კვირა, მაისი 4, 2025

მიხეილ ყაველაშვილი ვაზიანში საქართველოს თავდაცვის ძალების აღმოსავლეთის სარდლობის მე-4 ქვეით და მე-5 საარტილერიო ბრიგადებს ესტუმრა

საქართველოს პრეზიდენტი მიხეილ ყაველაშვილი ვაზიანში საქართველოს თავდაცვის ძალების აღმოსავლეთის სარდლობის მე-4 ქვეით და მე-5 საარტილერიო ბრიგადებს ესტუმრა. პრეზიდენტი სამხედრო მოსამსახურეებს შეხვდა და მათ საცხოვრებელ პირობებსა და ბაზაზე არსებულ ვითარებას გაეცნო. უმაღლეს მთავარსარდალს საქართველოს ვიცე-პრემიერმა, თავდაცვის მინისტრმა ირაკლი ჩიქოვანმა, თავდაცვის ძალების მეთაურმა და თავდაცვის ძალების სხვა ხელმძღვანელმა პირებმა უმასპინძლეს.

პრეზიდენტს აღმოსავლეთის სარდლობის სტრუქტურის, ამოცანებისა და მიზნების შესახებ პრეზენტაცია წარუდგინეს. მიხეილ ყაველაშვილმა ვაზიანის სამხედრო ნაწილის ინფრასტრუქტურა – ყაზარმები, ლაზარეთი, სიმულაციების ცენტრი და სპორტული დარბაზი დაათვალიერა.

“დღეს ვიმყოფებოდი ვაზიანის სამხედრო ბაზაზე, შევხვდი აღმოსავლეთ სარდლობის მეოთხე ქვეითი ბრიგადის და ასევე მეხუთე საარტილერიო ბრიგადის სამხედროებს, გავეცანი მათ საცხოვრებელ პირობებს და სიამაყით მინდა აღვნიშნო, რომ ეს ყველაფერი არის მაღალ დონეზე. ყველანაირი პირობა გააჩნია ჩვენს სამხედროებს, რომ ისინი მზადყოფნაში და ემსახურონ ჩვენს სამშობლოს. დიდი მადლობა თავდაცვის მინისტრს და ასევე გენერალიტეტს, რომ ყველა პირობას უქმნიან იმისთვის, რათა ჩვენი სამხედროები მაღალ დონეზე იყვნენ წარმოდგენილები. ასევე მნიშვნელოვანია მათი დაფასება საზოგადოებაში იმიტომ, რომ ისინი არიან ჩვენი საზოგადოების საამაყო ნაწილი და მე როგორც პრეზიდენტი ყოველთვის ვიქნები მათი მხარდამჭერი და ყოველთვის ვიქნები მათ გვერდში”, – აცხადებს  საქართველოს პრეზიდენტი მიხეილ ყაველაშვილი.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

4 მაისს წმიდა მენელსაცხებლე დედების ხსენების დღეა

ეს არის განსაკუთრებული დღესასწაული, ეს არის დღე ერთგულებისა და სიყვარულისა. ეს არის დღე დედათა სიმტკიცისა. ეს არის დღე ქალთა ბუნების სიმტკიცისა.შეგეწიოთ მარიამ მაგდალინელი, მარაიმ კლეოპასი, სალომე, იოანა, მართა, მარიამი, სუსანა და სხვათა დედათა მადლიმენელსაცხებლე დედები არიან შესანიშნავი მაგალითი იმისა, თუ როგორი ერთგულება უნდა გამოიჩინოს ქალმა, დედამ, ღვთის მიმართ. მაცხოვრის სიყვარულითა და ჭეშმარიტების მსახურებით ისინი არაფერს შეუშინდნენ. წამებისთვისაც კი მზად იყვნენ, ყველაფერზე მიდიოდნენ, ოღონდ არ დაშორებოდნენ მაცხოვარს და უფალმაც დააფასა მათი ერთგულება: იგი პირველად გამოეცხადა ყოვლადწმიდა ღვთისმშობელს – თავის დედას და მერე – მენელსაცხებლე დედებს. დღევანდელი დღე განსაკუთრებულია კიდევ იმით, არის ხსენება წმიდისა თამარ მეფისა. ჩვენ არ უნდა წარმოვიდგინოთ, რომ თამარ მეფე იყო მხოლოდ ისტორიული პიროვნება, დიდებული მეფე. თამარ მეფე დღესაც მეფობს და ეხმარება საქართველოს. შევთხოვთ უფალს, რომ მენელსაცხებლე დედათა ლოცვით, წმიდა თამარ მეფის, ნიკოდიმოსისა და იოსებ არიმათიელის ლოცვით ღმერთმა განამტკიცოს რწმენა, სიყვარული და იმედი, სასოება, რადგან სადაც რწმენა, სიყვარული და იმედია, იქ აუცილებლად იქნება სიხარულიც.შეგეწიოთ მათი ლოცვა-ვედრება, დაგიფაროთ და გაგაძლიეროთ მათმა მადლმა

