მიხეილ ყაველაშვილი – აშშ-ის წინა ადმინისტრაციის დროს ხორციელდებოდა ნეგატიური პროცესი, ალბათ დიდი დრო დასჭირდება, რომ ეს გაიწმინდოს, ისე აღდგეს ურთიერთობები, როგორც ჩვენს ორ ქვეყანას შეეფერება

თბილისის მერიას, საქველმოქმედო ფონდ „ქართუსა“ და ბრიტანულ საკონსულტაციო კომპანია Leisure Development Partners-ს (LDP) შორის თანამშრომლობის მემორანდუმი გაფორმდა. მხარეებს შორის შეთანხმების საგანია თბილისის ზღვის არეალში გასართობ-სარეკრეაციო თემატური სივრცის შექმნა. ამის შესახებ ინფორმაციას თბილისის მერია ავრცელებს.მერიის ცნობით, ხელშეკრულებას თბილისის მერმა კახა კალაძემ, ფონდ „ქართუს“ სამეთვალყურეო საბჭოს დირექტორმა ნიკოლოზ ჩხეტიანმა და Leisure Developmennt Patners-ის წარმომადგენელმა ნატალი ბახლინმა მოაწერეს ხელი.ბრიტანული კომპანია, ფონდ „ქართუსთან“ ხელშეკრულების საფუძველზე, პირველ რიგში, ჩაატარებს პროექტის ტექნიკურ-ეკონომიკურ ანალიზს, მეორე ეტაპზე კი შეიქმნება კონცეპტუალური დიზაინი.„ფონდ „ქართუს“ დახმარებით, ვიწყებთ კონკრეტული ნაბიჯების გადადგმას თბილისში ახალი რეკრეაციული და გასართობი სივრცის მოსაწყობად. სასიამოვნოა ასევე ის ფაქტი, რომ, რაც დედაქალაქს უკავშირდება, საზოგადოების უდიდეს ინტერესს იწვევს. თბილისში არაერთი პარკია, მათგან რამდენიმე ისტორიული ღირებულებისაა და საქალაქო მნიშვნელობის სტატუსი აქვს, მაგრამ არ გვაქვს თანამედროვე სტანდარტების მქონე მასშტაბური გასართობი პარკი, რაც არა მხოლოდ თბილისელებისთვის იქნება შეკრებისა და გართობის მიზიდულობის ცენტრი, არამედ ტურისტულ რუკაზეც აისახება. საუბარია თბილისის ზღვის მიმდებარედ ახალი სარეკრეაციო-დასასვენებელი ზონის შექმნაზე, სადაც დაგეგმილია, გაშენდეს ატრაქციონების პარკი. სარეკრეაციო ზონა გააერთიანებს, როგორც გართობის, ისე შემეცნებისა და დასვენების ყველა იმ კომპონენტს, რომელიც დღეს გავრცელებულია მსოფლიოში“, - განაცხადა თბილისის მერმა, კახა კალაძემ.მისი თქმით, მსოფლიოში ცნობილი საკონსულტაციო კომპანია LDP, გასართობი ინდუსტრიისა და ტურისტული პროექტების ტექნიკურ-ეკონომიკურ ანალიზსა და სტრატეგიის შემუშავებაზეა ორიენტირებული. შესაბამისად, სარეკრეაციო და გასართობი სივრცის მშენებლობის დეტალური პროექტი მათ მიერ შემუშავებული კვლევების მიხედვით მომზადდება.„მინდა, მადლობა გადავუხადო ფონდ „ქართუს“ და მისი დამფუძნებლის, ბიძინა ივანიშვილის ოჯახს თბილისისთვის მნიშვნელოვანი პროექტის განხორციელებაში ჩართულობისთვის. თბილისის ზღვის მიმდებარედ ახალი რეკრეაციული და გასართობი სივრცის შექმნა ხელს შეუწყობს ქალაქის ეკონომიკური და ტურისტული მიმართულების ზრდას, ახალი სამუშაო ადგილების გაჩენას, თბილისის, როგორც თანამედროვე ევროპული ქალაქის იმიჯის გამყარებას და რაც მთავარია, შექმნის პოზიტიურ გარემოს, სადაც ბავშვები, ახალგაზრდები, ყველა ასაკის ვიზიტორები დაისვენებენ და გაერთობიან“, - აღნიშნა კახა კალაძემ.ნიკოლოზ ჩხეტიანის განცხადებით, მიუხედავად იმისა, რომ ფონდი „ქართუ“ დედაქალაქში გამწვანების რამდენიმე მსხვილ პროექტს ახორციელებს, რომელთა შორის მთაწმინდის ფერდის გამწვანებისა და თბილისის ცენტრალური პარკის მშენებლობაა, თბილისს ესაჭიროება ახალი ყაიდის რეკრეაციული ზონა, სადაც გართობასთან ერთად, დასვენების შესაძლებლობა იქნება.„ფონდი „ქართუ“ კვლავ ჩვენი ქვეყნის სამსახურშია და გვერდით უდგას სახელმწიფო სამსახურებს, მათ შორის თბილისის მერიას, იმ მნიშვნელოვანი პროექტების განხორციელებაში, რომლებიც ჩვენს ქვეყანას და დედაქალაქს ესაჭიროება“, - აღნიშნა ნიკოლოზ ჩხეტიანმა.ბრიტანული საკონსულტაციო კომპანიის წარმომადგენლის განმარტებით კი, ახალი პროექტი საქართველოს ბაზრისთვის პოზიტიურ ცვლილებებს მოიტანს.„მოხარული ვართ, რომ ჩავერთეთ მნიშვნელოვანი სტრატეგიული პროექტის განხორციელებაში. დარწმუნებული ვარ, ეს ინვესტიცია მოიტანს საკმაოდ პოზიტიურ ცვლილებებს საქართველოს მოსახლეობისთვის. როგორც კონსულტანტები, ჩვენი როლია, ვმართოთ დიზაინის გუნდი იმისთვის, რომ შევქმნათ საკმაოდ ამბიციური პროექტი და კონცეფცია, რომელიც დაკავშირებულია ბაზრის რეალობასთან და შესასრულებელ სამუშაოსთან. ვფიქრობ, მაქსიმალურად შევძლებთ ამ მნიშვნელოვანი შესაძლებლობის განხორციელებას“, - განაცხადა ნატალი ბახლინმა.ხელისმოწერის ღონისძიებას დაესწრნენ თბილისის ვიცე-მერი გიორგი ტყემალაძე, საკრებულოს თავმჯდომარე ზურაბ აბაშიძე, მერის მოადგილეები, რაიონების გამგებლები, საკრებულოსა და პარლამენტის წევრები, ასევე, ფონდი „ქართუსა“ და ბრიტანული კომპანიის წარმომადგენლები.

