მიხეილ ყაველაშვილი – ძვირფასო აბიტურიენტებო, გისურვებთ წარმატებებს გამოცდების ყველა ეტაპზე, მიზანდასახულობა და მონდომება აუცილებლად მიგიყვანთ სასურველ შედეგამდე

ცვლილებები, რომლებიც პირველი სექტემბრიდან ამოქმედდება. „ბიზნესპრესნიუსი“ დეტალურად აქვეყნებს, რა იცვლება საქართველოში 1-ელი სექტემბრიდან:უმაღლეს სასწავლებლებში, საბაკალავრო საფეხურზე, რიგი პროგრამებისთვის ქართული ენის სწავლება სავალდებულო ხდება.„უმაღლესი განათლების შესახებ“ კანონში მიღებული ცვლილებები ძალაში 2025 წლის 1-ელი სექტემბრიდან შედის. აღსანიშნავია, რომ ცვლილებები შეეხება 2025 წლის 1-ელი აგვისტოდან უმაღლეს სასწავლებლებში ჩარიცხულ სტუდენტებს.„უმაღლესი საგანმანათლებლო დაწესებულების ბაკალავრიატის, მასწავლებლის მომზადების ინტეგრირებულ საბაკალავრო-სამაგისტრო, ვეტერინარიის ინტეგრირებულ სამაგისტრო, დიპლომირებული მედიკოსის/სტომატოლოგის სახელმწიფოენოვან საგანმანათლებლო პროგრამაზე მიღებული სტუდენტისთვის სახელმწიფო ენის სპეციალური კურსის გავლა სავალდებულოა“, - აღნიშნულია კანონში.საგანმანათლებლო და სამეცნიერო ინფრასტრუქტურის განვითარების სააგენტო უქმდებაგანათლების, მეცნიერებისა და ახალგაზრდობის სამინისტროს მმართველობის სფეროში შემავალი სსიპ საგანმანათლებლო და სამეცნიერო ინფრასტრუქტურის განვითარების სააგენტო უქმდება.აღნიშნულის შესახებ ცვლილებები შევიდა „ზოგადი განათლების შესახებ“ კანონში და განისაზღვრა, რომ სააგენტოს ლიკვიდაცია 1-ლი სექტემბრიდან განხორციელდება.კანონის თანახმად, განათლების სამინისტრომ 2025 წლის 1-ელ სექტემბრამდე უნდა უზრუნველყოს საჯარო სამართლის იურიდიული პირის − საგანმანათლებლო და სამეცნიერო ინფრასტრუქტურის განვითარების სააგენტოს ლიკვიდაცია და მის ლიკვიდაციასთან დაკავშირებული ღონისძიებების განხორციელება.Wizz Air Abu Dhabi არსებობას წყვეტსWizz Air Abu Dhabi არსებობას წყვეტს. ცვლილებები ეხება საქართველოსაც, იქიდან გამომდინარე, რომ ქუთაისის საერთაშორისო აეროპორტიდან ფრენები არაბთა გაერთიანებული საამიროების დედაქალაქშიც სრულდებოდა.Wizz Air Abu Dhabi ოპერირების შეწყვეტას შემდეგი მიზეზებით ხსნის:გეოპოლიტიკური არასტაბილურობა, რამაც საჰაერო სივრცის დახურვა გამოიწვია;უკიდურესი სიცხე, რაც ძრავის ეფექტიანობაზე პირდაპირ გავლენას ახდენდა;მარეგულირებელი ბარიერები, რომლებიც მარშრუტების ნებართვებს ზღუდავდა;ოპერაციული შეზღუდვები, რომლებიც კომპანიის დაბალბიუჯეტიან მოდელს ძირს უთხრიდა.1-ელი სექტემბრიდან „აწარმოე საქართველოშის“ პროგრამებში ცვლილებები შედისსააგენტო „აწარმოე საქართველოში“ პროგრამებში ცვლილებები შედის, რომლის ფარგლებშიც გაფართოვდება მეწარმეებისთვის მხარდაჭერის შესაძლებლობები.