მნიშვნელოვანი ინფორმაცია მძღოლებისთვის

საქართველოს ტექნიკური უნივერსიტეტის რექტორის, დავით გურგენიძის განცხადებით, შეხვედრაზე, რომელიც დაგეგმილია, განათლების მინისტრი მოისმენს როგორც საქართველოს ტექნიკური უნივერსიტეტის, ისე თბილისის სახელმწიფო უნივერსიტეტის წარმომადგენლების აზრს განათლების რეფორმასთან დაკავშირებით.„მინისტრთან მაქვს ყოველდღიური კონტაქტი, ის ელოდება აკადემიური წრეებიდან შენიშვნებს, აზრებს, კონცეფციაზე საუბარს. შემდეგ ყველა ერთად მივიღებთ გადაწყვეტილებას. მინისტრის მოადგილემ, ზვიად გაბისონიამ ჩვენს აკადემიური წრეს, პროფესორებს, მასწავლებლებს სამი ვარიანტი შესთავაზა განსახილველად. ვთქვი, რომ იყო ძალიან ნაყოფიერი შეხვედრა. როგორც ვიცი, ჩვენს კოლეგებს აქვთ თავიანთი მოსაზრებები. მინისტრთან მე ვისაუბრე, განიხილავს და შემდეგ შევჯერდებით. შეხვედრა გაიმართება, რათა მინისტრმა მოისმინოს როგორც თბილისის სახელმწიფო უნივერსიტეტის, ასევე საქართველოს ტექნიკური უნივერსიტეტის აზრი, შემდეგ შეჯერდეს და მოახსენოს პრემიერ-მინისტრს“, – აღნიშნა დავით გურგენიძემ.რაც შეეხება პრემიერ-მინისტრის განცხადებას, რომ ტექნიკურ მიმართულებებს განსაკუთრებული ყურადღება უნდა მიექცეს, დავით გურგენიძის თქმით, ნამდვილად უნდა გაძლიერდეს ტექნიკური, ტექნოლოგიური განათლება საქართველოში.„საქართველოს ტექნიკურ უნივერსიტეტს აქვს ძალიან დიდი ტრადიციები, აწმყო და ვფიქრობ, კიდევ უფრო კარგი მომავალი ექნება. ქვეყანა აღმავლობის გზაზეა და რაც მეტი ინჟინერი და ტექნოლოგი გვეყოლება, ძალიან კარგი იქნება. უკეთესი გვინდა, ყველა რეფორმა საჭიროა იმისთვის, რომ არათუ 2 250 ლარი იყოს გრანტი, არამედ მეტი ინვესტიცია იყოს და კიდევ უფრო ძლიერი იყოს, ბევრი ინჟინერი გამოვუშვათ, ნიკო ნიკოლაძის ოცნებაც ეს იყო. მე ვარ საქართველოს ტექნიკური უნივერსიტეტის არჩეული რექტორი, მოვისმენ ყველა მოსაზრებას და საბოლოოდ მოგახსენებთ ჩემს გადაწყვეტილებას“, – განაცხადა დავით გურგენიძემ.როგორც ცნობილია, განათლების, მეცნიერებისა და ახალგაზრდობის მინისტრთან, გივი მიქანაძესთან ხვალ, 6 თებერვალს გაიმართება სამუშაო შეხვედრა, რომელშიც მონაწილეობის შესაძლებლობა ექნებათ როგორც თბილისის სახელმწიფო უნივერსიტეტის, ისე საქართველოს ტექნიკური უნივერსიტეტის წარმომადგენლებს. შეხვედრის ფარგლებში თსუ-ს და საქართველოს ტექნიკური უნივერსიტეტის გაერთიანების თაობაზე დამატებითი კონსულტაციები შედგება.შეგახსენებთ, 29 იანვარს გამართულ ბრიფინგზე საქართველოს განათლების, მეცნიერებისა და ახალგაზრდობის მინისტრმა, გივი მიქანაძემ განაცხადა, რომ თბილისის სახელმწიფო უნივერსიტეტი და საქართველოს ტექნიკური უნივერსიტეტი გაერთიანდება, გაერთიანებული უმაღლესი სასწავლებლების სახელწოდებად თბილისის ივანე ჯავახიშვილის სახელობის სახელმწიფო უნივერსიტეტი დარჩება. მისივე განცხადებით, უნივერსიტეტების გაერთიანების მიზნით, მინისტრის ბრძანებით, შეიქმნება მართვის დროებითი ორგანო – „საბჭო“ და დაინიშნებიან რექტორისა და რექტორის მოადგილეების მოვალეობის შემსრულებლები, რომლებიც რეორგანიზაციის პროცესის წარმართვას უზრუნველყოფენ. როგორც აღინიშნა, უმაღლესი განათლების სისტემის რეფორმის ფარგლებში დამატებით შეიქმნება წამყვანი პროფესორის აკადემიური თანამდებობა და ამ თანამდებობაზე კონკურსის წესით შერჩეული პირები უზრუნველყოფენ სასწავლო და კვლევითი საქმიანობის სტრატეგიულ ხელმძღვანელობას, ხარისხის ზრდასა და ახალგაზრდა აკადემიური პერსონალის განვითარებას.

გერმანიაში მდებარე ამერიკული სამხედრო ბაზა მუშაობის 24-საათიან რეჟიმზე გადავიდა.ამის შესახებ „ბიბისი“ იტყობინება. საუბარია ნატო-ს ერთ-ერთი უმსხვილეს ბაზა შპანგდალემზე.ასევე ცნობილი ხდება, რომ საბერძნეთის კუნძულ კრეტიდან საუდის არაბეთში გადაისროლეს კიდევ ერთი ამერიკული თვითმფრინავი E-11A, რომელიც ბრძოლის ველზე შეუფერხებელ კომუნიკაციებს უზრუნველყოფს.

