კახა კალაძე – კრწანისის რაიონში ახალი სკვერი ოკუპაციის შედეგად დაღუპული გმირების სახელობის იქნება

აშშ-ის სახელმწიფო მდივანი საშობაო მილოცვას ავრცელებს და 2025 წელს აჯამებს. მარკო რუბიოს თქმით, ამ წელს ბევრი მიღწევა აქვთ, თუმცა საუბარს სამშვიდობო შეთანხმებებით დაიწყებს, რომელთა შორისაც სახელმწიფო მდივანმა აღნიშნა, პაკისტანი და ინდოეთი, კამბოჯა და ტაილანდი, სომხეთი და აზერბაიჯანი.„რა თქმა უნდა, ღაზა, გრძელი ომი, რომელიც არავის ეგონა რომ დასრულდებოდა. პრეზიდენტი ჩაერთო და დაასრულა ხანგრძლივი სტაბილურობისა და უსაფრთხოების გეგმით“, – ამბობს რუბიო.სახელმწიფო მდივანი ასევე საუბრობს ნატო-ს საკითხზეც. მისი თქმით დონალდ ტრამპმა მოახერხა ის, რაც ვერავინ შეძლო ნატო-ს ისტორიაში, რაც გულისხმობს წევრი ქვეყნების მხრიდან თავდაცვის ხარჯების მშპ-ს ორი პროცენტიდან ხუთ პროცენტამდე ზრდას.„მე ძალიან ამაყი ვარ იმ რეფორმებით, რაც პრეზიდენტ ტრამპის ლიდერობით გავატარეთ სახელმწიფო დეპარტამენტში. ჩვენ დავხურეთ USAID-ი, მთელი საერთაშორისო დახმარება სახელმწიფო დეპარტამენტის უშუალო კონტროლქვეშ გადმოვიტანეთ, რათა ახლა, როდესაც ქვეყნებს ფულს ვაძლევთ, ზუსტად ვიცოდეთ, სად მიდის ეს თანხა. ვიცით, რომ ვეხმარებით ჩვენს მოკავშირეებსა და მეგობრებს და არ ვამდიდრებთ რომელიღაც მესამე მხარეს, რომელიც თქვენი, გადასახადის გადამხდელების ფულით უზარმაზარ მოგებას ნახულობდა“, – თქვა რუბიომ.  

"ხალხის ძალის" დეპუტატი, ზურაბ ქადაგიძე, ოპოზიციას და ოპოზიციურად განწყობილ მედიებს მიმართავს, რომლებიც ფასების ზრდას ხელისუფლების საგადასახადო პოლიტიკას უკავშირებენ და აღნიშნავს: "ფასების ზრდა ხელისუფლების საგადასახადო პოლიტიკის ბრალიაო, ჭკვიანი სახეებით რომ ალაპარაკებთ "ტოპ-ტვინებს" და მერე, თქვენი პარტიული მედიით ავრცელებთ ამ სისულელეს, საკუთარი "ბაბლის" გარდა ვინმეს აჯერებთ ამას?!"დეპუტატის შეფასებით, პრემიერის ინიციატივის "გაშავება" საგადასახადო პოლიტიკის მოშველიებით, მათ "ინტელექტუალურ შესაძლებლობებს" აჩვენებს."ქართველ ხალხს რომ სულელად თვლით და გგონიათ ყველანაირ სიგიჟეს შეასაღებთ, მაგიტომ ხართ იქ სადაც ხართ! ფასების ზრდა ხელისუფლების საგადასახადო პოლიტიკის ბრალიაო, ჭკვიანი სახეებით რომ ალაპარაკებთ "ტოპ-ტვინებს" და მერე, თქვენი პარტიული მედიით ავრცელებთ ამ სისულელეს, საკუთარი "ბაბლის" გარდა ვინმეს აჯერებთ ამას?! დღგ საქართველოში 18%-ია (2005 წლიდან) - არ გაზრდილა. მოგების გადასახადი 15%-ია - არც ეს გაზრდილა. 2017 წლიდან მოგებაზე გადასახადი იხდება მხოლოდ განაწილებისას, ინვესტირებულზე 0%. აქციზი არ არის ხალხის გადასახადი - ეხება მხოლოდ საწვავს, თამბაქოს, ალკოჰოლსა და ავტომობილებს. პურზე? - არა. წამალზე? - არა. ყოველდღიურ პროდუქტებზე? - არა. პრემიერის ინიციატივის გაშავება საგადასახადო პოლიტიკის მოშველიებით, თქვენს "ინტელექტუალურ შესაძლებლობებს" აჩვენებს. კარტერულ გარიგებებსა და ხელოვნურად გაზრდილ ფასებს ხელისუფლებას ვერ დააბრალებთ, რადგან სახელმწიფოს გადასახადი არასდროს გაუზრდია! ნუ, იმათ აღარაფერი გეშველებათ, ვისაც "ლელოელი" პოლიტიკოსები დიდი ეკონომისტები გგონიათ, რომანა გოცირიძე ძლიერი ფინანსისტი და ხუხაშვილი პოლიტიკის ანალიტიკოსი!" - წერს ქადაგიძე სოციალურ ქსელში.