უნივერსალურ ინდუსტრიულ ნაწილში ცვლილებები ეხება სესხისა და ლიზინგის პროცენტის თანადაფინანსებას და იგი 2 პროცენტული მაჩვენებლით იზრდება.„თანადაფინანსებასთან ერთად, ბენეფიციარებს შეუძლიათ ისარგებლონ ახალი საგრანტო კომპონენტებით: მაღალმთიანი, აგროტურისტული, მწვანე, გაციფრულების, კვლევა და განვითარების (R&D) მიმართულებებით. ამასთან, ქალი მეწარმეებისთვის ჩამოთვლილ ყველა კომპონენტში იზრდება გრანტის ოდენობა.ცვლილებები განხორციელდა მიკრომეწარმეობის მხარდაჭერის სახელმწიფო პროგრამაშიც. პროგრამას ემატება ახალი ეკონომიკური საქმიანობები, მათ შორის:კვების პროდუქტების წარმოება;სპეციალიზებული სამშენებლო სამუშაოების რამდენიმე კატეგორია;სხვა ერთწლიანი კულტურების მოყვანა;მიკრომეწარმეობის პროგრამა ცვლილებები უკვე ძალაშია.ამასთან, უნივერსალური ინდუსტრიული ნაწილი ცვლილებები 1- ლი სექტემბრიდან შევა ძალაში“, - აღნიშნულია სააგენტოს განცხადებაში.საჯარო დაწესებულებებში ანაზღაურებადი 3-თვიანი სტაჟირების კონკურსი იწყება2025 წლის 1-ელი სექტემბრიდან, საჯარო დაწესებულებებში, ასევე, საჯარო დაწესებულებების სისტემაში შემავალ საჯარო და კერძო სამართლის იურიდიულ პირებში, 3-თვიანი ანაზღაურებადი სტაჟირების კონკურსი ცხადდება. სტაჟირების მსურველებს განაცხადის გაკეთება 2025 წლის პირველი სექტემბრიდან 10 სექტემბრის ჩათვლით, მთავრობის ადმინისტრაციის მიერ ადმინისტრირებადი ვებგვერდის - www.hr.gov.ge-ის მეშვეობით,სხვადასხვა უწყების მიერ გამოცხადებულ 3 000-მდე კონკურსზე შეუძლიათ.„სტაჟიორად შეიძლება, მიღებულ იყოს საქართველოს ქმედუნარიანი მოქალაქე, რომელმაც იცის სახელმწიფო ენა, სწავლობს უმაღლესი განათლების პირველ საფეხურზე (დამამთავრებელი სასწავლო წლის შემთხვევაში), ან მეორე საფეხურზე, ან დასრულებული აქვს უმაღლესი განათლების პირველი ან მეორე საფეხური 2024-2025 სასწავლო წლის გაზაფხულის სემესტრში.შერჩევის კრიტერიუმად განისაზღვრა სტაჟირების მსურველი პირის აკადემიური მოსწრება (ქულათა სისტემა - 71-100 ქულის მაჩვენებელი ან/და GPA - 2.7-4.0). ამასთან, უწყებები სტრუქტურული ერთეულის შესაბამისად, ასევე, სპეციფიკიდან გამომდინარე განსაზღვრავენ სტაჟიორთა დამატებით საკვალიფიკაციო მოთხოვნებს.კონკურსი წარიმართება ორ ეტაპად - განაცხადების გადარჩევა და გასაუბრება. სტაჟირების მსურველ პირს შესაბამისი საჯარო დაწესებულების ხელმძღვანელის მიერ შექმნილი კომისია შეაფასებს. თანაბარი კანდიდატების შემთხვევაში, გასაუბრებისას უპირატესობა მიენიჭებათ უმაღლესი აკადემიური მოსწრების კანდიდატებს.