კაია კალასი – ცეცხლის შეწყვეტის შეთავაზებაზე რუსეთის მიერ წარმოდგენილი პირობები აჩვენებს, რომ სინამდვილეში, მათ არ სურთ მშვიდობა

სააკაშვილი პოლიტიკური ლიდერი იყო და დღესაც რჩება, მაგრამ ნებისმიერი ობიექტური დამკვირვებელი გეტყვით, რომ დანაშაული რეალური და უმძიმესია არა მხოლოდ სისხლის სამართლის კონკრეტული კოდექსის მუხლებთან მიმართებით, არამედ, ზოგადად, სახელმწიფოსთან მიმართებით და, რასაკვირველია, მისი პასუხისმგებლობა გაცილებით დიდია, – ამის შესახებ საქართველოს პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, აქ საუბარი მხოლოდ პიჯაკების შესყიდვაზე არ არის, აქ ლაპარაკია ადამიანის ქმედებაზე, რომელმაც გადაწყვიტა, რომ ეს ქვეყანა ფეხქვეშ ამოედო და ყველა თავისი მოქმედებით, განცხადებით და კონკრეტული ნაბიჯებით ზუსტად ამას აკეთებდა.„საზღვარი რომ გადაკვეთა, ერთია, მაგრამ მიზანი კიდევ უფრო მძიმეა, რადგან დანაშაულები იქამდე ხომ ჰქონდა დამტკიცებული, თუნდაც გირგვლიანის თემაზე, რომელმაც საქართველოს ისტორიის გარკვეული მონაკვეთი იმდენად დაამახინჯა, რომ დღევანდელ თაობას მძიმე ტვირთად მოსდევს. ეს არის ადამიანი, რომელიც ადამიანურ შინაარსში, კონსტიტუციურ შინაარსში ბოროტების მატარებელია – მას ხან „მაოხრებელ გზირს“ უწოდებენ, ხან ადამიანს, რომელსაც მორალის არანაირი სტანდარტი არ აქვს. თუნდაც პატრიოტიზმი სხვა რამ ჰგონია. ფიქრობს, რომ საქართველოში თვითონ შემოიტანა კულტურა, როდესაც ქართველები ბრტყელი კუდებით, დიდი ულვაშებით და მუცლებით ცეკვის მეტს არაფერს აკეთებდნენ, სადღეგრძელოებს სვამდნენ, ღვინოს ისხამდნენ კისერში, სანამ ის არ მოვიდა. მას ისეთი შეგნება აქვს, რომ აღმოსავლეთის ჯორჯ ვაშინგტონია. თავად ასეთ განცხადებებს აკეთებს და ამ ფსიქიკის ადამიანი ისეთ დანაშაულებს უშვებს, რომლებიც სახიფათოა ქვეყნისთვის, ახალგაზრდობისთვის, მისი მხარდამჭერებისთვის. თქვენ წარმოიდგინეთ, გუბაზ სანიკიძისთვისაც“, – განაცხადა გია ვოლსკიმ.

მადლობელი ვარ, რომ აშშ-ის ელჩი საქართველოში, რობინ დანიგანი საქართველოს ლეგიტიმურ პრეზიდენტს, სალომე ზურაბიშვილს შეხვდა, - ამის შესახებ ჰელსინკის კომისიის თანათავმჯდომარე, კონგრესმენი ჯო უილსონი (რესპუბლიკური პარტია) X-ის საკუთარ გვერდზე წერს.„მადლობელი ვარ, რომ აშშ-ის ელჩი საქართველოში, რობინ დანიგანი საქართველოს ლეგიტიმურ პრეზიდენტს, სალომე ზურაბიშვილს შეხვდა. წინსვლის ერთადერთი გზა თავისუფალი და სამართლიანი არჩევნებია!“, - წერს უილსონი.

ხანძრებია მარტვილის მუნიციპალიტეტში. წაჩხურუს მთის ფერდობზე და სალხინოში, ლეცავეს უბნის ფერდობზე ცეცხლი უკიდია ეკალბარდებს.საგანგებო სიტუაციების მართვის სამსახურში აცხადებენ, რომ ორივე ლოკაციაზე მუშაობენ სახანძრო-სამაშველო სამსახურის წარმომადგენლები.მათივე ინფორმაციით, დასახლებულ პუნქტებს საფრთხე არ ემუქრება.

