პარასკევი, მაისი 9, 2025

ირაკლი კობახიძე – ჩვენი გმირები, მათ შორის გიორგი ანწუხელიძე შეეწირნენ აგენტურის დავალების შესრულებას, იმას, რომ ჯაშუშებმა საქართველოში მიიღეს დაკვეთა ომის დაწყებაზე, რომელიც ორ დღეში წააგეს

წარმოიდგინეთ, რომ ჩვენ ვიყოთ აგენტურა, დაგვავალოს „დიფ სთეითმა“ ომის დაწყება, არტილერიით შტურმის მიტანა ცხინვალზე და სოხუმზე, რა თქმა უნდა, რამდენიმე დღეში საქართველოს ეყოლება რამდენიმე ასეული გმირი და ჩვენი ავანტიურა, თუ ჩვენი ღალატი არცერთი ამ გმირის გმირობას არ დააკნინებს, – ამის შესახებ საქართველოს პრემიერ-მინისტრმა, ირაკლი კობახიძემ „რუსთავი 2“-თან ინტერვიუში განაცხადა.

მთავრობის მეთაურის თქმით, საუბარია არა გმირის გმირობის დაკნინებაზე, არამედ საუბარია იმაზე, თუ რას შეეწირნენ ადამიანები.

„წარმოვიდგინოთ, ხვალ რომ მოხდეს ასეთი რაღაც, ლეგიტიმური უფლება ამის ხელისუფლებას აქვს, ზოგადად ვამბობ. თუ სამართლებრივ მხარეზეა საუბარი, შენი ტერიტორიაა და ა.შ. თან მაშინ სხვა სიტუაცია იყო იმიტომ, რომ სამშვიდობო ძალები იდგა საქართველოს თანხმობით ცხინვალში. როცა არტილერიამ დაიწყო შტურმი, შეტევა ცხინვალზე, მაშინ იქ იდგა სამშვიდობო ძალები და ჩვენ ხელი გვქონდა მოწერილი შესაბამის შეთანხმებაზე, რაც გვიკრძალავდა კონკრეტული ოპერაციის დაწყებას და ჩატარებას. წარმოიდგინეთ თეორიული სცენარი, რომ ჩვენ გავგიჟდით და გავაკეთეთ ის, რასაც ითხოვდნენ ამ სამი წლის განმავლობაში ჩვენი ოპონენტები, რომ მიუშვირეთ არტილერია ცხინვალს ან სოხუმს, წარმოვიდგინოთ ასეთი თეორიული ვარიანტი, სხვათა შორის იმის გაგრძელებაა, რაც იკითხეთ თეა წულუკიანის განცხადებასთან დაკავშირებით. მე PR-ს არ დავარქმევდი, მე დავარქმევდი აგენტურის მიერ მიღებული დავალების შესრულებას, რასაც შეეწირნენ ჩვენი გმირები, მათ შორის გიორგი ანწუხელიძე. თქვენ წარმოიდგინეთ, რომ ჩვენ ვიყოთ აგენტურა, დაგვავალოს „დიფ სთეითმა“ ომის დაწყება, არტილერიით შტურმის მიტანა ცხინვალზე და სოხუმზე, რა თქმა უნდა, რამდენიმე დღეში საქართველოს ეყოლება რამდენიმე ასეული გმირი და ჩვენი ავანტიურა, თუ ჩვენი ღალატი არცერთი ამ გმირის გმირობას არ დააკნინებს, მაგრამ აქ საუბარი რაზეა, არა გმირის გმირობის დაკნინებაზე, არამედ საუბარია იმაზე, თუ რას შეეწირნენ ადამიანები. ეს ადამიანები შეეწირნენ იმას, რომ აგენტურამ, ჯაშუშებმა საქართველოში მიიღეს დაკვეთა ომის დაწყების თაობაზე, რომელიც ორ დღეში წააგეს. 7-ში ღამე დაიწყო არტილერიით შეტევა, გახსოვთ თქვენ 8 აგვისტო, ყველა არქივი წაშლილია, „იმედი“, „რუსთავი 2“, საზოგადოებრივი მაუწყებელი, მაშინდელი ყველა არქივი, უწყვეტი არქივი არ არსებობს. რატომ, რა ჰქონდათ დასამალი, მათ ხელში იყო ყველა ტელევიზია. უწყვეტი არქივი არსად არ არსებობს. თქვენ შეგიძლიათ, ნახოთ სხვა დღეები, უწყვეტი არქივი აბსოლუტურად ყველა დღის, რაც შეეხება 7-8 აგვისტოს, პირველ რიგში, უწყვეტი არქივი არის ყველგან წაშლილი. რატომ დამალეს, იმიტომ, რომ 7-ში გამოგვიცხადეს დიდის ამბით, რომ კონსტიტუციური წყობილების აღდგენას აპირებდნენ და 8-ში იმაზე კი არ იყო საუბარი, რომ გვიტევენ და თავს ვიცავთ, თქვენ წარმოიდგინეთ, რომ უცბად შემოვიდა უცხო ჯარი, რუსეთის ჯარი საქართველოს ტერიტორიაზე და შენ ამ დროს განცხადებებს აკეთებ, რომ მე ეს სოფელი ავიღე, მე ის სოფელი ავიღე, როკის გვირაბისკენ მივდივარ. ამას აკეთებ? შენ ხომ ამბობ, რომ მე თავს დამესხნენ და თავს ვიცავ. აქ საუბარი რაზე იყო, 7-ში გამოგვიცხადეს კონსტიტუციური წყობილების აღდგენა და 8-ში მთელი დღე, სანამ მერე გამოვიდოდა მედვედევი და დააანონსებდა ოპერაციის დაწყებას, მიდიოდა საუბარი იმაზე, რომ ეს სოფელი ავიღეთ, ის სოფელი ავიღეთ,ცხინვალში შევედით, როკის გვირაბისკენ მივდივართ. ეს ხომ ხელის გულზე დევს. რა თქმა უნდა, ამ ღალატს მოჰყვა ძალიან დიდი მსხვერპლი“, – განაცხადა პრემიერმა.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