ჩვენ მუდმივად ვამბობდით, რომ ევროკავშირი არის მშვიდობის სიმბოლო და ევროპა არის კონტინენტი, სადაც არ არის ომები, მაგრამ რატომღაც არ ვიხსენებდით, რა მოხდა, მაგალითად, სერბეთში სულ რაღაც 25 წლის წინ, რომელიც ნატო-ს ჯარებმა გაასწორეს მიწასთან და ამის მიზეზებზე თვალს ვხუჭავდით. პირველ და მეორე მსოფლიო ომებზე რომ არაფერი ვთქვათ, რომლებიც სწორედ ევროპაში დაიწყეს ევროპულმა სახელმწიფოებმა, – ამის შესახებ პარლამენტის ვიცე-სპიკერმა, პარტია „ხალხის ძალის“ თავმჯდომარემ სოზარ სუბარმა განაცხადა.სუბარის თქმით, „ჩვენ თავად ვაიდეალებდით ევროკავშირს და თვალს ვხუჭავდით უარყოფით მოვლენებსა და ფაქტებზე“.„ევროპა და ევროკავშირი აღარ ჰგავს თავის თავს, იგი ძალიან დაშორდა იმ ღირებულებებს, რომლის საფუძველზეც შეიქმნა და დაფუძნდა ევროკავშირი. თუმცა ჩვენს თავსაც უნდა გამოვუტყდეთ, რომ ჩვენ თავად ვაიდეალებდით ყველაფერს, რაც ევროკავშირთან იყო დაკავშირებული და ხშირად იმ უარყოფითის დანახვა არ გვინდოდა, რაც ნათლად დაგვანახა დღევანდელმა ევრობიუროკრატიამ თავისი უსამართლო გადაწყვეტილებებითა და ორმაგი სტანდარტებით. ჩვენ მათ ვაიდეალებდით და ვცდილობდით, თვალი დაგვეხუჭა იმაზე, რაც არ იყო სწორი. ცხადია, იდეალური არ არის ევროკავშირი, ისევე როგორც ვერ იქნება ვერც ერთი კავშირი თუ სახელმწიფო. ჩვენ სულ ვამბობდით, რომ ევროკავშირი არის მშვიდობის სიმბოლო და ევროპა არის კონტინენტი, სადაც არ არის ომები, თუმცა პირველი და მეორე მსოფლიო ომებიც ევროპაში დაიწყო და დაიწყეს სწორედ ევროპულმა სახელმწიფოებმა. დავუშვათ, ეს შორეული წარსულია, მაგრამ რატომღაც ვივიწყებთ, რა მოხდა, მაგალითად, სერბეთში, რომელიც ნატო-ს ჯარებმა გაასწორეს მიწასთან. სერბეთში და ზოგადად, ყოფილი იუგოსლავიის ტერიტორიაზე რაც ხდებოდა – ეთნიკური კონფლიქტები და ეთნიკური წმენდები, მშვიდობიანი ადამიანების მასობრივი მკვლელობები და სხვა – ეს იყო დაუშვებელი, მაგრამ მხოლოდ სერბები არ იყვნენ დამნაშავე, ხოლო დასავლური მედია ამ ტრაგედიებს და ძალადობის მაგალითებს ძალიან მიკერძოებულად აშუქებდა. ამით კი ისინი სრულიად შეგნებულად ქმნიდნენ საზოგადოებრივ აზრს, რომ ნატო-ს მიერ სერბეთის დამომბვისა და ქვეყანაში გაუმართლებელი შეჭრისთვის დასავლური საზოგადოებრივი აზრი მოემზადებინათ. ჩვენ ვამბობთ, რომ ევროპა მშვიდობის კონტინენტია და რატომღაც თვალს ვხუჭავთ, რომ სულ რაღაც 14 წლის წინ სწორედ ევროპულმა სახელმწიფოებმა აშშ-სთან ერთად დაბომბეს და მიწასთან გაასწორეს ლიბია. ამ დაბომბვებს იმით ამართლებდნენ, რომ ლიბიის ლიდერი მუამარ კადაფი დიქტატორი იყო, თუმცა ევროპელი ლიდერების უმრავლესობა მანამდე კადაფის თავის ახლო მეგობრად მიიჩნევდა და სიამოვნებით იღებდნენ მისგან ძვირფას საჩუქრებსაც და გულუხვ შემოწირულობებსაც საარჩევნო კამპანიების დაფინანსებისთვის. ერთ არცთუ მშვენიერ დღეს, როდესაც ევროპელი ლიდერებისა და მუამარ კადაფის ინტერესები ერთმანეთს ასცდა, ევროპელებს გაახსენდათ, რომ კადაფი დიქტატორია და ლიბია მიწასთან გაასწორეს. მას შემდეგ ლიბიაში არ წყდება სამოქალაქო ომები და სისხლისღვრა, ერთ დროს უნიტარულ ქვეყანაში, სადაც საკმაოდ მაღალი ცხოვრების დონე იყო, განადგურდა ეკონომიკა, ერთმანეთს სამკვდრო-საციცოცხლოდ გადაემტერნენ იქ მცხოვრები ტომები და ამ უბედურებას დასასრული არ უჩანს. 2011 წლიდან მოყოლებული, დაბომბვებს და სამოქალაქო ომს შეეწირა რამდენიმე ათეული ათასი ადამიანი, ნახევარ მილიონამდე ადამიანი ლტოლვილად იქცა, მაგრამ არც ევრობიუროკრატებს, არც ევროპელ ლიდერებს და არც დასავლურ მედიას ეს არც ახსოვთ და არც აწუხებთ. სამაგიეროდ, ამაყად გვიცხადებენ, რომ ევროპა მშვიდობის კონტინენტია, ევროკავშირი კი – მშვიდობის პროექტი და ფორპოსტი“, – განაცხადა სოზარ სუბარმა.

