რა სანუგეშო სიტყვებია ჩვენთვის განსაცდელისა და მწუხარების ჟამს, დაეჭვების თუ ორჭოფობის ჟამს, რომ ნუ გეშინია, მხოლოდ ირწმუნე და უფალი შენთან იქნება, არასდროს მიგატოვებს… თუ მტკიცე რწმენით და სიმდაბლით მივეახლებით მაცხოვარს და შევთხოვთ ცოდვების მიტევებას და განკურნებას, იგი შეგვინდობს და განგვკურნავს, – ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა, მეუფე შიომ (მუჯირი) სულთმოფენობიდან ოცდამესამე კვირას სამების საკათედრო ტაძარში ქადაგებისას აღნიშნა.„ძვირფასო მამებო, ძმებო და დებო, გილოცავთ დღევანდელ კვირა დღეს. გადმოგცემთ სრულიად საქართველოს კათოლიკოს-პატრიარქის, ილია II-ის ლოცვა-კურთხევას.დღეს სახარებიდან წაკითხული იყო უფალ იესო ქრისტეს ორი სასწაული, თუ როგორ განკურნა მან სისხლმდინარე ქალი, რომელსაც ვერანაირი ადამიანური საშუალებებით ვეღარ კურნავდნენ და მკვდრეთით აღადგინა ახალგაზრდა გოგონა მისი მშობლების დიდი მწუხარების და ლოცვების საპასუხოდ.ეს სისხლმდინარე ქალი მივიდა უფალთან და მისი სამოსლის კალთას შეეხო. უფალმა მას უთხრა: „ნუ გეშინია, ასულო, შენმა რწმენამ გადაგარჩინა, წადი მშვიდობით“ (ლკ. 8, 48). უფლის ეს სიტყვები განეკუთვნება არა მხოლოდ ამ დედაკაცს, ამ ქალს, არამედ შეიძლება ეხებოდეს ყველა ადამიანს, იმიტომ, რომ ადამიანი შეიძლება იყოს სისხლმდინარე არა მხოლოდ ფიზიკურად, არამედ სულიერადაც. ამიტომ ეს სიტყვები ეხება ყველას, ვინც ამ ცხოვრებაში მიიღო სულიერი ჭრილობები, ვინც მიისწრაფვის საღვთო მკურნალისკენ – ქრისტესკენ და სურს, მისი სამოსლის კალთას შეეხოს.დავფიქრდეთ, განა არა ვართ ასეთი სულიერად სისხლმდინარენი? განა არ არის ჩვენი სულიც სავსე ცოდვებით, რაც არის სულიერი სნეულება, ამ სნეულებებით?საერთოდ, ამ ცხოვრებაში ყველა ადამიანი სცოდავს, ყველას აქვს ეს ცოდვები და სნეულებები, ამას გვასწავლიან წმინდა მოციქულები. აი, მაგალითად, იაკობ მოციქული, ძმა უფლისა, ამბობს: „ჩვენ, ყველანი, ბევრს ვცოდავთ“ (იაკ. 3, 2). ასევე წმინდა მოციქული იოანე ღვთისმეტყველიც წერს, რომ „თუ ვამბობთ, რომ ცოდვა არა გვაქვს, თავს ვიტყუებთ და ჭეშმარიტება არ არის ჩვენში“ (I ინ. 1, 8 ). კარგია, როცა ვხედავთ ამ ცოდვებს, მაგრამ ბევრ მათგანს ხომ ვერც ვხედავთ, ანუ ნაწილს ვხედავთ, ნაწილს – ვერა. რატომ? ისე ვართ შეზრდილნი ამ ცოდვასთან, რომ უკვე ვეღარც ვასხვავებთ, სად არის ჩვენი სული და სად არის ცოდვა; მაგრამ არიან ადამიანები, რომლებიც კიდევ უფრო მძიმე სულიერ მდგომარეობაში არიან. ისინი საერთოდ ვერ გრძნობენ, საერთოდ ვერ ხედავენ ვერანაირ ცოდვას თავიანთ სულში. ამას უწოდებენ სულიერ სიკვდილსაც, როცა ადამიანს სული მკვდარი აქვს, მაგრამ ამას ვერ აცნობიერებს.