შერჩეული კანდიდატები სტაჟირებას 2025 წლის 1 ოქტომბრიდან 31 დეკემბრის ჩათვლით გაივლიან.თბილისში რევმატოიდული ართრიტის სამკურნალო მედიკამენტის დაფინანსება იწყებათბილისის მერია რევმატოიდული ართრიტის სამკურნალო ძვირადღირებული მედიკამენტის დაფინანსებას პირველი სექტემბრიდან იწყებს. მოქალაქემ, მედიკამენტის დასაფინანსებლად საჭირო მატერიალიზებული ვაუჩერის მისაღებად, ჯანდაცვისა და სოციალური მომსახურების საქალაქო სამსახურს უნდა მიმართოს.„თბილისის მერია პირველი სექტემბრიდან რევმატოიდული ართრიტის სამკურნალო ძვირადღირებულ მედიკამენტს დააფინანსებს, რაც ძვირადღირებული მედიკამენტის „აქტემრას“ მისაღებად მატერიალიზებული ვაუჩერის გაცემას ითვალისწინებს. რევმატოიდული ართრიტი ქრონიკული, პროგრესირებადი აუტოიმუნური დაავადებაა, რომელიც სახსრების ანთებით პროცესს, შემდეგ მათ დეფორმაციას, საბოლოოდ კი, მოქმედებისა და გადაადგილების შეზღუდვას იწვევს. მედიკამენტოზური მკურნალობის საფუძველზე კი, შესაძლებელია დაავადების პროგრესის შეჩერება და მისი რემისიის ეტაპზე გადასვლა. აღნიშნულის შედეგად კი, პროგრამის მოსარგებლეები ქმედუნარიანები ხდებიან და მათი ცხოვრების ხარისხი მნიშვნელოვნად გაუმჯობესდება“, - განაცხადა კახა კალაძემ.მისივე განმარტებით, მოქალაქე განცხადებით მიმართვამდე ბოლო ორი წლის განმავლობაში უწყვეტად და ამავდროულად, პროგრამაში ჩართვის დროისთვის რეგისტრირებული უნდა იყოს თბილისის მუნიციპალიტეტში.აფხაზეთსა და „სამხრეთ ოსეთში“ რუსული პასპორტების ადგილზე გაცემა იწყებააფხაზეთსა და „სამხრეთ ოსეთში“ მცხოვრები მოქალაქეები რუსულ პასპორტებს ადგილზევე 1-ელი სექტემბრიდან აიღებენ.შეგახსენებთ, რომ 17 ივლისს პუტინმა ხელი მოაწერა ბრძანებულებას, რომელიც რუსეთის მოქალაქეობის მქონე აფხაზეთისა და „სამხრეთ ოსეთის“ მცხოვრებლებს რუსული პასპორტების უშუალოდ ამ ტერიტორიებზე აღების საშუალებას აძლევს. ბრძანებულება ძალაში იმავე დღეს შევიდა და 2028 წლის 1-ელ აგვისტომდე იმოქმედებს. მთავრობას დოკუმენტების გაცემის პროცედურის განსაზღვრა დაევალა, რაც უფლებამოსილი თანამდებობის პირების მიერ მათი გაფორმების შესაძლებლობას უშუალოდ აფხაზეთისა და „სამხრეთ ოსეთის“ ტერიტორიებზე ითვალისწინებს.კრემლის ეს ნაბიჯი პუტინის მიერ 17 მაისს ხელმოწერილი წინა ბრძანებულების გაგრძელებაა, რომლის მიხედვითაც, აფხაზეთისა და „სამხრეთ ოსეთის“ მცხოვრებლებისთვის რუსეთის მოქალაქეობის მიღების პროცედურა გამარტივდა. კერძოდ, რუსეთის მოქალაქეობის მისაღებად აღარ არის საჭირო მის ტერიტორიაზე ხუთწლიანი ცხოვრების, რუსული ენის, ისტორიისა და ძირითადი კანონების ცოდნის დადასტურება.

