კვირა, მაისი 11, 2025

ლაშა ხუციშვილი – ნამდვილად მაქვს მოლოდინი, რომ თუ სხვა გეოპოლიტიკური მოცემულობა იქნება რეგიონში, შუა დერეფანი ტვირთების ძალიან დიდ ნაწილს შეინარჩუნებს

ნამდვილად მაქვს მოლოდინი, რომ თუ სხვა გეოპოლიტიკური მოცემულობა იქნება რეგიონში, მათ შორის, აღარ იქნება სანქციები [რუსეთისთვის უკრაინაში ომის გამო დაწესებული სანქციები], შუა დერეფანი ტვირთების ძალიან დიდ ნაწილს შეინარჩუნებს, – ამის შესახებ ფინანსთა მინისტრმა, ლაშა ხუციშვილმა „ინტერპრესნიუსის“ კორესპონდენტთან ინტერვიუში განაცხადა.

მან ასევე უპასუხა კითხვას, „აზიის განვითარების ბანკის“ (ADB) მთავარი ეკონომისტის, ალბერტ პარკის მოსაზრებაზე, რომ თუ უკრაინაში მშვიდობა დამყარდა, რუსეთისთვის დაწესებული სანქციები მოიხსნა და ტრამპის ადმინისტრაციის პოლიტიკა შეიცვალა, უარყოფითი ეკონომიკური ეფექტი საქართველოზეც აისახება და აქედან გამომდინარე, ქვეყანამ მისი როლი შუა დერეფანში უნდა გააძლიეროს.

ხუციშვილი ამ ნაწილში ყურადღებას ამახვილებს შუა დერეფნის ოთხ საკვანძო ქვეყანაზე (ყაზახეთი-აზერბაიჯანი-საქართველო-თურქეთი) და აღნიშნავს, რომ გეოპოლიტიკური ცვლილებების შემთხვევაში, კონკურენტული უპირატესობის შესანარჩუნებლად საჭიროა, ჩართულ ქვეყნებს შორის მჭიდრო კოორდინაცია.

„მე ნამდვილად მაქვს იმის მოლოდინი, რომ, იმ შემთხვევაშიც კი, თუ სხვა გეოპოლიტიკური მოცემულობა იქნება რეგიონში, მათ შორის, აღარ იქნება სანქციები, ან სხვა შემაფერხებელი ფაქტორები, შუა დერეფანი ტვირთების ძალიან დიდ ნაწილს შეინარჩუნებს, თუმცა, ეს არ არის გარანტია იმისა, რომ 100%-ით მოხდება იმ ტვირთნაკადის შენარჩუნება, რაც დღეს არსებობს. დღეს ყველა კომპანია და ქვეყანა ხვდება, რამდენად დიდი მნიშვნელობა აქვს დივერსიფიკაციას და იმას, რომ ერთ კორიდორზე, ბაზარსა და ქვეყანაზე არ იყოს დამოკიდებული. შესაბამისად, მნიშვნელოვანია ქვეყნებს შორის კოორდინაცია და მინდა გითხრათ, რომ ეს კოორდინაცია ნამდვილად არსებობს“, – აღნიშნა ხუციშვილმა.

კითხვაზე, კონკრეტულად როგორ უნდა შეინარჩუნოს მოსალოდნელი ცვლილებების პირობებში საქართველომ შუა დერეფნის ნაწილში უპირატესობა, ხუციშვილი ინფრასტრუქტურულ პროექტებსა და სატვირთო გადაზიდვების ტარიფებზე საუბრობს.

„ვავითარებთ ლოჯისტიკურ ინფრასტრუქტურას, რაც მოიცავს საგზაო ინფრასტრუქტურას, ასევე, ჩქაროსნული გზას, რომელიც სომხეთიდან და აზერბაიჯანიდან უნდა ჩავიდეს შავ ზღვამდე. თბილისი-შავი ზღვის ჩქაროსნული გზის ნაწილი ძალიან მალე დასრულდება; სომხეთსა და აზერბაიჯანთანაც მიმდინარეობს სამუშაოები; საბოლოო ჯამში შეიკვრება ერთიანი ინფრასტრუქტურის ქსელი, რომელიც საქართველოს მეზობელ ქვეყნებთან დააკავშირებს.

