მეუფე შიო: ნუ შეგვეშინდება აი იმ ვიწრო გზის, რომელიც სულიწმინდის მოხვეჭას ესაჭიროება, იმ ღვაწლის, და იმ ვიწრო გზაზე სიარულის

„ტეხასური ნავთობკომპანიის ხელმძღვანელი საქართველოს წინააღმდეგ სანქციების კანონპროექტის მიღების წინააღმდეგ ლობირებს“, – ამ სათაურით აქვეყნებს სტატიას გამოცემა „ჰილსი“.როგორც სტატიაშია აღნიშნული, ამერიკული ენერგოკომპანიის დამფუძნებელი და აღმასრულებელი დირექტორი სტივ ნიკანდროსი რესპუბლიკელ კონგრესმენებს „მეგობარი აქტის“ წინააღმდეგ პოზიციის დაფიქსირებისკენ მოუწოდებს.„ჰილსი“ ნიკანდროსის მიერ, სულ მცირე, ერთ-ერთი კონგრესმენისთვის 19 იანვარს გაგზავნილ წერილზე დაყრდნობით წერს, ნიკანდროსის კომპანია საქართველოში 100 მილიონი დოლარის ოდენობით ინვესტირების განხორციელებისთვის ემზადება, რომელიც შესაძლოა, მომდევნო ორი წლის ვადაში მოხდეს. წერილი გაგზავნილია სტივ ნიკანდროსი მისი კომპანია TXN Energy Holdings Inc,-ის სახელით. ნიკანდროსის მტკიცებით, „მეგობარი აქტი“ და სხვა მსგავსი კანონპროექტები ზიანს მიაყენებს ამერიკულ ბიზნესებს საქართველოში.როგორც „ჰილსი“ აღნიშნავს, კანონპროექტს ორპარტიული მხარდაჭერა აქვს, როგორც წარმომადგენელთა პალატაში, ასევე სენატში. თუმცა, ის ამჟამად სენატორ მარკვეინ მულინის მიერ არის დაბლოკილი.სტატიაში ასევე აღნიშნულია, რომ სტივ ნიკანდროსს მარკვეინ მულინის კამპანიისთვის დონაციები აქვს გაღებული, ისევე როგორც სხვა რესპუბლიკელი კონგრესმენებისთვის. თუმცა, ჯერ კიდევ სექტემბერში, მულინმა „ჰილსთან“ ინტერვიუში განაცხადა, რომ „მეგობარი აქტის“ წინააღმდეგ მისი პოზიცია დაკავშირებული არ არის ნიკანდროსთან.„აღსანიშნავია, რომ 2020 წელს მულინი მხარს უჭერდა ნიკანდროსის ერთ-ერთ კომპანია „ფრონტერა რესურსებს“ საქართველოს მთავრობის წინააღმდეგ დავაში. წარმომადგენელთა პალატის სპიკერი მაიკ ჯონსონი შეეცადა, „მეგობარი აქტი“ დაემატებინა ეროვნული თავდაცვის ავტორიზაციის აქტში გასული წლის მიწურულს, თუმცა სენატის უმრავლესობის ლიდერმა, ჯონ ტუნიმ დაბლოკა“, – ნათქვამია სტატიაში.„ჰილსი“ ასევე აღნიშნავს, რომ 2020 წელს ნიკანდროსის კომპანია „ფრონტერას“ დავა ჰქონდა თბილისთან, კომპანია ირწმუნებოდა, რომ განახორციელა 500 მილიონ დოლარზე მეტის ინვესტიცია საქართველოში. კომპანიამ მილიონი დოლარი დახარჯა ლობისტური ხარჯებისთვის და ამავე წლის ივლისში თბილისმა ნება დართო, „ფრონტერას“ განეახლებინა საქმიანობა ქვეყანაში.