საბჭოთა კავშირის დროს, გარკვეული სახეობის ტკბილეული, ნივთები თუ ტანსაცმელი, უბრალოდ ოცნება იყო უამრავი საბჭოელი ბავშვისთვის. 1970-იანი წლებიდან კი საღეჭი რეზინის იმპორტი დაიწყო და თითქოს მთელი ქვეყანა შეიშალა ჭკუიდან. მისთვის კი, უცხო ქვეყნებიდან საბჭოურ ქვეყნებში, სპეციალურად ჩადიოდა ხალხი, რომ ეს ახალი და წარმოუდგენელი "სუვენირი" თავიანთ ქვეყანაშიც შეეტანათ.სკოლებში მაშინვე დაიწყო ამბის ტირაჟირება, რომ საღეჭი რეზინი მავნეა და უნდა აიკრძალოს, რომლისაც სამწუხაროდ, დღესაც ძალიან ბევრს სჯერა.1975 წელს, მოსკოვში, კანადის ბავშვთა ჰოკეის გუნდი ჩავიდა, თამაშს კი სპონსორობდა მსოფლიო მწარმოებელი საღეჭი რეზინის ფირმა Wrigley. ხელშეკრულების თანახმად, კანადელ ბავშვებს მიეცათ საღეჭი რეზინის ყველაზე დიდი შეფუთვები დიდი რადენობით და მათ უფასოდ უნდა დაერიგებინათ საბჭოელი ბავშვებისთვისმესამე მატჩის დროს სპორტის მაყურებელმა იმატა, გაიგეს რა უცხო და უფასო საღეჭი რეზინის შესახებ. ეს სიკეთე კი მაყურებლის უპრეცედენტო მოზიდვის მიზანი იყო, პარალელურად კი რეალიზდებოდა ტკბილი სასუსნავი.ხალხის ნაკადმა იმდენად იმატა და მხოლოდ და მხოლოდ საღეჭი რეზინის გამო, რომ რიგითობა დაირღვა და "ბრბოს ტალღა" უმორჩილო გახდა. უფასო საჩუქრისთვის ზოგი პირდაპირ აივნიდან ხტებოდა, ზოგიც კიბიდან დაგორდა და ჯამში 21 ადამიანი დაიღუპა, მათ შორის 13 ბავშვი.ინციდენტის გამო, სპორტის სასახლის დირექტორი ციხეში დაიჭირეს, რადგან იდეა ფატალური შემთხვევებით დასრულდა. აი, ასეთი საშინელი ფასი გადაიხადეს საღეჭი რეზინის პირველი გამოჩენის დროს.ტკბილი დელიკატესის იმპორტის ამბავი კი მარტივად გადაჭრეს, გადაწყვიტეს თავად ეწარმოებინათ საღეჭი რეზინა. თავდაპირველად მისი მხოლოდ რამდენიმე სახეობა ჰქონდათ, თუმცა 1980-ანი წლებიდან კი სახეობები გაფართოვდა.     