 აზერბაიჯანში გამართულ საერთაშორისო ტურნირში “პრეზიდენტის თასი – 2025”-ქართველმა სპორტსმენებმა 5 ოქროს, 5 ვერცხლისა და 2 ბრინჯაოს მედალი მოიპოვეს

ქართველმა სპორტსმენებმა 5 ოქროს, 5 ვერცხლისა და 2 ბრინჯაოს მედალი მოიპოვეს. აზერბაიჯანში გამართულ საერთაშორისო ტურნირში "პრეზიდენტის თასი - 2025" 20 ქვეყნის 200-მდე სპორტსმენი იღებდა მონაწილეობას. საქართველოს სპორტის სამინისტრო

მეუფე შიო მუჯირი – სიყვარული არის ის, რისი სწავლებაც უნდოდა ყველაზე მეტად იესო ქრისტეს თავისი მოწაფეებისთვის, ჩვენც უნდა მოვიპოვოთ ისეთი სიყვარული, რომ ყოველგვარი შიში...

მენელსაცხებლე დედებს განსაკუთრებული როლი აქვთ ეკლესიის ისტორიაში, მათ გვაუწყეს ყველას პირველად აღდგომის სიხარული,  მათ უფრო მეტად უყვართ. ეს ქალის განსაკუთრებული თვისებაა. ეს არის მთავარი თვისება და გადარჩენაც სწორედ ამაშია; ეს თვისება – სიყვარული – არის ის, რისი სწავლებაც უნდოდა ყველაზე მეტად იესო ქრისტეს თავისი მოწაფეებისთვის, – ამის შესახებ საპატრიარქო ტახტის მოსაყდრემ სენაკისა და ჩხოროწყუს მიტროპოლიტმა შიომ (მუჯირი) ქადაგებისას აღნიშნა.„ძვირფასო მამებო, ძმებო და დებო, გილოცავთ დღევანდელ დღეს. დღეს არის წმინდა მენელსაცხებლე დედების ხსენება, რომლებიც სულ იყვნენ იესო ქრისტეს გვერდით და უზრუნველყოფდნენ პირველი ქრისტიანული თემის ცხოვრებას.მათ ეწოდებათ მენელსაცხებლე დედები, რადგან მიიტანეს ნელსაცხებელი, მაცხოვრის სხეულისთვის რომ ეცხოთ მისი სიკვდილის შემდეგ. ისინი დილაუთენია მიდიან საფლავზე, მაგრამ ქრისტეს სხეულს ვერ აღმოაჩენენ, რადგან იგი უკვე აღდგა მკვდრეთით. მაცხოვარი არაერთხელ ამბობდა, რომ მესამე დღეს მკვდრეთით აღდგებოდა, მაგრამ ეს დედები იმდენად შეძრული იყვნენ მომხდარით, რომ დაავიწყდათ მისი სიტყვები და მაინც მიირბინეს საფლავთან, რათა ეს დაკრძალვის წესი შეესრულებინათ.თითქოს ისინი ამაოდ გაისარჯნენ, იქ აღარ იყო ქრისტეს სხეული, მაგრამ ეკლესია მაინც მიესალმება და აკურთხებს მათ ამ საქციელს, იმიტომ რომ, როგორც ამბობს წმინდა წერილი, „ღმერთი გულის ზრახვებსაც განიკითხავს“ (ებრ. 4,12). ამ მგლოვიარე ქალების გულის ზრახვები გამოიხატა ამ საქციელში, რისთვისაც მათ უფალმა აღირსა ანგელოზთან საუბარს, რომელიც იჯდა ფერხთით იმ ადგილას, სადაც სულ ცოტა ხნის წინ დასვენებული იყო იესო ქრისტეს სხეული და უთხრა: „რასა ეძიებთ ცოცხალსა მას მკუდართა თანა, აქ აღარ არის, რადგან აღდგა მკვდრეთით“ (ლკ. 24, 5-6).