„თითქმის სამი ათწლეულის განმავლობაში, ჩემმა კომპანიამ დიდი ინვესტიციები ჩადო საქართველოს ენერგოსექტორში“, – წერს ნიკანდროსი 19 იანვრით დათარიღებულ წერილში და აქვე აღნიშნავს, რომ ამ წერილს წინ უძღვოდა საგარეო ურთიერთობა კომიტეტის ზოგიერთი რესპუბლიკელი წევრისთვის სექტემბერში გაგზავნილი წერილი, სადაც მადლობას უხდიდა კონგრესმენებს იმ კანონპროექტის წინააღმდეგ პოზიციის დაფიქსირებისთვის, რომელიც შეწყვეტდა „ქართული ოცნების“ მთავრობის აღიარებას.„ჰილსი“ აღნიშნავს, რომ კონკრეტული კანონპროექტიც და „მეგობარი აქტიც“ კონგრესმენ ჯო უილსონის მიერაა დასპონსორებული, რომელსაც მანამდეც გამოუთქვამს შეშფოთება ნიკანდროსთან დაკავშირებით.„როგორც ჰელსინკის კომისიის თანათავმჯდომარე ორგანო, რომელსაც აქვს სასამართლოში დაბარების უფლებამოსილება, ვეცდები, მეტი გავიგო ამ პირის საქმიანობის შესახებ“, – წერდა უილსონი სექტემბერში „როიტერისთვის“ გაგზავნილ წერილში.გამოცემის ინფორმაციით, 19 იანვრის წერილში ნიკანდროსი აკრიტიკებს წარმომადგენელთა პალატის სპიკერ მაიკ ჯონსონს, რომელიც მხარს უჭერს კანონპროექტს.„ჰილსი“ ასევე წერს, რომ „პრეზიდენტ დონალდ ტრამპს არ გაუუქმებია ექსპრეზიდენტ ჯო ბაიდენის არცერთი ქმედება „ქართული ოცნების“ წევრების წინააღმდეგ. ქმედებები მოიცავს სანქციებს იმ მაღალჩინოსნების წინააღმდეგ, ვინც ჩართული იყო საპროტესტო აქციის მონაწილეთა ძალადობრივად ჩახშობაში, რომლებიც ევროკავშირში გაწევრიანების შეჩერებასთან დაკავშირებით „ქართული ოცნების“ გადაწყვეტილებას აპროტესტებდნენ“.„ბაიდენის სხვა ქმედებებს შორის იყო, „ქართული ოცნების“ საპატიო თავმჯდომარის, ბიძინა ივანიშვილის წინააღმდეგ სანქციების დაწესება და აშშ-საქართველოს სტრატეგიული პარტნიორობის შეჩერება, რომელიც ხელს უწყობდა თანამშრომლობას დემოკრატიის, თავდაცვის, უსაფრთხოების, ეკონომიკის, ვაჭრობის, ენერგეტიკისა და კულტურული გაცვლის საკითხებში. ივანიშვილმა, რომელმაც მილიარდი დოლარის ქონება დააგროვა პოსტსაბჭოთა რუსეთში, „ქართულ ოცნებას“ დაავალა მოსკოვთან ურთიერთობების გამოსწორება, რუსეთის პრეზიდენტ ვლადიმერ პუტინის უკრაინული ომის გამო დაწესებული სანქციების შეჩერებით, ქვეყნებს შორის ფრენების განახლებით და სამოქალაქო საზოგადოების წინააღმდეგ კრემლის კანონმდებლობის კოპირებით“, – წერს „ჰილსი“ და აღნიშნავს, რომ „ტრამპის ადმინისტრაცია ივლისში შეეცადა, აღედგინა ურთიერთობები ივანიშვილთან, რომელმაც უარყო ეს შეთავაზება, რადგან აშშ-ის სანქციები ძალაში რჩებოდა“.ამასთან მიმდინარე კვირაში, „ჰილსისთვის“ მიწერილ წერილში უილსონმა დაიცვა „მეგობარი აქტი“, როგორც აუცილებლობა ტრამპის ძალისხმევის გასაძლიერებლად სამხრეთ კავკასიაში, როგორიცაა „ტრამპის მარშრუტი“ საერთაშორისო მშვიდობისა და კეთილდღეობისთვის.