ადმინისტრაციულ, სამოქალაქო საქმეთა და ბავშვთა უფლებებში სპეციალიზებული ადვოკატი თამარ ფირცხალავა აქცუატურ კითხვებს პასუხებს:ძმებმა გაყრა გავაფორმეთ, რის გამოც საერთო კიბე ძმის ფართობში მოხვდა. კიბის დასამონტაჟებლად ნებართვის აღება აუცილებელია? თუ აუცილებელია, ვის მივმართო?- თუ კიბის გაჭრით მოხდება კონსტრუქციული ცვლილება, საჭიროა მუნიციპალიტეტის თანხმობა. მიმართეთ მუნიციპალიტეტის არქიტექტურის სამსახურს, განუმარტეთ, რა სახის სამუშაოს გეგმავთ (შენება, გადაკეთება, დანგრევა, ახალი კიბის­ გაჭრა). შესაძლოა დაგჭირდეთ არქიტექტორის მომზადებული პროექტიც. თუ კიბე ნაწილობრივ მაინც შეეხება საერთო ქონებას, მაშინ საჭიროა ძმის თანხმობაც.როდესაც პირს ბინა ბანკში აქვს ჩადებული, შეუძლია თუ არა გადაუფორმოს სხვას? სესხი ბინით უზრუნველყოფილია, მყიდველი­ თანახმაა იყიდოს ასეთი ბინა. რა პროცედურების გავლა დამჭირდება? ამბობს, რომ ბანკის სესხს თვითონ დაფარავს, მე ხომ არ აღმოვჩნდები პრობლემის წინაშე?- იპოთეკით დატვირთული ბინის გაყიდვა საქართველოს კანონმდებლობით დაშვებულია, იპოთეკა გადაჰყვება ბინას და თუ ახალი შემძენი სესხს არ დაფარავს, მოხდება ბინის რეალიზაცია და სესხის დაფარვა. ასეა კანონში. ისე კი ჯობს გაყიდვისას მოხდეს სესხის დაფარვა და იპოთეკის მოხსნა, რათა ორივე მხარე მშვიდად იყოთ.ბინას ადევს ყადაღა სესხის გამო, როგორ შეიძლება მისი მოხსნა?- საჭიროა დოკუმენტების ნახვა. გასა­რკვევია, იპოთეკური სესხია თუ ჩვეულებრივი სამომხმარებლო. თუ სესხი გაქვთ აღებული და ნამდვილად გაქვთ ვალდებულება, ყადაღას არ მოხსნიან თუ არ გადაიხდით, ან გარკვეულ მორიგებას თუ არ მიაღწევთ. მორიგებისთვის გირჩევთ მიმართოთ ბანკს განცხადებით.სოფელში მეზობელთან გვაქვს საერთო ღობე, რომლის შეცვლა­ და ისეთის გაკეთება მინდა, რომ მეზობელი ჩვენს ეზოში ვერ იხედებოდეს. სამართლებრივად როგორ მოვიქცე?- ღობის შეცვლა ერთპიროვნულად არ შეიძლება, თუ ის არ არის მთლიანად თქვენს მიწაზე. სოფლის თვითმმართველობას ხშირად აქვს ადგილობრივი რეგულაციები ღობის მაქსიმალურ სიმაღლეზე. ზოგჯერ საჭიროა სიმაღლეზე გამგეობის ნებართვაც, გააჩნია სოფლის ადგილმდებარეობას. თუ მეზობელი წინააღმდეგია, ერთადერთი გზაა მიმართოთ სასამართლოს მტკიცებულებებით, რომ ღობე აუცილებელია პირადი სივრცისთვის და არ არღვევს­ მეზობლის უფლებებს. თუმცა სასამართლო გრძელვადიანი პროცედურაა და მყარ მტკიცებულებებს მოითხოვს.ოჯახის წევრის ანგარიშებს სესხის გადაუხდელობის გამო ყადაღა ადევს. თანამსესხებელი არის დედა. მას აქამდე შემოსავალი­ არ უფიქსირდებოდა, ამიტომ ბანკი ვერ აჭრიდა­ თანხას. ახლა დედა პირველი ჯგუფის შშმ პირია, მისი პენსიიდან ბანკი თანხას წაიღებს სესხის დასაფარად?