თბილისის მერი კახა კალაძე სოციალურ ქსელში შობის დღესასწაულს ულოცავს ყველას, ვინც ამ დღესასწაულს დღეს აღნიშნავს.„შობას ვულოცავ ყველას, ვინც დღეს აღნიშნავს ამ უდიდეს დღესასწაულს!მაცხოვრის შობა არის სიყვარულის, სიკეთის, განახლებისა და იმედის სიმბოლო და მას გამორჩეულად ზეიმობს ყველა ქრისტიანი.დაე, იყოს მშვიდობა ქვეყანაში და კეთილდღეობა თქვენს ოჯახებში!", - წერს კახა კალაძე.

ტყიბულში ქალაქის მთავარი ნაძვის ხე საზეიმოდ აინთო.ბავშვებთან ერთად ნაძვის ხე ტყიბულის მუნიციპალიტეტის მერმა, დავით კუბლაშვილმა აანთო და მოსახლეობას დამდეგი შობა-ახალი წელი მიულოცა.საახალწლოდ ქალაქი საგანგებოდ მოირთო და პატარების განწყობაზე ანიმატორებმა იზრუნეს.ღონისძიებას ტყიბულის მუნიციპალიტეტის საკრებულოს თავმჯდომარე იზოლდა ნემსაძე და ადგილობრივი თვითმმართველობის წარმომადგენლები ესწრებოდნენ.