„ისტორიული მშვიდობა სომხეთსა და აზერბაიჯანს შორის, „ტრამპის მარშრუტის“ წარმატება საერთაშორისო მშვიდობისა და კეთილდღეობისთვის, ჩინეთის, ირანისა და რუსეთის შუა დერეფნიდან ჩამოშორება მხოლოდ იმ შემთხვევაშია შესაძლებელი, თუ „ქართული ოცნების“ მთავრობა შეცვლის თავის ანტიამერიკულ ქცევას“, – განაცხადა უილსონმა.ამასთან, სტატიის მიხედვით, „კონგრესმენები, რომლებიც საქართველოზე არიან ფოკუსირებული, მმართველ პარტიას ქვეყნის ისტორიაში „ბნელი ეტაპის“ შემოღებისთვის აკრიტიკებენ“. ნიკანდროსი კი ბაიდენს ადანაშაულებს თბილისთან უთანხმოებაში და „ქართულ ოცნებას“ წარმოადგენს როგორც „კონსერვატიული“ მოძრაობის მოკავშირეს. „ბაიდენის ადმინისტრაციის ბოლო წლის განმავლობაში, ლიბერალური/პროგრესული საგარეო პოლიტიკის ფარგლებში განხორციელებულმა ქმედებებმა, საქართველოს სუვერენულ, კონსერვატიულ მთავრობასთან იდეოლოგიური უთანხმოების საპასუხოდ. მნიშვნელოვანი ზიანი მიაყენა აშშ-საქართველოს მჭიდრო, ხანგრძლივ ურთიერთობებს“, – წერს ის.„ჰილსის“ მიხედვით, ნიკანდროსი წერილს თან ურთავს ექვსგვერდიან „ანალიტიკურ ფრაგმენტს“, რომელსაც, მისი აზრით, შესაძლოა, წერილის ადრესატი კონგრესმენი დაეყრდნონ. წერილში ნიკანდროსი ეწინააღმდეგება საერთაშორისო დამკვირვებელთა დასკვნებს საპარლამენტო არჩევნებთან დაკავშირებით, სადაც საუბარია, რომ „არჩევნები არ იყო თავისუფალი და სამართლიანი“. „ჰილსის“ სტატიის მიხედვით, ის „ასევე იცავს „ქართული ოცნების“ მიერ მიღებულ კრემლისგან ინიციირებულ კანონს „უცხოური აგენტების“ შესახებ, რომელიც სჯის სამოქალაქო საზოგადოების ჯგუფებს, რომლებიც იღებენ უცხოურ დაფინანსებას. ნიკანდროსი ასევე ირწმუნება, რომ „ქართული ოცნების“ მთავრობა არის ტრამპის ადმინისტრაციის იდეოლოგიური მოკავშირე და იმსახურებს მხარდაჭერას“.

დღეს სანდრო გირგვლიანის გარდაცვალებიდან 20 წელი გავიდა. 2006 წლის 28 იანვარს გირგვლიანი ოქროყანის სასაფლაოზე მოკლეს. 20 წლის შემდეგ მის მკვლელობაზე გამოძიება ისევ გრძელდება.შარდენბარში დაწყებული ინციდენტი, რომლის მონაწილეებიც ვანო მერაბიშვილის მეუღლე თაკო სალაყაია და მისი თანმხლები პირები იყვნენ, ოქროყანაში დასრულდა. ნაწამები და გარდაცვლილი სანდრო გირგვლიანი მისმა მეგობრებმა 28 იანვარს იპოვეს. შსს-მ მაშინ განაცხადა, რომ მკვლელობა ე.წ. სვანურ გარჩევებს უკავშირდებოდა.5 იანვარს, მოსამართლე გიორგი არევაძემ სანდრო გირგვლიანის საქმეზე მიხეილ სააკაშვილი დამნაშავედ ცნო. საქმეში ბრალდებულია ასევე დათა ახალაია და ვანო მერაბიშვილი. თუმცა გირგვლიანის ოჯახის ადვოკატი შალვა შავგულიძე ამბობს, რომ ამ საქმეზე ჯერ კიდევ ბევრ შეკითხვაზე პასუხი გაცემული არ არის.

