„ომის დასრულებისთვის უკრაინა ნეიტრალური უნდა გახდეს, ყირიმი კი რუსეთის შემადგენლობაში დარჩეს“ – მასკი

ბოლომდე დავიცავთ ჩვენი ქვეყნის ეროვნულ ინტერესებს საკონსტიტუციო სასამართლოში, დემოკრატიული სისტემის გაჯანსაღებისთვის არის უპირობოდ მნიშვნელოვანი და აუცილებელიც ამ ნაბიჯის გადადგმა, ეს არის ეროვნული მნიშვნელობის საქმე ჩვენი ქვეყნისთვის, – ამის შესახებ საქართველოს პრემიერ-მინისტრმა, ირაკლი კობახიძემ ქართველ ჟურნალისტებს ჩინეთში განუცხადა.მისივე თქმით, თავისი შინაარსით ანტიდემოკრატიული და არაკონსტიტუციური ძალები მუდმივად ცდილობენ ქვეყნის კონსტიტუციური წყობილების დამხობას ან ძალადობით შეცვლას და ასეთ პირობებში, რა თქმა უნდა, დემოკრატიულმა სისტემამ უნდა დაიცვას თავი, რის მექანიზმსაც კონსტიტუცია ადგენს.„ეს არის ეროვნული მნიშვნელობის საქმე. ხედავთ, ჩვენი ქვეყანა და მისი პოლიტიკური სისტემა ტრიალებს ერთ ჩაკეტილ წრეში. არის კრიმინალური დაჯგუფება, უცხოური აგენტურა, რომელიც ქვეყანას არ აძლევს მოსვენების საშუალებას. თავისი შინაარსით ანტიდემოკრატიული, არაკონსტიტუციური ძალები არიან, რომლებიც მუდმივად ცდილობენ ქვეყნის კონსტიტუციური წყობილების დამხობას ან ძალადობით შეცვლას, არ აღიარებენ ხალხის მიერ არჩეული ხელისუფლების ლეგიტიმაციას. ასეთ პირობებში, რა თქმა უნდა, დემოკრატიულმა სისტემამ უნდა დაიცვას საკუთარი თავი და ამის მექანიზმს ადგენს საქართველოს კონსტიტუცია. ეს არის სამართლებრივი მექანიზმი, კონსტიტუციური მექანიზმი, რომელსაც ბოლომდე გამოვიყენებთ, ბოლომდე დავიცავთ ქვეყნის ეროვნულ ინტერესებს საკონსტიტუციო სასამართლოში და, კიდევ ერთხელ ვიტყვი, ჩვენი დემოკრატიული სისტემის გაჯანსაღებისთვის არის უპირობოდ მნიშვნელოვანი და აუცილებელიც ამ ნაბიჯის გადადგმა. ამაზე არ წავიდოდით, რომ არ ყოფილიყო აუცილებელი დემოკრატიული სისტემისთვის, მაგრამ ეს არის აუცილებელი პირობა, რომ საქართველოში ერთხელ და სამუდამოდ ჩამოყალიბდეს ჯანსაღი დემოკრატიული სისტემა“, – განაცხადა ირაკლი კობახიძემ.

რუსული მარცვლეულით დატვირთული 15-ვაგონიანი სარკინიგზო შემადგენლობა რუსეთიდან, აზერბაიჯანისა და საქართველოს გავლით, სომხეთში ჩავიდა.ამის შესახებ სომხური მედია ქვეყნის მთავრობის პრესსამსახურზე დაყრდნობით იუწყება.სომხეთის ხელისუფლების განცხადებით, სომხეთში სარკინიგზო გადაზიდვებზე შეზღუდვების მოხსნა აზერბაიჯანის მხრიდან გადადგმული მნიშვნელოვანი ნაბიჯია, რაც რეგიონული კომუნიკაციის აღდგენასა და ეკონომიკური თანამშრომლობის განვითარებას მოემსახურება. მათივე თქმით, ეს არის ერთ-ერთი პრაქტიკული ნაბიჯი 8 აგვისტოს ვაშინგტონში მიღწეული შეთანხმების რეალიზაციის გზაზე, რაც ხელს უწყობს სომხეთსა და აზერბაიჯანს შორის დამყარებული მშვიდობის ინსტიტუციონალიზაციას. სომხეთში აცხადებენ, რომ ეს ინიციატივა ასევე უკიდურესად მნიშვნელოვანია ურთიერთნდობისა და სამშვიდობო დღის წესრიგის წინ წასაწევად.სომხეთის ეკონომიკის მინისტრმა, გევორქ პაპოიანმა, რომელიც საზღვარზე მდებარე სარკინიგზო სადგურზე იმყოფებოდა, განაცხადა, რომ უახლოეს ხანში სომხეთში ასევე ჩავა მარცვლეული ყაზახეთიდან, რომელიც ამჟამად აზერბაიჯანის ტერიტორიაზეა.ამასთან, რუსეთის რკინიგზაში განაცხადეს, რომ იანვრამდე აზერბაიჯანის გავლით სომხეთში დაგეგმილია მარცვლეულით დატვირთული კიდევ 132 ვაგონის გაგზავნა.