წალენჯიხის მუნიციპალიტეტის სოფელ ჩქვალერში, ლეშამუგეს უბანში ხანძარს ებრძვიან. ადგილზე იმყოფება წალენჯიხის მუნიციპალიტეტის მერის მოვალეობის შემსრულებელი ვანო ბურდული, რომელმაც საქართველოს პირველ არხს განუცხადა, რომ ლეშამუგეს უბანში ხანძარმა დააზიანა ელექტროსადენები და ცეცხლი ძალიან ახლოს არის საკომუნიკაციო ანძებთან. თუმცა, მისივე თქმით, ადგილობრივ მეხანძრე-მაშველებს ზუგდიდის ბრიგადებიც შეუერთდნენ.რაც შეეხება დასახლებულ პუნქტს, როგორც ვანო ბურდული ამბობს, მოსახლეობამდე ერთ კმ-ზე მეტია.მისივე თქმით, ხანძრის ლოკალიზება ლეშამუგეში უკვე მოხერხდა, მაგრამ ამ წუთისთვის უკვე ჯგალის თემშია ხანძრის ახალი კერა.

სახალხო დამცველი ეუთო/ოდირის მიერ „შეკრებებისა და მანიფესტაციების შესახებ“ კანონში შეტანილ ცვლილებებთან დაკავშირებით გამოქვეყნებულ დასკვნაზე ინფორმაციას ავრცელებს.ომბუდსმენის აპარატში აცხადებენ, რომ სახალხო დამცველის მიმართვის საფუძველზე ეუთო/ოდირმა შეაფასა „შეკრებებისა და მანიფესტაციების შესახებ“ კანონში, ადმინისტრაციულ სამართალდარღვევათა კოდექსსა და სისხლის სამართლის კოდექსში შეტანილი ცვლილებების შესაბამისობა ადამიანის უფლებათა საერთაშორისო სტანდარტებთან.მათივე ინფორმაციით, ეუთო/ოდირის მიერ გამოქვეყნებული დასკვნა საკმაოდ კრიტიკულია და მიუთითებს ზემოაღნიშნული საკანონმდებლო ცვლილებების შეუსაბამობაზე ადამიანის უფლებათა და ძირითად თავისუფლებათა დაცვის ევროპულ კონვენციასა და სამოქალაქო და პოლიტიკური უფლებების შესახებ საერთაშორისო პაქტთან.„როგორც დასკვნაშია აღნიშნული, სახელმწიფოს პოზიტიური ვალდებულება, ხელი შეუწყოს მშვიდობიან შეკრებებს, ასახული უნდა იყოს საკანონმდებლო ჩარჩოსა და შესაბამის პრაქტიკებში. შეზღუდვების განხილვისას, აღნიშნული უფლების სხვა უფლებებსა და ფართო საზოგადოებრივ ინტერესებთან შეპირისპირებისას, სახელმწიფომ პრიორიტეტი უნდა მიანიჭოს მის ხელშეწყობას არასაჭირო და არაპროპორციულ შეზღუდვებთან შედარებით.ეუთო/ოდირის დასკვნაში მითითებულია, რომ ზოგიერთი ახალი საკანონმდებლო ცვლილება, როგორებიცაა სპონტანურ აქციებთან დაკავშირებით დაუყოვნებლივი შეტყობინების ვალდებულების შემოღება, აქციების დახურულ სივრცეებსა და შენობებში მესაკუთრის წერილობითი თანხმობის გარეშე გამართვის ზოგადი აკრძალვა, დროებითი კონსტრუქციების აღმართვის აკრძალვა, ნიღბით თუ ნებისმიერი სხვა საშუალებით სახის დაფარვის ბლანკეტური აკრძალვა, მკაცრი ადმინისტრაციული და სისხლისსამართლებრივი სანქციები უნდა იყოს გაუქმებული ან მთლიანად გადახედილი. ეუთო/ოდირი ასევე მიუთითებს, რომ არაპროპორციული სანქციები, შესაძლოა, თავისთავად იყოს საკმარისი იმისათვის, რომ დადგინდეს მშვიდობიანი შეკრების უფლების დარღვევა.დასკვნის მიხედვით, შეკრებების აკრძალვის სხვა საფუძვლები უნდა იყოს გადასინჯული ან, სულ მცირე, უფრო ფრთხილად და ვიწროდ ფორმულირებული, რომ გარანტირებული იყოს მათი ცხადად განსაზღვრა, იყოს მკაცრად აუცილებელი, პროპორციული და შეუსაბამო გავლენა არ იქონიოს მშვიდობიანი შეკრების უფლების განხორციელებაზე.როგორც ეუთო/ოდირის დასკვნაშია აღნიშნული, ადმინისტრაციული პატიმრობის, როგორც სანქციის დაკისრება „შეკრებებისა და მანიფესტაციების შესახებ“ კანონის დარღვევისათვის უნდა იყოს გაუქმებული, ჯარიმების ოდენობა კი არსებითად უნდა შემცირდეს, განსაკუთრებით მცირე დარღვევებთან დაკავშირებით, რათა უზრუნველყოფილი იყოს მათი პროპორციულობა დამდგარ ზიანთან მიმართებაში“, – აღნიშნულია სახალხო დამცველის მიერ გამოქვეყნებულ ინფორმაციაში.