 1-5 თებერვალს, საბაჟო გამშვები პუნქტი - ,,ქუთაისის აეროპორტში“ არადეკლარირებული ოქროს ნაკეთობების შემოტანის მცდელობის 3 ფაქტი აღიკვეთა.ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, უცხო ქვეყნის მოქალაქეების, როგორც ფიზიკური, ასევე კუთვნილი ბარგის დეტალური დათვალიერების შედეგად, არადეკლარირებული ოქროს (საერთო წონით 258 გრამი) ნაკეთობები აღმოაჩინეს.არადეკლარირებული საქონლის საერთო საბაჟო ღირებულებამ 75, 186 ლარი შეადგინა.ორი სამართალდამრღვევი პირის მიმართ, საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა, ხოლო ერთი კანონდამრღვევი მოქალაქე საბაჟო კოდექსის 168-ე მუხლის I ნაწილის შესაბამისად,  საერთო ჯამში  7763 ლარით დაჯარიმდა.

სი ძინპინმა ტრამპს განუცხადა, რომ აშშ-მა წინდახედულება უნდა გამოიჩინოს ტაივანისთვის შეიარაღების მიწოდებისას, – ინფორმაციას ამის შესახებ „ბიბისი“ ავრცელებს. ტელეკომპანიის ცნობით, ჩინეთის ლიდერმა დონალდ ტრამპთან სატელეფონო საუბრისას ჩინეთისა და აშშ-ის ურთიერთობებში ყველაზე მნიშვნელოვან საკითხად ტაივანი დაასახელა.სი ძინპინმა მოუწოდა აშშ-ს, წინდახედულება გამოიჩინოს ტაივანისთვის შეიარაღების მიწოდებისას. მისივე თქმით, პეკინი დიდ მნიშვნელობას ანიჭებს ვაშინგტონთან კავშირებს და იმედი გამოთქვა, რომ მხარეები განსხვავებების გადასაჭრელად გზებს გამონახავენ.სი ძინპინმა ტაივანს „ჩინეთის ტერიტორია“ უწოდა და თქვა, რომ „ჩინეთმა უნდა დაიცვას სუვერენიტეტი და ტერიტორიული მთლიანობა“.ჩინეთის ლიდერის თქმით, ტაივანის დამოუკიდებლობის მხარდაჭერის მცდელობები „დააჩქარებდა ტაივანის სრუტეში სახიფათო და ძალადობრივი სიტუაციის ზრდას“.ცნობისთვის, დეკემბერში ტრამპის ადმინისტრაციამ ტაივანისთვის დაახლოებით 11 მილიარდი დოლარის ღირებულების იარაღის გაყიდვის შესახებ განაცხადა, რაც მოიცავს რაკეტების გამშვებ დანადგარებს, თვითმავალ ჰაუბიცებს და სხვადასხვა სახის რაკეტებს.დონალდ ტრამპმა სი ძინპინთან სატელეფონო საუბარს „შესანიშნავი“, „ხანგრძლივი“ და „სიღრმისეული“ უწოდა.ტრამპის ინფორმაციით, აშშ-ის და ჩინეთის ლიდერებმა საუბრისას ასევე განიხილეს რუსეთის ომი უკრაინაში, არსებული სიტუაცია ირანში, ჩინეთის მიერ ნავთობისა და ბუნებრივი აირის აშშ-ისგან შესყიდვის საკითხები. „ბიბისის“ ცნობით, დონალდ ტრამპი ჩინეთში ვიზიტს აპრილში გეგმავს.

საქართველოს იუსტიციის მინისტრის, პაატა სალიას განცხადებით, დუბაიში მსოფლიო მთავრობათა სამიტში მონაწილეობა მნიშვნელოვანი იყო როგორც ქვეყნებს შორის არსებული თანამშრომლობის გაღრმავების, ისე ახალი პარტნიორების შესაძენად.მისი თქმით, სამიტის სესიებში მონაწილეობა, სადაც სახელმწიფოები სხვადასხვა სფეროში საკუთარ გამოცდილებას აზიარებდნენ, განსაკუთრებით ნაყოფიერი იყო შუა დერეფნის ქვეყნებისთვის.„მსოფლიოს მთავრობათა სამიტი არის ერთ-ერთი უმნიშვნელოვანესი საერთაშორისო პლატფორმა, სადაც ხდება ქვეყნებს შორის გამოცდილების გაზიარება, საუბარი საერთაშორისო გამოწვევებსა და იმ საერთო ინტერესებზე, რომლებიც შესაძლოა, ამა თუ იმ ქვეყანას ჰქონდეს. გარდა ამისა, ეს არის მნიშვნელოვანი ადგილი, სადაც ხდება ურთიერთობის გაღრმავება არსებულ პარტნიორებთან და ახალი პარტნიორების შეძენა. ჩვენ მონაწილეობა მივიღეთ არაერთ სესიაში, რომლებიც ეძღვნებოდა გლობალურ სამხრეთს, ეძღვნებოდა შუა კორიდორის ქვეყნების ინტერესებს; ასევე, საუბარი იყო ხელოვნური ინტელექტის გამოყენებაზე როგორც საჯარო, ისე კერძო სექტორში. მნიშვნელოვანი იყო ჩვენი მონაწილეობა სესიაში, სადაც განიხილეს ხელოვნური ინტელექტის გამოყენება საჯარო მმართველობაში. ჩვენ დამსწრე საზოგადოებას გავუზიარეთ ჩვენი გამოცდილება, მოვისმინეთ საინტერესო იდეები ისეთი მოწინავე ქვეყნებისგან, როგორიცაა სამხრეთ კორეის რესპუბლიკა“, – განაცხადა პაატა სალიამ.