ევროკომისიის გაფართოების ანგარიშზე საუბრისას ქართველებმა არ უნდა დავივიწყოთ ის სამარცხვინო უმადურობა, რომელიც ანგარიშით დაგვანახეს – „საქართველო სისტემატურად არ უჭერდა მხარს უკრაინის მხარდამჭერ საერთაშორისო ინიციატივებს“, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.„რამხელა უმადურობაა ამ ტყუილში, მაშინ, როდესაც, ომის დაწყებიდან, 1 000-ზე მეტ რეზოლუციას, დეკლარაციას, ინიციატივას და ა.შ. დავუჭირეთ მხარი“, – წერს შალვა პაპუაშვილი.ევროკომისიამ ევროკავშირის გაფართოების შესახებ ანგარიში 4 ნოემბერს გამოაქვეყნა.

აშშ-ის სენატორებმა, ჯინ შაჰინმა, როჯერ უიკერმა, ჯონ კურტისმა და შელდონ უაითჰაუსმა, ასევე კონგრესმენმა, ჯო უილსონმა და სტივ კოენმა აშშ-ის სახელმწიფო მდივანს, მარკო რუბიოს ორპარტიული წერილი გაუგზავნეს, რომელშიც ადმინისტრაციას მოუწოდებენ, დაიცვას აშშ-ის ყოფილი თანამშრომლები, რომლებიც ქართველი ოფიციალური პირების მიერ ანტიამერიკული რიტორიკის შემაშფოთებელი ზრდის ფონზე უსამართლოდ გახდნენ სამიზნეები.წერილში კანონმდებლები მოუწოდებენ, რომ მდივანმა რუბიომ საქართველოს ხელისუფლებისგან მიიღოს გარანტიები, რომ აშშ-ის საერთაშორისო განვითარების სააგენტოს საგარეო სამსახურის ყოფილ თანამშრომლებსა და სხვა პერსონალს არ დასწამებენ ცილს და არ გახდებიან სამიზნეები.ასევე, სახელმწიფო დეპარტამენტს მიმართეს თხოვნით, რომ „მკაცრად უპასუხოს საქართველოს მმართველი პარტია „ქართული ოცნების“ მიერ გავრცელებულ საშიშ ტყუილებს, რომლებმაც აშშ-ის ყოფილი თანამშრომლები საფრთხეში ჩააგდო“.„ქართული ოცნების“ ხელმძღვანელობით, საქართველოს ხელისუფლებამ არაერთხელ გამოაცხადა შეერთებულ შტატებთან ორმხრივი ურთიერთობების აღდგენის სურვილი, თუმცა მათი ქმედებები და განცხადებები საპირისპიროზე მიუთითებს. მოგიწოდებთ, მოითხოვოთ საქართველოს მთავრობისგან გარანტიები, რომ აშშ-ის საერთაშორისო განვითარების სააგენტოს საგარეო სამსახურის ყოფილ თანამშრომლებსა და აშშ-ის მიერ დასაქმებულ სხვა პერსონალს არ დასწამებენ ცილს, ან არ გახდებიან სამიზნეები.პირველ ოქტომბერს მედიაში გავრცელდა ინფორმაცია, რომ საქართველოს სახელმწიფო უსაფრთხოების სამსახურის ხელმძღვანელმა, მამუკა მდინარაძემ აშშ-ის მთავრობა რევოლუციის წაქეზებაში დაადანაშაულა USAID-ის საგარეო სამსახურის (FSN) ყოფილი თანამშრომლებისთვის ანაზღაურების გადახდით, რაც სინამდვილეში იყო საპენსიო გადახდები, რომლებიც საქართველოს კანონმდებლობით იყო გათვალისწინებული აშშ-ის პერსონალის გათავისუფლების შემდეგ. მის კომენტარებს იზიარებენ „ქართული ოცნების“ პოლიტიკოსებიც. ეს არასწორი ინტერპრეტაცია საგარეო სამსახურის თანამშრომლებს საფრთხეში აგდებს.განცხადებები ასევე მნიშვნელოვან მონაცემებს წარმოადგენს: „ქართულმა ოცნებამ“ არ გამოავლინა სერიოზული განზრახვა შეერთებულ შტატებთან ორმხრივი ურთიერთობების გაუმჯობესების ძიების კუთხით. ჩვენ მივესალმებით სახელმწიფო დეპარტამენტის 6 ოქტომბერს მიღებულ გადაწყვეტილებას, რომ ამ საკითხის განსახილველად შეხვედრა მოითხოვა აშშ-ში საქართველოს ელჩთან, თამარ ტალიაშვილთან.ასევე, ჩვენ ვითხოვთ, რომ სახელმწიფო დეპარტამენტმა მოუწოდოს „ქართულ ოცნებას“, ოფიციალურად და საჯაროდ უარყოს ეს სახიფათო განცხადებები. მნიშვნელოვანია, რომ ტრამპის ადმინისტრაციამ განიხილოს ეს ნარატივები, რომელიც საფრთხეს უქმნის საქართველოში მყოფ აშშ-ის პერსონალს და შემაშფოთებელ პრეცედენტს ქმნის სხვა უცხო ქვეყნების მთავრობებისთვის.„ქართულ ოცნებაზეა“ დამოკიდებული პროდუქტიული ორმხრივი ურთიერთობების დამყარება, თუმცა უსაფრთხოების სამსახურის წარმომადგენლები და ყოფილი აშშ-ის პარტნიორები არ უნდა იყონ გამოყენებული პოლიტიკურ პაიკებად.შეერთებული შტატების მთავრობა დამოკიდებულია ადგილობრივ პერსონალზე, რომელიც ასრულებს სამუშაოს აშშ-ის დეპარტამენტებისა და სააგენტოების მითითების შესაბამისად. თუ ჩვენ არ დავიცავთ პერსონალს უცხო ქვეყნის მთავრობის თავდასხმებისგან, ეს შეზღუდავს ჩვენს შესაძლებლობას, დავასაქმოთ პერსონალი და განვახორციელოთ შეერთებული შტატების პოლიტიკა მთელ მსოფლიოში.მოგიწოდებთ, დაგმოთ ეს თავდასხმები და უზრუნველყოთ, რომ სახელმწიფო დეპარტამენტმა გადამწყვეტად უპასუხოს შეერთებული შტატების სახელით მომუშავე პერსონალის მიზანში ამოღებას, სადაც არ უნდა მოხდეს ეს“,- აღნიშნულია წერილში.