საქართველოში მიწისძვრა მოხდა

საქართველოში მიწისძვრა მოხდა.სეისმური მონიტორინგის ეროვნული ცენტრის ინფორმაციით, ეპიცენტრი სამეგრელოში იყო.მათივე ცნობით, ბიძგების სიმძლავრემ 3.8 მაგნიტუდა შეადგინა.დამატებითი ინფორმაცია არ გავრცელებულა.

ვოლოდიმირ ზელენსკი – დონალდ ტრამპთან საუბრისას დავადასტურე, რომ უკრაინა მზადაა მოლაპარაკებებისთვის ნებისმიერ ფორმატში, მაგრამ ამისთვის რუსეთმა უნდა აჩვენოს ომის დასრულების განზრახვის სერიოზულობა

უკრაინის პრეზიდენტ ვოლოდიმირ ზელენსკისა და აშშ-ის პრეზიდენტ დონალდ ტრამპს შორის სატელეფონო საუბარი გაიმართა.ზელენსკის თქმით, სატელეფონო საუბრისას აშშ-ის პრეზიდენტმა დაადასტურა, რომ ომის დასრულება სურს.„განვიხილეთ მშვიდობისთვის შემდგომი ძალისხმევის აუცილებლობა, კერძოდ კონკრეტული ნაბიჯები, რომლებიც შეიძლება, გადაიდგას. პრეზიდენტი ტრამპი დაინტერესდა ბრძოლის ველზე არსებული სიტუაციით და მე მოკლედ მივაწოდე მას ინფორმაცია. ასევე გავაცანი, რომ უკრაინა მზადაა 30-დღიანი ცეცხლის შეწყვეტისთვის, თუნდაც დღეიდან. ჩვენ ველოდებით რუსეთისგან ამ წინადადებაზე თანხმობას. მე ასევე დავადასტურე, რომ უკრაინა მზადაა მოლაპარაკებებისთვის ნებისმიერ ფორმატში, მაგრამ ამისთვის რუსეთმა უნდა აჩვენოს ომის დასრულების თავისი განზრახვის სერიოზულობა, დაიწყოს სრული და უპირობო ცეცხლის შეწყვეტით“, – წერს ზელენსკი.უკრაინის პრეზიდენტის თქმით, დონალდ ტრამპმა სატელეფონო საუბრისას დაადასტურა, რომ სურს ამ ომის დასრულება, მზადაა დასახმარებლად და მხარს უჭერს ცეცხლის შეწყვეტის აუცილებლობას. ამასთან, ლიდერები მიესალმნენ უმაღლესი რადას მიერ ეკონომიკური პარტნიორობის შეთანხმების რატიფიცირებას.