რუსებმა შავ ზღვაში პანამის დროშის ქვეშ მცურავ სამოქალაქო გემს დაარტყეს, რის შედეგადაც ეკიპაჟის წევრები დაშავდნენ, - ინფორმაციას უკრაინული მედია ოდესის ოლქის გუბერნატორზე ოლეგ კიპერზე დაყრდნობით ავრცელებს.„4 მარტის საღამოს, უპილოტო საფრენმა აპარატმა შავ ზღვაში პანამის დროშის ქვეშ მცურავ სამოქალაქო გემს დაარტყა, როდესაც ის ჩერნომორსკის პორტიდან გადიოდა. გემს სიმინდი გადაჰქონდა. თავდასხმის შედეგად ეკიპაჟის წევრები დაშავდნენ“, - აღნიშნა კიპერმა.მისი თქმით, დაშავებულებს სათანადო სამედიცინო დახმარება გაუწიეს და განხორციელდა ეკიპაჟის ევაკუაცია.

ისრაელის თავდაცვის ძალები (IDF) ირანის წინააღმდეგ ოპერაციების კიდევ მინიმუმ 1-2 კვირით გაგრძელებას გეგმავს; ჩამოგდებულია 5 000-ზე მეტი ბომბი - ამის შესახებ ინფორმაციას გამოცემა The Times of Israel ავრცელებს.სამხედრო-საჰაერო ძალების ოფიცრის განცხადებით, ისრაელის დარტყმების შედეგად ათასობით ირანელი სამხედრო დაიღუპა; ისრაელის თავდაცვის ძალების წარმომადგენლები ამ კონფლიქტს აღწერენ, როგორც ისრაელისა და აშშ-ის პირველ სრულმასშტაბიან ერთობლივ სამხედრო კამპანიას: "ეს არის ომი ინგლისურ ენაზე".ისრაელის სამხედრო უწყება ირანის წინააღმდეგ ოპერაციების კიდევ მინიმუმ ერთი ან ორი კვირით გაგრძელებას გეგმავს, რომლის დროსაც მისი მიზანი ირანის რეჟიმის კიდევ ათასობით ობიექტზე დარტყმაა - ამის შესახებ გამოცემა The Times of Israel-ისთვის გახდა ცნობილი.ისრაელის მიზანია ირანის რეჟიმისა და მისი სამხედრო ობიექტების სისტემატური დეგრადაცია (დასუსტება). ეს გეგმები გამოცხადდა ირანის წინააღმდეგ მიმდინარე ფართომასშტაბიანი საჰაერო კამპანიის დაწყებიდან რამდენიმე დღეში

