მამუკა მდინარაძე ოპოზიციის დაპირებულ 14 მილიარდზე: ვთხოვთ ოპონენტებს, დაგვისახელონ ფონდები, საიდანაც შეიძლება ეს თანხები ჩვენს ქვეყანაში წამოვიდეს

თბილისის მერი კახა კალაძე „კავკასიის მედიცინის ცენტრში“ იმყოფებოდა, სადაც საქართველოს კათალიკოს-პატრიარქი, უწმინდესი და უნეტარესი ილია მეორეა მოთავსებული.თბილისის მერიის ინფორმაციით, კახა კალაძემ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ მიხეილ სარჯველაძისგან პატრიარქის ჯანმრთელობის მდგომარეობის შესახებ ინფორმაცია მოისმინა.დედაქალაქის მერი ასევე შეხვდა კლინიკაში შეკრებილ სასულიერო პირებსა და საპატრიარქოს წარმომადგენლებს და უწმინდესს მალე გამოჯანმრთელება უსურვა.ილია მეორე ჯანმრთელობის მდგომარეობის გაუარესების გამო კლინიკაში გუშინ, გვიან ღამით გადაიყვანეს. მედიკოსების ინფორმაციით, კათოლიკოს-პატრიარქი მართვით სუნთქვაზე იმყოფება.

ისრაელის თავდაცვის მინისტრი, ისრაელ კაცი აცხადებს, რომ ირანის ეროვნული უსაფრთხოების საბჭოს მდივანი ალი ლარიჯანი ლიკვიდირებულია.მისივე თქმით, ლარიჯანის სიკვდილის შესახებ ახლახან შეატყობინეს.„ლარიჯანი და ბასიჯის მეთაური ლიკვიდირებულნი არიან და ჯოჯოხეთის უფსკრულში შეუერთდნენ განადგურების პროგრამის ხელმძღვანელს, ხამენეის და ბოროტების ღერძის ყველა ლიკვიდირებულ წევრს“, – განაცხადა კაცმა.ირანულ მხარეს ალი ლარიჯანთან დაკავშირებით კომენტარი არ გაუკეთებია.ამასთან, ისრაელის თავდაცვის ძალებში აცხადებენ, რომ ირანის „ბასიჯის“ დანაყოფის მეთაური ღოლამრეზა სოლეიმანი მოკლეს.ცნობისთვის, ცნობისთვის, გასულ კვირას ალი ლარიჯანი საჯაროდ გამოჩნდა. მან თეირანში მთავრობის მხარდამჭერ აქციებში მიიღო მონაწილეობა.

კავკასიის მედიცინის ცენტრში, სადაც საქართველოს კათოლიკოს-პატრიარქია მოთავსებული, პრემიერ-მინისტრი ირაკლი კობახიძე და პარლამენტის თავმჯდომარე შალვა პაპუაშვილი მივიდნენ.მათთან ერთად იმყოფებიან თავდაცვის მინისტრი, ასევე საკანონმდებლო და აღმასრულებელი ხელისუფლების წარმომადგენლები.როგორც ცნობილია, ამ დრომდე გრძელდება სამედიცინო კონსილიუმი. სხვადასხვა სამედიცინო დაწესებულების რეანიმაციული განყოფილებების ხელმძღვანელები განიხილავენ მკურნალობის სამომავლო ნაბიჯებს, მათ შორის საჭიროა თუ არა უცხოეთიდან სპეციალისტების მოწვევა.საქართველოს კათოლიკოს-პატრიარქი ილია მეორე ჯანმრთელობის მდგომარეობის გაუარესების გამო „კავკასიის მედიცინის ცენტრში“ გვიან ღამით გადაიყვანეს. ექიმების ინფორმაციით, პატრიარქს კუჭიდან ძლიერი სისხლდენა ჰქონდა, რის გამოც მას შესაბამისი პროცედურები ჩაუტარდა და მოხდა სისხლდენის შეჩერება. როგორც კავკასიის მედიცინის ცენტრში აცხადებენ, ილია მეორე ამ ეტაპზე კრიტიკული მედიცინის დეპარტამენტში მართვით სუნთქვაზე იმყოფება.

ჩინეთი და აშშ დონალდ ტრამპის ჩინეთში ვიზიტთან დაკავშირებით კომუნიკაციას აწარმოებენ, – ამის შესახებ ჩინეთის საგარეო საქმეთა სამინისტროს წარმომადგენელმა განაცხადა. ამასთან, ლინ ძიანმა აღნიშნა, რომ ვიზიტს ჰორმუზის სრუტეში ნავიგაციის საკითხთან არანაირ კავშირში არ არის.„ჩინეთი და აშშ კომუნიკაციას აწარმოებენ პრეზიდენტ ტრამპის ჩინეთში ვიზიტთან დაკავშირებით. ვიზიტს ჰორმუზის სრუტეში ნავიგაციასთან არავითარი კავშირი არ აქვს“, – განაცხადა ჩინეთის საგარეო საქმეთა სამინისტროს წარმომადგენელმა.მანამდე, აშშ-ის პრეზიდენტმა, დონალდ ტრამპმა განაცხადა, რომ ირანში მიმდინარე ომის გამო ჩინეთში დაგეგმილი ვიზიტის დაახლოებით ერთი თვით გადადება ითხოვა.

,,დღეს ტრამპის არმადა ესპანეთის "უძლეველი ფლოტის" ხვედრს იზიარებს: მარტოდმარტო დაცურავს წლებში და ელოდება ირანული რაკეტების ქარიშხალს-ამის შესახებ ირანის ისლამური რესპუბლიკის ელჩი საქართველოში სეიედ ალი მოჯანი სოციალურ ქსელ  facebook- ზე წერს.