როგორ ვლინდება ეს? – ადამიანი აკვირდება თავის თავს, მაგრამ ცოდვებს ვერ ხედავს; ამბობს, რომ არ აქვს ცოდვა, არ სცოდავს. ალბათ არაერთი მოძღვარი დამეთანხმება, რომ ჩვენს სამოძღვრო პრაქტიკაში გვქონია შეხვედრები ასეთ ადამიანებთან. საოცარია, რომ აღსარებაზეც კი ყოფილან ასეთები ან მათთან მიუყვანიათ მღვდელი და უთქვამთ: „მე არაფერს ისეთს არ ვცოდავ“ ან „მე წესიერი ადამიანი ვარ, ცოდვები არ მაქვს“ და ა. შ.რას ნიშნავს ეს? – ადამიანს სული პარალიზებული აქვს, როგორც დამბლადაცემული ადამიანი ვეღარ გრძნობს ფიზიკურ ტკივილს, ასე არის ესეც: ადამიანს სული მკვდარი აქვს და ვეღარ გრძნობს ამ თავის სნეულებას და ცოდვას. ასეთი ადამიანის გაცოცხლებას, რა თქმა უნდა, განსაკუთრებული ძალისხმევა და მადლი სჭირდება.უფალ იესო ქრისტეს გარშემო იყო ხალხმრავლობა და ამ სისხლმდინარე ქალს ეგონა, რომ ამიტომ შეუმჩნეველი დარჩებოდა მისი სნეულებაც, ქრისტეს შეხებაც, რადგან რჯულით აკრძალული იყო ასეთ მდგომარეობაში ის, რაც მან გააკეთა. უეცრად ესმის მაცხოვრის სიტყვები: „ვინ შემეხო მე?“ (ლკ. 8, 45). წარმოიდგინეთ ამ ქალის მღელვარება, მას ეგონა, რომ ახლა ყველაფერი გამჟღავნდებოდა და მას მოელოდა სასჯელი. ამიტომ დაიჩოქა ქრისტეს წინაშე და ყველაფერი უამბო. უფალმა კი უთხრა: „ნუ გეშინია, ასულო, შენმა რწმენამ გადაგარჩინა, წადი მშვიდობით“ (ლკ. 8, 48).აი, რა ძალა აქვს, ძვირფასო ძმებო და დებო, ცოცხალ რწმენას და ასეთი რწმენით ქრისტესთან მიახლებას.იქვე იყო იაიროსი, სინაგოგის წინამძღვარი, რომელსაც შვილი უკვდებოდა. მან დაუჩოქა მაცხოვარს და სთხოვა, მასთან სახლში მისულიყო და გოგონა განეკურნა. ამ დროს მოდიან მისი მსახურები და ეტყვიან, რომ გოგონა გარდაიცვალა და არ ღირს მოძღვრის შეწუხება. უფალმა რომ დაინახა მისი დიდი მწუხარება, უთხრა: „ნუ გეშინია, მხოლოდ ირწმუნე და განიკურნება შენი შვილი“ (ლკ. 8, 50). აი, როგორი საოცარი სიტყვებია! რა სანუგეშო სიტყვებია ჩვენთვის განსაცდელისა და მწუხარების ჟამს, დაეჭვების თუ ორჭოფობის ჟამს, რომ ნუ გეშინია, მხოლოდ ირწმუნე და უფალი შენთან იქნება, არასდროს მიგატოვებს.მაშასადამე, ძვირფასო ძმებო და დებო, სახარების ეს ეპიზოდი გვასწავლის, რომ ღვთის მადლით შესაძლებელია ჩვენი განკურნებაც და მკვდრეთით აღდგომაც, თუ ამას მოვინდომებთ და გვექნება რწმენა, რომ ეს შესაძლებელია.და კიდევ: ეს დედაკაციც და იაიროსიც მიდიან მაცხოვართან და უჩოქებენ მას. ეს ნიშნავს, რომ დიდი სიმდაბლითა და დიდი რწმენით ევედრებოდნენ უფალს. ესეც მაგალითია ჩვენთვის, რომ თუ ჩვენც ასეთი მტკიცე რწმენით და სიმდაბლით მივეახლებით მაცხოვარს და შევთხოვთ ცოდვების მიტევებას და განკურნებას, იგი შეგვინდობს და განგვკურნავს, რამეთუ ის არის მკურნალი სულთა და ხორცთა ჩვენთა და მხოლოდ მას შვენის ყოველი დიდება, პატივი და თაყვანისცემა, თანა მამით და სულიწმინდითურთ, აწ და მარადის და უკუნითი უკუნისამდე. ამინ“, – განაცხადა მეუფე შიომ ქადაგებისას.