ქვეყნის განვითარების გზაზე მნიშვნელოვანი წინაღობა „ქართული ოცნებაა“. ამერიკის შეერთებული შტატები საქართველოს სტრატეგიული პარტნიორია, მაგრამ მათთან ურთიერთობა ვერ იტვირთება, რაც „ოცნების“ „დამსახურება“, მათი პასუხისმგებლობაა, – ამის შესახებ პარტიის „გახარია საქართველოსთვის“ წევრმა, ტატა ხვედელიანმა საქართველოს პირველ არხს განუცხადა.მისივე თქმით, „ხელისუფლება ჩვენი ქვეყნის განვითარებისთვის უდიდეს პრობლემას წარმოადგენს“.„ამერიკაში შეხვედრები იმართება, მაგრამ ამ შეხვედრებიდან გამომდინარე რაიმე რესურსი რომ ყოფილიყო ურთიერთობის რეალური გადატვირთვისთვის, არ მგონია, დეპუტატები გაეშვათ. მაშინ შეხვედრები უმაღლესი რანგის თანამდებობის პირებით დაკომპლექტდებოდა. ეს ჩვეულებრივი შეხვედრებია“, – განაცხადა ტატა ხვედელიანმა.საქართველოს საპარლამენტო დელეგაცია ამერიკის შეერთებულ შტატებში, ვაშინგტონში ვიზიტით იმყოფება. დელეგაციის შემადგენლობაში არიან საპარლამენტო უმრავლესობის წევრები: ნიკოლოზ სამხარაძე, მარიამ ლაშხი და ლიკა შარტავა.ვიზიტის ფარგლებში ნიკოლოზ სამხარაძე აშშ-ის სახელმწიფო დეპარტამენტში ბრენდან ჰანრაჰანს შეხვდა. როგორც სამხარაძემ განაცხადა, შეხვედრაზე დაადასტურა მზაობა, დაიწყონ მუშაობა სტრატეგიული პარტნიორობის ახალ შეთანხმებაზე.

ამერიკის შეერთებულ შტატებში ვიზიტის ფარგლებში საქართველოს საპარლამენტო დელეგაციის წევრები მარიამ ლაშხი, ლიკა შარტავა და ეკა სეფაშვილი კონგრესმენ ენდი ოგლსს შეხვდნენ.საქართველოს პარლამენტის ინფორმაციით, შეხვედრაზე მხარეებმა ამერიკის შეერთებულ შტატებთან, ევროკავშირსა და ჩინეთთან საქართველოს სტრატეგიული პარტნიორობის საკითხები განიხილეს. ისაუბრეს საქართველოს საგარეო პოლიტიკასა და ქართულ-ამერიკული ურთიერთობების გადატვირთვაზე.„საუბრის ერთ-ერთი მნიშვნელოვანი თემა შუა დერეფნის განვითარების პერსპექტივები იყო. ასევე განიხილეს კიბერუსაფრთხოებასთან დაკავშირებული საკითხები. აღინიშნა, რომ სტრატეგიული პარტნიორობის ერთ-ერთ მნიშვნელოვან მიმართულებად უსაფრთხოების, მათ შორის, კიბერუსაფრთხოების სფეროში თანამშრომლობა განიხილება. შეხვედრაზე ყურადღება გამახვილდა საქართველოს სუვერენიტეტისა და ტერიტორიული მთლიანობის მხარდაჭერის საკითხზე“, – ნათქვამია საქართველოს პარლამენტის ინფორმაციაში.შეხვედრაში მონაწილეობდა ამერიკის შეერთებულ შტატებში საქართველოს საგანგებო და სრულუფლებიანი ელჩი თამარ ტალიაშვილი.საქართველოს საპარლამენტო დელეგაციას საგარეო ურთიერთობათა კომიტეტის თავმჯდომარე ნიკოლოზ სამხარაძე ხელმძღვანელობს. დელეგაციის შემადგენლობაში არიან: განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხი, ევროპასთან ინტეგრაციის კომიტეტის წევრი ლიკა შარტავა და პოლიტიკური ჯგუფის, „ხალხის ძალის“ თავმჯდომარის მოადგილე ეკა სეფაშვილი.