მეორე მნიშვნელოვანი საკითხია რკინიგზის სექტორში ინვესტიციები, რომელმაც კიდევ უფრო უნდა გაზარდოს გადაზიდვების მოცულობა. მესამე, კომპონენტია ღრმაწყლოვანი პორტი, რომელმაც ტრანზიტის მოცულობის ზრდის შესაძლებლობა უნდა მოგვცეს. მნიშვნელოვანია მათ შორის თბილისის ახალი საერთაშორისო აეროპორტის ნაწილი, რომელიც, როგორც ჰაბი, შესაძლოა, მოემსახუროს ავიაგადაზიდვებსა და ადამიანთა გადაყვანასაც. ყველას ეს პროექტი ემსახურება იმას, რომ ქვეყანამ შუა დერეფანში თავისი პოტენციალი გაზარდოს.

ინფრასტრუქტურასთან ერთად მნიშვნელოვანია საფასო ნაწილიც. იმ შემთხვევაში თუ რომელიმე ქვეყანაში მაღალი ტარიფები იქნება, ბუნებრივია, პრობლემა მთლიან კორიდორს ექნება. როგორც ტარიფების, ისე ინფრასტრუქტურის ნაწილში სინქრონიზაცია არის ძალიან მნიშვნელოვანი. შუა დერეფანი აერთიანებს რამდენიმე ქვეყანას, თუ ერთ ქვეყანას მაინც აქვს სუსტი წერილი, ეს ითვლება მთლიანი კორიდორის პრობლემად. შესაბამისად, ჩვენი პარტნიორი ქვეყნებიც თავის პროექტებში ახორციელებენ ინვესტირებას, რადგან თუ ყველა ქვეყანა კორიდორში თანაბრად არ განვითარდა, დერეფანი წარმატებული ვერ იქნება“, – აცხადებს ლაშა ხუციშვილი.

გარდა ამისა, ლაშა ხუციშვილმა ისაუბრა „MEGOBARI აქტზე“ და უპასუხა კითხვას, იმ შემთხვევაში თუ კანონპროექტი მიიღებს კანონის სახეს და მოხდება მათ შორის ხელისუფლების სათავეში მყოფი პირების დასანქცირება, მიადგება თუ არა ზიანი სახელმწიფოს რეპუტაციას საერთაშორისო ასპარეზზე, „რაც ასახვას ჰპოვებს არაერთი მიმართულებით, თუნდაც, ინვესტიციების შემოდინების კუთხით და ხომ არ არის მოსალოდნელი, რომ ამ ფონზე საქართველოს როლი შუა დერეფანში შესუსტდება“.

ლაშა ხუციშვილი ამბობს, რომ „შუა დერეფანი საქართველოს გარეშე არ არსებობს“.

„საქართველოს როლი შუა დერეფნის ნაწილში უგულებელყოფილი ვერ იქნება იმ მარტივი მიზეზის გამო, რომ შუა დერეფანი საქართველოს გარეშე არ არსებობს. ჩვენ თუ ვსაუბრობთ შუა დერეფანზე იმ მასშტაბით, რა ტვირთების გატარების საშუალებაც დღეს აქვს, ასეთი ფორმით საქართველოს გარეშე შუა დერეფნის არსებობა შეუძლებელია. ეს ყველა ქვეყანამ და ჩვენმა პარტნიორმა ძალიან კარგად იცის, მათ შორის მათ, ვინც ამ პროცესში მონაწილეობს“, – განაცხადა ლაშა ხუციშვილმა.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

თამუნა მუსერიძე მიმართვას ავრცელებს

ტელეწამყვანი თამუნა მუსერიძე ვიდეომიმართვას ავრცელებს და ამბობს, რომ უცნობი ქალი, სახელად ზარა ამტკიცებს, რომ მისი დედაა.„კიოდა, რომ დედაჩემია, მშვიდად ვუსმენდი, სანამ ეს სიტყვები არ თქვა... რთულია ძალიან“, - ამბობს ტელეწამყვანი თამუნა მუსერიძე.

დიმიტრი პესკოვი – რუსეთი განიხილავს წინადადებას უკრაინაში 30-დღიანი ცეცხლის შეწყვეტის შესახებ