როდესაც ერთ საინვესტიციო პროექტს ქვეყნის განვითარებისთვის ამხელა ეფექტი მოაქვს, გასაკვირი არაა, რომ საქართველოს უცხოტომელი არაკეთილმოსურნეები მის წინააღმდეგ ასე აქტიურობენ და საკუთარ აგენტურას სრული ძალისხმევით ამუშავებენ, – ამის შესახებ საქართველოს პრემიერ-მინისტრმა, ირაკლი კობახიძემ „იგლ ჰილსის“ პროექტთან დაკავშირებით განაცხადა.პრემიერის თქმით, პროექტის საქართველოს ეროვნული ინტერესების სრული დაცვით განხორციელებაზე ხელისუფლება იღებს სრულ პასუხისმგებლობას.„ერთი მხრივ არავითარი „არაბიზაცია“, არავითარი მიწის გადაცემა უცხოტომელებისთვის, არავითარი მანიპულაციები ინვესტიციის გაანგარიშებისას; მეორე მხრივ, 24 000 ათასი დროებითი და 8 000 მუდმივი სამუშაო ადგილი, დამატებით 11 მილიარდი საქართველოს ეკონომიკაში, წელიწადში დამატებით 700 მილიონი ლარი სახელმწიფო ბიუჯეტში, უმაღლესი სტანდარტების განაშენიანებული სივრცეები კრწანისსა და გონიოში, ახალი შესაძლებლობები ტურიზმის განვითარებისთვის, არავითარი ფინანსური ვალდებულება, ფინანსური გარანტია ან არასტანდარტული პირობა პარტნიორ კომპანიასთან მიმართებით, სტიმული სხვა მსხვილი კომპანიებისთვის, ჩადონ მასშტაბური ინვესტიციები ქართულ ეკონომიკაში. როდესაც ერთ საინვესტიციო პროექტს ქვეყნის განვითარებისთვის ამხელა ეფექტი მოაქვს, გასაკვირი არაა, რომ საქართველოს უცხოტომელი არაკეთილმოსურნეები მის წინააღმდეგ ასე აქტიურობენ და საკუთარ აგენტურას სრული ძალისხმევით ამუშავებენ. თუმცა მთავარია სიმართლე და, ვფიქრობ, ასეთ პირობებში ხელისუფლების და თითოეული ინფორმირებული მოქალაქის არჩევანი ძალიან მარტივია. ჩვენი არჩევანია მშვიდობა და განვითარება საქართველოსთვის და ქართველების უკეთესი მომავალისთვის. პროექტის საქართველოს ეროვნული ინტერესების სრული დაცვით განხორციელებაზე ხელისუფლება იღებს სრულ პასუხისმგებლობას“, – განაცხადა პრემიერმა.

საქართველოს საფეხბურთო ნაკრები დღეს, 21 საათზე მსოფლიო ჩემპიონატის შესარჩევ მატჩში ესპანეთს უმასპინძლებს. პირდაპირ რეპორტაჟს საქართველოს პირველი არხი და პირველი არხი სპორტი შემოგთავაზებთ.ჩვენი გუნდის მთავარმა მწვრთნელმა, ვილი სანიოლმა მატჩის წინ სასტარტო შემადგენლობა დაასახელა:მამარდაშვილი, გოჩოლეიშვილი, გოგლიჩიძე, ლოჩოშვილი, მამუჩაშვილი, ტაბატაძე, მექვაბიშვილი, კიტეიშვილი, დავითაშვილი, ზივზივაძე, კვარაცხელია.