- შესაძლოა პენსიიდან ჩამოჭრან თანხა, მაგრამ არა უმეტეს პენსიის 50 პროცენტისა. თუ პირს აქვს სოციალური დახმარება, სოციალურად დაუცველის სტატუსი, თანხას ვერ ჩამოაჭრიან და ვერც ყადაღას დაადებს აღსრულების ეროვნული ბიურო.მინდა ბავშვის მამას ჩამოვართვა მამობის უფლება. ბავშვი 13 წლის არის და ერთხელაც არ მოუკითხავს, შექმნა სხვა ოჯახი და არც ალიმენტს იხდის. რა პროცედურების გავლაა­ საჭირო?- მამობის სტატუსი რომ ჩამოერთვას, მოძალადე უნდა იყოს, ზიანის მომტანი ბავშვისთვის. უფრო რეალურია და შეგიძლიათ მოითხოვოთ, რომ თქვენს შვილთან დაკავშირებით ზოგი გადაწყვეტილების­ მიღების უფლება გქონდეთ მხოლოდ თქვენ მამის თანხმობის გარეშე. ასეთ საქ­მეში ერთვება მეურვეობის ორგანო, ის ამზადებს­ განცხადებას და სასამართლო იღებს ბავშვის­ ინტერესების შესაბამის გადაწყვეტილებას.ვიგირავე ბინა 15.000 დოლარად სესხების ხელშეკრულებით. მეპატრონე თანხას არ აბრუნებს. როგორ მოვიქცეთ?- უნდა მიმართოთ სასამართლოს სარჩელით და მოითხოვოთ სესხის თანხის დაკისრება მოპასუხისთვის, თუ მსესხებლის სახელზე არის რამე ქონება, სასწრაფოდ უნდა მოითხოვით ყადაღის დადება, განკარგვის აკრძალვა, რათა სესხის თანხის ამოღება­ შეძლოთ. ეს გააკეთეთ სასწრაფოდ,­ რომ ქონება არ გაასხვისოს (გადამალოს). აქვე განგიმარტავთ, რომ სესხის საბუთებზე 3-წლიანი ხანდაზმულობა მოქმედებს. არაუზრუნველყოფილი სესხის ამოღება ხშირად რთულდება. რადგან ძალიან ბევრი ადამიანი უშვებს შეცდომას ასეთი გარიგების დროს, ვისარგებლებ შემთხვევით და განვმარტავ განსხვავებას სესხისა და იპოთეკით უზრუნველყოფილი სესხის ხელშეკრულებებს შორის. სესხის ხელშეკრულებით გამსესხებელი მსესხებელს საკუთრებაში გადასცემს ფულს, ხოლო მსესხებელი ვალდებულია დააბრუნოს იმავე ოდენობის თანხა. თუკი მსესხებელი თანხას ვერ დააბრუნებს, გამსესხებელი სასამართლოს გადაწყვეტილების ან ნოტარიუსის მიერ გაცემული სააღსრულებო ფურცლის საფუძველზე კუთვნილი ფულის მიღებას შეძლებს მხოლოდ იმ შემთხვევაში, თუკი მსესხებელს საკუთრებაში ექნება რაიმე სახის ქონება. იპოთეკით უზრუნველყოფილი სესხის ხელშეკრულების დროს კი ნასესხები­ თანხის დაბრუნების გარანტიად უძრავი ქონება გამოიყენება. თუკი მსესხებელი არ დააბრუნებს­ ნასესხებ ფულს, გამსესხებელს (იპოთეკარს) უფლება აქვს მოითხოვოს ვალის დაბრუნება იპოთეკით დატვირთული­ ქონების რეალიზაციით. ამიტომ მოქალაქეებს ვურჩევ იპოთეკით უზრუნველყოფილი სესხი გასცენ, ასე უფრო დაცულები­ იქნებიან.16 წლის მოზარდს სჭირდება საზღვარგარეთის პასპორტის აღება. დედამისი იტალიაშია, მშობლები გაშორებული არიან. როგორც მითხრეს, მშობლის ნებართვაა საჭირო და ის უნდა მივიდეს ბავშვთან ერთად იუსტიციის სახლში. სხვა რა გზა არსებობს? დედა ვერ ახერხებს ჩამოსვლას.