რას გვიჩვენებს ამით უფალი? რა არის მისთვის ყველაზე ძვირფასი? რას აფასებს ის ჩვენში ყველაზე მეტად? – არც ფიზიკურ სილამაზეს, არც ჭკუას, არც სიმდიდრეს, არც რაიმე ცოდნას თუ ხელოვნებას, რომელსაც ადამიანი ფლობს, არამედ რას? – მისდამი სიყვარულს აფასებს ყველაზე მეტად.და აი, მენელსაცხებლე დედების სიყვარული აღემატა მოციქულთა სიყვარულსაც კი, რომ ისინი აღმოჩნდნენ მოციქულებისთვის, მამაკაცებისთვის, რომლებიც იყვნენ მუდამ ქრისტესთან, მაუწყებელნი ქრისტეს აღდგომისა. რატომ? იმიტომ რომ მათი გული უფრო ახლოს აღმოჩნდა უფალთან.აი, ასეთია ძვირფასო ძმებო და დებო, მენელსაცხებლე დედების განსაკუთრებული როლი ეკლესიის ისტორიაში, რომ მათ გვაუწყეს ყველას პირველად აღდგომის სიხარული. რატომ? იმიტომ რომ, ვიმეორებ, მათ უფრო მეტად უყვართ. ეს ქალის განსაკუთრებული თვისებაა. ეს არის მთავარი თვისება და გადარჩენაც სწორედ ამაშია; ეს თვისება – სიყვარული – არის ის, რისი სწავლებაც უნდოდა ყველაზე მეტად იესო ქრისტეს თავისი მოწაფეებისთვის. მან გაიხარა, რომ მენელსაცხებლე დედებმა ეს უკვე ისწავლეს, რადგან ისინი ჯვართანაც იყვნენ, გარდამოხსნაშიც მონაწილეობდნენ, დაფვლაშიც და ახლა მიირბინეს საფლავთან, რათა მის სხეულს ნელსაცხებელი სცხონ. მოციქულებმა კი რა გააკეთეს? ერთის გარდა, ყველა გაიქცა, ამ ქალების სიყვარულმა კი დაძლია ყოველგვარი შიში.აი, ძვირფასო ძმებო და დებო, ჩვენც უნდა მოვიპოვოთ ისეთი სიყვარული, რომ ყოველგვარი შიში დავძლიოთ, როგორც ამბობს წმინდა წერილი: „სრულყოფილი სიყვარული შიშს განდევნის“ (I ინ. 4,18). ღმერთმა შეგვაძლებინოს ასეთი სიყვარულის მოხვეჭა.მენელსაცხებლე დედების ხსენება არის მართლმადიდებელი ქალების დღესასწაული. ამიტომ თქვენ განსაკუთრებით, ჩვენო ძვირფასო დედებო, დებო, გილოცავთ დღევანდელ დღეს, ღმერთმა გაგახაროთ, დაგლოცოთ, მოგცეთ წყალობა და შეწევნა ღვთისა და ყოფილიყავით თქვენი წინამორბედი წმინდა დედების ნამდვილი მემკვიდრეები და მათი საქმის გამგრძელებლები.კიდევ ერთხელ გილოცავთ, გაგახაროთ! ყოველთვის ბედნიერი ვარ აქ ჩამოსვლით, ჩხოროწყუში წირვით. დღეს, მით უმეტეს, სხვადასხვა ტაძრიდან ბრძანდებით და ნამდვილად სუფევს დიდი სიყვარული და დიდი ნუგეშია, სააღდგომო სიხარული სუფევს დღეს ჩვენს ტაძარში და კიდევ ერთხელ გილოცავთ“,- განაცხადა მეუფე შიო მუჯირმა ქადაგებისას.