გვიკიჟინებენ, რომ ელჩი უნდა იქნეს გაწვეული და საერთოდ, ქვეყნიდან იქნეს გაყვანილი. ეს არის ძალიან სერიოზული სკანდალი, რომელიც აუცილებლად ჩვენ დაგვაზიანებს. ჯერ ერთი, გარანტია არ არის, სხვა ელჩს თუ გამოგზავნიან, მას ექნება ნაკლებად არამეგობრული თვისებები, საქციელი და მეორე - საქართველოს და გერმანიას შორის ურთიერთობას, თუნდაც დღესდღეობით პრობლემებით აღსავსეს, ვერ შევწირავთ ჩვენს ინტერესს. ისევ ვრჩებით ამ ცალმხრივი მეგობრობის რეჟიმში, - ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებს განუცხადა, როდესაც ისაუბრა გერმანიის ელჩის, პეტერ ფიშერის საპროტესტო აქციაზე მისვლის შესახებ.როგორც გია ვოლსკიმ აღნიშნა, კონსულტაციების შემდეგ ბერლინიდან თბილისში დაბრუნებული ელჩი იმავეს აგრძელებს.„მართალი გითხრათ, მცირე იმედი გვქონდა, რომ ბერლინში დაბრუნებულ ელჩს, საუბარი ექნებოდა იმასთან დაკავშირებით, რომ ასე ღიად, ხისტად ექსტრემიზმის მხარდაჭერა არ შეიძლება. რაღაც გარკვეული პერიოდი აიღეს იმისთვის,რომ ეს გრძნობები და ემოციები ჩამცხრალიყო. ხდება ასეთი რამე, მსოფლიოს დიპლომატიის პრაქტიკაში არის ასეთი რამე და შემდეგ დაბრუნებული ელჩი, რა საკვირველია, სხვა ნაბიჯებს დგამს და კომპრომისით ორივე მხარე კმაყოფილია. ჩამოვიდა და იმავეს აგრძელებს, ეს არ არის პასუხი მხოლოდ საქართველოს საზოგადოებისადმი და მხოლოდ მისი შეურაცხყოფა არ არის. გერმანიაში, დღეს, ყველაზე პოპულარული პარტია სვამს შეკითხვას- რატომ ქირაობს ელჩი ბინა ერთ-ერთი პოლიტიკური ლიდერისგან,რომელიც არის ოპოზიციაში და ექსტრემიზმის განვითარებას უწყობს ხელს. საერთოდ, რა წარმოადგენს ეს შეთანხმება, რატომ გადაიხადა ხაზარაძემ ჯარიმა? რა იყო, რა დარღვევა ჩაიდინა და იცოდა, თუ არა ამ დარღვევის თაობაზე და ზოგადად, ეს პოლიტიკური აქტივობა, არის თუ არა ქვეყნის შიდა საქმეებში ჩარევა? ამ და სხვა საკითხების გამო ამ პარტიას ბანკში ანგარიშები საერთოდ დაუხურეს, ურთიერთობაც არანაკლებ ხისტია, ვიდრე ჩვენ გაგვიგია ამის შესახებ. პოლიტიკურ პარტიებს შორის დაპირისპირებები გვინახავს, მაგრამ იქ საკმაოდ ხისტია. ანუ მარტო ჩვენ კი არ გაგვცეს პასუხი, იმათაც გასცეს პასუხი, ვინც ამ საკითხზე ზედმეტ შეკითხვებს სვამს, მაგრამ ჩვენი პოზიცია არის სწორი და მართებული“, - განაცხადა ვოლკსიმმისი თქმით, საქართველოსა და გერმანიას შორის ურთიერთობა ათეული წლები ყალიბდებოდა, იქამდე, სანამ ოკუპირებული იქნებოდა არამარტო საქართველო, არამედ ბევრი ქვეყანა.„საქართველოს გერმანიასთან საკმაოდ პოზიტიური ურთიერთობები დამოუკიდებლობამდეც ჰქონდა. ჩვენ ვფიქრობთ, რომ ეს დრო, ადრე თუ გვიან, მოვა და ჩვენ არ ვაპირებთ ახალი ზიანი მივაყენოთ ჩვენს ქვეყანას იმით, რომ ხისტი ზომები მივიღოთ ელჩის მიმართ. აქ გვიკიჟინებენ, რომ ელჩი უნდა იქნეს გაწვეული და საერთოდ, ქვეყნიდან იქნეს გაყვანილი. ეს არის ძალიან სერიოზული სკანდალი, რომელიც აუცილებლად ჩვენ დაგვაზიანებს. ჯერ ერთი, გარანტია არ არის, რომ სხვა ელჩს თუ გამოგზავნიან, მას ექნება ნაკლებად არამეგობრული, თვისებები, საქციელი და მეორე - საქართველოს და გერმანიას შორის ურთიერთობას, თუნდაც დღესდღეობით პრობლემებით აღსავსეს, ვერ შევწირავთ ჩვენს ინტერესს. ისევ ვრჩებით ამ ცალმხრივი მეგობრობის რეჟიმში. ზოგს არ მოსწონს ეს სიტყვა, მაგრამ ფაქტია, რომ ეროვნული ინტერესებისთვის ასე უკეთესია“, - განაცხადა გია ვოლკსიმ.

