მიხეილ სააკაშვილი – ვაცხადებ კონკურსს ფოტოებზე, რომლებზეც ასახული იქნება 90-იანი წლების და დღევანდელი ქუჩის ბირჟები საქართველოში, საუკეთესო სამი გზავნილის ავტორი დაჯილდოვდება ჩემი წიგნით

გაერო-ში ირანის ელჩი ალი ბაჰრეინი აშშ-თან მოლაპარაკებების პერსპექტივას ეჭვქვეშ აყენებს.„ამ ეტაპზე ჩვენ ძალიან გვეპარება ეჭვი მოლაპარაკებების სარგებლიანობაში“, – განუცხადა ალი ბაჰრეინიმ ჟენევაში ჟურნალისტებს.მისივე თქმით, ირანი გააგრძელებს თავის დაცვას აგრესიის დასრულებამდე.ამასთან, ბაჰრეინიმ აღნიშნა, რომ ირანის მეზობელ ქვეყნებში არსებული რომელიმე ბაზა თუ იქნება გამოყენებული ირანზე თავდასხმისთვის ან შეჭრისთვის, თეირანი მას „ლეგიტიმურ სამიზნედ“ მიიჩნევს.

აშშ-ის პრეზიდენტი დონალდ ტრამპი აცხადებს, რომ ირანს შეერთებულ შტატებთან მოლაპარაკების გამართვა სურს, თუმცა ამისთვის „ძალიან გვიანია“.„მათი საჰაერო თავდაცვა, საჰაერო ძალები, საზღვაო ძალები და ხელმძღვანელობა აღარ არსებობს. მათ საუბარი სურთ. მე ვთქვი: „ძალიან გვიანია““, – წერს აშშ-ის პრეზიდენტი.ამასთან, ტრამპი აზიარებს „ვაშინგტონ პოსტის“ სტატიას სახელწოდებით: „ჩვენ ტრამპის დოქტრინის დაბადების მოწმენი ვართ“.„რეიგანის მსგავსად, პრეზიდენტმაც იპოვა გზა, რომ შეეცვალა მსოფლიო სამხედრო ძალის გამოყენების გარეშე“, – აღნიშნულია „ვაშინგტონ პოსტის“ პოსტში.

საფრანგეთის საგარეო საქმეთა მინისტრმა, ჟან-ნოელ ბარომ სატელეფონო საუბარი გამართა ჩინელ კოლეგასთან, ვან ისთან, ირანში მიმდინარე ომის საკითხზე.საფრანგეთის საგარეო საქმეთა სამინისტროს განცხადების თანახმად, ორივე მხარე შეთანხმდა დეესკალაციის მიმართულებით მუშაობაზე.განცხადებაში აღნიშნულია, რომ მინისტრები შეთანხმდნენ პოლიტიკური გადაწყვეტის ძიებაზე, რომელიც უზრუნველყოფს კოლექტიურ უსაფრთხოებას და გაითვალისწინებს ირანელი ხალხის მისწრაფებებს.საფრანგეთის საგარეო საქმეთა მინისტრმა კიდევ ერთხელ განაცხადა, რომ ირანი პასუხისმგებელია მიმდინარე ესკალაციაზე, მას შემდეგ, რაც „თეირანმა რეგიონში რამდენიმე ქვეყანას უსამართლოდ შეუტია“.ბარომ ასევე გააკრიტიკა ირანი იმის გამო, რომ თეირანმა არ დაიცვა გაერო-ს უშიშროების საბჭოს რეზოლუციები. კერძოდ, ბირთვულ პროგრამასთან, ბალისტიკურ აქტივობებთან და უკანონო შეიარაღებული ჯგუფების მხარდაჭერასთან დაკავშირებით, ასევე კეთილსინდისიერი მრავალმხრივი მოლაპარაკებების უარყოფისთვის.საფრანგეთის საგარეო საქმეთა მინისტრმა კიდევ ერთხელ აღნიშნა, რომ საფრანგეთი არ იყო ჩართული შეერთებული შტატებისა და ისრაელის ქმედებებში და მათ შესახებ წინასწარი ინფორმაცია არ ჰქონია.მისივე თქმით, ქვეყნებმა „პრიორიტეტი უნდა მიანიჭონ საერთაშორისო ინსტიტუტებს დავების მოსაგვარებლად და საჭიროების შემთხვევაში, ძალის გამოყენების დროსაც“.ორი ქვეყნის მინისტრები შეთანხმდნენ, რომ აღნიშნულ საკითხზე დიალოგს გააგრძელებენ.

რუსთაველის თეატრის სცენაზე ანრი ჯოხაძის შემოქმედებითი საღამო შედგა, რომელიც მომღერალმა დედის ხსოვნას მიუძღვნა. განსაკუთრებით ემოციური აღმოჩნდა მომენტი, როდესაც ანრი ჯოხაძემ „ყვავილების ქვეყანა“ შეასრულა. შესრულებამდე მან ემოციური სიტყვები წარმოთქვა.„ყოველ კონცერტზე დედა იჯდა პირველ რიგში, პირველ სკამზე. დღეს ეს სკამი სიმბოლურად ცარიელია… ეს მისი ადგილი იყო. მე მინდა შევასრულო სიმღერა, რომელთანაც განსაკუთრებული ემოციური ბმა მაქვს. როდესაც მამა ციხიდან გამოვიდა და სახლში 50 წლის იუბილეს აღნიშნავდა, დედა გამოვიდა და მას „ყვავილების ქვეყანა“ უმღერა. ეს იყო პირველი შემთხვევა, როცა ოჯახში სიყვარულის ასეთი ახსნა დავინახე და გავიგე. დღეს ამ გენიალურ სიმღერას კონკრეტულად დედას ვუძღვნი," - თქვა ანრიმ.

ისრაელმა საჰაერო თავდასხმის შედეგად გაანადგურა ირანის მთავარი პოლიტიკური შენობა, სადაც „ექსპერტთა ასამბლეის“ წევრები იკრიბებოდნენ. ინფორმაციას უცხოური მედია ავრცელებს.„ექსპერტთა ასამბლეა“ ახალი უზენაესი ლიდერის არჩევაზეა პასუხისმგებელი.მედიის ცნობით, თავდასხმას ადასტურებს ისრაელის თავდაცვის სამინისტროც.ირანის ექსპერტთა ასამბლეა 88 წევრისგან შედგება და მას ახალი უზენაესი ლიდერის არჩევა ევალება. უცხოური მედიის ცნობით, ამ ეტაპზე გაურკვეველია, რამდენი მათგანი იმყოფებოდა შენობაში დარტყმის დროს.