიმ იუმაკლი დაესწრნენ თურქეთსა და უკრაინას შორის სამუშაო ჯგუფის პირველ შეხვედრას, რომელიც ომის შემდეგ ქვეყნის რეკონსტრუქციას ეხებოდა.

ჯეი დი ვენსი – შოკირებული ვიქნები, თუ დონალდ ტრამპი აღმოსავლეთ ევროპაში ბირთვული იარაღის განთავსებას მოისურვებს

აშშ-ის ვიცე-პრეზიდენტი ჯეი დი ვენსი აცხადებს, რომ შოკირებული იქნება, თუ ქვეყნის პრეზიდენტი დონალდ ტრამპი ბირთვული იარაღი აღმოსავლეთ ევროპაში განთავსებას მოისურვებს.„ფოქს ნიუსთან“ ინტერვიუში, ვენსმა ჟურნალისტის შეკითხვას უპასუხა პოლონეთის პრეზიდენტის განცხადებასთან დაკავშირებით, რომელშიც ანჯეი დუდამ მოუწოდა აშშ-ს თავისი ბირთვული იარაღი პოლონეთის ტერიტორიაზე განათავსოს. ანჯეი დუდა მიიჩნევს, რომ ეს ერთ-ერთი შემაკავებელი საშუალება იქნება რუსეთის მომავალი აგრესიისგან.„პრეზიდენტთან ამ კონკრეტულ საკითხზე არ მილაპარაკია, მაგრამ შოკირებული ვიქნები, თუ ის მხარს დაუჭერს ბირთვული იარაღის განთავსებას აღმოსავლეთ ევროპაში“, – განაცხადა ჯე დი ვენსმა.

„ბლუმბერგი“ – უნგრეთი ევროკავშირს რუსეთის წინააღმდეგ სანქციების გაგრძელებაზე დათანხმდა

უნგრეთი ევროკავშირს რუსეთის წინააღმდეგ სანქციების გაგრძელებაზე დათანხმდა, – ამის შესახებ „ბლუმბერგი“ წერს.როგორც გამოცემა აღნიშნავს, ევროკავშირი უნგრეთთან რუსეთის წინააღმდეგ სანქციების გასაგრძლებლად დათმობაზე წავიდა. გამოცემა წერს, რომ ბუდაპეშტი დათანხმდა სანქციების გახანგრძლივებას მას შემდეგ, რაც მათი მოთხოვნით სანქციების სიიდან სამი პირი ამოიღეს. ჯერჯერობით უცნობია, ვისზეა საუბარი.„ბლუმბერგის“ ინფორმაციით, 14 მარტამდე გაგრძელდება ე.წ. წერილობითი პროცედურა, რომელიც საშუალებას იძლევა, ექვსი თვით გაგრძელდეს რუსეთის წინააღმდეგ დაწესებული სანქციები. „ბლუმბერგი“ წერს, რომ სანქციების გაგრძელების შესახებ ოფიციალური განცხადების გაკეთების ბოლო ვადა 14 მარტია.

ბოლო სიახლეები