რა გახდა დადიანის ქუჩაზე კორპუსში იატაკის ჩანგრევის მიზეზი? – ბოლო ცნობები ადგილიდან

დადიანის ქუჩაზე 3-სართულიანი სახლის იატაკი ჩამოინგრა. ამ დროისთვის ადგილზე სამაშველო ჯგუფები მუშაობენ.როგორც „პრაიმტაიმს“ საგანგებო სიტუაციების მართვის სამსახურში განუცხადეს, მაშველებმა შენობიდან 2 დაშავებული გამოიყვანეს, რომლებიც კონტაქტურ მდგომარეობაში იყვნენ.ადგილობრივების თქმით, კორპუსი ავარიული იყო. ის კულტურული მემკვიდრეობის ძეგლად არის აღიარებული. რაც შეეხება იატაკის ჩამონგრევის მიზეზს. ამ დროისთვის ნგრევის ოფიციალური მიზეზი უცნობია, თუმცა კორპუსის მცხოვრებლები ამბობენ, რომ პირველ სართულზე მდებარე აფთიაქში მიმდინარეობდა რემონტი და სავარაუდოდ, ისედაც ამორტიზებული შენობის დაზიანება ამან გამოიწვია.

თბილისში „ერთობის მარში“ მიმდინარეობს

თბილისში, მოქალაქეები ისნის მეტროსადგურიდან შინაგან საქმეთა სამინისტროსკენ „ერთობის მარშს” მართავენ.საპროტესტო აქციების დროს დაკავებული პირების ოჯახის წევრებს თან აქვთ ბანერები და დაკავებული პირების გათავისუფლებას ითხოვენ.ამასთან, ადგილზე მყოფებს თან აქვთ საქართველოსა და ევროკავშირის დროშები.საპროტესტო აქციების დროს დაკავებული ზვიად ცეცხლაძის მამის, ზურაბ ცეცხლაძის განცხადებით, მათი ძირითადი მოთხოვნაა - აქციების დროს დაკავებული პირების გათავისუფლება და “ქართული ოცნების” მიერ ხელისუფლებიდან გადადგომა.“დღეს მნიშვნელოვანი დღეა, ეს მარში დაორგანიზებულია “ერთობის” მიერ - სამოქალაქო აქტივისტების, მოძრაობების, ორგანიზაციების. ჩვენ პირველი ღონისძიება პროკურატურასთან წარმატებით ჩავატარეთ. შესაბამისად, მიგვაჩნია, რომ დადგა დრო, რომ პოლიციის ორგანოებთან მივიდეთ და ჩვენი სათქმელი, მიზნები ვუთხრათ. რა თქმა უნდა, უმნიშვნელოვანესია, მათ შევახსენოთ, რომ ქვეყანას 50-მდე პოლიტპატიმარი ჰყავს. შინაგან საქმეთა სამინისტრო თავის საქციელზე უნდა დაფიქრდეს და მათ დანაშაულებრივი ბრძანებები არ უნდა შეასრულონ. მათი კანონით დადგენილი ფუნქციები აბსოლუტურად სხვაა და ის კრიმინოლოგიური სიტუაციის მოგვარებას, მართლწესრიგის უზრუნველყოფას უნდა ემსახურებოდეს და არა აქტივისტების, პროტესტის მონაწილეების დევნას…ჩვენ, პოლიტპატიმრების ოჯახის წევრები დარწმუნებული ვართ, რომ ჩვენს შვილებს დანაშაული არ მიუძღვით და ეს საქმეები ჯიბის პოლიციამ, პროკურატურამ შეკერა და ახალგაზრდა, წარმატებულ ქართველებს ხანგრძლივი ციხისათვის იმეტებენ, რაც ჩვენთვის მიუღებელია”, - განაცხადა ზურაბ ცეცხლაძემ.

ბოლო სიახლეები