- 16 წლის მოზარდმა პასპორტი რომ აიღოს, ერთი მშობლის თანხმობა სჭირდება. მინდობილობა შეუძლია გასცეს ნებისმიერ პირზე, ახლობლებზე ან ადვოკატზე. ასევე მამა თუ საქართველოშია, მხოლოდ მისი თანხმობა საკმარისია საქართველოს მოქალაქის ბიომეტრიული პასპორტის ასაღებად.- მიწის სისტემური რეგისტრაციის ფარგლებში უარს მეუბნებიან მიწის დაკანონებაზე, არადა, ამ მიწას წლებია ვფლობ. როგორც მითხრეს, 2007 წლამდე არსებული­ მიწის ნაკვეთების დარეგისტრირება ხდება, თუმცა მე ამას ვერ მივაღწიე. როგორ შეიძლება დავიკანონო ეს მიწა?- მიწის სისტემური რეგისტრაცია გულისხმობს, რომ სახელმწიფო ცდილობს კანონიერად აღიაროს არსებული ფლობა, თუ ის დაწყებულია 2007 წლამდე. ეს თარიღი ფიქსირდება როგორც საკანონმდებლო ზღვარი, 2007 წლის მერე მიწის დაკავება უკანონო ფლობად ითვლება, თუ ის არ არის დოკუმენტით გამყარებული. უარის მიზეზი შეიძლება რამდენიმე იყოს: 1. არ არსებობს საკმარისი მტიცებულება; 2. მიწა ეკუთვნის სახელმწიფოს ან მესამე პირს რეესტრით; 3. მიწა არის სპეციალური სტატუსის მქონე; 4. განაცხადი გაქვთ არასწორად მომზადებული. მოითხოვეთ წერილობითი დასაბუთებული უარი. მოიძიეთ მტკიცებულება, რომ ფლობდით ამ მიწას 2007 წლამდე, მარტივი განაცხადი საკმარისი არ არის. უნდა დაამტკიცოთ თქვენი ფლობის ფაქტი კონკრეტულ თარიღამდე. ეს შესაძლოა დაამტკიცოთ ფოტოებით, მოწმეებით, კომუნალური გადასახადების ქვითრებით, ადგილობრივი თვითმმართველობის ცნობით.

ლოცვა ამოღებულია წმინდა წიგნიდან – ავგაროზი და ლოცვანი (სრული კრებული)წაიკითხეთ ეს ლოცვა ყოველ დღე და შესთხოვეთ ღმერთს წრფელი გულით. “ითხოვდით და მოგეცეს თქუენ … – მათე 7,7-11”. როდესაც ჩვენი თხოვნა გულიდან მოდის და ღმერთის წინაშე სამართლიანია ის აუცილებლად აგვისრულდება. დიდება უფალს.ყოვლადწმიდისა ღვთისმშობელისაყოვლადწმიდაო ღვთისმშობელო, გვაცხოვნენ ჩვენ, რომელ უმაღლეს ხარ ქერუბიმთა და უდიდებულეს უზეშთაეს სერაბიმთა, რომელმან იტვირთე სიტყვა ღვთისა ხორცითა, ვითარცა ღვთისმშობელ ხარ, გალობით გადიდებთ.ცხოველსმყოფელისა და პატიოსნისა ჯვარისაჯვარსა წმიდასა პატიოსანსა, რომელსა აქებენ ანგელოსნი და ძალნი ზეცათანი, ჩვენცა მათთანა თაყვანის-ვცემთ და ვადიდებთ, და ვითხოვთ მისგან ხსნასა ყოველთა ვნებათაგან.წმინდისა იოანე ნათლისმცემლისაყოველთა ნაშობთა უმეტესო, მდგომარენი ლოცვათა შინა მორწმუნეთა კრებულნი, ლმობიერად და ცრემლით შეგივრდებით, ნათლისმცემელო ქრისტესო, მფარველ გვეყავ მოსავთა შენთა.წმინდა დიდმოწამისა გიორგისანათელ-ჰყავ შვილდწილ სამყარო ახოვნად, ღვაწლნი რა თავს ისხენ დიდო მოწამეთა მთავარო, მხნეო გიორგი, ამისთვის გევედრებით, გვიხსენ ჭირთაგან და მეოხ გვეყავ წინაშე ღვთისა.წმიდა დიდმოწამისა პანტელეიმონ მკურნალისაღვაწლით შემოსილო წმიდაო მკურნალო პანტელეიმონ, ევედრე მოწყალესა ღმერთსა, რათა ცოდვათა შენდობა მოგვანიჭოს და სულთა ჩვენთა დიდი წყალობა.