გუშინ ერთ-ერთმა ტელეკომპანიამ, კერძოდ, „ტვ პირველმა“, მაყურებელს მორიგი სიცრუე, ფეიკნიუსი შესთავაზა, მთელი დღის მანძილზე, ავრცელებდა ინფორმაციას, თითქოს თბილისის მერიამ აფრიკის დასახლებაში მშენებარე ეკლესიას ბულდოზერებით გადაუარა, დაანგრია და გაანადგურა, – ამის შესახებ თბილისის მერმა, კახა კალაძემ განაცხადა.მისი თქმით, ოპოზიციურმა ტელეკომპანიამ „შემოაგდო თემა“, მერიის მიერ გაკეთებული განცხადება კი არ გააშუქა.კალაძის განმარტებით, საპატრიარქოსა და თბილისის მერიას შორის ყოველთვის არის კომუნიკაცია, როდესაც ეკლესიის მშენებლობა იგეგმება.„შემოაგდეს თემა, თითქოს ჩვენ მშენებარე ეკლესია დავანგრიეთ, თითქოს 14 წელი მიმდინარეობდა აღნიშნულის სამშენებლო სამუშაოები. თბილისის მერიამ გააკეთა განცხადება ამ თემაზე, სადაც თანდართული იყო ე.წ. ეკლესიის ფოტომასალა. კიდევ ერთხელ ვიმეორებ, ეს იყო სიცრუე, არანაირი ეკლესიის მშენებლობა არ მიმდინარეობდა. მე გულწრფელად ვიტყვი, როდესაც ხდება ეკლესიის მშენებლობა – 2017 წლიდან ვარ ქალაქის მერი – მე არ მახსოვს შემთხვევა, რომ საპატრიარქოს არ ჩავეყენებინეთ საქმის კურსში ან არ ყოფილიყო ინფორმაციის გაცვლა-გამოცვლა სამომავლოდ განსახორციელებელ პროექტებთან დაკავშირებით. რაც შეეხება განცხადებას და ამ განცხადების გაშუქებას, ცხადია, „ტვ პირველმა“ არ ჩათავალა მიზანშეწონილად, რადგან მერე მათი სიცრუე ჩაიკარგებოდა და რაში აწყობდათ სიმართლე? მინდა, კიდევ ერთხელ სრული პასუხისმგებლობით განვაცხადო, რომ გავრცელებული ინფორმაცია არის მორიგი სიცრუე და დეზინფორმაცია“, – აღნიშნა კახა კალაძემ.დედაქალაქის მერმა ასევე წარმოადგინა იმ ნაგებობის ფოტომასალა, რომელიც, კონკრეტული ტელეკომპანიის მტკიცებით, წარმოადგენდა 14 წლის მანძილზე მშენებარე საეკლესიო ნაგებობას და აღნიშნა, რომ ამ ტერიტორიაზე მშენებლობა სულ რამდენიმე თვის წინ დაიწყო. კალაძემ ასევე გამოხატა მზაობა, რომ კონკრეტული დასახლებისთვის თუ აუცილებელია ტაძარი, მერია ყველანაირად შეუწყობს ხელს მის აშენებას.„როგორ შეიძლება, ზოგადად შევეწინააღმდეგოთ ეკლესიის მშენებლობას? არ ყოფილა შემთხვევა, როდესაც ტაძრის მშენებლობა იგეგმება თბილისში, მერიასთან კომუნიკაციის გარეშე მომხდარიყოს. საპატრიარქო ყოველთვის გვაყენებს საქმის კურსში, რომ ხდება სამშენებლო სამუშაოების წარმოება, იწყება ტაძრის მშენებლობა და ა.შ. იმ კონკრეტული დასახლებისთვის თუ აუცილებელია ტაძარი, რა თქმა უნდა, ჩვენ ყველაფერს გავაკეთებთ, რომ ხელი შევუწყოთ პროექტის დამტკიცებას, განხორციელებას და ა.შ. თუმცა ამ ნაგებობას, რომელიც რამდენიმე თვის წინ გაჩნდა ამ ტერიტორიაზე, არანაირი კავშირი არ აქვს ეკლესიასა  და ეკლესიის მშენებლობასთან“, – განაცხადა კახა კალაძემ.