ირაკლი კობახიძე – ლევან იოსელიანი არასოდეს გახდება ნინო ლომჯარია, ამის ძალიან მწამს

ლევან იოსელიანი ნინო ლომჯარია არასოდეს გახდება, ამის ძალიან მწამს, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა.

როგორც ირაკლი კობახიძემ აღნიშნა, შესაბამის არასამთავრობო ორგანიზაციებს უნდოდათ აგენტი და ჯაშუში ამ თანამდებობაზე.

„სამი ოპოზიციონერი ქალი დეპუტატის მიმართ ბულინგი წარმოებდა. შემიძლია, ვივარაუდო, რომ ეს მოდიოდა იმ ე.წ. არასამთავრობო ორგანიზაციების მხრიდან, რომლებმაც ლევან იოსელიანის არჩევისთანავე მის არჩევაზე ნეგატიური განცხადება გამოაქვეყნეს. ეს იყო დაახლოებით 10-15 ენჯეო, რომელიც არის ყველაზე მდიდარი ენჯეო და ისინი გამოირჩევიან ყველაზე რადიკური ქმედებებით. ისინი არიან რადიკალური ოპოზიციის შემადგენელი ნაწილი. მიზეზია ერთი – მათ იფიქრეს, რომ ლევან იოსელიანი არ არის აგენტი, არ არის ჯაშუში და აქედან გამომდინარე, მათ გაუჭირდებოდათ ამ ადამიანის დაქვემდებარება ისე, როგორც თავის დროზე მარტივად დაიქვემდებარეს ნინო ლომჯარია. ლევან იოსელიანი ნინო ლომჯარია არასოდეს გახდება, ამის ძალიან მწამს და რა თქმა უნდა, შესაბამის არასამთავრობო ორგანიზაციებს უნდოდათ აგენტი და ჯაშუში ამ თანამდებობაზე“, – განაცხადა კობახიძემ.