რუსეთი განიხილავს წინადადებას უკრაინაში 30-დღიანი ცეცხლის შეწყვეტის შესახებ, – ამის შესახებ „სიენენთან“ საუბრისას კრემლის პრესსპიკერმა, დიმიტრი პესკოვმა განაცხადა.„ჩვენ გვჭირდება ამის გააზრება. ეს მოვლენების ახალი განვითარებაა. ჩვენ გვაქვს საკუთარი პოზიცია“, – განაცხადა პესკოვმა.კრემლის პრესსპიკერმა აღნიშნა, რომ რუსეთის პრეზიდენტმა, ვლადიმერ პუტინმა „რამდენიმე დღის წინ სამი დღით ცეცხლის შეწყვეტა გამოაცხადა“.„გსმენიათ თუ არა კიევის რაიმე რეაქციის შესახებ? არა, და არც ჩვენ. კიევს თუ სურს ცეცხლის შეწყვეტა, რატომ არ შეიძლება, შეწყვიტოს ცეცხლი თუნდაც სამი დღით?“ – ამბობს კრემლის პრესსპიკერი.კითხვაზე, „ხომ არ აყენებს“ ევროპელი ლიდერების წინადადება 12 მაისიდან 30-დღიანი ცეცხლის შეწყვეტის შესახებ რუსეთს „კუთხეში“, პესკოვმა უარყოფითი პასუხი გასცა. „არა, არ ვფიქრობ ასე“, – განაცხადა პესკოვმა.

კირ სტარმერი – პუტინმა ცეცხლის შეწყვეტის პირობები წამოაყენა, ჩვენ კი ვითხოვთ უპირობო ცეცხლის შეწყვეტას

რუსეთის მოთხოვნა უკრაინისთვის იარაღის მიწოდების შეწყვეტის შესახებ მიუღებელია, – როგორც უკრაინული მედია წერს, ამის შესახებ დიდი ბრიტანეთის პრემიერ-მინისტრმა, კირ სტარმერმა და საფრანგეთის პრეზიდენტმა, ემანუელ მაკრონმა კიევში „მსურველთა კოალიციის“ შეხვედრაზე განაცხადეს.„ბოლო რამდენიმე საათის განმავლობაში პუტინმა ცეცხლის შეწყვეტის პირობები წამოაყენა. ჩვენ კი ვითხოვთ უპირობო ცეცხლის შეწყვეტას. ჩვენ უარვყოფთ ნებისმიერ წინადადებას დამატებითი პირობების შესახებ“, – განაცხადა სტარმერმა.თავის მხრივ, როგორც ემანუელ მაკრონმა განაცხადა, რუსეთი თუ არ დათანხმდება, მას მოუწევს გაუმკლავდეს დამატებითი სანქციების შედეგებს და უკრაინისთვის გაძლიერებულ მხარდაჭერას.„ჩვენ კატეგორიულად უარვყოფთ რაიმე დათმობის შესაძლებლობას. ჩვენ ხაზს ვუსვამთ: არანაირი წინასწარი პირობა იარაღის მიწოდების შეწყვეტის ან რაიმე სხვა საკითხების შესახებ. არანაირი. ნათელი უნდა იყოს: თუ რუსეთი არ დათანხმდება, მას მოუწევს გაუმკლავდეს დამატებითი სანქციების შედეგებს და უკრაინისთვის გაძლიერებულ მხარდაჭერას“, – განაცხადა მაკრონმა.მანამდე, კრემლის პრესსპიკერმა, დიმიტრი პესკოვმა განაცხადა, რომ რუსეთი მოითხოვს ამერიკული და ევროპული იარაღის მიწოდების შეჩერებას უკრაინისთვის ნებისმიერი პოტენციური ცეცხლის შეწყვეტის დროს.

„სასწრაფოების ხმა ახლაცაა…“ – ბათუმში, სახურავი ჩამოინგრა და ცოლ-ქმარს დაეცა

ბათუმში, შენობის სახურავი ჩამოინგრა.სოციალურ ქსელში ადგილობრივები წერენ რონ ნანგრევები ცოლ-ქმარს და ორ ავტომობილს დაეცა.„სასწრაფოების ხმა ახლაცაა... კაცის მდგომარეობა მძიმეა, ქალს სხვადასხვა დაზიანებები აქვს...“, - წერენ სოციალურ ქსელში.

14 მაისამდე საქართველოში ძლიერი წვიმა და სეტყვაა მოსალოდნელი

სინოპტიკოსები 14 მაისამდე საქართველოში ამინდის გაუარესებას პროგნოზირებენ.„10 მაისის დღის ბოლოდან 14 მაისამდე საქართველოში მოსალოდნელია დროგამოშვებით წვიმა, ზოგან ძლიერი, შესაძლებელია ელჭექი, სეტყვა და ქარის გაძლიერება.მოსალოდნელმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო)“, - აცხადებენ გარემოს ეროვნულ სააგენტოში.

ბოლო სიახლეები