ამერიკელი მსახიობი, პროდიუსერი, მუსიკოსი ბრიუს უილისი 1955 წლის 15 მარტს დაიბადა. ჰოლივუდის ერთ-ერთი ყველაზე მაღალანაზღაურებადი მსახიობი. მისი მონაწილეობით ცნობილი ფილმებია „კერკეტი კაკალი“, „არმაგედონი“, „მეხუთე ელემენტი“ და სხვა.ბრიუს უილისი რვა წლის ასაკიდან იწყებს სამოყვარულო დრამატულ სტუდიაში მეცადინეობას. მოსინჯა სიმღერაც ბლუზის ანსამბლში, თამაშობდა სტუდენტურ თეატრალურ კოლექტივთან. 1977 წელს, 22 წლის ასაკში მან დაანება თავი კოლეჯში სწავლას. მცდელობა მიეღო როლი კინოში, სცენაზე, ტელევიზიაში უშედეგოდ მთავრდებოდა.უილისის დებიუტი კინოში შედგა 1987 წელს რეჟისორ ბ. ედვარდსის კომედიაში „ბრმად პაემანი“. ფილმი აღიარეს წარმატებულად და მან მსახიობს გაუხსნა ფართო ასპარეზი. ნიუ-იორკის პოლიციელის ჯონ მაკლეინის როლმა ფილმში „კერკეტი კაკალი“ და ფილმის კომერციულმა წარმატებამ საშუალება მისცა უილისს გაეგრძელებია თავისი გმირის ეკრანული ბიოგრაფია ორ გაგრძელებაში „კერკეტი კაკალი 2" და „კერკეტი კაკალი 3“, რომელიც გადაიღეს 1995 წელს, ხოლო 2007 წელს გამოვიდა „კერკეტი კაკალი 4“.ბრიუს უილისს, უკვე რამდენიმე წელია მძიმე ჯანმრთელობის მდგომარეობა აქვს. 2022 წელს მისი ოჯახის გავრცელებული განცხადებით, მსახიობს აფაზია დაუდგინდა - მეტყველებისა და კომუნიკაციის უნარის სერიოზული დარღვევა, რის გამოც უილისმა კინო კარიერა დაასრულა. თუმცა მალევე აღმოჩნდა, რომ პრობლემა უფრო რთულად იყო: 2023 წლის თებერვალში ექიმებმა მას ფრონტოტემპორალური დემენცია (FTD) დაუდგინეს - ნევროლოგიური დაავადება, რომელიც გავლენას ახდენს არა მხოლოდ მეტყველებაზე, არამედ ემოციებზე, ქცევასა და მეხსიერებაზეც. დასაწყისში ოჯახი იმედოვნებდა, რომ მკურნალობისა და სწორი გარემოს დახმარებით დაავადების პროგრესირება შენელდებოდა. თუმცა ბოლო თვეების განმავლობაში უილისის მდგომარეობა საგრძნობლად დამძიმდა. მას სულ უფრო მეტად უჭირს მეტყველება და ოჯახმა კომუნიკაციის საკუთარი ფორმები შექმნა. იმ ნიშნებითა და ჟესტებით, რომლითაც მსახიობი ახლობლებს პასუხობს.