ისტორიაში პირველად, საქართველოს ფიგურულ მოციგურავეთა ნაკრები გუნდურ ასპარეზობაში მსოფლიოს ჩემპიონატზე იასპარეზებს

პარტია „გახარია საქართველოსთვის“ წევრი, ზვიად ძიძიგური აცხადებს, რომ დაბარების შემთხვევაში მისი პარტია პარლამენტის დროებით საგამოძიებო კომისიაზე გამოცხადდება და პოზიციას დააფიქსირებს.ძიძიგური მიიჩნევს, რომ პოლიტიკოსებმა ყველანაირი ბერკეტი უნდა გამოიყენონ.„ადამიანები კატეგორიულები არიან საგამოძიებო კომისიასთან დაკავშირებით: „არ უნდა მივიდეთ“. ვფიქრობ, რომ პოლიტიკურ შოუზე, რომელსაც ხელისუფლება დგამს, პოლიტიკური ლიდერები მივიდნენ, ამხილონ, სერიოზული არგუმენტები მიიტანონ. საგამოძიებო სხდომებს ადამიანები უყურებენ.ჩვენ რომ დაგვიძახონ, მივალთ და ჩვენს პოზიციას დავაფიქსირებთ. მე ვარ ასეთი პოზიციის, პარტიაში არ არის მთლად ასეთი პოზიცია. მიმაჩნია, რომ ყველა პოლიტიკური ბერკეტი, რომელიც გამოსაყენებელია, უნდა გამოიყენო თუ პოლიტიკოსი ხარ.მინახავს ზვიად გამსახურდია და მერაბ კოსტავა საბჭოთა სასამართლოში როგორ უჩიოდნენ გაზეთ „კომუნისტის“ რედაქციას იქ მოთავსებული არაობიექტური სტატიის გამო. მათ იცოდნენ, რომ იმ სასამართლოში არ გაიმარჯვებდნენ, მაგრამ ტრიბუნას იყენებდნენ, რადგან პოლიტიკოსები იყვნენ. ვფიქრობ, ვინც პოლიტიკოსია ტრიბუნების გამოყენება უნდა შეეძლოს.ის ადამიანებიც დასაფასებელია, რომლებიც ძალიან რადიკალურად აფასებენ ამას.ამასთან, იმასაც ვიტყვი, რომ ამ კომისიამ დიდი საშიშროების წინაშე დააყენა არაღიარების პოლიტიკა“, - განაცხადა ძიძიგურმა.

თბილისში ცივი იარაღით ორი ადამიანი დაჭრეს.ფაქტი ვაზისუბანში, შანდორ პეტეფის ქუჩაზე მოხდა.გავრცელებული ინფორმაციით, დაჭრას წინ დაპირისპირება ოთხ პირს შორის დაპირისპირება უძღოდა.

„ნაციონალური მოძრაობის“ მთავრობა მსჯელობდა ერთმანეთში, რომ ვიღაცამ თუ არ შეაჩერა ოქრუაშვილი, მალე ბადრი პატარკაციშვილზე მდიდარი გახდებაო...“ - ამის შესახებ ანალიტიკოსმა, პეტრე მამრაძემ გადაცემა „ვახო ხუზმიაშვილის თავისუფალ სივრცეში“ განაცხადა. 

„შედეგები მეტყველებს იმაზე, რომ უსაზღვროდ გამდიდრდა ეს კომპანია და მოიპოვა ძალიან დიდი წონა. მე მაგ საკითხებში ჩახედული არ ვარ, ჩემი საქმით ვიყავი დაკავებული და არ მსმენია პროცესების შესახებ...ხელს თუ არ უწყობდა მამუკა ხაზარაძეს ჩვენი ხელისუფლება, ის შედეგები საიდან დადო ბიზნესში?! “ - ამის შესახებ „ერთიანი ნაციონალური მოძრაობის“ პოლიტიკური საბჭოს წევრმა,  სევდია უგრეხელიძემ გადაცემა „ვახო ხუზმიაშვილის თავისუფალ სივრცეში“ განაცხადა 

გამართლდა თუ არა "ნაციონალური მოძრაობის" მოლოდინი 31 მარტის აქციაზე სალომე ზურაბიშვილის გამოსვლასთან დაკავშირებით - "ღამის კურიერის" ამ კითხვას პარტიის წარმომადგენელმა, გიორგი ბარამიძემ უპასუხა.მისი თქმით, მის პარტიას და, ზოგადად, საზოგადოებას უფრო მეტის მოლოდინი ჰქონდა არამარტო 31 მარტის აქციის დღეს, არამედ ბოლო 5 თვის განმავლობაში, ეს მოლოდინი კი გამოიხატება ოპოზიციის ერთიანობაში რომელიც, მისივე სიტყვებით, ქართველი ხალხის დაკვეთაა."ჩვენ, "ნაციონალური მოძრაობის" წევრებს და კიდევ, დარწმუნებული ვარ, ძალიან ბევრ სხვა ადამიანს, რომელიც შეიძლება სულაც არ არის "ნაციონალური მოძრაობის" მხარდამჭერი, ბევრად მეტის მოლოდინი ჰქონდა მთელი ამ 5 თვის განმავლობაში, მარტო ეს ერთი დღე ხომ არ არის. ეს არის მეტი ქმედუნარიანობა და მეტი ერთიანობა ოპოზიციის შიგნით. ქალბატონმა სალომემ ამ ბოლო პერიოდში განაცხადა, რომ თურმე, ოპოზიციის იდეა ყოფილა შემოგდებული რასაც, რა თქმა უნდა, ვერ დავეთანხმებით იმიტომ, რომ ჩვენ საპირისპირო აზრი გვაქვს.ჩვენ მიგვაჩნია, რომ უნდა ვიმოქმედოთ ისე, როგორც უნდა ქართველ ხალხს. ქართველ ხალხს უნდა, იხილოს ერთიანი ოპოზიცია, არ აინტერესებს ქართველი ხალხის აბსოლუტურ უმრავლესობას, წარსულში ერთმანეთი ვის მოსწონდა თუ არ მოსწონდა, ერთმანეთის ცოდვების წამოძახება და ა.შ. ეს არ აინტერესებს ხალხს ახლა, ხალხს აინტერესებს და ამაში ძალიან მართალია, რომ ქვეყანას მოვაცილოთ ეგზისტენციალური საფრთხე - რუსული მეხუთე კოლონა, რომელიც ძირს უთხრის ჩვენს სახელმწიფოებრიობას," - განაცხადა გიორგი ბარამიძემ.