აშშ-ის სააპელაციო სასამართლომ “რადიო თავისუფლებისთვის” გამოყოფილი თანხების შეჩერების შესახებ გადაწყვეტილება გააუქმა

აშშ-ის სააპელაციო სასამართლომ “რადიო თავისუფლებისთვის” გამოყოფილი თანხების შეჩერების შესახებ გადაწყვეტილება გააუქმა. ამის შესახებ ინფორმაციას “რადიო თავისუფლება” ავრცელებს. კერძოდ, აშშ-ის სააპელაციო სასამართლომ გადაწყვეტილება მიიღო, რომელიც “რადიო თავისუფალი ევროპა / რადიო თავისუფლების” (RFE/RL) ძალისხმევებს შეუწყობს ხელს, მიიღოს კონგრესის მიერ გამოყოფილი თანხები, რომლებიც მომდევნო კვირებში საქმიანობის გაგრძელებისთვის სჭირდება. აღნიშნული გადაწყვეტილება იგივე სასამართლოში რამდენიმე საათით ადრე სამი მოსამართლისგან შემდგარი პანელის გადაწყვეტილებას აპაუზებს. აშშ-ის სააპელაციო სასამართლოს მოსამართლეების სრული 11-კაციანი შემადგენლობით მიღებულმა გადაწყვეტილებამ პანელის გადაწყვეტილება “ადმინისტრაციულად შეაჩერა”.

ქუთაისში, მდინარე რიონში 19 წლის გოგოს ეძებენ

ქუთაისში, მდინარე რიონში, ე.წ. ბალახვანის ხიდის მიმდებარედ 19 წლის გოგოს ეძებენ.ინფორმაციას „ინფო იმერეთი“  ავრცელებს.ადგილზე მობილიზებული არიან საგანგებო სიტუაციების მართვის სამსახურის თანამშრომლები.მიმდინარეობს სამძებრო-სამაშველო ოპერაცია.

🎥„მე იცით რომელი ბავშვი ვარ?…“ – ვინ არის და როგორ ცხოვრობს ბადრი პატარკაციშვილის ულამაზესი შვილიშვილი

ბიზნესმენისა და მილიარდერის, ბადრი პატარკაციშვილის შვილიშვილი, ლიზა მაღრაძე, მაყურებელმა წლების წინ თათია გიორგობიანთან ერთად შესრულებული დუეტით გაიცნო.ლიზა ცნობილი ბიზნესმენის დის, მზია პატარკაციშვილის შვილიშვილია.მას შემდეგ, რაც ლიზა სოციალურ ქსელში აქტიურად გამოჩნდა, მის მიმართ ინტერესი არ წყდება.მისი ჩაცმულობა, სტილი, ცხოვრების წესი, ყოველთვის განხილვის საგანია.ლიზა ოჯახთან ერთად ბევრს მოგზაურობს, ჰყავს მეუღლე გიორგი კაკაბაძე და ულამაზესი პატარა გოგონა ანინე, რომელთან ერთადაც გადაღებულ ვიდეოებს ხშირად აქვეყნებს. 

ბოლო სიახლეები