ირანზე თავდასხმა არასწორია, ომის ხელახლა დაწყება არასწორია. ირანი მზად არის ბირთვულ საკითხზე ხელახლა მოლაპარაკებებისთვის, – ამის შესახებ თურქეთის საგარეო საქმეთა მინისტრმა ჰაკან ფიდანმა განაცხადა.ამასთან, ფიდანი აშშ-ის რჩევას აძლევს, ირანთან დაკავშირებით საქმეები დახუროს. მისივე თქმით, წინააღმდეგ შემთხვევაში, ირანული მხარისთვის რთული იქნება ახალი რეგულაციების აღქმა და გადახარშვა.„ჩემი რჩევა ამერიკელ მეგობრებს: ირანელებთან დაკავშირებით დახურეთ საქმეები ერთმანეთის მიყოლებით. დაიწყეთ ბირთვულით, დახურეთ ის. მათ პაკეტად თუ წარმოადგენთ, ჩვენი ირანელი მეგობრებისთვის ძალიან რთული იქნება ამის აღქმა და გადახარშვა. შეიძლება, მათ დამამცირებლად მოეჩვენოთ და ხელმძღვანელობისთვის ახსნა რთული იქნება. ჩვენ თუ შევძლებთ, რომ ყველაფერი უკეთესად ასატანი გავხადოთ, ეს დაგვეხმარება“, – განაცხადა ჰაკან ფიდანმა. 

გააზიარეთ გთხოვთ დედის პოსტი . როგორც დედა გთხოვთ შველას,შედეგი შეიძლება იყოს უმძიმესი,ჩემს შვილს სასწაფოდ ესაჭიროება თურქეთში გადაყვანა,6 წლის ბავშვს ეხება საქმე,ბავშვი მეორე სართულიდან გადმოვარდა,რამაც სრულიად შეურყია ჯანმრთელობა,ჩატარდა ორი ოპერაცია,უამრავი კვლევა როგორც საქართველოში ასევე თურქეთში,მკურნალობა რომელიც მოიცავს უდიდეს ხარჯებს,აქვს ღვიძლზე პრობლემები ზომაში იზრდება და ემატება გაცხიმოვნება,სამწუხაროდ 2 სანტიმეტრით გაცდა ნეკნებს,ასაკის გამო ვერ ინიშნება წამალი თუმცა ახლა იძულებულნი ვართ დავიწყოთ, აქვს მხედველობის გაორება პერიოდულად რაც საჭიროებს გამოკვლევებს სასწრაფოდ,-4 გასცდა მხედველობის დონე,ყველას გთხოვთ გაზიარებას, თითო ლარით გვერდში დგომას,ეს ვიზიტი ჯანმრთელობისთვის გადამწყვეტია და გვაქვს იმედი რომ საბოლოო ვიზიტი იქნება და ჩემს შვილს ჯანმრთელს დავიბრუნებ,ეს ის შემთხვევაა რომლისგანაც დაზღვეული არავინაა სამწუხაროდ,ყველას მოგიწოდებთ თითო ლარით დაგვიდექით გვერდში.სამწუხაროს აღარანაირი საშუალება აღარ გვაქვს არ იფიქროთ თქვენი ერთი ლარი არაფერს წყვეტს დაჩისთვის ეხლა თქვენი ერთი ლარი გადამწყვეტია,თქვენით მოვედით აქამდე და თქვენი იმედი მაქვს დღესაცსაქართველოს ბანკი:#GE49BG0000000534228883თიბისი ბანკი:#GE66TB7561245063300016მიმღები:ნათია თანდაშვილი (დედა)

ჯანდაცვის მინისტრის ყოფილ მოადგილეს, ილია ღუდუშაურს ბრალდება საქართველოს სისხლის სამართლის კოდექსის 332-ე მუხლის მე-2 ნაწილით წარედგინა, რაც სამსახურებრივი უფლებამოსილების ბოროტად გამოყენებას გულისხმობს.ღუდუშაურს ბრალდება წინასწარი მოთავსების იზოლატორში გააცნეს.ილია ღუდუშაურის ადვოკატის, დიმიტრი მჭედლიშვილის თქმით, ღუდუშაური წარდგენილ ბრალდებას აღიარებს.„ბრალი საქართველოს სისხლის სამართლის კოდექსის 332-ე მუხლის მე-2 ნაწილით წარედგინა, რაც სამსახურებრივი უფლებამოსილების ბოროტად გამოყენებას გულისხმობს. ჩვენი პოზიცია არის, რომ ბრალს აღიარებს ილია ღუდუშაური და მზად ვართ, ვითანამშრომლოთ გამოძიებასთან. საკითხი ეხება კონკრეტულ შესყიდვებს. საქმის მასალებს სრულად არ გავცნობივარ. ახლა ავიღებ და მეტი დეტალის თქმა შემეძლება“, – განაცხადა ადვოკატმა დიმიტრი მჭედლიშვილმა.