ყველაფერი, რაც ხდება, არის სპეცოპერაცია ოპოზიციის მხრიდან. ეს ყველაფერი არის უცხოური სპეცოპერაცია და ამ უცხოურ სპეცოპერაციაში თანაბრად იყვნენ ჩართული როგორც „ნაცმოძრაობა“, „ახალი“, ისე „ლელო“ და გახარია, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს შანხაიში განუცხადა.კობახიძის თქმით, ისინი ყველა ერთად იყვნენ ჩართული უცხოურ სპეცოპერაციაში, საქართველოს ეროვნული ინტერესების წინააღმდეგ.„ვფიქრობ, ყველაფერი, რაც ხდება, არის სპეცოპერაცია ოპოზიციის მხრიდან. ყველაფერი არის ერთი დიდი სპეცოპერაცია, საქართველოს ეროვნული ინტერესების წინააღმდეგ. 2020 და 2024 წლის საბოტაჟი, რევოლუციის ხუთი მცდელობა, რომელიც ჩვენ გამოვიარეთ ამ ოთხი წლის განმავლობაში, ეს ყველაფერი არის უცხოური სპეცოპერაცია და ამ უცხოურ სპეცოპერაციაში თანაბრად იყვნენ ჩართული როგორც „ნაცმოძრაობა“, „ახალი“, ისე „ლელო“ და გახარია. აქედან გამომდინარე, ერთმანეთისკენ თითის გაშვერა მათი მხრიდან არ არის სწორი. ისინი ყველა ერთად იყვნენ ჩართული უცხოურ სპეცოპერაციაში, საქართველოს ეროვნული ინტერესების წინააღმდეგ“, – განაცხადა პრემიერმა.